#باكس

[gannaadel]

بكفر وبرجع في اليوم الواحد ميتين مرة. مش بربنا لأ، لكن بالحياة كفكرة، وبالبشرية كنوع.

أول مرة كفرت كان يوم فضّ رابعة. الكُفر الطفولي المقموص دا اللي حاطط إيده في وسطه وبيدبدب في الأرض ويزعّق للسما: "انت إله انت؟ سايب اللي بيحبوك يتدبحوا كده وواقف تتفرج؟ أكيد انت مش وجود، ولو موجود ما تستحقش العبادة". كنت بدرّس وقتها في جامعة الأزهر، وشايفة الطلبة بتوعي بين اللي أهله ماتوا أو اتقبض عليهم واللي قلبه محروق. واحد منهم قعد في المعتقل بعدها ٧ سنين. كان اسمه خالد. مهذب وبشوش. والناس بتهتف افرم يا سيسي، وأمي في البيت - مسكينة - بتعلق صورة الجنرال. المنقذ. بس أما وريتها صور، بكت، بس ما شالتش الصورة.

كنت صغيرة. حزينة وغضبانة.

المرة دي إيماني بيه ما اتزعزعش لحظة. علاقتنا نضجت كتير. بطلت قمص مبدئيًا، بقيت أقول وريني. وريني. مستغربة شوية من نفسي بصراحة، بس برجع واقول مشواري ابتعادًا عنه ورجوعًا إليه كان طويل وشاق. اختبرته واختبرني مرارًا، شافني وشفته مرارًا، بوشوشنا المختلفة، ف معنديش أي شك في وجوده، ولا في رحمته، ولا في حكمته، ولا في قدرته.

عارفه إنه بيحب يعقّدها قوي وبعدين يحلّها. بيحب الـ كام باكس الملحمية. بيحب يستعرض فيها قدرته، السيناريست المدهش العبقري اللعبي. عارفة إنه مش بس حاسس بينا - كلنا، أشرفنا وأنجسنا - في اللي حاصل دا، لأ، دا عايشه من خلالنا. وإنه، كالعادة بيرتب لحاجة مدهشة. السؤال بقى امتى؟ سؤال إنساني جدًا. ويمكن دا اختبار الإنسانية الحقيقي. الزمن. الحفاظ على نسبنا الإلهي واحنا خاضعين للزمن ومزنوقين في أعمارنا المحدودة ومش عارفين هنعيش لحد ما نشوف الع��الة ولا لأ. هنشهد الكام باك دي ولا لأ. دا اللي رفضته السماوات والأرض والجبال وأشفقن منه؟ حقهم بصراحة.

وحملها الإنسان..

شفت إنسان بيتبرع بتلاتين جنيه وإنسان بيحوّل اللي حاصل لحملة دعاية ذكية وخسيسة. إنسان بيدافع عن المعتدي أملًا في نفحة، وإنسان بيخاطر بكل ما يملك عشان يقول كلمة حق، أو يغرس فسيلة والناس بتجري من أهوال القيامة. إنسان بيحاول تحقق إنجاز سياسي بوضاعة مدهشة، وإنسان خايف على اخواته في الإنسانية، وعلى بكره، وع الحاضر. شفت كتير. بقول لنفسي يمكن دي فكرة الحياة أصلًا! اختبار كل السيناريوهات الممكنة. كلّها. مش بس الحلوة أو العادلة أو الشجاعة. لازم انحطاط، وسفالة، وانتهازية وقمع. مكوّنات أساسية في كيكة الحياة الكبيرة المدهشة. في كيكة ربنا الكبيرة المدهشة. كيكة لا يمكن تناولها إلا برّه الزمن.

ماري في الطريق. آخر ليلة قضيتها معاها كانت في أول الموضوع خالص، وكنت مفلوقة من العياط ودايرة في البيت زي الوحش الحبيس بخبط دماغي في الحيط. محشورة في أسئلتي. أروح رفح ولا أفضل هنا أكتب واترجم وأودّن؟ هل أنا في المكان الصح؟ هل أنا بعمل كفاية؟ هل اللي بعمله دا ليه لزمة؟ هل أنا عايزة أبقى مفيدة، ولا عايزة تبقي بطلة؟ فين هبقى أفيد؟ مكانش عندها رد، بس عينيها كانت طيبة وصادقة.

ماري مش متابعة كويس. أهلها في فرنسا طبعًا دماغهم مغسولة حد التقرّح، وهي حاسة بيا مش عارفة تواسيني. من شوية على استحياء سألتني لو ممكن تيجي تطمن علينا وتعمل لي كيكة شوكولاتة. وافقت. شفته فيها. شفت ربنا فيها. وجهه الحنون، ذو الجلال والإكرام، هيكون عايز يقعد جمبي ع الكنبة النهارده يراقبني بإشفاق وانا بتابع المظاهرات والضرب جوّه وبرّه، يسمعني بشتم وبزعّق ويرّد عليا بانجليزية مكسورة "اتس أوكيه والله. اتس أوكيه"، يعمل لي كيكة شوكولاتة، وياكلها معايا، برّه الزمن.

[fatti97]

هالفترة اكثر شي استمتع فيه حساب وحدة باكس مطلقة ممحوىة تطلب نداءات تزاوج و للحين تفكر بطليقها…الله لا يبلانا بس تضحكني تعليقاتها 💀💀

[marmarika-world]

انا عايزة اشتغل الشغلانة اللي الناس بتشتغلها ع اللابتوب الصبح في ستار باكس ..

[yassmeenamoustafa]

فيه كلمة كدة عرفتها مؤخرا وبقيت استخدمها لأشخاص معينين كدة الا وهي "باكس" او "بكس" مش متأكدة اوي بس عارفين مدى رخامة الشخص لما يوصلنا لإننا نقوله الكلمة دي معناها كبير بالنسبالي درجة رخامة لا توصف

انا مش هوصف بيها شخص المرة دي أنا هوصف بيها

حياااتتي

حياتي بكسة رخمة رزلة غلسة واي حد عارف اي معنى يقوله بردو

بس بنعمل ايه بعد مابنفضفض بنسكت ونقول الحمدلله

حكمتك يارب أنا بس بطلع اللي جوايا عشان مفرقعش

بس انا من جوايا بضحك على حياتي وبقول الحمدلله والله 😅

[ibrahimshoukri]

معايا شغل كتير والدنيا حرفيا سحلة دماغي من غير اي اسباب عايزه تشرب اي حاجة من ستار باكس مع اني عمري ما شربت منه هي مرة واحدة ف الكويت ومش عارف اشتغل والله مضطر اطلب

[roro-scorpion]

أنا عايزه أشتغل الشغلانة اللي الناس بتشتغلها

علي اللابتوب الصبح في ستار باكس 🙂

[crazy-2m]

وانت هتستفيد ايه لما تعرف المنيو بتاعة ستار باكس بجد هتنزل تجيب فونتانا فانيلا سيرب و ستار بكس اسبرسو روست من محل البقاله اللي جنبك وتعملها في البيت هتجيب باريستا كوفي وتطحن انتا يعني الاسبرسو يابني فوق انتا اغلا حاجة في المطبخ عندكو الخلاط

[lucid-dreamer-0]

effective lower abs exercises?

اقولك على حاجة بس متتخضش؟ تمارين الآبس دي اكبر خدعة في التاريخ، وممكن يبقى عندك سكس باكس من غير ما تلعب آبس ولا يوم في الاسبوع اصلا عادي، طالما ظابط الدايت وبتتمرن عموما عشان عضلات بطنك بتبقى engaged في معظم التمارين باي ديفولت .. مش بقولك كده عشان متلعبهاش، العبها عشان تقوي الcore عموما اللي هيساعدك في بقية التمارين، إنما متستناش منها نتيجة ولا تنتظر منها تكون ايفيكتيف، الآبس بتتعمل في المطبخ بنسبة 90%.

[eshragcom]

مقال في فورين أفيرز: هذا ثمن سياسة القوة التي ينتهجها ترامب

اشراق العالم 24 متابعات عالمية ع��جلة: نقدم لكم في اشراق العالم24 خبر “مقال في فورين أفيرز: هذا ثمن سياسة القوة التي ينتهجها ترامب” لقد ولى عصر السلام الأميركي (باكس أميركانا) الذي وُلد مع الهجوم الياباني على الأسطول الأميركي الذي كان راسيا في قاعدته البحرية بميناء بيرل هاربر في جزر هاواي في 7 ديسمبر/كانون الأول 1941. بهذه الفقرة استهل باحثان أميركيان مقالهما في مجلة فورين أفيرز، والذي ينتقدان…

[whatevershefeels]

ده لعنة الله على الفلاش باكس

[marmarika-world]

الطبقه اللي عمرها ما دخلت ستار باكس

عاملين مقاطعه 🤭🤭

[ihateyou99percent]

ما عندي أغنية أروق عليها كل أغانيي لها فلاش باكس كثير ومب حلوة ، بس عندي أغنيتين أو ثلاث أسمعها حاليًا ولها ذكريات حلوة وشعور حلو

[sportnews9]

تحديث بشأن حالة Bucks WR قبل المباراة الفاصلة ضد القادة

ظهر نجم تامبا باي بوكانيرز الصاعد جالين ماكميلان في تقرير الإصابة يوم الأربعاء بإصابة في إصبعه، مما أثار تساؤلات قبل مباراة البطاقة البرية ليلة الأحد ضد تامبا باي بوكانيرز. قائد واشنطن. جاءت الأخبار الجيدة لجماهير باكس بسرعة. وفقا للاعب اليانصيب كيث هيرنانديز، ماكميلان شارك بشكل كامل في تدريبات الأربعاء. تشير المشاركة النشطة للمتلقي الصاعد إلى أنه مستعد لمواجهة فاصلة باستثناء أي انتكاسات. سيكون…

[sauditowzef]

وظائف مبيعات في الشارقة براتب يصل 5000 درهم

وظائف مبيعات في الشارقة لدى نيست باكس ذ.م.م الشارقة 2200 درهم إماراتي - 5000 درهم إماراتي شهريًا، ابدأ رحلتك المهنية معهم وتمتع بدخل ممتاز وفرص تطوير لا حدود لها. للتقديم، يرجى الضغط على الرابط أدناه.

[moo-tay]

الرئيس التنفيذي لستار باكس : وصلنا مرحلة حرجة من الخسائر بعد فقدان 13 مليار دولار ..

أصحاب الضمائر الحية : واصلوا …

[elroudany]

تقريباً بعد حوالي ٢٨ سنة أهو من عمري أكتشفت إني عِشت منهم فترة كبيرة أوى من حياتي بطريقة غلط، كنت ديماً شخص بيدور على المثالية في كل شيء، كنت شخص بيحاول يوصل و يقرب للكمال من كل شيء، كنت شخص بحاول أكون نسخة كويسة و خلاص حتى لو دة هياخد مني وقت كتير و فرص كتير، في حين إني كنت ساعتها ناسى خالص إني مجرد إنسان، مجرد كومة غلطات و تناقضات و كل يوم برأي و ساعات لازم تسيب نفسك شوية تروح مع الموجة و تسيب التيار يسحبك جايز يطلع مكان أحسن بكتير مما تتخيل، و ساعات لازم تحس إنك خلاص بتغرق عشان تعرف تعوم و تشوف إنهي إتجاه هو اللي أخره البر، يعني ممكن أقول إني كنت شخص كويس بطريقة غلط و دة مايفرقش حاجة خالص عن شخص تاني غلط بس بطريقة مترتبة، بس فهمت إن مفيش شيء كامل ولا ينفع تقرب من الكمال حتى، و مفيش شيء سهل خالص، مفيش ولا شيء سهل، كل حاجة صعبة بس فية إختيارات، تعيش لوحدك صعب و تتجوز صعب، تبقى ناجح صعب و تبقى فاشل صعب، تبقى رفيع تبقى تخين تبقى فورمة و سكس باكس و شريدت كل دة صعب، تبقى غنى صعب و تبقى فقير صعب.. الحياة كلها حاجات صعبة بس أنت إختار الصعب بتاعك، حياتى صعبة ااه صعبة بالنسبة لمين؟ مش بالنسبة لحد غيري أنا و بس، هحكيلك تقولى بس أنا كمان مش عارف إية؟ لا هي صعبة على قد طموحاتي و إمكانياتي، لا أنا مكانك و لا أنت مكاني و هنعيش كلنا فاكرين أننا باصين من نفس المكان و شايفين نفس المنظر و الحقيقة إن كل واحد واقف في نقطة مختلفة شايف منها منظر و صورة مش زي اللي واقف جنبة شايفها.

حياتي صعبة تمام متقبل دة، هو دة أنا و هي دي حياتي، ساعات بشمر كيعاني و أقول يلا بينا كله على الله و ساعات بقفل على نفسي لحد ما أرجع تاني عندي شوية طاقة أواجه بيهم، ساعات بلاقي حد يقولى بس لية بتعمل كدة؟ لية ديماً بشوفك مختار الطريق الصعب؟ مين قالك إني قدامي طريقين أصلاً أختار بينهم؟ ساعات بيكون مفيش إختيار، و ساعات إختيار بين صعب و أصعب و في الغالب مابتكونش عندك الخبرة الكافية اللي تعرف الفرق بينهم.

ساعات تحس أن الحياة بتفوتك و ساعات بتبقى أصلاً عايزها تفوتك، ساعات قلبك بيبقى مليان إيمان و ثقة بالله، و ساعات عشان أنت إنسان و ضعيف بتغلط و تيأس و تلعن كل شيء حواليك، ساعات بدور على حاجات حلوة أتشعلق فيها و ساعات بمشي أبوظ أي حاجة حلوة لسة باقية في ��ياتي.

تقبلي للأشياء مش ديماً بصدر رحب، ساعات بيبقى نفسى في نفس الحاجة بس بطريقة تانية كانت هتفرق كتير، مش ديماً عندى الحكمة و الصبر، بس من غيرهم كل حاجة هتبقى وحشة للأسف، إن الله مع الصابرين أنا عارف دة كويس بس يمكن أنا مش منهم لسة.

ساعات بيكون فية إبتلاء أسمة عدم التوفيق، عدم توفيق في شغل في حب و صداقة في أهل في أخوات في خطوات و أحلام، ساعات كتير بيكون كدة، و دماغك تتملى حاجات سودة هي دي حياتي و هو دة أنا، فتخاف تجرب حاجة جديدة، بس يمكن دلوقتي و بعد كلام كتير مع نفسى فهمت حاجة مهمة أوى أن أحنا ساعات مش بنشوف الصورة كاملة عشان عنينا جت أول حاجة على الحتة المكسورة في البرواز، و أن الرزق مش كله فلوس ولا كله حب ولا كله شغل ولا عمره كان في شيء واحد، فلما بيضيع مننا حاجة منه بنفضل باصين عليها و بننسى نبص على باقي الرزق اللي عندنا، أنا كمان بنسى دة كتير و يمكن طول الوقت عيني على الحتة المكسورة من البرواز، بس بقيت بفكر نفسى ديماً، أنا مش في حرب ولا سباق مع حد ولا حاجة أنا ماشي في طريقي أنا و بس، و طريقي مش سهل ولا عمرى أتوقعت إنه يكون سهل و مش بجبر حد يمشي معايا فية هو دة أنا و هي دي حياتي إن عجبتك تعالا أمشي معايا فيها يمكن أنا و أنت نكون شبة بعض، يمكن الأيام الصعبة هي اللي صنعت مني شخصية قوية إلا حد ما، يمكن فية خير في فترة ما؟ الله أعلم.. يمكن فية شر؟ الله يستر.