#بتصدر

[fozdoaa]

تخيل تلاقي شخص على مقاس أمنياتك بالظبط، هدوءه، صوته، مواساته اللي بتخليك تنسى همومك، طريقة سماعه ليك، أخلاقه وطريقة كلامه معاك، صبره على مزاجك المتقلب، إمتصاصه لغضبك، ذوقه في الأكل واللبس، كل حاجة بتصدر منه شبه مطابقة ومناسبة ليك.شخص تقاسمهُ خوفك، فيقاسمك الطمأنينة.

تخيل شخص على مقاس قلبك!

بلال البخارى

[jaunerevee]

السوشيال ميديا بجد بتصدر ڤايبس طول الوقت انك لازم تقول رأيك وتدافع عن قناعاتك وكأن حد مهتم فعلا.. فا طول الوقت الناس قدامي على التايم لاين في نقاشات غير منتهية ضد الافروسينتريزم، الحكم العسكري، الحكم الديني، الحكم عمومًا، الذكورية، الرجالة اللي بتتجوز بنات صغيرة، الرجالة اللي بتتجوز نسوان كبيرة ، الكشري ده اكلة قبطية ولا يهودية، السعوديين طيبين ولا شريرين، القطة ولا الطفل، الكلاب ولا القطط، قطط الشارع ولا القطط الشيرازي، عمرو دياب ولا تامر حسني، بنعيد ع المسيحيين في الكريسماس ولا لا؟، بنعيد ع المسلمين في الكريسماس ولا لا ؟، عيد الاضحى لحمة ولا وفراخ؟، الفتة خل وتوم ولا صلصة ؟ .. وهكذا من النقاشات اللي مالهاش معنى ولا آخر ولا حد سامع حد اصلا ولا حد شايف انهم كلهم على بعض ٦٠ سنة ماكسيمام ومش هنتقابل تاني على اي تايم لاين ان شاء الله

[ala-mhmd]

بمناسبه بوستات الحج ولان أصحابي طلبوا منى اكتب فدي قصتى ..

انا حجيت حج 2023. برؤيا اه والله برؤيا

شعور لا يوصف ابدا والله

يوم ٣-٦-٢٠٢٣ يعنى فى ذو القعده و قبل وقفه عرفه ب 23 يوم فقط شوفت رؤيا انى فجأه بقيت فى مخيمات الحجاج و هى كانها بيوت مش مخيمات و فى الرؤيا اخدت عنوان المخيم بتاعي و نزلت اروح اشترى طلبات للى معايا فى المخيم .. و فجأه لاقيت نفسي فى صحن الحرم و باب الكعبه مفتوح و فى طابور من الحجاج واقفين يدخلوا جوا الكعبه .. و انا جريت وقفت معاهم

وصحيت .

قبلها شوفت ٣ مرات انى باطوف .. و واحده تعرفنى قالتلي شوفتك قاعده فى صحن الحرم فحسيت ان المره دي اكيده … قومت من الرؤيا و كنا بعد الضهر و��ت القيلوله دا .. مسكت تليفونى كان فى واحده بتعلن عن تاشيرات زياره ممكن نحج بيها مخالف قولت هاكلمها دي المتاحه انا لازم احج ايا ما كان و كلمتها تعمل التاشيره و تحجز اقرب موعد لتساهيل و طلبت منها يكون فى شيراتون و فعلا حجزت تانى يوم عالطول الساعه ١٠ الصبح . وبعدها دعيت يارب انا عاوزه حج باطمئنان و يكون حج ميسر يارب اكتب لي حج رسمي ميسر . و عملت دا بدون ما اقول لحد .

بعد العصر حكيت لماما الرؤيا قالتلي من كتر ما بتفكري بس .. حكيت لصحبتى قالتلي حديث نفس و ضحكت قوى على حته عنوان المخيم دي اصل فعلا كانوا بيكتبوا على جروبات الحجاج تعليمات زي كده .. و قعدت تقولى بتنفذي تعليمات الجروبات فى الاحلام بتاعتك كمان . لما لاقيت استغراب كده سكت .

و صحيت بدري اخدت عربيتى و مشيت من غير ما اقول لحد و انا مشغله التلبيه و باردد لبيك اللهم لبيك و بادعي يارب انا عاوزه حج باطمئنان و يكون حج ميسر يارب اكتب لي حج رسمي ميسر . و كان عندي يقين رهيب انى هاحج السنه دي .. و انا فى الطريق واحده صاحبتى رنت عليا قولتلها انا رايحه مشوار فى شيراتون تيجي معايا ..قالت ماشي و قابلتنى فى الطريق اول ما ركبت حكيت لها قالتلي يعنى انتى رايحه فين ؟!

قولتلها رايحه ادور على طريقه احج بيها ..

راحت قايلالي انا مش فاهمه انتى هتعملي ايه بس هاخرج معاكى علشان مخنوقه شويه .. وصلت شيراتون و خلصت بسرعه بس لاقيت كل الناس هناك بتاخد جوازاتها بدون تأشيرات و كله اكد انه من اول ذو القعده مفيش تاشيرات خالص.

نزلت لصحبتى فى العربيه و قولتلها انا عاوزه اروح مشوار تانى عندك مشكله ؟! قالتلي لا معاكى للساعه ١ موعد رجوع بنتى من الحضانه .. قولتلها مش هأخرك

سالتنى هنروح فين .. قولتلها السفاره السعوديه ..

قالتلي تعملي ايه هناك .. قولتلها احاول انا لازم احج و مش هاسيب باب بدون ما اطرقه .. قالتلي طيب كانها خدتنى على قد عقلي وهى كانت نازله مخنوقه كملت تحكى لي على مشاكلها و انا باسمع و روحت للسفاره … و هنا بجد المعجزه

حاولت ادخل طبعا رفضوا .. كان فى شباك فى القنصليه خاص بالسعوديين ممنوع دخول مصريين عليه .. وقفت شويه لما الامن انشغل و روحت داخله عالشباك

السعودي اللى هناك قالى ايش طلبك اختى ؟!

قولتله تأشيره حج .

الراجل اتعصب و قالي ما في تاشيرات هنا انتى ازاي دخلتى الشباك دا .. رديت بسرعه و قولتله انا لازم احج انا شوفت رؤيا ولازم احج و انا عارفه ان التاشيرات بتصدر من السفاره اكيد عندكم حل .. قالي احنا القنصليه السفاره هناك .. قولتله اتمنى تساعدنى

راح سألنى ايش شوفتى ؟!..حكيت الرؤيا الراجل قالى هتحجي يبقي هتحجى اكيد ..

و بعدين سألنى تانى على عنوان المخيم ..قولتله العنوان و الرقم اللى كان على المخيم بتاعي فى الحلم .. لاقيته اتخض جامد و قالي

دا ��نوان بيتى انا ورقم بيتى فى السعوديه !!

وراح رامى القلم قدامه قالي والله رؤيتك بتخوف .. دى رؤيا ليا انا .. والله لو السفير ما ادالك تأشيره انا هاجيبهالك .

و طلب رقم تليفونى و صوره جواز سفري و قالى روحى هنكلمك .. مكنتش قادره امشي ولا اوصف شعوري كنت راكنه العربيه يعتبر مخالف قدام باب القنصليه على النيل مباشره لاقيت ظباط القنصليه واقفين جنب العربيه قعدت اقولهم وسعوا انا هاحج خلاص هاحج و رجعت لصحبتى قعدت اقول لبيك اللهم لبيك و صحبيتى مش مستوعبه و دموعنا مقدرناش نتحكم فيها و فعلا كان شعور لا يوصف ابدا ابدا

هاعيش به العمر كله والله .

بعد اقل من عشر دقايق اتصل بيا رقم واحد قالي انه من مكتب السفير و قالي فى توصيه بتأشيره حج ليكي ابعتى صوره جوازك مره تانيه و ادانى رقم واتس بعت الصوره بعت لي التاشيره ♥️

مهما حكيت مش هاقدر اوفي شعوري و خصوصا تانى يوم ليا فى مكه .. دخلت الحرم وقت المغرب قبل الاذان بدقائق و اللى يعرف الوقت دا فى الحرم بيبقي مستحيل تدخل الصحن .. فجأه لاقيت نفسي من الساحه اللى برا فى الصحن .. واذن المغرب وقفت جنب السلم قرب اماكن الوضوء الامام بعد ما قرأ الفاتحه ..

لاقيته بيقرأ "لَقَدْ صَدَقَ اللَّهُ رَسُولَهُ الرُّؤْيَا بِالْحَقِّ لَتَدْخُلُنَّ الْمَسْجِدَ الْحَرَامَ إِنْ شَاءَ اللَّهُ آمِنِينَ مُحَلِّقِينَ رُءُوسَكُمْ وَمُقَصِّرِينَ لَا تَخَافُونَ فَعَلِمَ مَا لَمْ تَعْلَمُوا فَجَعَلَ مِنْ دُونِ ذَلِكَ فَتْحًا قَرِيبًا ۝

والله ما قدرت اتحكم فى دموعي ابدا كانها آيه من ربنا ليا ♥️

والله أشهدكم كلكم ان لنا رب كريم ورحيم و عظيم ..

و أشهدكم انى احب ربي .

ادعوا ربكم و انتم موقنون بالاجابه.

اكتر حاجه كنت مداومه عليها قبل الرؤيا .. الصلاه على النبي باستمرار

و لا اله الا الله وحده لا شريك له له الملك و له الحمد و هو على كل شيء قدير .

يارب ارزقني يارب يارب

[danceandrant]

غياب المؤسسات في مصر حاجة حزينة والله. مفيش تدرج هرمي ولا مش هرمي ولا مخروطي ولا حتى اي شكل للسلطة أو القيادات فتلاقي مثلا اي حد عايز يقول حاجة ولا له طلب ولا اقتراح ولا اي نيلة يقول على طول أطالب رئيس الجمهورية، اناشد سيادة الريس عشان بجد مفيش حاجة، مفيش مجلس شعب مفيش نواب مفيش نقابات مفيش ممثلين للشعب باي شكل، كل حاجة صورية كده، ديكور. احنا مش عايشين في دولة حقيقية، مفيش سيادة قانون مفيش قضاء عادل مفيش أي مؤسسة نزهية او مستقلة تماما كله بالشبه و بالحب كده. يعني مثلا نصحى في يوم نلاقي عصابة بقت بتتكلم بشكل رسمي و بتصدر تصريحات رسمية زي اتحاد قبائل سينا و احنا ولا فاهمين أي خرا و ازاي عصابة بيتاجروا في السلاح و المخدرات و سبق و خطفوا جنود مصريين دلوقتي بقوا انتيم مع الجيش المصري عادي. ممكن مثلا نلاقي مجرم قاتل اُثبتت ادانته ياخد عفو رئاسي هو واللي نفذ جريمته (طلعت مصطفى و محسن السكري). نصحى مثلا نلاقي تهجير لناس و طردهم من بيوتهم و أراضيهم اللي تملكوها لأجيال باستخدام العن�� و الرصاص الحي عادييي. نصحى نلاقي مقابر آثرية و مساجد بتتهدم. يبيع اراضي من مصر عااادي. و احنا كشعب بيتم التعامل معانا كأننا بهايم جهلة بناكل كتير و بنخلف كتير و بنستهلك كتير و فقرا اوي اوي اوي و مزعجين و متطلبين و مش قادرين نضحي باي شكل عشان خاطر بلدنا.

اللي قاهرني بقى تحول الشعب و المواطن الاڤريدچ العادي لجزء من النظام ده فتلاقي المواطن المتخزوق و طالع ميتين أهله و واخد على قفاه بيطبع مع العنف ده عادي و دماغه متعملش أي ايرور لما يشوف الظلم و غياب المؤسسات و المهلبية ديه قدام عينه فمثلا يشمت في حكم سجن بنت رقصت على التيك توك، يشمت في انتحار سارة حجازي (الله يرحمها) واللي يا حبيبتي الptsd واللي شافته في سجون السيسي وصلها للانتحار. يتكتار الشعب المسكين على أي حد غلط أي غلطة و هاتك يا ضرب و تشنيع و شماتة و تمنيات بالسجن و ضياع المستقبل زي مثال دكتورة النسا اللي متصدرة السوشال ميديا دلوقتي واللي بجد مش فاهمة سجنها هيفيد الناس بإيه ولا هيفرق في ايه بس زي ما قولت معندناس وسط ولا مؤسسات في النص، السجن و يليه النبذ الاجتماعي هم الحاجتين اللي معترف بيهم في مصر

[telkqadeya]

الأردن بتصدر بندورة للاحتلال والإمارات بتمول مشاريع استعمارية بالسودان ومصر بتسد ديونها من سرقة اللاجئين. صحة وعافية هي عروبتكم

[fadeel-zone]

من شهر ونص تقريبا اخدت قرار اني اقاطع السوشيال ميديا بشكل عام لانها بقت بتصدر طاقه سلبيه اكتر بكتير من ايجابيتها وبتجبرنا نحط نفسنا في مقارنات غصب عننا ودا شئ حسسني باحباط واني متاخر عن كل الناس مع اني بشتغل بكل ما اوتيت من قوه واكتر من شغلانه كمان وحاسس اني بعيد عن الناس دي اوي المهم اني مستمر ومرتاح نفسيا بنسبه كبير الابلكيشن الوحيد اللي نزلته تاني هو تمبلر لانه حقيقي لا يحوي غير الناضجين بنسبه كبيره وبيمدني بطاقه كبيره جدا ممتن بجد لكل اصدقائي اللي هنا اللي اتعرفنا واللي متعرفناش بس طيفهم اللطيف بيعدي علينا وبيدعمنا بصوره كبيره وربنا يقدرني ويقدركم اننا نحقق كل احلامنا والحمد لله اني كنت قوي كفايه اني ابعد عن العالم المزيف دا ومضعفتش وان شاء الله مكمل في البعد عن المجتمع المبني علي الشكليات والسطحيه دا.. ♡

[elsoltansworld]

‏تخيل تلاقي شخص على مقاس أمنياتك بالظبط ، هدوءه ، صوته ، مواساته اللي بتخليك تنسى همومك ، طريقة سماعه ليك ، أخلاقه وطريقة كلامه معاك ، صبره على مزاجك المتقلب ، إمتصاصه لغضبك ، ذوقه في الأكل واللبس ، كل حاجة بتصدر منه شبه مطابقة ومناسبة ليك

شخص تقاسمهُ خوفك ، فيقاسمك الطمأنينه♥

[wabooo]

في ناس هنا ممكن تكتب أنا حياتي خربانه وتبق فاكره انها بتصدر طاقه سلبيه وانهم تُقال علي الناس هنا لحد ما يجي حد يعمل ريبلوج ويقول ان معدش في حياه ع تخرب ، ويجي حد يعلي وهكذا لحد ما بتنسي انك تقيل وانك لوحدك بتلاقي ناس كتير معاك ودي حاجه بتطمن

[memo-de-ana]

"تخيل تلاقي شخص على مقاس أمنياتك بالظبط، هدوءه، صوته، مواساته اللي بتخليك تنسى همومك، طريقة سماعه ليك، أخلاقه وطريقة كلامه معاك، صبره على مزاجك المتقلب، إمتصاصه لغضبك، ذوقه في الأكل واللبس، كل حاجة بتصدر منه شبه مطابقة ومناسبة ليك."

شخص تقاسمهُ خوفك، فيقاسمك الطمأنينة.

- تخيل شخص على مقاس قلبك

[alaa-sayed]

انا مش عارفه ابدأ ازاي مش عارفه ارتب الكلام بس انا جايه وعارفه انك هتفهميني

الموضوع ان كنت في علاقه استنفذت مشاعري وطاقتي وكنت طالعه منها ويمكن لحد دلوقتي مش قادره بس خليني اقولك اشتغلت علي نفسي كتير وتقبلت ضعفي في الفتره دي وسايستني وخدتني واحده واحده وبعد تعافي سنين قابلت قريبي مكنش لا ع البال ولا ع الخاطر انه يحصل حاجه فا اعترفلي وبعدين عارفه حاسه انه بيدي بواقي وحاسه انه مستنفذ برضه بس مينفعش اسأله طبعا كان في حد قبلي ولا ايه لان محبش ان اتسأل وخصوصا ان الاجابه مش هتفيديني بحاجه بس حاسه ان في زق في العلاقه مش عارفه ده من ايه المفروض ان الخطوبه قريب بس بحس ان من كتر الي حصل قبل كده في العلاقه الاولي بقيت احس ان انا متكلمه اكتر او ان انا الي متلحلحه وده غلط جدًا غلط عارفه لو متبادل مش هشوفه غلط بس حاسه ان مدلوقه رغم ان مش مدلوقه وده تصرفي بس عشان هو مبيتكلمش فا بحس نفسي انا اللي متكلمه

مساء الخير يا حياتي، انا فهماكي

بس هقولك حاجة جايز تبقى مش صح، انا ليه حسيتك شايفة حاجات خايفة تكون بتصدر منك؟ كلامك عن الاستنذاف والبواقي؟ كتير من كتر ما بنخاف من صفات ومشاعر معينة تكون بتصدر مننا بنكون حساسيين اوي تجاهها وقانون الجذب بيخلينا نشوفها هي وبس في كل حاجة حوالينا..

مجرد سكوته ممكن يتفسر حاجات كتير تانية اوقع من انه يكون مستنزف من علاقات قديمة

اقولك حاجة؟انا عارفة ان العلاقات السامة والمؤذية والتجارب القاسية اللي بنمر بيها بتأ��ر في حياتنا بشكل او باخر، بس انا بصراحة ليا وجهة نظر تانية في موضوع العلاقات القديمة والجديدة

مشاعرنا وقلبنا وقدرتنا على الحب، مش كوباية فيها ماية، بنسقي منها وتخلص ، حبنا ده طاقة بتتجدد،بتكبر مش بتخلص مهما ادينا منها، حتى لو كنا بندي الشخص الغلط ، مفيش حاجة في الدنيا اسمها انا خلصت حبي ومشاعري في علاقتي الفلانية، او اني خلاص استنفذت تماما ومش هقدر ادي قد اللي اديته.

احنا بنمر بكتير وبنتأثر وبنتغير، بنخاف، بس بننضج،وبنتعلم، وبنعرف افضل شكل نحب بيه، واجمل شكل نوزع بيه حبنا على حبايبنا، ومع الشخص المناسب قلبنا ده بيرق ويتفتح من اول وجديد، وبيعرف يحب بشكل اعظم واكبر من قبل كدة.

انا اسفة انا عارفة اني اتكلمت كتير، بس صدقيني الكلام ده محتاجة اقولهولك اوي، اتكلمي مع خطيبك في مشاعرك وتخوفاتك، وماتسبيش تخمينات وتخوف جواكي يبني بينك وبينه حاجز، اسمعي منه، واتعلموا انتوا الاتنين ازاي تحبوا بعض بشكل يريحكوا ويدعم صحتكوا النفسية..

[mohamedtitoo]

_

تخيل تلاقي شخص على مقاس أمنياتك بالظبط ، هدوءه ، صوته ، مواساته اللي بتخليك تنسى همومك ، طريقة سماعه ليك ، أخلاقه وطريقة ڪلامه معاك ، صبره على مزاجك المتقلب، إمتصاصه لغضبك ، ذوقه في الأڪل واللبس ، ڪل حاجة بتصدر منه شبه مطابقة ومناسبة ليك ، شخص تقاسمهُ خوفك ، فيقاسمك الطمأنينة ، تخيل شخص على مقاس قلبك🤍💚

Ⓜ️🌀

╰┈➤ ❝ M.T ❞

[vincaros]

أنا مبسوطة من نفسي إني أم بتعترف بغلطها وإني أم بتتعلم ومش بتصدر أحكام مطلقة ولا بتصدق الخرافات .. مبسوطة اني مرنة وقابلة اعرف افكار جديدة وغريبة ويمكن مكنتش سمعت عنها طول حياتي

"بالمناسبة انا بحب اخد كل مرحلة بمرحلتها ومش بحب اسبق يعني فترة الحمل كنت بعرف عن الحمل وعن التغذية وازاي اتعامل مع نفسي وعن الولادة وو .. فمكنتش بعرف شيء عن ما بعد الولادة غير شوية حاجات صغننتة عشان مقعدش ارسم في خيالات كتير"

أول لما ولدت باسل للأسف مكنتش اعرف يعني ايه طفل ميمسكش موبايل.. او ابعد طفل عن الشاشة .. وقعت بالصدفة وهو عنده اسبوعين "الحمدلله ده كرم من ربنا ان اعرف حاجة زي دي بدري" على فيديوهات من ناس كتير بتحذر من خطورة الشاشات على الاطفال .. في البداية كنت مستغربة وبحس اللي هو عادي ماكل الناس بتعمل ده .. وان ازاي لحد سن سنتين الطفل ميقربش من شاشات بشكل مباشر ومقصود! بس احكامي المسبقة مسيطرتش عليا ودورت وعرفت اسباب كتير لكل ده

افكار زي الاكل والممنوعات كنت بشوفها شيء مبالغ فيه بس بعد مابقيت أم بتحاول بقدر الامكان تخلي حياة ابنها افضل وصحية لقيتني مقتنعة وبسعى جاهدة ان احسن من اكلنا انا وكريم عشان ده هيأثر على باسل فيما بعد وعاداته في الاكل

ففي الحقيقة انا مبسوطة ان نفسي بتساعدني اكون مرنة لان بشوف في الواقع بتاعي ناس بتعارضني بشكل اوفر وبيحسسوني اني م��فورة في حاجات كتير .. لكن محدش يعرف اني كنت مكانهم في وقت من الاوقات وأنا كمان مكنتش مقتنعة بس ربنا ألهمني اني اقتنع واكون اكتر مرونة وتقبل للحقايق

[elkorapost]

جوتا يجلس على دكة البدلاء

يستعد ليفربول لمواصلة بدايته المميزة في موسم 2024/25 تحت قيادة المدرب الجديد آرن سلوت في دوري أبطال أوروبا ضد بولونيا على ملعب أنفيلد. منذ تولي المدرب الهولندي القيادة خلفًا ليورغن كلوب، حقق ليفربول انطلاقة قوية بتصدر الدوري الإنجليزي والفوز في البطولات الأوروبية وكأس الرابطة. بعد فوزه على ميلان بنتيجة 3-1 في مباراته الأخيرة، يسعى الفريق لتحقيق فوز آخر أمام بولونيا لتعزيز فرصه في التأهل إلى ثمن نهائي دوري الأبطال. قام سلوت بتغيير ��احد فقط عن مباراته الأخيرة ضد ولفرهامبتون حيث حل داروين نونيز مكان ديوغو جوتا، الذي يجلس على دكة البدلاء بسبب قلق حول لياقته البدنية. من جهة أخرى، يعاني بولونيا بعد موسم تاريخي، حيث خسر مدربه وبعض نجومه، ليبدأ الموسم بنتائج مخيبة في الدوري الإيطالي. #البدلاء #جوتا #دكة #يجلس https://ift.tt/LGbDwi6

[elsoltansworld]

‏تخيل تلاقي شخص على مقاس أمنياتك بالظبط ، هدوءه ، صوته ، مواساته اللي بتخليك تنسى همومك ، طريقة سماعه ليك ، أخلاقه وطريقة كلامه معاك ، صبره على مزاجك المتقلب ، إمتصاصه لغضبك ، ذوقه في الأكل واللبس ، كل حاجة بتصدر منه شبه مطابقة ومناسبة ليك

شخص تقاسمهُ خوفك ، فيقاسمك الطمأنينه♥