#جدعنه

[aleashiqin]

متحكمش علي الناس انهم جدعان و ولاد اصول ومتربيين بمجرد شويه مدح ومظهره كدابه ، عايز تعرف اصول الناس علي حقيقتها بجد تعالي اقولك ؟

شوف الزوج هيتصرف ازاي لما زوجته تتعب او تمرض ، وشوف الزوجه لما جوزها يفلس ويقع في ضيق ، وشوف الاولاد لما ابوهم وامهم يكبروا اوي في السن ، وشوف الاخوات لما يوزعوا الميراث ، وشوف الاصحاب لما صاحب يحتاجهم في شده او ضيق ، وشوف القرايب في الغربه ، وشوف الحب لما المصلحه تروح ، وشوف ولاد الاصول لما يتعاملوا مع الناس البسيطه ، وشوف الشهم والجدع قبل ما حد يطلب منه الحاجه ، وشوف المؤمن في الكرب والابتلاء..

" يارب اكفينا شر الافاقين والمتلونين والمزيفين والمنافقين؟ "

[marmarika-world]

في مثل بيقول " المال السايب بيعلم السرقه"

بس الحقيقه مش بس المال السايب هو اللي بيعلم السرقه...

الجدعنه الزيادة بتعلم السرقه...

المشاعر السايبه بتعلم السرقه...

العطاء الكتير وانت مش مستني مقابل بيعلم السرقه..

كل حاجه بتعملها بزياده بيعلم الناس انك حد مضمون مهما عملوا معاك مش هتعرف تستغني او تبعد....

اي حاجه الناس بتاخدها ببلاش مع الوقت بتبقي ملهاش قيمه....

كل حاجه بتعملها بحب او جدعنه وافتكرت انك بتعمل خير....

إديت الناس فرصه لإستغلالك مش بس فلوس او حاجه ماديه ممكن تتسرق في طاقه أو مشاعر أو حلم او طبع حلو فيك والأصعب من كدا انك تتسرق في سنين عمرك لان هيبقي تعويضها صعب ويمكن مستحيل.

علشان كدا لازم تتعلم الإعتدال..

الإعتدال في كل حاجه علشان الحراميه اللي حوالينا كتير وممكن يكونوا اقرب الناس ليك..

إتعلم امتي تدي

إتعلم هتدي لمين

وخير الأمور الوسط.

[waelahmedsblog]

الحقيقه انه مش بس المال السايب إللى بيعلم السرقه المشاعر المفرطة برده بتعلم السرقه !!

الجدعنة الزيادة والاصل و العطاء و أنك موجود فى اى وقت والاهتمام الزيادة وكمان من غير ما تكون مستنى مقابل بيعلم انك مضمون و بيعلم سرقة حقك !!

اى حاجه بتتعمل ببلاش بيبقى فى الاخر ملهاش تمن وملهاش قيمه ، كل حاجه عملتها وافتكرت انك بتعمل خير ومحطتش حدود أديت فرصه لنهبك و لظلمك واستنزاف مشاعرك في المكان الخطأ مع الشخص الخطأ ، وعلي مابتبدأ تفوق وتقرر انك تعمل استوب بتكتشف ان اتسرق منك أوقات من عمرك بحسن نيه و جدعنه منك مش مُقدره و فى غير محلها !!

اتعلم امتى تدى وامتى تمشى ، أتعلم فن المسافات و التجاوز ، كل حاجة زي مافيها اخد فيها كمان عطاء ، زي مافي حقوق ليك في كمان واجبات عليك !!

الافراط في العطاء يعلم الناس الاستغلال ، الافراط في التسامح يعلم الناس التهاون في حقك …!!

[sooolosposts]

وإحنا بنكبر كده... الحياه بتلطش فينا يمين وشمال هنتعلم كتير اوي.. هنتعلم إن مش كل حاجه حلوه لازم تدوم.. هنتعلم إن في ناس هتكون مراحل في حياتنا هتيجي لغرض يعلمه الله وهتمشي.. هنتعلم مين إللي نبكي علي كتفه وهنتعلم إن سعات لازم نمسح دموعنا بإيدينا إحناا وبس! هنتعلم نحب وهنتعلم نفارق ونفقد جزء من روحنا ونكمل.. هنتعلم من الناس اللي جرحتنا وخذلتنا وهنتعلم من إللي إحنا جرحناهم.. وهنشوف الدنيا وهي بتدور وتعلمنا إن الشيء الوحي�� الأكيد إن مفيش حال بيدوم!! هنتعلم يعني ايه ثقه ويعني ايه جدعنه واصول والدروس دي هنتعلمها من الخاي�� والندل وقليل الاصل قبل الصاحب الجدع ابن الاصول.. هنتعلم إننا نعيش بشويه تشوهات جوا نفسنا. بس عادي، مش عادي!! كله خير.. هنتعلم إننا لسه قدامنا كتير ولازم نفضل نربي نفسنا.. وكل ما نتعلم. هنفهم إننا أمام علم الله قليلين جداً!! هنتعلم إن في ناس في حياتنا مينفعش نسيبها لازم نتبت فيهم بإيدنا وسنانا علشان الناس دي مبتتعوضش.. وهنتعلم إننا سعات لازم نفسح الطريق للي عايز يمشي.. وإحنا قلبنا راضي وماشيين في سكتنا!! هنتعلم من الاحياء من الأموات. هنتعلم من العالم وهنتعلم من الجاهل هنتعلم من راجل مسن وهنتعلم من طفل صغير هنتعلم من التجارب اللي حوالينا لكن هنتعلم اكتر في نفسنا ومن أكبر الحاجات الي لازم نتعلمها إننا نسامح نفسنا ونسامح إللي حوالينا ونتعلم إن اكبر كنز لينا هي اعمالنا الخالصه لله وإن كان انكتب علينا نعافر.. ف ربنا يكتب لنا إننا نعافر في السكه الصح ومع الناس الصح 🤍

[fozdoaa]

اتعاملت انهارده مع سواق جدع جدعنه ياناس فظيعه وحقيقه من ضمن صفات كتيره بقف قدامها فى الحياه فى المطلق لطالما اسرتنى الجدعنه بصفه خاصه وبدرجه كبيره بقف ممتنه ومبهوره قدامها .

فى مره شفت خناقه ولدين واحد فيهم ديلر والتانى مدمن كانوا ساكنين فى عماره ع اول الشارع واصلا وانا راجعه من الشغل شيفاهم واقفين وبيبصوا شمال ويمين وبسرعه حط حاجه فى جيبه .شويه وسمعنا صوت خناق طلعت البلكونه واحده ست بتتخانق مع الديلر قام زقها يعنى مد ايده عليها بطريقه ما ،فجأه الولد اللى بيشترى منه اتخانق معاه ونزل فيه ضرب وكل اللى على لسانه انت اتجنننننت فى راجل يمد ايده على حرمه انت مش راجل اكيد ونزل ضرب فيه .

حقيقه موقفه عجبنى جدا بغض النظر عن انه مدمن او انى حرمه 😂 وجو الفيمينيزم دا او او او بس لقيت عنده مبدأ رافض للتجزيئ على الأقل .

فى مره كنت رايحه مكان ورش محتاجه حد فيه يخلصلى شغل خدت التاكسى وروحت و جيت علشان انزل السواق قالى انتى رايحه فين يا استاذه خليكى لما اللى مستنياه يجيلك فقولتله بأستنكار انا مش مستنيه حد! قالى يعنى ايه !هو انت مش معاكى حد مستنيكى؟ هتقفى فى مكان زى دا ازاى لوحدك؟ انا مكنتش عارفه الوضع انا رايحه ع الوصف هنجز مصلحتى وامشى!قالى يا استاذه دا هنجر وورش وعمال تروحى فين بس!انتى عايزه تعملى ايه قولتله قالى خليكى هنا وانا هنزل اتصرف وقد كان فعلا ربنا يباركله هندل الموضوع كأنه يخصه وفضل معايا لعند مرجعنى تانى .ومفتحش بقه بكلمه طول الطريق ومرضيش ياخد اجره ازود عزمت عليه كتير خاصه انه تعطل معايا رفض تماما .

الجدعنه دى صفه جميله قوى دايما فعلا بتبهرنى وبتأسر قلبى ومؤخرا اختبرت مواقف كتير ملهاش علاقه بعلام او تربيه او ملامح شكل او طبقه اجتماعيه او سن اثبتتلى ان الجدعنه مش محتاجه الحاجات اللى فوق دول وانى محكمش ع حد ابدا .

[akhalifa]

بالنسبة لدوافع الاستمرار

مفيش دوافع انا مستمر كدا جدعنه مني.🚶‍♂️

[yasser-yassoo]

الشبعان بس هو اللي يقولك ڪتر خيرڪ وألف شڪر ولو عملت موقف جدعنه هـ يفضل شايلهولك جميل الناقص بقى عمره ما يفتڪرلك فضل او دقة مجدعه دايمآ هتلاقيه بيدور علي الحتة الناقصه اللي عنده إزاي يعوضها فعاشر الأصيل وعلم علي الناقص واشڪر الظروف اشڪر المواقف اللي مرت وفوقتڪ إشكر الناقص إنه علمڪ درس عمرڪ ما هـتنساه اشڪر الأيام علشان دواره وريتلڪ ازاي القلوب بتتغير واشڪر الظروف اللي فضحت الوشوش وخليتڪ تشوفهم على حقيقيتهم .. ✋👌

[egypt-official-blog]

ايه اللي يخلي إنسان يتحول من شخص كله نشاط وحيوية وطاقة إيجابية ومعافرة لشخص كئيب مهز-وم منعدم الطاقة واحيانًا دبلان! 😞

لأن فيه نوعية من البشر قادرين أنهم يصيبوك بالإجهاد البدني والفرهدة النفسية من غير ما يقربوا منك حتى!

مجرد الكلام معاهم أو التواجد فى محيطهم مُنهك لأبعد حد، أنت نفسك قادر إنك تضغط نفسك بشكل لا يُمكن تحمله!

"مطرح ما تلاقي التقدير.. إبني علاقاتك..🤍"

"وبطل تيجى على نفسك وخف جدعنه شويه علشان محدش بيقدر"

[urfavzarzor]

انا واحده قرفانه من حياتها كلها بس مكمله جدعنه مني

[ksalama71]

ميزان الناقص عمره ما يزيد جرام جدعنه👌

[bata97]

" طول ما انت عايش هتفضل تتعلم "

هتتعلم إن مش كل حاجة حلوه لازم تدوم...

هتتعلم إن في ناس هتكون مراحل في حياتك هتيجي لغرض يعلمه الله وهتمشي ..

هتتعلم مين إللي تبكي على كتفه وهتتعلم إن ساعات لازم تمسح دموعك بإيدك انت وبس..

هتتعلم تحب وهتتعلم تفارق وتفقد جزء من روحك وتكمل.. هتتعلم من الناس إللي جرحتك وخذلتك

وهتتعلم من إللي إنت جرحتهم..وهتشوف الدنيا وهي بتدور وتعلمك إن الشيء الوحيد الأكيد إن مفيش حال بيدوم..

هتتعلم يعني إيه ثقة ويعني إيه جدعنه واصول والدروس دي هتتعلمها من الخاين والندل وقليل الاصل قبل الصاحب الجدع ابن الاصول..

هتتعلم إنك تعيش بشوية تشوهات جوا نفسك بس عادي ،مش عادي !! كله خير..

هتتعلم إنك لسه قدامك كتير ولازم تفضل تربي نفسك..وكل ما تتعلم ، هتدرك إنك أمام علم الله قليل جدًا..

هتتعلم إن في ناس في حياتك مينفعش تسيبها لازم تتبت فيهم بإيدك وسنانك علشان الناس دي مبتتعوضش..

وهتتعلم إنك ساعات لازم تفتح الطريق للي عايز يمشي..وإنت قلبك راضي وماشي في سكتك..

ومن أكبر الحاجات الي لازم تتعلمها إنك تسامح نفسك وتسامح إللي حواليك..وتتعلم إن أكبر كنز لك هي أعمالك الخالصة لله..وإن كان اتكتب عليك تعافر..ف ربنا يكتب لك إنك تعافر في السكة الصح ومع الناس الصح وعلشان الهدف الصح !!

[marmarika-world]

طلع كل واحد بيدور على مصلحته وإحنا اللى مقضينها جدعنه مع الكل !!

[gemyevan]

أوقات الإنسان بيبقى عنده حتة جدعنه منه لنفسه كدا مطمناه وبتقوله متقلقش اكيد فيه شخص شبهك بيدور عليك، والجدعنه -اللي مش هتسيبه محتاس كدا وتمشي طبعًا - هتوصله لسؤال مهم: هل الشخص ده موجود فعلًا؟ ولا إدراكنا لوجوده مجرد وهم !

[rghda]

كل يوم اتأكد ان الكل شاف مصلحته واحنا بس اللي مدورنها جدعنه والله

[cybelle-jessy]

إللي خارج من بيت شبعان حساباته جدعنه و إللي خارج من بيت جعان حساباته مصالح .

[offreallife]

مقضينها جدعنه انا بدي صاحبي positive energy يوم و هو يديهالي اليوم اللي بعده و اهي ماشيه