#اصل اروح لمين؟!
Explore tagged Tumblr posts
Visit Tumblr Blog
Explore Tumblr blogs with no restrictions, modern design and the best experience.
Last Seen Tumblr Blogs
Fun Fact
Tumblr is available in 18 languages.
Text
كان زماني دلوقتي ف المعادي )
10 notes
·
View notes
Text
اللحظة اللي بتبقى فاكر إنك عارف تو ماتش عن حاجة هي اللحظة اللي بتثبتلك إنك مش عارف أي حاجة، وأنا الفترة دي حاسس اني عارف تو ماتش إن الحياة لعبة، وزيها زي أي لعبة فيها عدد لا نهائي من الاختيارات.
وعشان هي لعبة، فالاختيارات غالبًا مفيهاش صح وغلط، فيها قرار كويس وقرار أحسن، والقرارات مش زيها زي الشطرنج كده بتحدد مين هيكسب بعد شوية، لا انت بتكسب وتخسر وفقًا لمليون اختيار بتاخدهم خلال 40 سنة ولا حاجة.
وعشان كده مبتفرقش اوي لو اختيارك بتاع النهارده صح وغلط، اللي بيفرق هو المحصلة بتاعة اختياراتك كلها كتوتال بعد ما تتراكم .. عاملة شبه المثال بتاع الطيارة اللي طالعة من القاهرة رايحة نيويورك، لو وهي طالعة غيرت اتجاهها درجة واحدة بس، الدرجة دي هتتراكم مع طول المسافة وتلاقي الطيارة في الآخر وصلت بكين.
وده بصراحة overwhelming اوي بالنسبالي اليومين دول، فكرة اني بحاول في كل اختيار اني اختار الاحسن مش الكويس، الجامد مش المقبول، اللي هيوصلني بالظبط للي أنا عايزه مش اللي هيخليني اتفسح حبتين.
وممكن ده سببه رغبتي المبالغ فيها في اثبات نفسي، ودي غريزة عند أي حد صغير في السن عمومًا، واللي هو عايز اثبت لمرة بس إني اقدر افهم الرولز بتاعة اللعبة، اثبت اني اعرف اكسب السيستم، اني ذكي كفاية عشان اغلبه، اني شاطر كفاية عشان اهكره.
وبعدها بقى بعد ما اثبت نفسي خلاص اروح اعمل اللي عايز اعمله بمزاجي وطز في الرولز وفي السيستم اللي اثبتت اني اشطر منهم دول.
بس برضه هو الاثبات ده لمين؟ لو لنفسك فانت تبقى بتضحك علينا، لأن دي مش أول مرة، ياما اثبتت نفسك في كذا حاجة وبعدين نسيت ورجعت بعد فترة تثبت نفسك فيها تاني وتالت ورابع.
لو بتحاول تثبت للناس، تبقى نكتة أخيب هقولك عليها بعد شوية...
بس اعتقد اللي مخلي الموضوع overwhelming بالنسبالي هو خوفي ورعبي من ارتكاب الاخطاء، وده انا فاكره من زمان عشان اصلا عيلتي مدمنين انتقادات كده كده، واللي هو وانت عيل صغير بمجرد ما توقع الكوباية تكسرها تبقى خلاص دي نهايتك وانت دايمًا كده وهتفضل كده ومش عارف إيه.
وفكرة ربط الأخطاء بتعريفك كشخص دي لوحدها كارثة كمان، ولما كبرت وادركت اني ممكن اغلط وافضل شخص كويس ده كان اكتشاف بالنسبالي قعدت فيه سنين ولسه لحد دلوقتي بواجه صعوبة في تطبيقه.
وعلى رأي Gary Vee وهو بيقول لما تلاقي الصوت اللي جواك mean to you وبينتقدك كتير، فاعرف تلقائياً إن ده مش صوتك، ده صوت حد من برا اتزرع فيه واتكبر واتضاعف 100 ضعف.
وعشان كده اظن لو عرفت بس احرض نفسي على ارتكاب الأخطاء اكتر، الدنيا هتهدى كتير، واللي هو روح يعم بهدل الدنيا واغلط واتعلم وخلي الايرورز بتاعتك تقولك تعمل ايه المرة الجاية وبلاش تحكم على نفسك باستمرار وتخلي تعريفها مبني على موقف لسه حاصل معاك من 10 دقايق.
اصل احييه يعني، ازاي شخص عاش 22 سنة في الدنيا تختزل تعريفه في موقف مخدش 22 ثانية، بأي عقل يعني بروح امك!!
واظن برضه واحدة من الحاجات المهمة وانت بتدي لنفسك الإذن انك تخربها وعلى الدنيا السلانكاتيه، هي انك تدرك إن محدش مهتم (الجزئية بتاعة الاثبات تاني اهي).
يعني مفيش حد بيصحى الصبح يسأل هو اللي اختاره كريم ده صح ولا غلط، كويس ولا الاحسن، بهدل الدنيا ولا هندلها؟ محدش بيعمل كده، محدش مهتم، محدش شاغل باله اصلا.
وفكرة الأخ الكبير اللي واقف يتفرج عليك وانت شايل الكوباية ومستنيك توقعها عشان يقول عليك خايب دي ملهاش وجود، محدش بيتفرج، محدش مركز معاك زي ما انت متخيل، سكة ودغري محدش بيـgive a fuck about u يسطا بصراحة.
كل واحد شايل همه وكل واحد مركز في خراه ومحدش فاضيلك، الأصوات اللي في دماغك دي مش صوتك، والغلطات اللي هتعملها في الكام سنة الجايين دول مش انت ولا بتأثر في تعريفك بجنيه يا ابو حاجة وعشرين سنة.
شم نفّسك كده وغمض عينك وانزل براسك تحت الماية بمزاجك، وفكك من كل الأصوات اللي هتقول الحق ده مبيعرفش يعوم، حتى لو الأصوات دي من دماغك اللي عارفة كويس انك نازل بمزاجك، متسمعهاش هي كمان.
متعملش زي ابيوسف وهو بيقول اغرّق نفسي بس ميقولوش كان نفسه قصير، عشان عليا الطلاق وقت الجد كل ده بيتبخر وبتبان الميه وبيبان إن كل الفوضى دي كانت في دماغك وبس.
وكل التسويحة دي كان ممكن اختصارها بل وتجنبها بمجرد ما تتعامل مع نفسك انك متعرفش حاجة (زي ما قولت في أول سطر خالص)، ومش هتعرف غير لما تغلط، فاتفضل اتنيل على عينك واغلط.
17 notes
·
View notes
Text
كُنت لابس أشيك بدلة عندي ،
وفي إيدي بوكيه ورد وباضرب الجرس وخايف
كأني داخل علي امتحان ثانوية عامة ، لحد ما الباب اتفتح.
- اتفضل يابني.
= يزيد فضلك يا عمي.
"دخلت قعدت وعمال أهز رجلي من التوتر" ..
- إشمعنا جاي لوحدك هو الحاج تعبان ولا ايه؟
= لا الحاج والحاجة متوفيين.
- ربنا يرحمهم يارب ، وانت ماعندكش إخوات؟
= عندي إسلام أكبر مني.
- شكله مش راضي عن الخطوبة ، علشان كدا مَجاش.
= لا لا والله ، حصله ظروف بس والمرة الجاية هنجيلك سوا.
- ماشي يا سيدي ، ندخل بقي في الموضوع ؟
= اه ياريت.
- قولتلي في المكالمة إن اسمك احمد صح ؟
= بالضبط يا عمي.
- وشغال ايه بقي يا احمد ؟
= أنا مُعيد في كلية هندسة ، وميكانيكي.
- درست هندسة ميكانيكا يعني؟
= لا ميكانيكي في ورشة عربيات.
- مُعيد في الجامعة وميكانيكي ، دا ازاي دا ؟
= ليا ورشة انا وإسلام ورثناها من أبويا الله يرحمه ، وشغالين فيها سوا من وانا لسه عندي ٧ سنين ، فـ معايا الصنعة يعني ولسه مَاسبتهاش.
"ملامح وشه إتغيرت" ...
- ومَبتتكسفش لو طالب من طُلابك جه يصلح العربية عندك ؟
= لا
- شقتك جاهزة علي كدا ؟
= اه الحمد لله البيت بتاعنا شقتين ، والعروسة تختار منهم اللي تعجبها.
- اكيد الشقة قديمة ، مش انت وارثها من الحاج الله يرحمه ؟
= لا والدي ووالدتي ماتوا في حادثة ووقتها كنا مأجرين شقة ، والشقتين دول جبناهم قُريب مِن تعبنا.
- ده انت أسطي شاطر من زمان بقي.
= من وانا عندي ٧ سنين.
- بسم الله ما شاء الله ، واخوك كان كبير وقتها صح ؟!
= لا كان عنده ١٣ سنة بس.
- انت بتتكلم بجد ؟
= والله بجد.
- طب احكيلي كدا يابني قدرتوا تعملوا كدا ازاي..؟
= بعد ما أبونا وأمنا ماتوا بـ اسبوع إسلام أخدني في حضنه ، وقالي :
مَحدش هينفعنا ولا هيقف جنبنا غير ربنا ، ولو فضلنا كدا مش هنلاقي ناكل وهنعيش علي الصدقة ، هنفضل قاعدين كدة مِستنيين الناس تجيبلنا أكل ولا ننزل نشتغل زي الرجالة ونصرف علي نفسنا من الصنعة اللي علمهالنا أبونا !
ساعتها قررنا نفتح الورشة تاني ، في الأول الناس كانت بتجيلنا علشان عيال صغيرة ومالهمش حد ويعطفوا علينا ، بس شُغل الأسطي إسلام كان الله ينور ، فـ اللي ييجي مرة بيرجع اتنين وتلاتة واربعة.
الورشة بدأت تكبر وزباينها تكتر ، وجبنا ناس يشتغلوا معانا والأسطي إسلام اول ما جمع مبلغ كويس أخدني من ايدي ورُحنا اشترينا حتة أرض ، ومع الوقت والشغل ربنا كرم لحد ما بنينا شقتين كُبار وكتب واحدة بـ اسمه والتانية بـ اسمي.
كُنت باشتغل وانا في الدراسة ، لكن اخويا مَرضيش يكمّل تعليم ، قالي كمّل انت بس ومَاتشغلش دماغك بيا ، ويقولي هنسيب الورشة لمين دي رزقنا الوحيد من ربنا ، ومن غيرها بيتنا هيتخرب.
بعد كدا دخلت ثانوية ومَاكانش بيخليني انزل معاه الشغل ، ويقولي شوف دراستك دلوقتي أهم ، وجابلي احسن مُدرسين في البلد ، ويفضل شغال طول النهار وييجي من الشغل يعملي أكل ويغسل هدومي ، ويتطمن إني ذاكرت كويس.
لحد ما ربنا كرمني ومَاكسفش اخويا وتعبه معايا وجبت ٩٧٪ في ثانوية عامة ودخلت كلية هندسة.
ساعتها كان اخويا ماشي في الشارع يقول اخويا بقي مهندس ، ربنا مَكسفنيش وتعبي مارحش.
ومن فرحته لاقيته واخدني من إيدي ورايحين مسددين ديون ٥ غارمات ومخرجينهم من السجن ، علشان ربنا يديمها علينا نعمة ونفُك ضيقة غيرنا زي ماربنا فكها علينا.
دخلت الكلية بقي ورجعت تاني الورشة ، بس قبل الامتحانات بشهر ونص كان يطردني علشان اذاكر.
كُنت باكل الكُتب علشان اشوف نظرة رضا في عينه ، وافضل مشرفه قدام الناس وبفضل الله طلعت الأول علي دفعتي ٥ سنين وعينوني مُعيد في الجامعة ، ومن يومها ماليش غير الكلية والورشة وإسلام.
وانا مش مكسوف من اصلي انا واخويا علي فكرة ، وجزمته هتفضل فوق راسي لحد ما اموت ، وعمري ما هانسي فضله عليا وإن لولا وجوده كنت هفضل عايش علي الصدقة.
ودلوقتي انا جاي اهو وقاعد قدام حضرتك وبقولك إني ميكانيكي زي اخويا وابويا قبل ما أكون دكتور في الجامعة.
- أنت أخوك عمل كل دا..؟
= وأكتر بكتير كمان.
- طب أعذرني يابني ، بس الأصول بتقول إن اللي مالوش كبير يشتريله كبير ، وانا هتكلم مع الكبير بتاعك ، انا مشتاق إني اشوفه واقعد معاه ، فـ هستناك تيجي انت وهو الخميس الجاي بعد المغرب بإذن الله.
= اتفقنا يا عمي.
"سبته ومشيت ، وانا راجع علي البيت جبت أشيك طقم عيني جت عليه علشان أديه لـ إسلام"
"جه يوم الخميس وواقفين قدام باب بيت العروسة"
= شكلي حلو يا إسلام ؟
- قمر اوي.
= امال انا ليه متوتر كدا ؟
- عِشت وشوفتك عريس متوتر يا باشمهندس.
= لولا وجودك ماكنتش هكون كدا.
- يعني مش مكسوف مني يا واد ؟
= انا اتباهي بجزمتك قدام الخلق كُلها.
"ورحت بايس إيد إسلام ورانن الجرس ، والد العروسة فتح الباب وبصلنا بـ إستغراب ودخلنا"
- منورين يابني والله.
= بنورك يا عمي.
- امال الأسطي إسلام ماجاش معاك ليه زي ما اتفقنا ؟
"بصيت لإسلام وضحكنا"
وبعد كدا إسلام بصله وقال :
= ازيك يا عمي انا الأسطي إسلام.
"من الصدمة الراجل وقف مكانه"
- الأس... الأسط...
"والكلام مش قادر يخرج من لسانه"
- الأسطي إسلام اللي عاش عمره كُله لأخوه سند ، بنت أصلًا مش ولد !
"راحت ضاحكة"
= لا مش علشان لابسة فستان أزرق هكون حد تاني ، والله اروح ألبس هدوم الورشة واجيب العِدة واجيلك.
راح باص��لي بِـ عتاب وقايل :
- انت ليه مَعرفتنيش إنها بنت يا احمد ؟
= انا اللي قلتله يا عمي إن لو جت سيرتي يعمل كدا علشان لو في حالة الرفض ، اهو يكون إترفض وخلاص من غير من يحكي تفاصيل زي دي.
- يعني القمر اللي قدامي دا وعينيه زرقا ورِقة وأنوثة الدنيا كلها فيها فتحت ورشة وهي عندها ١٣ سنة ؟
= علشان نجيب مصاريفنا ونِفسِنا مَتِتكسِرش ، ولا نِصعَب علي حد.
- وضحيتي بعُمرك اللي فات كُله علشان اخوكي.
= واضحي بالباقي مِنُه كمان.
إحنا كدا يا عمي ، ربنا خلقنا كدا ، برغم الحنية اللي فينا لو اتحطينا في موقف صعب لازم نكون رجالة و أد المسؤولية ، ودا اللي عملته مع كل الناس وأولهم اخويا ، هكون راجل معاه قدام الناس ، بس بيني وبينه اخته وامه وحبيبته.
فـ ماكنش ينفع اتعامِل بشخصية بنت في وسط الظروف دي كلها كُنت هكون لُقمة سهلة ، ومِن يومها وانا الأسطي إسلام اللي كله عارف إنها بنت بس بـ ١٠٠ راجل .. مش البنوتة اللي واقفة قدامك بفستان وحاطة مكياچ وجاية تطلب ايد بنتك لاخوها.
"ساعتها عينه كلها بقت مليانة دموع"
- انا موافق يابنتي ، والله العظيم موافق .. وبدي اخوكي اغلي حاجة في حياتي وكُلي شرف إنكم هتكونوا جُزء من عيلتنا.
وإسلام بَصالي بعيونها الزرقا اللي كل مرة تخطف قلبي وبتقولي وهي بتضحك مبروك يا بشمهندس.
= تعرفي إنك بالفستان اجمل بنت في الدنيا ؟
- حد يقول لـ الأسطي بتاعه كدا !
= أسطي ايه بقي انا شايف ملكة جمال واقفة قدامي.
- خصم اسبوع من مُرتبك علشان بتعاكسني.
= بحبك يا ماما.
- كدا ٥ ايام.
= ومَليش غيرِك يا قلبي.
- نخليهم يومين طيب ؟
= ويا كل أهلي وناسي.
- لا انت تيجي في حضني بقي.
* نفسي اسأل كُل واحد بشهادته وتعليمه بيتكبّر علي باقي الخَلق وعايش حياته مغرور وأقوله : يا تري لما تقابل ربنا هتقوله معلش دخلني الجنة اصل انا دكتور !
* فـ نصيحة مني لحضرتك ، يا كُل مغرور في دنيتك ،
مهما بلغت السُلطة والجاه ..
( خليك فاكر يا شاطر إن مِن فات قديمه تاه ).
( والـ ملوش خير فـ أهلُه ملوش خير ف حد
منقوووول
30 notes
·
View notes
Text
دى حقيقى!!!!!!!
كُنت لابس أشيك بدلة عندي ،
وفي إيدي بوكيه ورد وباضرب الجرس وخايف
كأ��ي داخل علي امتحان ثانوية عامة ، لحد ما الباب اتفتح.
- اتفضل يابني.
= يزيد فضلك يا عمي.
"دخلت قعدت وعمال أهز رجلي من التوتر" ..
- إشمعنا جاي لوحدك هو الحاج تعبان ولا ايه؟
= لا الحاج والحاجة متوفيين.
- ربنا يرحمهم يارب ، وانت ماعندكش إخوات؟
= عندي إسلام أكبر مني.
- شكله مش راضي عن الخطوبة ، علشان كدا مَجاش.
= لا لا والله ، حصله ظروف بس والمرة الجاية هنجيلك سوا.
- ماشي يا سيدي ، ندخل بقي في الموضوع ؟
= اه ياريت.
- قولتلي في المكالمة إن اسمك احمد صح ؟
= بالضبط يا عمي.
- وشغال ايه بقي يا احمد ؟
= أنا مُعيد في كلية هندسة ، وميكانيكي.
- درست هندسة ميكانيكا يعني؟
= لا ميكانيكي في ورشة عربيات.
- مُعيد في الجامعة وميكانيكي ، دا ازاي دا ؟
= ليا ورشة انا وإسلام ورثناها من أبويا الله يرحمه ، وشغالين فيها سوا من وانا لسه عندي ٧ سنين ، فـ معايا الصنعة يعني ولسه مَاسبتهاش.
"ملامح وشه إتغيرت" ...
- ومَبتتكسفش لو طالب من طُلابك جه يصلح العربية عندك ؟
= لا
- شقتك جاهزة علي كدا ؟
= اه الحمد لله البيت بتاعنا شقتين ، والعروسة تختار منهم اللي تعجبها.
- اكيد الشقة قديمة ، مش انت وارثها من الحاج الله يرحمه ؟
= لا والدي ووالدتي ماتوا في حادثة ووقتها كنا مأجرين شقة ، والشقتين دول جبناهم قُريب مِن تعبنا.
- ده انت أسطي شاطر من زمان بقي.
= من وانا عندي ٧ سنين.
- بسم الله ما شاء الله ، واخوك كان كبير وقتها صح ؟!
= لا كان عنده ١٣ سنة بس.
- انت بتتكلم بجد ؟
= والله بجد.
- طب احكيلي كدا يابني قدرتوا تعملوا كدا ازاي..؟
= بعد ما أبونا وأمنا ماتوا بـ اسبوع إسلام أخدني في حضنه ، وقالي :
مَحدش هينفعنا ولا هيقف جنبنا غير ربنا ، ولو فضلنا كدا مش هنلاقي ناكل وهنعيش علي الصدقة ، هنفضل قاعدين كدة مِستنيين الناس تجيبلنا أكل ولا ننزل نشتغل زي الرجالة ونصرف علي نفسنا من الصنعة اللي علمهالنا أبونا !
ساعتها قررنا نفتح الورشة تاني ، في الأول الناس كانت بتجيلنا علشان عيال صغيرة ومالهمش حد ويعطفوا علينا ، بس شُغل الأسطي إسلام كان الله ينور ، فـ اللي ييجي مرة بيرجع اتنين وتلاتة واربعة.
الورشة بدأت تكبر وزباينها تكتر ، وجبنا ناس يشتغلوا معانا والأسطي إسلام اول ما جمع مبلغ كويس أخدني من ايدي ورُحنا اشترينا حتة أرض ، ومع الوقت والشغل ربنا كرم لحد ما بنينا شقتين كُبار وكتب واحدة بـ اسمه والتانية بـ اسمي.
كُنت باشتغل وانا في الدراسة ، لكن اخويا مَرضيش يكمّل تعليم ، قالي كمّل انت بس ومَاتشغلش دماغك بيا ، ويقولي هنسيب الورشة لمين دي رزقنا الوحيد من ربنا ، ومن غيرها بيتنا هيتخرب.
بعد كدا دخلت ثانوية ومَاكانش بيخليني انزل معاه الشغل ، ويقولي شوف دراستك دلوقتي أهم ، وجابلي احسن مُدرسين في البلد ، ويفضل شغال طول النهار وييجي من الشغل يعملي أكل ويغسل هدومي ، ويتطمن إني ذاكرت كويس.
لحد ما ربنا كرمني ومَاكسفش اخويا وتعبه معايا وجبت ٩٧٪ في ثانوية عامة ودخلت كلية هندسة.
ساعتها كان اخويا ماشي في الشارع يقول اخويا بقي مهندس ، ربنا مَكسفنيش وتعبي مارحش.
ومن فرحته لاقيته واخدني من إيدي ورايحين مسددين ديون ٥ غارمات ومخرجينهم من السجن ، علشان ربنا يديمها علينا نعمة ونفُك ضيقة غيرنا زي ماربنا فكها علينا.
دخلت الكلية بقي ورجعت تاني الورشة ، بس قبل الامتحانات بشهر ونص كان يطردني علشان اذاكر.
كُنت باكل الكُتب علشان اشوف نظرة رضا في عينه ، وافضل مشرفه قدام الناس وبفضل الله طلعت الأول علي دفعتي ٥ سنين وعينوني مُعيد في الجامعة ، ومن يومها ماليش غير الكلية والورشة وإسلام.
وانا مش مكسوف من اصلي انا واخويا علي فكرة ، وجزمته هتفضل فوق راسي لحد ما اموت ، وعمري ما هانسي فضله عليا وإن لولا وجوده كنت هفضل عايش علي الصدقة.
ودلوقتي انا جاي اهو وقاعد قدام حضرتك وبقولك إني ميكانيكي زي اخويا وابويا قبل ما أكون دكتور في الجامعة.
- أنت أخوك عمل كل دا..؟
= وأكتر بكتير كمان.
- طب أعذرني يابني ، بس الأصول بتقول إن اللي مالوش كبير يشتريله كبير ، وانا هتكلم مع الكبير بتاعك ، انا مشتاق إني اشوفه واقعد معاه ، فـ هستناك تيجي انت وهو الخميس الجاي بعد المغرب بإذن الله.
= اتفقنا يا عمي.
"سبته ومشيت ، وانا راجع علي البيت جبت أشيك طقم عيني جت عليه علشان أديه لـ إسلام"
"جه يوم الخميس وواقفين قدام باب بيت العروسة"
= شكلي حلو يا إسلام ؟
- قمر اوي.
= امال انا ليه متوتر كدا ؟
- عِشت وشوفتك عريس متوتر يا باشمهندس.
= لولا وجودك ماكنتش هكون كدا.
- يعني مش مكسوف مني يا واد ؟
= انا اتباهي بجزمتك قدام الخلق كُلها.
"ورحت بايس إيد إسلام ورانن الجرس ، والد العروسة فتح الباب وبصلنا بـ إستغراب ودخلنا"
- منورين يابني والله.
= بنورك يا عمي.
- امال الأسطي إسلام ماجاش معاك ليه زي ما اتفقنا ؟
"بصيت لإسلام وضحكنا"
وبعد كدا إسلام بصله وقال :
= ازيك يا عمي انا الأسطي إسلام.
"من الصدمة الراجل وقف مكانه"
- الأس... الأسط...
"والكلام مش قادر يخرج من لسانه"
- الأسطي إسلام اللي عاش عمره كُله لأخوه سند ، بنت أصلًا مش ولد !
"راحت ضاحكة"
= لا مش علشان لابسة فستان أزرق هكون حد تاني ، والله اروح ألبس هدوم الورشة واجيب العِدة واجيلك.
راح باصصلي بِـ عتاب وقايل :
- انت ليه مَعرفتنيش إنها بنت يا احمد ؟
= انا اللي قلتله يا عمي إن لو جت سيرتي يعمل كدا علشان لو في حالة الرفض ، اهو يكون إترفض وخلاص من غير من يحكي تفاصيل زي دي.
- يعني القمر اللي قدامي دا وعينيه زرقا ورِقة وأنوثة الدنيا كلها فيها فتحت ورشة وهي عندها ١٣ سنة ؟
= علشان نجيب مصاريفنا ونِفسِنا مَتِتكسِرش ، ولا نِصعَب علي حد.
- وضحيتي بعُمرك اللي فات كُله علشان اخوكي.
= واضحي بالباقي مِنُه كمان.
إحنا كدا يا عمي ، ربنا خلقنا كدا ، برغم الحنية اللي فينا لو اتحطينا في موقف صعب لازم نكون رجالة و أد المسؤولية ، ودا اللي عملته مع كل الناس وأولهم اخويا ، هكون راجل معاه قدام الناس ، بس بيني وبينه اخته وامه وحبيبته.
فـ ماكنش ينفع اتعامِل بشخصية بنت في وسط الظروف دي كلها كُنت هكون لُقمة سهلة ، ومِن يومها وانا الأسطي إسلام اللي كله عارف إنها بنت بس بـ ١٠٠ راجل .. مش البنوتة اللي واقفة قدامك بفستان وحاطة مكياچ وجاية تطلب ايد بنتك لاخوها.
"ساعتها عينه كلها بقت مليانة دموع"
- انا موافق يابنتي ، والله العظيم موافق .. وبدي اخوكي اغلي حاجة في حياتي وكُلي شرف إنكم هتكونوا جُزء من عيلتنا.
وإسلام بَصالي بعيونها الزرقا اللي كل مرة تخطف قلبي وبتقولي وهي بتضحك مبروك يا بشمهندس.
= تعرفي إنك بالفستان اجمل بنت في الدنيا ؟
- حد يقول لـ الأسطي بتاعه كدا !
= أسطي ايه بقي انا شايف ملكة جمال واقفة قدامي.
- خصم اسبوع من مُرتبك علشان بتعاكسني.
= بحبك يا ماما.
- كدا ٥ ايام.
= ومَليش غيرِك يا قلبي.
- نخليهم يومين طيب ؟
= ويا كل أهلي وناسي.
- لا انت تيجي في حضني بقي.
* نفسي اسأل كُل واحد بشهادته وتعليمه بيتكبّر علي باقي الخَلق وعايش حياته مغرور وأقوله : يا تري لما تقابل ربنا هتقوله معلش دخلني الجنة اصل انا دكتور !
* فـ نصيحة مني لحضرتك ، يا كُل مغرور في دنيتك ،
مهما بلغت السُلطة والجاه ..
( خليك فاكر يا شاطر إن مِن فات قديمه تاه ).
( والـ ملوش خير فـ أهلُه ملوش خير فـ حد )
4 notes
·
View notes
Note
مساء الخير يا شروق، أتمنى اليوم يكون عدى خفيف خفيف كدا ومتكونيش اتضايقتي أو حاجة حصلت تضايق مودك، تراك النهاردة ويارب يعجبك " كارول عون - حنين"، حاسة إني مش عارفة أروح فين ولا لمين ولا أعمل ايه ممكن تايهة شوية وإن مفيش حاجة واحدة صح، بس كل حاجة بتعدي. يارب ليلتك تكون حلوة وخفيفة ♥️.
مساء الفل يا حبيبتي. استخدمت النهاردة حيلة دفاعية لطيفة وهي التشويش :D نزلت من الصبح وراجعة ف الطريق اهو. مش محتاجة حاجة من الدنيا اكتر من إني اروح وآكل واروح ف النوم من غير ما اخد بالي. بس قشطة اتبسطت برضه الحمد لله مش هنكر وعملت حاجات بحبها وشوفت ناس بحبها.
تحبي نحكي ف التوهة؟ يعني اصل التوهان بيبقى بسبب مش شايفين كويس ولما بنحكي بصوت عالي ده بيساعدنا نشوف وانا مصدقة إنه أول خطوة ف الحل.
كارول عون مسمعتلهاش غير كلمة حلوة ومتحمسة اسمع التراك ده. اسمعي واحكيلي لو حابة/قادرة
2 notes
·
View notes
Text
الحلقة الرابعه من يوميات بنت بجد ولكن
4
من يوميات بنت بجد ولكن .....
ووانا خارجه من الكافيتريا
حصل موقف ضايقنى وجننى اوى ؟
لقيت رامى مستنينى قدام الكافيتريا وبيقولى
رامى : يوستينا هو مين اللى كنتى واقفه معاه ده
يوستينا : نعم ×_× وهو حضرتك عاوز تعرف ليه يعنى ... ديه خصوصيات
رامى : معلش ممكن اعرف ... اعتبرينى عيل وخدينى على اد عقلك
يوستينا : لا طبعا بعد اذنك
مسك ايديا نتشتها وقولتله مسمحلكش تعمل كده على فكره
رامى : معلش انا اسف بس معلش قوليلى مين
يوستينا : صاحبى ارتحت كده
رامى : ولما هو صاحبك تقفى معاه ده كله ليه
يوستينا : لا ده الزوق مش نافع معاك .. يا عم وانت مالك
رامى : يا تينا انتى بتكلمينى كده ليه ؟ده احنا صحاب
يوستينا : قولتلك يوستينا ... وكماان انت اللى بتدخل فى خصوصياتى وكأنك واصى عليا اة احنا صحاب لكن فى حدود ممكن بقى تسبنى اروح لان مينفعش وقفتنا ديه
رامى : طب ولما احنا صحاب فى حدود ليه مش بطيقى تعى معايا 5 دقايق وهو اعدتى معاه كتير
يوستينا : ييييييييييييي بقى قولتلك وانت مالك براحتى
رامى : بصى انا مبحبش الاسلوب ه بس تعرفى ان شكلك حلو وانتى متنرفزة
يوستينا : يا لهوى على البرود عن اذنك
وسبته ومشيت وانا مضايقه وبطلع نار
ووصلت البيت وانا مضايقه
قفلت الباب هبدته ودخلت اوضتى
ماما لحظت انى مضايقه وجات تتكلم معايا
ماما : مالك بس مين زعلك
يوستينا : مفيش
ماما : احكيلى بس ان مكنتيش تحكيلى تحكى لمين
يوستينا : مفيش اصل رامى اللى قولتلك عليه ضايقنى اوى النهارده
ماما : ليه كده ........ وبعين انا مش قولتلك متقفيش معاه تانى
يوستينا : يا ماما والله انا موقفتش بس هو اللى بيوقفنى ويفضل يرغى
ماما : طب ايه اللى حصل بس احكيلى
يوستينا : حكيتلها على اللى حصل انى قبلت كريم اللى كان معايا فى اعدادى وانه عرفنى على بيت�� زميلى ف الجامعه .. وان بعديها وقفنى رامى وحكيت اللى حصل بالظبط
ماما بقى اتنرفزت وقالتلى
ماما : وانتى ليه تقفى مع كريم وليه تروحى الكافيتريا اصلا يا بنتى اتقى شر ابوكى ده لو سمع بحاجه زى كده مش هينزلك من البيت
(اصل انا بابا وماما طبعهم صعب اوى )
يوستينا : يا ماما مينفعش اكون فى كليه وافضل كده ه انا ايه مش زى البنات ...
ماما : انا مليش دعوة بكل ه من النهارده من المحاضره للبيت ومن البيت للمحاضره ولا كافيتريا ولا بتاع ماشى
يوستينا : حاضر
طبعا اعدت اعيط بعد ما خرجت من اوضتى
واقول طب انا معملتش حاجه غلط اما ل كنت زى اللى بيتكلموا ويصاحبوا كانت عملت ايه
انا مخنوقه وقعدت اعيط كتير وندمت انى حكيت لماما على اى حاجه
وبقيت كل يوم من الكليه للبيت
وفى مره اتلغيت المحاضره قولت بدل ما اروح البيت
اروح فين ؟
يا ترى هروح فين ؟
وده اللى هنعرفه الحلقه الجايه
سؤال الحلقه
1: يا ترى يوستينا راحت فين ؟
2 : يا ترى رامى محاولش يكلمها تانى ؟؟
3 : ايه رأيك فى حلقه النهارده .؟
from Blogger http://ift.tt/2nqa8pj قصص جديده via IFTTT
0 notes