#براها

[shorook]

الواحد عاش جوا دماغه أكتر ما عاش براها

[imazikaty]

بقالي فترة باعد نفسي عن الداش هنا خصوصاً المكان هنا مساحة للفضفضة والتنفيس عن النفس بنسبالي وبنسبالكو وبعيد عن اي حد نعرفو في حياتنا ومن غير محد يجي يسال ومحتاج نبررلو اي حاجة بس بقالي فترة النفسية تحت الصفر بشوية وغير اي بوست كان بيعدي عليا سلبي بيقصر عليا اكتر واكتر ناهيك بقي عن فلسطين او اوضاع البلد والاسعار و و و بس خليني اقول برضو وانت مش حاسس بيها ، بس كل بوست سلبي أو كئيب بتقراه بيحط ف قلبك وروحك نقطة سودا. فتخيل كمية النقط السودا اللي بتزيد كل لحظة وانت بتقرا كل الأخبار السلبية وساعات بتفتش عنها كمان، وبتصمم تتفرج على فيديوهات قتل وانتحار وخناقات وتريقة على خلق ربنا وحاجات مستفزة، وبتشير حاجات تافهة وانت بتستغرب ازاي الحاجات التافهة بتتشهر، وطول اليوم بتسكرول داون في بوستات ناس زهقانة وبتفكر تنتحر ومفيش حاجة عجباها في الدنيا، ولا عاجبها شغلها ولا حياتها ولا علاقاتها ولا جوازها.. وده كله بيملا النقط السودا جوايا وجواك، فبتتحول انت تدريجيا لشخص كئيب وقرفان ومليان سواد برغم ان اللي جواك كان ممكن يخلص بمعلش مجازاً يعني وكوباية شاي لطيفة.

بس انا وانت بشر عاديين يعني، ومش هنصلح الكون، والمفروض ان هدفنا الأول في الحياة اننا نحافظ على صحتنا النفسية عشان نعرف نحقق كل أهدافنا اللي بنجري عليها. فعلى قد ما تقدر حافظ على صحتك النفسية دي.. وقلل النقط السودا اللي بتملاك من غير ما تحس وانت مزنوق في أي جو كئيب ومليان فشل وسواد سواء على السوشيال ميديا أو براها. الناس أصلا بقت كئيبة زيادة عن اللزوم، ومأفورة في كل مشاكل حياتها، ونسيوا الحمد لله على نعم مغرقاهم. فبلاش تشيل شيلة مش شيلتك.. انت متلصم بالعافية.

[marmarika-world]

فى ناس من براها بريئه بس من جواها تخض 😑

[5005-2]

براها صمت حزين جواها حرية....

[sahartragictale89]

لا من طينك .. ولا بلونك ولا خوفك ولا ظنونك ولا براها يشبه ليك .. ولا مضمونها مضمونك .. وانا والله متأكد بإنك مش هتبقيلي -🔐

[zainabooo]

كل فترة بنفتكر حاجات وتفاصيل عدت من دهور أي والله دهور ونقول هو إحنا كنا مغيبين ومش عارفين نميز كده ازاي ؟

النضج

لأ لأ مش مجرد النضج ، أعتقد انتهاء المرحلة بالأشخاص بيخليك تخرج بره الفقاعة اللي لا كنت شايف ولا سامع حاجه براها

يعني مثلا ؛

أنا افتكرت صديقة المفروض أنها كانت الأقرب والابقي ومن حضانة وبتاع كنا بنصلي سوا وكنا في اولي اعدادي فسمعتها بتقول دعاء مااعرفوش فسألتها بعد الصلاة" بتقولي ايه بين الركعة والركعة " فردت رد مبهم وبعد زن ومحايلة قالته ، انا كان عندي فضول اعرف الدعاء مش بتدعي بإيه

في حين ؛ إن زميلة عادية حصل موقف مشابه معاها وبمجرد ماسألتها قالتلي الدعاء وقعدت تحفظهولي وتقولي ماما علمتهولي اقوله في انهي ركعه في الصلاة وحاجة في منتهي اللطف والجمال اللي لسه لامسني بعد ١٥ سنة أو أزيد حبة صغننين …

الشاهد

إن بعد ماخرجت بره دايرة إن دي اقدم صاحبة وبعد مواقف عديدة وبعد سنين من البعد افتكرت قد إيه هي كانت بخيلة معايا في حاجه كانت ممكن تقولها لحد غريب عادي مش أقرب صاحبة ليها وزي ما كانت بخيلة في أنها تعرفني حاجه كانت بخيلة في مشاعرها وإن مش كل الناس ينفع يكونوا أصحاب كويسين

[fozdoaa]

كل شوية لايف كوتش يطلع يقولك خد الريسك و اخرج برة ال comfort zone! والسؤال هنا، هو لما اللي أنا فيه دة comfort zone امال لو خرجت براها هلاقي ايه؟!

[sirr7a]

بطلت احسب أمور الحياة كتير مؤخراً كل تفكيري منصب عن كيف استمتع بالباقي من حياتي طويل كان ام قصير بحاول ما اضغط على نفسي بأي شكل اقرأ كتاب رواية شوف فيلم مسلسل بودكاست وثائقي و أمارس هواياتي المفضلة بشكل منتظم هيك أنا بكون سعيد و راضي و ما دون ذلك بعمل فيه ما استطعت بدون تحامل على نفسي لأنه خلاص كفاية يعني اتلعن ميتين اللي جابوني من كتر الضغط و التوتر و القلق بسبب أو بدون عاوز اتبسط شوية في العيشة الوسخة دي حتى لو الانبساط ده كان عبارة عن قراءة قصيدة شعر تلمسني و اقعد افكر فيها طول اليوم ولا سماع تقاسيم عود تطربني ولا تمشية وسط الزرع و الورود اتمنى استمر في عمل ده بكل الأحوال قررت اكمل باقي حياتي وحيد بدون ارتباط أو علاقة عاطفية لأسباب مختلفة و ان شاء الله كم سنة و انفصل عن أهلي سواء جوا البلد أو براها و نتمنى براها لمعيشة افضل و ضغط اقل و حرية أكبر من قيود المجتمع المتحجر

بحبكم يا أصدقاء و بتمنالكم السعادة و تحققوا كل ما تتمنوا 💖

[humanitysworld]

إيقاع الحياة مبقاش يسمح للواحد إنه يحزن، يحزن بمعنى إن يتأمل مشاعر الحزن وخيبة الأمل واليأس ويفكر فيهم جديًا ثم يتجاوزهم بهدوء، الإيقاع بيفرض عليك إنك تحاول تتجاوز بسرعة عشان فيه حاجات مطلوب تنجزها برضو بسرعة، ومحتاجة كل ذرة تركيز في دماغك.

العالم كمان بقى يفرض عليك أنواع معينة من الحزن مينفعش تخرج براها، أنواع مفهومة للمجتمع المحيط، مرتبطة كلها بأسباب لازم تكون ملموسة، خسرت حد، فالناس تقدر تفهم، خسرت وظيفة فلوس فرصة مهمة، إنما حزنك المرتبط بتفكيرك في ذاتك ووجودك وقيمتك، مخاوفك ومستقبلك، مشاعرك المتناقضة المعقدة تجاه نفسك أولًا وتجاه علاقاتك، كلها هتواجه بمنطق: "إيه اللي مضايقك بس يا حبيبي هو انت مش لسه واكل فراخ ؟".

[maarrrwa]

احنا بنحس !!

العيون و لغة الجسد و طاقته و الأرواح و تناغمها أو تنافرها ..... آه احنا بنحس .... و بنبقى عارفين اللي قدامنا ده بيحبنا و لا لا .... إحساسك هو أصدق مقياس ممكن تؤمن بيه ..... شخصيا ... كنت أعرف ناس ظاهريا ممكن تشيلني من على الأرض شيل .... و كنت بقول لنفسى فلانة مبتحبنيش .... تقولي ... ازاي ؟!!! مستحيل !! تدور الأيام و تثبتلها إن فلانة فعلا مبتحبنيش ..... فلانة بتحبني .... ازاي؟!! أنا حاسة ... أنا عارفة .... و تدور الأيام و تثبت إن فلانة على الرغم من قلة و سطحية علاقتنا فعلا بتحبني ..... النفس البشرية معقدة و بحورها غويطة .... و من هنا بتبقى "الصدمات" .... ناس براها غير جواها .... و ناس جواها مدفون بيطلع وقت الجد و الحقيقة ..... بس هيفضل المقياس الأصدق هو الحدس و الإحساس .... لأن كل حاجة في الدنيا ليها "طاقة" ... بتوصل ..... أنا بختار كل مرة إني أتبع "حدسي" و "إحساسي" على الرغم من قلة أو انعدام الحجة الواقعية و الدلائل و ما يرى و يسمع بالعين المجردة ...... بختار إني "أبصر" بقلبي .... و أعزل نفسي بكامل اختياري الحر عن كل الاشياء الغير سوية و غير سلسة .... لأن بمنتهى الثقة أقدر أقلك إن الحاجات ��لحقيقية مش محتاجة أي مجهود عشان توصل ... من القلب إلى القلب ..... بمنتهى البساطة ....

💝

[imazikaty]

بقالي فترة باعد نفسي عن السوشيال ميديا خصوصاً اوقات بعتبرها مساحة للفضفضة والتنفيس عن النفس وبعيد عن اي حد نعرفو ومن غير محد يجي يسال ومحتاج نبررلو اي حاجة ويقول احكيلي وانا مش الشخص اللي بيعرف يفضفض ويحكي لحد ولا اشغل حد بيا بس بقالي فترة النفسية تحت الصفر بشوية وغير اي بوست كان بيعدي عليا سلبي بيقصر عليا اكتر واكتر ناهيك بقي عن فلسطين او اوضاع البلد والاسعار اللي عماله تزيد ومع كل زيادة تحس انك حتي مش عارف تاخد خطوة لقدام لإ دانت بتحاول تجري وتسعي علشان بس تفضل تجري في مكانك و و وبس خليني اقولك برضو حاجة وانت مش حاسس بيها ، بس كل بوست سلبي أو كئيب بتقراه بيحط ف قلبك وروحك نقطة سودا. فتخيل كمية النقط السودا اللي بتزيد كل لحظة وانت بتقرا كل الأخبار السلبية وساعات بتفتش عنها كمان، وبتصمم تتفرج على فيديوهات قتل وانتحار وخناقات وتريقة على خلق ربنا وحاجات مستفزة، وبتشير حاجات تافهة وانت بتستغرب ازاي الحاجات التافهة بتتشهر، وطول اليوم بتسكرول داون في بوستات ناس زهقانة وبتفكر تنتحر ومفيش حاجة عجباها في الدنيا، ولا عاجبها شغلها ولا حياتها ولا علاقاتها ولا جوازها.. وده كله بيملا النقط السودا جوايا وجواك، فبتتحول انت تدريجيا لشخص كئيب وقرفان ومليان سواد برغم ان اللي جواك كان ممكن يخلص بمعلش مجازاً يعني وكوباية شاي لطيفة.

بس انا وانت بشر عاديين يعني، ومش هنصلح الكون، والمفروض ان هدفنا الأول في الحياة اننا نحافظ على صحتنا النفسية عشان نعرف نحقق كل أهدافنا اللي بنجري عليها. فعلى قد ما تقدر حافظ على صحتك النفسية دي.. وقلل النقط السودا اللي بتملاك من غير ما تحس وانت مزنوق في أي جو كئيب ومليان فشل وسواد سواء على السوشيال ميديا أو براها. الناس أصلا بقت كئيبة زيادة عن اللزوم، ومأفورة في كل مشاكل حياتها، ونسيوا الحمد لله على نعم مغرقاهم. فبلاش تشيل شيلة مش شيلتك لمجرد انك متعاطف مع موضوع مش موضوعك ولا طايلك ومش مهم تسعي انك تكون الاحسن يكفي انك تكون احسن فنقولها تاني بلاش تشيل شيلة مش شيلتك.. انت متلصم بالعافية.

[marmarika-world]

اللهم إمنحنى السكينة لأتقبل وجود الناس اللى مالهومش لازمة فى حياتي و مش قادرة أطردهم براها .. و الشجاعة لطرد الناس اللى مالهومش لازمة فى حياتى و قادرة أطردهم براها .. و الحكمة لمعرفة الفرق بينهم علشان مالاقيش نفسى فى يوم من الأيام خليت حد جواها كان ممكن أطرده براها.

[valianttreedinosaur]

{ولولا دفع الله الناس بعضهم ببعض لفسدت الأرض

تفسد الحياة بفساد أهلها، وفسادُهم بالظلم والعصيان ومخالفتهم أمر ربهم، ودفع الله الناس بعضهم ببعض يوحي بأن أناسا ألفوا الفساد وأُشرِبوه، وفي المقابل طائفة نجت بنفسها من الفساد، ولم يكتفوا بذلك بل قاوموه وحاربوه، وهؤلاء هم أهل الإصلاح وورثة الأنبياء. ومثل هذه الآية ��وله تعالى: {وَلَوْلا دَفْعُ اللَّهِ النَّاسَ بَعْضَهُمْ بِبَعْضٍ لَهُدِّمَتْ صَوَامِعُ وَبِيَعٌ وَصَلَوَاتٌ وَمَسَاجِدُ يُذْكَرُ فِيهَا اسْمُ اللَّهِ كَثِيرًا} [الحج:40]. فهاتان الآيتان جاءتا في سياق الجهاد والدفع، ومن مقتضى العمل بهاتين الآيتين: أن إذا ظهر صاحب الباطل وأظهر باطله، فإن على أهل الحق أن يتصدوا لهذا المبطل ويدفعوه بالحق، وإلا فسدت الأرض. وقد ربط الله صلاح الأرص بالتدافع، فلو توقف هذا التدافع لحظة لفسدت الأرض، فالصراع سُنة ماضية، ولو تغلَّب الحقُّ على الباطل على الدوام لم يكن لاختبار الناس معنى، ولا للدنيا مغزى؛ لأنها الناس كلهم كانوا سينحازون لمعسكر الحق، ولن يبقى مع الباطل أحد! وكذلك لو تغلب أهل الباطل في الأرض، فلم يبقَ للحق صوت ولا سلطان، لحلَّ سخط الله ومقته على أهل الأرض كما يحدث آخر الزمان، ففي الحديث أنه  إذا لم يبقَ في الأرض إلا شرار الناس، يتهارجون فيها تهارج الحُمُر، فعليهم تقوم الساعة. وختم الله الآية بقوله: {وَلَكِنَّ اللَّهَ ذُو فَضْلٍ عَلَى الْعَالَمِينَ} [البقرة:251]، ففضل الله على الناس يقتضي هذا التدافع، فلو استبد أهل الباطل ولم يجدوا من يقارعهم، أو تمكَّن أهل الحق على الدوام لحُرِم الناس فضلا عظيما، والدنيا دار اختبار لأهل الاختبار، وبحسب العمل فيها يتحدَّد الجزاء. ألم تسمع ما قرَّره نبيك:  «وإن الله مستخلفكم فيها فينظر كيف تعملون

فلا بد أن يقف في وجه الحق أقوام، ويواجه الباطلَ أقوام، ولذا كان الصراع بين الحق والباطل قديم قِدَم الدنيا، وباقٍ إلى أن يرث الله الأرض وما عليها. هي سنة الصراع، -كما يسميها بعضهم- أو سنة المدافعة، أو سنة الخصومة، وهي سنة جارية في الكون بين المؤمنين والكافرين، بين أهل الحق وأهل الباطل، بين أولياء الله وأعدائه، وقد جعل الله الدنيا مسرح هذا التدافع، ولذا سطر ابن خلدون في تاريخه وقرَّر رحمه الله ما يلي: "اعلم أنّ الحروب وأنواع المقاتلة لم تزل واقعة في الخليفة منذ براها الله وأصلها إرادة انتقام بعض البشر من بعض ويتعصّب لكلّ منها أهل عصبيّته فإذا تذامروا لذلك وتوافقت الطّائفتان إحداهما تطلب الانتقام والأخرى تدافع كانت الحرب وهو أمر طبيعيّ في البشر لا تخلو عنه أمّة ولا جيل وسبب هذا الانتقام في الأكثر إمّا غيرة ومنافسة. وإمّا عدوا�� وإمّا غضب للَّه ولدينه وإمّا غضب للملك وسعي في تمهيده

[crazy-2m]

بحبك ليه .. مافيش أسباب انا أوقات مابعرفش بحبك ليه خصامنا كل يوم أيام وواصل قلبي ياما كلام من الناس اللي بيقولوا بتعشق بس ايه فيها مافيش بينكم حاجات تنفع تكون بكره لا من طينك ولا بلونك ولا خوفك ولا ظنونك ولا براها يشبه ليك ولا مضمونها مضمونك وانا والله متأكد بإنك مش هتبقيلي لكن هعمل ف حبك ايه وف الوَحشه اللي بتجيلي

[ahmedelgohr]

إيقاع الحياة مبقاش يسمح للواحد إنه يحزن، يحزن بمعنى إن يتأمل مشاعر الحزن وخيبة الأمل واليأس ويفكر فيهم جديًا ثم يتجاوزهم بهدوء، الإيقاع بيفرض عليك إنك تحاول تتجاوز بسرعة عشان فيه حاجات مطلوب تنجزها برضو بسرعة، ومحتاجة كل ذرة تركيز في دماغك.

العالم كمان بقى يفرض عليك أنواع معينة من الحزن مينفعش تخرج براها، أنواع مفهومة للمجتمع المحيط، مرتبطة كلها بأسباب لازم تكون ملموسة، خسرت حد، فالناس تقدر تفهم، خسرت وظيفة فلوس فرصة مهمة، إنما حزنك المرتبط بتفكيرك في ذاتك ووجودك وقيمتك، مخاوفك ومستقبلك، مشاعرك المتناقضة المعقدة تجاه نفسك أولًا وتجاه علاقاتك، كلها هتواجه بمنطق: "إيه اللي مضايقك بس يا حبيبي هو انت مش لسه واكل فراخ ؟".

[good-weather-for-an-airstrike]

احيانا ﻻزم يبقي اوضه من غير ابواب تبنيها لنفسك .. اربع حيطان وسقف من غير شبابيك .. من غير اى حاجه تخليك باى شكل تطلع منها انت لوحدك فيها وخارجها كل ما تتمناه .. الاوضه دى معناها ماتفكرش ،مش هيحصل ،متحلمش ،متتوقعش ،مينفعش ،مش ليك ،متتخيلش ،محصلش ،مبداش ،انتهى مش ضرورى ،مش موجود ،مش هيتواجد ،مش نهايه العالم ،مش طريقك .. الاوضه دى بتعرفك قدر نفسك كويس وهى مش اوضه بائسه او محبطه او وظيفتها تقلل منك او تخربلك حياتك .. بالعكس هى بتقولك الحقيقه وبتقولك لو كان اللي بتتمناه براها هو فعلا اللي هيريحك كان هيبقى فى باب .. او لسه مش وقته او هيجى الوقت اللي تكسره بنفسك عشان تخرج اللي انت عايزه وساعتها هيبقي بتاعك لحد مايجى الوقت لازم تفرق بين اللي هتتخلى عنه لاجل ان يحيا ماتبقي منك وبين اللي هيحيا للابد معرفش كام مره لجات للاوضه بس ادراك الامور واجب

صباح الفل 🌸♥️