#التريند

[marmarika-world]

إنها لعنة أن تكون المرأة مصرية يا عمر، وعمر دي مش بتاعة التريند، أبسلوتلي، دي بتاعة الردح. الست المصرية دي أمرها عجيب والله، لا خدت تستيت السورية ولا تحرر اللبنانية ولا بغددة الخليجية، يعني ف سوريا الغالب ف الجواز أن الست بتطلع بشنطة هدومها ومش شرط كمان هي اللى تملا الشنطة، أه ف المقابل الراجل السوري معروف عنه أنه عنيف وضرب الزوج لزوجته ف سوريا أعلى من عندنا بمراحل واﻹهانة بتعدي عادي بس أهو باكيدج فيه الحلو وفيه الوحش، الخليجية بقى ممكن ف أي وقت جوزها يتجوز عليها اتنين وتلاتة عادي ومقموعة بس ف المقابل عندها خدامة وعربية بسواق والشوبينج يغنيها عن الخرا الباقي، باكيدج برضه، وهكذا، لما تسأل بقى الست المصرية خدت أيه هتلاقيها خدت مساوئ الباكيدجات دي كلها وفوقيهم خدت الجدعنة والصبر، الحياة ف مصر أجبرتها تنزل الشارع وتشقى ويطلع ميتينها عشان تبقى الصورة المتصدرة عنها أنها جدعة وبميت راجل، مع أن مافيش راجل ف علاقة بيدور على واحدة بميت راجل!الست المصرية بتشارك ف تأسيس البيت وتتحمل مع الراجل المسئولية، فيه بيوت كتير اللي بيعولها ستات، الراجل المصري من أكثر الشعوب إصابة بالضعف الجنسي، لا تغذية ولا رياضة وماشي بالحباية وتلاقيها كاتمة ف سرها وساتراه وراضية بالموجود، الراجل المصري مش من الشعوب الوسيمة ورغم كده بتبقى شايفة اللي معاها نجم هوليوودي بكرشه وبقرعته، وما بتشتكيش والله، المشكلة اﻷكبر أن كرجالة مصريين بقت سمعتهم فضيحة بره، لا ثقافة تناسب واحدة مش مصرية ولا تقبل للأخر عشان تتقبل أنها ليها بيست فريند راجل عادي، ولو نزلت معاك بهوت شورت فأنت ديوث، طب أنتم عايزين أيه حيرتونا والله يا جماعة!!!

الخلاصة ان مشكلة الراجل المصري أن طموحاته أكبر من إمكانياته بكتيييير.

[ahmad-ojaimi]

دخلت تويتر اشوف التريند وآخر الاخبار ... ويا ريتني ما دخلت 🤦‍♂ ترى هذا آخر تطبيق ممكن تفكر توخذ منو اشي منيح ...

اقسم بالله بتحس حالك دخلت مركز امراض نفسية وعقلية ! مكرهه صحية !

وعاملين فيها مثقفين وجماعة "مش عارف مين انا!" وكل واحد عندو الف عرص صار ناشر محتوى وعنده فكره الخاص وبنشر هبلة عاساس انو محور الكون وريحته طالعه 🤦‍♂

لفت انتباهي بروفايلات مجهولة عاساس انها من فلسطين وهي "صhيونية" بسبوا على العرب عشان ما بناصروهم وبلاقوا في المقابل بعض العرب بسبوا عليهم وبحجموا القضية بغزة او المقاومة ! وسب وعنصرية وشماته واشي بمنتهى القرف ...

جد احنا امّة ليست مهيئة للنصر ابدا ...

واستبدالنا مجرد وقت

[lucid-dreamer-0]

فكرت قبل كده ليه فيديوهات زي “سلفتي كرشتني من البيت” و “روتين يحزن بس هي دي عشتي وهو ده حالي” بقت ترند دلوقتي وبتحقق ملايين المشاهدات رغم إنها مش بتقدم أي جديد؟

بعيدًا عن إن الناس اخيرًا لاقت محتوى تعرف تريليت له، إلا إن دي أول مرة في تاريخ الجنس البشري تتاح لنا الفرصة نكون بهذا القرب للانسان العادي. مشكلة التليفزيون والكتب والسوشيال ميديا أو حتى الراديو، إنه دايمًا مليئ بالاشخاص الاستثنائيين، اللي عملوا نجاحات، اللي حققوا شئ مختلف وفريد من نوعه، اللي انجازاتهم من كتر جمدانها الناس بتحتفي بيها وبسببها بنتسضيفهم في برامج التليفزيون أو نعملهم فولو على انستجرام.

هما دول الشخصيات المسيطرة دايمًا على الهاي سكيل نيتورك منذ أن عرفها الانسان، وده للاسف زاد في معاناة الانسان أكتر، لإنه من كتر ما بقى بيتعرض للناس دي كل يوم وكل شوية، بدأ يعتقد من جواه إن الناس كلهم كده ما عدا هو، وإن الديفولت أو العادي بتاع البشر هما الناس اللي بيشوفهم في التليفزيون والسوشيال ميديا، وده خلاه دايمًا بيعاني من الفوومو او Fear Of Missing Outودايمًا بقى وهو قاعد في اوضته حاسس أن الناس اللي برا عايشين وهو مش عايش.

وللاسف بقى صعب اوي تطلع الافكار دي من عقول الناس من كتر ما اتعرضوا للنماذج الاستثنائية دي ونسوا إن السعادة مش هي الديفولت، وإن النجاح مش هو العادي، وإن نادر اصلًا لما تقابل حد مبسوط في حياته!

حسب الاحصائيات فأي انسان عدي عمره ال20 سنة فهو على الاقل بيكون قابل حوالي 2000 شخص في حياته، قول اتواصل مع 200 منهم، وعلى مدار حياته بالميت اوي اتعرف على 50 منهم بشكل شخصي سواء اقارب جيران صحاب زملاء مدرسة او جامعة .. دلوقتي فكر في ال50 واحد اللي تعرفهم دول وقولي كام واحد فيهم بيشتغل شغلانة شغوف بيها؟ متجوز واحدة بيحبها؟ راضي عن طبقته الاجتماعية ووضعه المادي؟

هل من وسط ال50 اللي تعرفهم حاليًا، لاقيت اصلا ناس عددهم يتجاوز صوابع ايدك عندهم الصفات دي؟ شوفت للدرجادي حكمنا على الواقع بقى مشوه من كترة التعرض لـ“الاستثنائيين” اللي بنشوفهم في كل مكان لدرجة ان عقلنا بقى يفترض ان كل الناس كده .. وللسبب ده بقيت تلاقي التريند يتقلب على اتنين متجوزين قاعدين ��ي اوضة عند اهل الزوج وبيفكروا ياكل إيه في انصاص الليالي.

والغريب إن احنا في حكمنا على العالم بقينا نتجاهل تجربتنا الشخصية اكتر مما نتخيل، نكدب عينينا اللي شايفه الواقع ونصدق النسخة الالكترونية منه، بنشوفه عن طريق انماط اترسخت في عقولنا بكثرة التعرض، في حين إننا عارفين اللي فيها، وشايفين الناس حوالينا اهو سواء اهل أو صحاب أو جيران، وعارفين إنك ممكن تعيش سنين وتموت من غير ما تقابل شخص واحد “استثنائي” من اللي بيكتبوا عنهم سير ذاتية، وبالرغم من كل ده برضه بنفضل معتقدين إن ده العادي وإن العيب فينا إحنا!

مين عارف ممكن تكون هوجة الفيديوهات العادية دي هي العلاج الجديد للفومو، واللي بيتلخص في جملة واحدة: أنا كنت فاكر إن الناس كلها عايشين وأنا اللي مش عايش، لحد ما الحمد لله اكتشفت إن الناس كلهم مش عايشين هما كمان!

[sarrah]

مش كلهم، بس الغرب واخدين القضية تريند وريتش وزيادة دخل، واللي مش فاهم دا محتاج يبطل يعيش في دماغه وينزل يعيش معانا على أرض الواقع

نظرتي ليهم إنهم بدل ما يروحوا لثيرابيست يفكوا الضغط عنده بينزلوا الشارع يوميًا يجعروا شوية يفرغوا الضغط وخلاص، دا التريند، والسبوبة الجديدة اللي بتغطي عورتهم من ناحية الإنسانية والأخلاقيات اللي هما مؤخرًا اتعروا منها قصاد العالم كله، فبيحاولوا يلحقوا أي حاجة، مش علشان هما عاوزين الإنسانية والأخلاق، تؤ، علشان دي البروباجندا بتاعتهم قصاد عيون العالم واللي بيهيمنوا بيها عليه، فمش هيخسروها كدا بسهولة ومش هيتخلوا عن سيادة العالم في غمضة عين، هما بيطلعوا يتبرأوا من حاجة هما اللي اختاروها من البداية، ولسة بيدافعوا عنها، بس من ناحية تانية وعيهم بيخليهم يرفضوا صورة معينة من صورها، مش لقدسية القضية، لكن لمصلحتهم الشخصية البحتة، الغرب أسوء نوع من البشر اتوجد في العصر الحديث، مقرفين، لابسين هدمة شيك، مغطيين بيها جلد متعفن وريحة نتنة وقلب مليان سواد، وهما السبب في السوء اللي احنا فيه دلوقتي، فمتخليش شوية جعجعة فارغة ينسوك إنهم أعداء

[pink-apple98]

فيه تريند طالع ع جروب كله بنات التريند كله مطلقات وكل وحدة معاناة شكل بجد قولت افتح التريند واشوف كام بوست نازل بيه لقيت كمية كبييرة اوي مقدرتش استحمل اكملها بجدد

ولما كل دول مطلقات، أمال مين اللي لسه متجوز ؟؟؟؟

[gemyaskalany]

كذا حد قالي اسمع مسلسل ساعته و تاريخه و هيعجبك جدا و كتير قالي انه من نوع المسلسلات اللي انا بحبها

بس مكنتش حابب اسمعه علشان عارف دماغ القائمين علي الدراما المصرية كويس جدا و عارف كويس انهم هيجيبوا القضايا التريند و هيخرجوا القضايا دي بصورة نمطية و سطحية و هيكون فيه تحيز كامل مع جانب واحد اللي شايفينه صح من وجهة نظرهم هم بس

و فالاخر قولت طب ما اشوف حلقة ولا اتنين و خلاص يمكن فعلا يعجبني

و بصراحه كدة بعترف انهم المرادي ابهروني جدا بس بنفسي اللي هو ازاي انا فاهمهم اكتر من نفسهم كدة

الحلقتين الاولي و التانية قصتهم سطحية و نمطية جدا

[zahraa17]

التريند الصح ☑️

[eman-azab]

عايزه اقول بس ان اسخف حاجه بجد ستوريهات عيد الام دي مؤذيه لناس كتير والله ومحدش بقى عنده دم واغلبهم ماشين ورا التريند وخلاص

[not-interested-kedakeda]

نفسي نقع نكسر تابوهات اشباه المثقفين بتوع اليومين دول ونتكلم عن قد إيه فلاسفة التريند مقدموش أفكار اوريجينال تستاهل ربع الاحتفاء والزيطة اللي عليهم دلوقتي، ايوه اقصد ألبير كامو وصحابه.

[ker0o]

جماعة .. الملافظ سعد، طب بلاش سعد نخليها أخلاق، تربية، عقل، كل دا بتعكسه ألفاظك علفكرة. إلا بقى لو حضرتك عاطي الأولوية للروشنة وشايف أن كدا أنت شبح زي ما بيقولوا وماشي مع التريند ومع جيلك وخلاص زي الحافظ مش فاهم !! ..

بستغرب جداا من اللي فاكرين قرف لسانهم دا دليل قوة وشخصية، وانهم كدا ناس قلبها ميت !!، وان صمت اللي قدامهم معناه خوف منهم !!، في الوقت ان كل الحكاية انه قرفان منهم مش اكتر !

صديقي العزيز .. لا تكن مثالي، لكن عز نفسك وكن أقل وقاحة.

[jaunerevee]

التريند بتاع الحب اللي كان ده غريب اوي بجد، الراجل خانها مع طوب الارض ولما خلاص خدت موقف وسابته لحن لها اغنية بتقول " عسل ومر انت وفاء وغدر انت وحب العمر انت" والله انا لو مكان الله يرحمها كنت رحت قتلته بإيدي مرتين.

[dhkrwjr]

"وكُنَّا نَخُوضُ مَعَ الخَائِضين"

آية مِن سورة المُدثّر..

لكَم مرَرتُ عليها ووجدتُ بها فكرة "التريند"

وكأنّها تعريف له!

-نُقل.

[sarrah]

يخربيت اليهود، العالم الغربي عاملين فيديوهات للسيسي بالذكاء الاصطناعي وهو بيتكلم مكسيكي، مش وقته التريند دا والله مش وقته 😂😂💔💔💔💔💔💔💔💔

[lucid-dreamer-0]

عمرو بيلا اول ما طلع وهاجم بلبن الناس كلها عملتله انجري وشتمته وقالتله انت بتتبلى على المطاعم، النهارده عمل فيديو جديد وهاجمهم تاني نفس الناس عملتله لاف وبتقوله انت الوحيد اللي بتقول الحق.

هل بلبن طعمه اتغير؟ لا، هل عمرو بيلا اتغير؟ لأ، الاتنين أنيل من بعض، بس التريند هو اللي اتغير والزيطة خدت اتجاه تاني وده خلى نفس الناس تغير رأيها بناءًا على معطيات متغيرتش أصلا زي كوالتي بلبن اللي عمر ما حد قال عليها حلوه اصلا، وده يثبت إن بقى نادراً اوي لما تلاقي حد عنده رأي، كله بقى مسخ بيسلم عقله للغالبية بدون منطق وبدون تفكير ويوجه عاطفته سواء بالتفخيم أو الغضب بدون أصلا سبب، لو مش ده مفهوم الامعة اللي النبي كان بيحذرنا منه امال يبقى إيه!

[mohamedyoussef1]

دس السم فى العسل بشكل قذر بقى منتشر فى المسلسلات والافلام ..

المسلسل التريند دلوقتى بيتكلم عن محاميه وجوزها المحامى وعندهم اتنين اطفال، ولد وبنت ، بتحصل مشكله لكل حد من الولد والبنت ان البنت بتصاحب ولد اخلاقه مش كويسه والولد بيصاحب بنت اخلاقها مش كويس ، وهنا بس النقطه، يعنى الاب والام المصريين الشرقيين بيتكلمو معاهم عن انهم اخلاقهم مش كويسه لكن صاحبو ناس تانيه كويسين ، الموضوع صادم.. ثقافتنا بقت علمانيه بحته، لو محافظتش على بيتك وعلمت ولادك الصح من الغلط هتلاقى كل حاجه برا بتهدم ثقافتهم وبتقولهم صاحبو عادى جدا واعملو حاجات مش فى ديننا ولا عرفنا ولا عقليتنا، نسونا هويتنا بكل سلاسه وبكل سهوله ومحدش واجههم بالعكس كله ساكت

ربنا يهدينا ويسلم امورنا ويرشدنا للطريق الصحيح احنا وكل حبايبنا وولادنا

[beautysofia]

thank god إن أنا مش من ضمن الستات إلي في تريند يغور كل ده اغنية بوسي!

يمكن لو كانت في الفترة إلي كنت بشتغل فيها كول سنتر كنت هركب التريند وقتها لأني كنت فعلاً كان نفسي بابا يمنعني بس بابا هو إلي دفعني للشغل ده!

لكن دلوقتي بقول ياه لو كنت مسافرة بشتغل بره مصر أو تطوع أو منحة دراسية كانت الأغنية هتبقي لايقه عليا عشان واحدة بتحلم بدنيا جديدة ، مستعدة تبيع أهلها للحلم ده معندهاش مشكلة تبقي وحيدة😅

نرجع للتريند! الستات ما بتقبلش النصيحة من أهلها أو صحابها تجاه الراجل الي حطت في دماغها إنها عايزة تتجوزه و في أهالي بجد بتبقي السبب الوضع إلي بتبقي عايشه في البنت فتقبل بزوج مش حلو او هما مش بيختاروا لبناتهم زوج عدل و يتأنوا في الإختيار كده!

مش قادرة اتعاطف للأسف لكن كلها اقدار و ربنا يلطف بحالهم!

لكن اتمني إني أفضل واحدة محدش بيجبرها على شيء مش عايزة و بتسمع آه لكن بتعمل الصح في الاخر مش بتشبث برأيها عناد و أن في الأول و الآخر ربنا يكون معايا دائما يرزقني الحكمة و البصيرة و التآني في أي إختيار و قرار قبل ما أقع في أي سوء ♥️