#الجاتوه

[anyway94]

اغبى ماقد يحصل ان تقدّم محبتك. تقدمها كما لو كانت جاتوه لذيذ كثير وتنتظر ان تُؤكل بحب. اول ملعقة منك شهية لكن بعد عدة ملاعق تصبح كثير حلو.. كثييير! وهذا غير محتمل.. يشبعون منك.. يتركونك بالثلاجة بالايام.. ما يرمونك.. ينتظرونك تصير قاسي كثير.. جاتوه ناشف.. والكريمة تحوَّل قوامها لإسمنتي.. ثم يقررون انك خلاص خربت.. رغم ان طعمك لسى لذيذ.. حتى ماعليك اثار عفن..تحاول تقنعهم انك ذات الجاتوه! اللي كان حلو! و احتفظوا فيه! لكن قرروا انك خلاص منتهي الصلاحية.. لانك قاسي وناشف. يرمونك.. مع ملاحظة ان شوية عناية كانت بتخليك لسى ليّن ولذيذ. حقيقتك لا تفيد. تلاقي نفسك فجأه في قمامة. والاغبى من اغبى ماحصل وانتهى ان يدركوا ان : ممم لحظة هو شكله شهي وحلو!! ويقررون العناية بك فجأة تلقاء انفسهم. وانت مرمي.. تفقد جزء كبير منك اختلط بالأكل.. والمتبقي في القاعدة علق بها بقايا طعام. لكنهم يخرجونك على اية حال.. طعمك لا يستسيغه احد.. وانت تعلم انك جاتوه في الاخير.. حلاوتك لن تختفي.. يحاولون تذوقك.. يشمئزون ويعيدون رميك.. تعود.. تحاول ان تختلط بطعام اخر وتذوب في مشروب غازي يسكبه طفل. تتحول لسائل.. تسيل من الكيس وهو يُسحب.. لتتشربك الارض.. لا احد يصدق انك كنت جاتوه لذيذ. الا انت

[maram2sworld]

ساعات كتير بحس إنى جميله وحلوه وأطعم من الجاتوه

[marmarika-world]

-أنا كنت عايز أجيب بابا وماما و ٧ قطع جاتوه، ونيجي نزوركم

=٧ قطع؟؟

-آه، ما احنا ٣ وأنتم ٤، وللا حد عندكم مبيحبش الجاتوه علشان معملش حسابه؟؟

[roro-scorpion]

نفسيتى محتاجه حد كل ما يشوفنى يقولى أنت yes وهما no أنت أطعم من الجاتوه🍰🤣

[amrs-posts]

- على فكرة انا قاعدة معاك بس عشان ماما بتزن عليا كتير في حوار الجواز دا، لكن انت في الآخر هتاخد الجاتوه بتاعك وتروح

= لا لا لا، ما احبش انك تتكلمي كدا مع جوزك المستقبلي

- هو انت عندك إحساس ان�� ممكن اوافق عليك ؟

= مش إحساس أنا متأكد انك مش هترفضيني

- دا إيه الثقة دي كلها

= لا ثقة إيه أعوذ بالله، دا غرور بعيد عنك

- انت عارف انا رفضت كام واحد قبلك، عارف كانوا بيشتغلوا إيه ؟

= مش عارف بس اقدر اتوقع، انتي إنسانة جميلة، مثقفة، من أسرة محترمة، أكيد جالك عرسان كتير

- وانت بقى شايف انك أحسن من اللي اتقدمولي في إيه عشان اوافق عليك ؟

= لا ما انتي مش فاهمة، انتي هتوافقي عليا انا بالذات عشان انا أقل واحد في اللي اتقدمولك

- دا اللي هو ازاي يعني ؟

= أنا هقولك، انتي أكيد اتقدملك حد وسيم قبل كدا

- چانات يا بابا

= حلو، نفترض يا ستي انك اتقدملك أحمد عز، وانتي وافقتي، كويس ؟

- كويس

= هتفضلي كام سنة بعد الجواز تشوفيه وسيم ؟

- طول ما هو وسيم وواخد باله من شكله

= لا مش صح، انتي عينك هتتعود على حلاوته، وبعد فترة من الزمن هيبقى عندك زيه زي سليمان عيد

- إزاي بقى الكلام دا ؟

= إيه أكتر أكلة في الدنيا بتحبيها ؟

- البيتزا

= لو اشتغلتي كاشيرة في بابا چونز، وبقيتي تشوفي البيتزا أكتر ما بتشوفي مامتك، هتفضلي تحبيها وتشوفيها أجمل أكلة في الدنيا ؟

- ليه لأ ؟

= عشان دي طبيعة الإنسان، بيزهد اللي في إيده ويبص للي مش في إيده

- ماشي هفترض ان كلامك صح إيه اللي هيحصل بعد كدا

= لو سيبتي مكعب سكر على رخامة المطبخ، هتصحي الصبح تلاقي إيه ؟

- النمل ملموم عليها ؟

= طب لو سيبتي حتة جزرة مخللة على نفس الرخامة

- محدش هيعبرها

= محسوبك الجزرة

- أوكييييه، يعني انت جاي تتقدملي بعدم وسامتك

= لا معلش ما اسمحلكيش، الشكل دا بتاع ربنا احنا مبنختاروش، لكن أنا أصلا مهمل في نضافتي الشخصية كمان

- شامة

= اه بس بعد الجواز هتتعودي على الريحة دي، لكن هتستفيدي ان مفيش واحدة غيرك هيجيلها نفس تبصلي

- بص هو انا عموما مش مهتمة أوي بحوار الشكل دا، انا أهم صفة عندي في الراجـ ـل خفة دمه، انت دمك خفيف ؟

= يلطش، تصدقي بالله ؟ الخليل كوميدي جنبي يبقى سمير غانم

- طب إييييه ؟

= هسألك سؤال تاني، هو انا لو دمي خفيف، دي تبقى صفة عامة مع كل الناس، وللا أوبشن خاص بيكي ؟

- لا أكيد هيبقى دمك خفيف مع كل الناس

= والراجـ ـل اللي دمه خفيف قعدته حلوة، يعني الستـ ـات اللي معايه في الشغل هتلزقلي

- طبيعي

= ودي تبعتلي ميمز، ودي تبعتلي ستيكرز، ودي تكلمني في نص الليل عشان تسمع آخر نكتة، هتقدري تستحملي الوضع دا ؟

- لأ بصراحة

= أنا نسيت اقولك إلى جانب تقل دمي، أنا كمان برميل كآبة

- يا ساتر

= يعني مفيش حد هيقرب مني، لا رجـ ـالة ولا ستـ ـات

- طب وعلى كدا علاقتك بأهلي هتكون عاملة ازاي ؟

= زبـ ـالة، أنا لسه باصص لابوكي باحتقـ ـار أصلا وانا داخل

- انت اتجـ ـننت ؟ عايزني اتجوز واحد مبيحترمش أهلي ؟

= افهمي يا بنت الناس، أنا قاصد ابني علاقة سيـ ـئة مع أهلك واخليهم يكـ ـرهوني

- ليه ان شاء الله ؟

= تخيلي كدا لو أهلك بيحبوني وبيثقوا فيا وميتمنوش يزعلوني

- إيه الوحـ ـش في كدا ؟

= الدنيا هتضيق عليكي لو انا زعلتك في يوم، هتلاقيهم كلهم واخدين صفي، ومش هتلاقي حد يسمعك، لكن كدا، لو قلتي بم، ما هيصدقوا

- تصدق عندك حق، دا انا جوز اختي محترم أوي وبيحبوه جدا

= الطف بينا يا رب، واختك مرتاحة للحوار دا ؟

- محدش بيديها أي حق لما بتتخانـ ـق معاه

= أنا بقى بأمنلك حياتك، لو في يوم ضايقتك أو حتى انتي اتبليتي عليا، أهلك هييجوا يطرشموني

- صح، وعلى كدا ناوي تجيبلي شبكة بكام ؟

= مش هجيب خالص عشان انا معفـ ـن، بخيل جدا على فكرة

- لا أنا مبحبش الراجـ ـل البخـيـ...

= ثواني بس، ما انا لو كريم واللي في إيدي مش ليا، مش هيبقى ليكي لوحدك

- أمال لمين ؟

= أصحابي بقى كل اللي محتاج قرشين هسلفه، قرايبي، زمايلي في الشغل، مش هيتبقالك حاجة

- طب ولما تبقى بخـ ـيل ؟

= كله ليكي في الآخر، هو انا أصلا بالحياة الزبـ ـالة اللي انا عايشها دي هطول في الدنيا ؟

- لا إن شاء الله

= خلاص، قلتي إيه ؟

- قلت ربنا يتمم بخير، أنا هروح أقول لبابا اني موافقة، وبالمرة اجيبلنا حتتين جاتوه من العلبة اللي معاك دي

= لا سيبي الجاتوه دا عشان انا مأجره

صباحكم 💜

[lieudefleur]

لو في حفلة ياريت بيتزا بدل الجاتوه

[jasmindasworld1]

-هات بس دستتين جاتوه وتعالى ومتقلقش من سعر الدهب، بابا مقدر إنك شاب في بداية حياتك ومش هيتقل عليك.

=أنا قلقان من سعر الجاتوه!

[mouthengineer]

الدبلتين وعلبة الجاتوه عاملين ١٠٠ الف دلوقتي .. يا بلاااااش

[zahraa17]

اناا مش فاهمه اى الصعب ف ابوك وامك وعلبة الجاتوه ونص مليون جنيه!!!!

[a-3asfoor]

أنا مش فاهم إيه الصعب ف أبوك و أمك و علبة الجاتوه و نص مليون جنيه .

[joe7]

-هات بس دستتين جاتوه وتعالى ومتقلقش من سعر الدهب، بابا مقدر إنك شاب في بداية حياتك ومش هيتقل عليك.

=أنا قلقان من سعر الجاتوه!

[marmarika-world]

هو إحنا ليه حياتنا مش زى السكينه فى الجاتوه ؟!

[memo-de-ana]

- هعملك فرح محصلش

= بجد ياعمرو ؟!

- فوق السطوح .. وامي تدور ع المعازيم بحتتين الجاتوه وساندوتش البسطرمه

[zumaradaalhawi]

اختراعي الصباحي انهاردة كيكة بالزبدة والبرتقان والقشطة البلدي، البرتقان اللي قاطفاه بنفسي من الشجرة، وخد بالك من إن كل كلمة باضيفها للوصف بتودي إحساسك في حتة مختلفة، حد مثلا يسألني ليه قولت قشطة بلدي؟ مع انك كان ممكن تقولي قشطة وتسكتي عادي، هاقوله عشان تحديدا القشطة اللي في العلب دي مش للاستخدام الآدمي يا عزيزي خد بالك، الحياة في أوقات ما تريد منك أن تشعر بجودتها! وليه كمان قولت كيكة بالزبدة والبرتقان، مع إني كان ممكن أقول كيكة بالبرتقان بس مع إن كدا كدا الكيكة بتتعمل بالزبدة، زي الناس اللي علطول تقول فول بالليمون!وهو فيه فول من غير ليمون يا عزيزي، بالله خبرني، هل فيه فول بدون ليمون؟ وسؤالي جوابه هو إن الزبدة بتديها وجود في الخيال، خاص، وبتخليكم تحسوا إنها غنية، حتى جربوا كدا!

وأتمنى من قلبي لأي حد انه يحس شعور هذا الغنى تجاه العالم، اللي بتخلقه الكلمات والحروف في أوقات ما بيشعر الفرد منا أنه مركبه فضى، أي أنه فاضي، وفاضي ليس من الفيض ولكن من الفَضَا، على منوال مراد.

وكمان بشرب قهوة باللبن في طقم الجاتوه اللي أول مرة أشرب فيه! هو الحقيقة يعني أنا مليش في القهوة دي أوي، بس كلهم مع بعض عاملين دويتو رائع، حد يسألني عن حد ممكن أعزمه على الفطار دا، هاقوله أحب جدا أعزم عزت القمحاوي بسبب مقاله الجميل في كتابه الجديد، الطاهي يقتل والكاتب ينتحر، وهو بيتكلم عن الانسجام، مسني الانسجام اليوم بهذا الفطار يا أستاذ عزت وأحب أقابلك ونتكلم عنه، برغم اني بقالي يومين مش عارفة أنام ومش حاسة بيه وفيه حزن كدا في الخلفية مش مفهوم زي ريأكشن وش باستر كيتون.

الشخصية التانية اللي عايزة أعزمها هي بيسان وهي بتكلم زياد وبتغني له أغنية رفي��ي صبحي الجيز وان شاء الله تكون دلوقتي قاعدة زيي بتشرب قهوتها ومبيحفرش فيها الضچر الطويل زيي، مع اني قولتلهم يا بيسان ألف مرة، ألف مرة، ما تحتلوني، بدهم يحتلوني! شو فيه أعمل معهم؟

[jasmindasworld1]

هو يحصل ايه لو زورنا بعض و في ايدينا علبة تمر مِشَكّل بدل علبة الجاتوه او التورتة او الحلويات !!!

يحصل ايه لو لاقدر الله حد عامل عملية و هنروح نزوره ناخدله عاىلبة تمور بدل صواني الشيكولاتة !!!

طيب بلاش دي ، يحصل ايه لو أدينا اولادنا في اللانش بوكس كل يوم كام تمرة بدل السويتس و الكاندي اللي الحمدلله بطلنا نجيبهم عشان خاطر اخواتنا !!!!

التمور كلها فوايد يا جماعة ، و مابتفسدش بسرعة ، يعني لو حد جاب كيلو ولا اتنين تمور هدية في زيارة او لمريض مش هتبوظ بسرعة و هتفيد اهل البيت ، مش زي لو جبنا شيكولاتة ولا حلويات ولا جاتوه

نفسي نغير ثقافة الهدايا و ننسى السكر الابيض شوية و نركز في التمر ♥️♥️♥️

العلبة الشيك دي سهل تطلبوها و تجيلكم ع البيت ، و ممكن لو الظروف مساعدة نطلب معاها مكسرات كمان و ندي منها للاولاد تساعدهم ع التركيز في مواسم الامتحانات و المدارس

[unbreakablesal]

انا داخله امبارح على عيلتى بشنطه فيها حلويات و شوكولاته .. هووب اخويا يعلي عليا و يدخل علينا بجاتوه 😂🥹 اخويا اجمل راجل ف حياتى بعيدا عن الجاتوه يعنى 😂 بس هو و بابا الرجاله الوحيده ع الكوكب اللى ممكن افضل ارغي معاهم من غير زهق ابدا ♥️