#تاكل

[rooh-elhaya]

مستغربه منك يا انون بتكرهني من غير سبب كده

اومال لو عرفتني هتعمل اي 😅

واذكرك...... بان لن يجتمع الجميع على حبك ابداً لكن الإنسان يحاول أن يكون شخص جيد لا يجرح ويضايق ولا يكون سبب في ألم حد ... تاكل 🍦 يا انون

[yooo-gehn]

أدركت من زمان إن مش كل الناس بتفكر، أو إن معظم الناس ماشية بالديفولت بتاع عقلها، الناس عايزة تاكل وتشرب وتتجوز وتخلف وتعمل جمعيات وتتفرج على مسلسلات، وتنفسن من صاحبتها وتنزل ستوريهات وتسف على الفريق التاني الخسران. أدركت إن معظم الناس ده آخرهم في التفكير والتأمل والحياة. ومش متخيلين إن فيه مستويات مختلفة عند ناس غيرهم. فكرة الأسئلة الوجودية، والتساؤل والشك وسؤال "ليه" اللي بينط في العقل كل 3 ثواني، وتوقع الاحتمالات، والمناظرات الفكرية الذاتية، كلها حاجات ماعندهمش أي فكرة عنها. هما بيحسوا برغبة أنهم يعملوا حاجة فيعملوها بشكل تلقائي، ومفيش فجوة بين الشعور والفعل. عايشين اليوم بيومه، الثانية بثانيتها، الحياة بتاخدهم من إيدهم وتوديهم مطرح ما تعوز، وفكرة إن أنت اللي تاخد الحياة من إيدها، وتفهمها، وتشكلها على مزاجك، مجرد فكرة مجنونة ممكن تخطرلهم مرة في السنة. والناس دي حياتها أسهل، أروق، لكنهم مش بيتطوروا ويكونوا نسخة أفضل من نفسهم، ولا بيعيشوا نسخة أفضل من حياتهم، بيكونوا عالقين تماما فيما وجدوا نفسهم فيه، ومش متخيلين الدنيا من غيره. الناس دول هم سادة العالم، وهما اللي حطوا كل الأنظمة التعيسة الراسخة في الدنيا.

[pippo99]

لو نسياكم اذكرونا لا تدعوا مشاعر الغربة تاكل قلوبكم منا ونكون في طي النسيان

[un-known97]

تيجي تاكل بيتزا ؟ 🍕

@un-known97

[ibrahimshoukri]

ساعات كل اللى محتاجه تاكل شاورما

[somaas-world]

سؤال بيزن ف دماغى له فتره هما الاسرى بياكلوا ايه وازاى 🤔

اذا كان الناس فوق الارض مش لاقيه تاكل وبالكاد بتحصل وجبتها اليوميه واطفالنا بشمال غزه صابهم سوء تغذية وماتو بسبب قلة الاكل

هاااا بياكلوا ازاى🤔🙄

بالمناسبة اخر بنت طلعت م الاسر كان وزنها زايد ومربربه اوى ٠😎

[itsbtates]

الله يمسيه بالخير خالي كان جسمه رفيع قام جدي قالو عاوزك تاكل اي حاجه تيجي قدامك قام واكل ورث امي.

[3pqr]

جه التوقيت الشتوي ، اللي الضهر بيأذن فيه الساعة ١٠ الصبح، والعصر بيدخل مكان الضهر، ويدوب تسلم من المغرب تلاقي العشاء أذنت.

تطلع من العشاء تاكل وتتجوز وتزور قرايبك وتخلف وتحضر ماجستير وتحقق احلامك وده كله الفجر لسه مجاش.

[ffatma45]

فيه ايه بينك وبين ربنا علشان تاكل كل حاجه ومتتخنش، قولي بس الوصفه ساعدني

[marwa-el-zeiny]

كنت بتفرج ع تطور الإعلانات التلفزيونية ف أمريكا ف فترة السبعينات والتمانينات وبعيدا عن الماركتينج، أو مش بعيدا أو يعني انا فقدت إيماني بالإنسانية بعدها والله!

الموضوع كله كان قائم عن إنت لسه هتقعد الصبح تفطرلي بيض وتشرب قهوة حقيقية؟

أمسك يابني طبق السيريال الارتيفيشال ده ده كله ف طريقك وانت بتشرب قهوة سريعة التحضير وهات غداك سندوتش من ماكدونالدز والعشا وجبة ميكرويف لذيذة مليانة أكل متلج يتحضر ف دقيقة!

وأكل الميكرويف دي كانت صيحة مريبة جدا بس علشان تحافظ ع ما تبقى من إنسانية الإنسان وحقه ف وجبة بسلة ورز وفراخ سخنة قدام المسلسل.

ويللا علشان تنام وتصحى تلحق ركب الحضارة المزيف من أوله.

انت معندكش وقت!

الحياة قصيرة جدا انك تاكل وتشرب وتقضي وقت مع عيلتك.

وحقيقي معرفش الحياة قصيرة ع إيه وانت معدوم العافية؟

أمريكا كانت بتسوق المنتج الأول ليها للفطار الصحي الصبح، عصير تانج!

[yooo-gehn]

خطبة الجمعة النهاردة:

"إن المصريين عقيدتهم ضعيفة، فهما متخيلين إن الرزق بيبقى مرتبط بالسعي، ولو مانجحش فهما بيلوموا أي حد؛ أبويا السبب.. الحكومة وحشة.. الريس معرفش إيه.. لكن الحقيقة إن سعة الرزق ليها أسباب، أولها إنها من السما مش بإيد حد ع الأرض عشان تلومه. وتانيها دور على صلة الرحم موقعها إيه من حياتك، واكل ورث أخوك ومخاصم أختك ومستني رزقك إزاي؟ ماتبصش على الفلوس بس الرزق مش بس فلوس، أعرف مليونيرات مايقدروش ياكلوا سندوتش صاروخ ولا حتى قرص طعمية"

أنا بحترم دينك وعقيدتك وإيمانك، ولكن هذا النوع من التفكير الخرافي بيفشل فشل ذريع في ربط أبسط الأسباب ببعضها. لو عايز تنجح في أي امتحان، مهما كنت بار بأبوك ومواظب على صلاتك ودعيت ربنا تنجح، لو ماذاكرتش هاتسقط. لو إقتصاد دولة بينهار فده بسبب سوء إدارة الاقتصاد، وأسباب دنيوية أخرى، مهما كنت محافظ على صلة الرحم. لو عايز دخلك يزيد، مهما كنت متدين، بدون وظيفة كويسة ومرتب كويس، مستحيل يزيد جنيه. لأن لو الغلاء ينتهي حين تتحجب النساء، يبقى ليه مفيش غلاء في دول ستاتها متبرجات وسافرات؟

إحنا حرفيا بنشيل الربط البديهي ��لمنطقي بين إقتصاد مزدهر وبين حياة يسيرة ورزق وفير، عشان ده بيحط أصحاب السلطة في موقف حرج، أو عشان نتمسك برؤية مشوهة للعالم. وبعدين نصدرلك إن التشوه ده هو المعادل الوحيد للدين. اتفضل ارفضه بقى.

بدل ما نتكلم عن إن عندنا أقل متوسط رواتب في الدول العربية، نحاسب بعض على كام مرة زرت أختك.

لو كنا دولة غنية وعندنا بترول مثلاً زي الكويت، أو كان عندنا حكومة بتدير الاقتصاد بشكل كويس، أو حتى كنا دولة في عالم أول، كان هايبقى فيه وفرة في الفلوس، في الكهربا، في الأكل، في العلاج، في التعليم، في السكن، في الشغل، حرفيا في كل حاجة، مهما كان شكل معاملتك لأهلك، بس هو التلميذ الخايب دايمًا بيدور على ح��ج فارغة لسقوطه، وأوسخ حجة فارغة في الدنيا هي اللي بنلزق فيها قدسية الدين، عشان اللي مش عاجبه يبقى بيتمرد على دينه.

لما تستخدموا قداسة الدين عشان تدوا شرعية لفساد سياسي، وتغسلوا مخ المواطن اللي رايح عندكوا عشان يصلي ويتقرب لربه، وتقولوله مشكلة الاقتصاد فيك أنت مش في الحكومة، يبقوا انتوا بتخلوا الناس بدل ما تفهم أساس المشكلة، يحسوا بالذنب وضعف الإيمان لمجرد أنهم بيشتكوا إن حياتهم تفتقر لأساسيات الحياة الكريمة. شيوخ مجرد أداة في إيد الحاكم عشان يحكم قبضته على الناس. مطية قذرة.

لما بنعلم الناس إن تأثرهم بقرارات رئيس جمهورية بلدهم ضعف إيمان، نبقى بنعلمهم إن أي حد عنده سلطة يبرطع فيها براحته، وكل الناس تفشخ كل الناس عادي مادام عندهم سلطة، لأن في الآخر لو أنا مسكت بندقية وضربتك بالنار، فأنت مش هاتموت غير بإذن الله. وفكرة إني المفروض ماضربكش بالنار، وأنك المفروض توطي راسك وتتفادى الرصاصة، هاتبقى أفكار عبثية، ما كل حاجة جاية من السما بقى.

ولأ الفلوس مهمة جدًا، ولو عندك صحة وعزوة وأهل وعيال وأنت فقير، فأنت عيشتك بتكون زفت وقطران على دماغك أنت وأهلك، وبتكتسب عادات وعقلية وسلوك وشخصية شديدة السوء والمرض، لأن الفقر بيسعر صاحبه، وبيفرض عليه حياة تعيسة، وبيخليه ماعندوش وقت أو مجهود لأنه يعمل أي حاجة غير أنه بس يحاول يوصل لحد الكفاف.

المليونيرات اللي مش بتقدر تاكل قرص طعمية، عندهم ألف سبيل تاني للرفاهية، ومش كل مليونير أكيد مريض، لكن الفقير اللي بياكل قرص طعمية ده، ممكن عادي جدًا ينام جعان من غير عشا.

[awrkedas]

اليوم اللي تزرع فيه البذرة مو نفسه اليوم اللي تاكل فيه الثمرة خليك هادي وكمل.

[jaunerevee]

قبل ما اتنقل من مصر لهنا كنت لسة بشتغل اون سايت وكان عدد ساعات شغلي بيعدي ال ١٦ ساعة.. ١٦ ساعة على كرسي غير مريح في مكان غير مكيف دور اخير في الصيف حر لا يحتمل وفي الشتا برد مستحيل يتوصف .. برجع من الشغل اعمل الاكل واقوم بالاعمال المنزلية اللي بين ترويق وتنضيف وغسيل وهكذا .. اوسخ يوم في شغلي واصعب يوم عدى عليا مايجيش في صعوبة اسهل يوم ليا وانا stay home mother بتصحى تقعد على كنبة مريحة وعندها تلفزيون وسهل تاكل وتشرب اي وقت وقاعدة بتقضي وقت مع ابنها .. بجد مافيش حاجة في الدنيا ولا اي نوع ضغط عصبي ونفسي عدى عليا قد اني ام .. كوني ام ده مخلي حياتي اصعب، دخول الحمام بأجله لحد اخر لحظة عشان لو غفلت عنه ثانية بيعمل مصيبة، مستحيل اكل طبق اكل دافي من غير زن وبهدلة وعياط و٦٠٠ سؤال "انتي بتاكلي ايه؟" مع انه قدامه طبق زيه ومحاولات مستميتة لدلق اي حاجة قدامي .. مليون سؤال ايه ده؟ ايه دي؟ يعني ايه؟ فين؟ ماما بصي .. هو ايه ده؟ ولازم كل الاسئلة يتجاوب عليها حتى لو كمت منهمكة في ٦٠ شغلانة تانية لازم يخلصوا.. مستحيل اعرف اكلم امي نص ساعة على بعض في الموبايل من غير كمية صويت وصراخ عشان يحاول يلفت انتباهي له .. مستحيل اشرب كوباية شاي او قهوة من غير ما اكون واقفة وكلها على بق واحد عشان لو قعدت بيها هينتهي بيها المطاف في حجري او هيقعد يعيط ساعتين عشان عاوز يشربها .. مستحيل اخرج وارجع هدومي نضيفة، او حتى اخد وقت كفاية اعرف البس فيه غالبا بلبس الاساسيات في البيت وبكمل بقية لبسي واسرح شعري ان سرحته اصلا في العربية عشان بيكون قاعد في الكار سيت وده المكان الوحيد اللي بعرف اسيطر عليه فيه .. مستخيل نخرج ونرجع مبسوطين اصلا .. مستحيل نجيب لعبة نلعب بيها خمس دقايق على بعض /نقعد نلون/نرسم/ نلعب لعب مابيتضمنش تكسير وبهدلة .. مستحيل انام ٥ ساعات متواصلين من غير عياط في نص الليل عشان سيبته ورجعت انام في اوضتي وينتهي بيا المطاف اني انام وانا قاعدة وشايلاه، مستحيل اقعد مع نفسي او اعرف اذاكر او اشتغل او اعمل اي حاجك لدرجة اني اضطريت اسيب شغلي من سنة لانه بقا مهمة مستحيل اعملها في وجود ابني اللي بيتلذذ بالتكسير والتخريب وخلال السنة ونص اللي عرفت اشتغل فيهم وهو معايا كان السبب في اني اوقف شغل اكتر من مرة على اسابيع متفرقة عشان كمية القهوة والشاي والمياة والعصاير اللي اتدلقت على اللابات بتاعتي .. مستحيل نطلع نتمشى ونمشي تيدي من غير ما اصوت ٦٠٠ مرة في الشارع على مصايب بتتعمل كاچ كده زي انه يمسك ستول حيوان او يجري بسرعة من ايدي في اتجاه العربيات او ينام ع الارض في نص الشارع او يزاولني والقطر جاي عشان يجري عليه .. مستحيل في يوم ما انامش معيطة من اللي حصل فيا على مدار السنتين ونص دول وافكر مليون مرة انا ام كويسة ولا لا ، فا لو اي حد في الدنيا دي حابب يقارن اي شغل في الدنيا ايا كان ايه هو بوظيفة ال stay home mom دي وبيقول انا بتعب بره وانتي بتتعبي جوه فا هو غالبًا انسان مجنون وامه عارفة عشان بجد مافيش اي مقارنة بين انك طول الوقت مسلوب منك ادميتك وانت صاحي نايم قاعد واقف وما بين انك بتخلص شغلك المحدد اللي انت عارفه من غير زن وشيل وبهدلة ايا كان الوقت ايه وبترجع تتخمد وجسمك يرتاح ��تروح تاني يوم تعمل نفس الحاجات.

[f-farah]

جاية احكيلك بس إني ناسية طعم الصباحات السعيدة من شهور. ما بعرف شو هو الصباح السعيد، بس بعرف الصباحات التعيسة، بعرف إنو ما منقدر نصدق ضحكاتنا وأفراحنا لأنها كلها متبوعة وبشكل مباغت بالكثير من القهر والحزن والألم.

ومنقدر ننسى ونتناسى بأي عالم عايشين. منقدر نحلم ونكون the best version of ourselves منقدر نضحك ونرقص ونلبس فساتين ونحب ونتعلم ونكون محاطين بالفن بكل أشكاله وصوره، بس بتجي لحظة، مرات بتجي هاللحظة بكل لحظة.. بكل مشهد وحكاية بتقلك: عنجد؟ من كل عقلك؟ما بتعرف وين أنت؟ ما بدك تشوف شو عم يصير؟ بتتأكد إنك ما فيك تهرب.. الأرض لعنة مستمرة بجسمك ودمك وعروقك وقلبك وعيونك وصوتك وأنفاسك وريحتك.. وأنت وين ما رحت بتضل ابن الأرض، وبيضل القهر صاحبك وشريكك بسكنك بالكوكب. بتفكر إنك بتنجح، بترقص، بتضحك، بتفكر بالصحاب والحب، بتفكر بالناس.. ما بتفكر بشي قد الناس.

بتصحى بيوم وبتاكل مشمش، وربما تكون حادثة الأكل عادية بس فجأة بصير راسك بسجن تدمر.. بسطرين من رواية أحداثها بالثمانينات، عن كيف بيسارع الإنسان لالتقاط خيارة وبيشم ريحتها بس بيشم ريحتها بعد شهور او سنين من حرمانه من الخيار والشمس والحرية، بيتركها وبيرجع يلف راسه عالحيط ويتخبى. بتفكر إنك عنجد من وقتها، من سنين، لما فهمت إنو القوقعة حقيقية فعلاً، بطلت تعرف تاكل شي من دون ما تشمه.. وصرت تخاف.. تخاف تنسى الروائح.. عشت سنين وتنازلت عن كثير قصص.. قصص عادية كمان بس ما بقا الها مجال لتكون جزء من حياتك.. مرات بتفكر فيها بتسأل حالك اذا لسا فاكر ريحتها؟ لسا فاكر؟

بعدين هي حادثة عادية.. الناس بياكلوا مشمش وعادي.. بس أنت بتشمه وبتفكر بالمعتقلين والمعتقلات والمغيبين والمغيبات وبتفكر بليش محكوم علينا نبقى ناطرين؟ ناطرين كل شي.. ناطرين هالحياة تضحك لأرضنا، للأرض بعروقنا تخضر. ناطرين نعرف شي عن مصيرهم لنقدر نفكر بمصيرنا

هو صباح عادي.. بتصحى فيه عم تفكر بالمجاعات، وشهيتك مسدودة، مو بس شهيتك للأكل.. للأكل والتنفس والمواصلة والرغبة والحب والحياة. بتسأل حالك للمرة المليون خلال دقيقة ليش هيك عم يصير بالعالم؟ ليش الرب لسا ما اتدخل؟ بتسبه. بترجع بتقول إنك بالأزمات مش رح تحكي الله.. لأنه الولد اللي لما بيعلى الصوت بيتخبى تحت سريره وبيغمض عيونه وبيسكر آذانه. بتحس بالشفقة عالله.. وعليك لأنك لسا ناطره بس عادي أنت ناطر كل شي ومرات كمان ما بدك تنتقم من شي، ياخي انت هيك مسامح ومصدوم.. صدمة بتتجدد كل يوم. ليش في حروب؟ ليش في صواريخ؟ ليش في قتل وذبح؟ ليش الناس بينقتلوا؟ ليش في عذاب؟

بتصحى بيوم عادي كمان، أنت شكلك بتصحى كل يوم، ما بدك تموت اليوم؟ بتفكر بالموت.. بكيف لما نصير أقرب اله منصير نحب الحياة أكثر، نفكر بإنو لسا عنا أشياء منقدر نعملها ولازم نعملها وبإنو ليش صار قريب، مش وقته! بتقول لحالك متل ما رياض قال:

"يا أيها الموت

لا تأتِ في الصيف

إن الطيور تشاطرنا الصيف

يا أيها الموت

لا تأت في مطر خائف وبعيد

لا تأت

فالأرض عطشانة

والمواسم مكسورة

والشعير سينضب

والعاشقات سيبكين عشاقهن

ولا تأت.. لا تأتِ

ولكنه الموت.. يأتي"

أنت اي أنت اللي بتنام وبتقول ياريت بصحى بعالم ثاني، الناس بيضحكوا وأنت قصدك فعلاً تصحى بعالم ثاني وتبقى نايم للأبد بهالعالم. بس هيك لما يقرّب الموت بتحب هالعالم بكل ما فيه وبتقرر توقف قتال ومقاومة وجدال وتبطل تحلم بعالم سعيد وتصحى وتكون عندك أيام وشهور وسنين تعيشها. بتطل عالعالم وبيجي عبالك تصيح بأعلى صوت.. وقفوا هالعبث اللي عم تعملوه! الموت جاي! رح نموت! عيشوا طالما لسا عندكن فرصة لتعيشوا!

بتصحى بصباح عادي، بتفكر بالمرضى... بمعاناتهم.. بإمك كمان.. بتسأل ليش.. بتبكي.. بترجع تفكر بالمرضى.. بتسأل ليش.. بتفكر بإمك كمان.. وبتبكي. بتقول للمرض قديش بتكرهه.. بس المرض مش متل الله، ما بيتخبى.. المرض بيقلك إنه هون وبيعذبك.. بيضل يعذبك.. بتشوفه بتعرفه بتحكيه وبيموتك.. عالبطيء.. عالبطيء. بتسمع صوتها جاي من ورا الباب اذا رح موت خدني بقا وبكفي عذاب. بتفكر مش حقهم؟ وبتخاف.. بتخجل من حالك.. بتخرس.. بتبكي..

بتصحى بصباح عادي كمان.. العالم عم يموتوا.. بتشوف صور ناس كثير ما بتعرفهم ولا أهلهم بيعرفوا وينهم.. بتفكر بالفاجعة.. كيف عم تقدروا تضحكوا؟ انت فقدت ثقتك بالضحك والسعادة.. لما تفرح بتقول الله يجيرنا، ولما بتحزن ما بتتفاجأ شي معروف انك رح تحزن، والحزن الكبير بيكون بعد فرح وخفة دايماً.. انت بتخاف تضحك كثير، بتمنع حالك تعبر عن سعادتك لأقصاها، انت هيك عم تهرب من الوجع.. ما حدا بيهرب من قدره يا حبيبي.. ونحنا مكتوب علينا نعيش موجوعين.

بتصحي بصباح عادي.. بتتحسسي عنقك، بتقولي إنك ناجية، بتصحّحي كلامك وبتقولي إنك ضحية مؤجلة. بتبكي، وبترتعبي.. كل النساء أنتِ، كل امرأة مقتولة أنتِ. بتغضبي.. بتكرهي العالم.. بتكرهي هالمكان.. ليش عم تقتلوا النساء؟ مين انتو يا بلا شرف؟ بتشوفي حدا عم يقول اذا جريمة شرف فالله يحميه الزلمي ابن الزلمي اللي قتلها.. بتحسي قلبك رح يقف.. ما بقا بتقدري تحكي شي.. بتخافي.. بتموتي من الخوف كل لحظة..

أي شرف بالقتل؟ أي شرف مُستَرَد بالقتل؟

بتشوفيهم عم يسألوا عن الأسباب والدوافع.. وإنت كل راسك بإنها انقتلت.. انحرمت من حياتها.. وإنو ما في شي مهم نعرفه بعد هيك.. ما في شي مهم نفهمه بعد موتها

بتغمضي عيونك.. قلبك اليوم كمان عم يوجعك.. رح يوقف شي نهار.. قلبك دايماً عم يوجعك حتى لما تكوني "طبيعية" حتى لما تقولي إنك "بخير" كيف بتقدري تكوني بخير، وكل هالعالم مش بخير؟

بتقولي لحالك إنك لسا مش ناضجة كفاية لتفهمي بشاعة هالعالم وتتعودي.. مرات بتقولي إنك غبية.. إنت غبية ما بتقدر تستوعب ليش هيك عم يصير بالعالم؟من شو مصنوعين البشر؟ وينو الله؟ شو عم يصير؟ لإيمت؟لإيمت؟ لإيمت؟

وأنت عم تختنقي بتتذكري إنك مجرمة كمان.. لأنك مو قادرة تحكي شي.. لأنك ساكتة دايماً.. لأن حتى لما قلبك عم يشتعل ما بتقدري تنطقي بأي حرف.. مجرمة لأنك رح تنسي بعد فترة.. رح تنسيهم كلهم وتكملي حياتك عم تحلمي بعالم سعيد، وناطرة الصباحات السعيدة

[shbabbek]

قعدت مع صحابي ف النادى الصبح، جبت طلبات للبيت، رجعت طبخت وغسلت، لعبت ونمت وصحيت مستني ماما علشان تاكل معايا وهي بره بتاكل بيتزا 😼 أجازة مربوحة.

[ibrahimshoukri]

عايزة تاكل من مطعم البرجر إللي اسمه وهمي

مش مكفيها الوهم إللي بينا