#ارن

[bita-bita]

This one is for me

Teaching AoT characters Farsi (Persian) words.

Levi:

Hange???

Eren:

It's so funny to meee

Hange:

Reiner:

THIS ONE IS MY FAVORITE

Erwin:

Jean:

اگه ایرانیعین سلام داوشاااا :)))

[abumuhamd]

قال الشيخ محمد بن صالح العثيمين رحمه الله:

لا تتجاوز السنة قيد أنملة،

فإن هذا هو :

صلاح القلب،وصلاح المجتمع، صلاح الفرد .

📚التعليق على صحيح مسلم (٢٠٦/١٠)

[lolaa-253]

امبارح الشقة الل ساكنة فيها للأسف اتعرضت للسرقة والحمدلله يارب إني مكنتش موجودة فيها خلال اليومين دول لدرجة وصل بيه إنه خد الاكسوسيرز بتاعتي من الصدمة والتوتر اول ما دخلت قعدت أعيط واصوت شوية من الخضة بعد كدا نمت *بكلل أريحية أحسد عليها* وبليل بدأت ارن ع بابا عشان يجي يراجع الكاميرات وبتاع نفسييي ف مرة ابطلللل غبااء والله واتصرف بعقللل

[lucid-dreamer-0]

فجأة لاقيت السينيور بيسألني بيني وبينك كده انت مبسوط بالشغل اللي بتاخده؟ يعني لما كنت بتفكر انك عايز تبقى game developer ده الشغل اللي كان في دماغك؟ سكتت كام ثانية وقعدت افنط السيناريوهات اللي ممكن تكون حاصله .. هل عايز يدخلني في بروجيكت جديد؟ هل فيه مشاكل في التيم؟ هل هو نفسه بيمر بازمة وجودية مخلياه يعيد التفكير في كل حاجة؟

عمري ما كان عندي مشاكل في الكوميونيكشن في سوق العمل (براه اه ممكن هيهي)، بالعكس حتى لما اشتغلت في الجيش مع ناس بتاكل علف وتبن كنت عارف اهندلهم واسايسهم واوصلهم اللي عايزهم يفهموه من غير كلمة زيادة او ناقصة سواء معاهم دكتوراة وماسكين اركان حرب الكتيبة وعلى كفتهم سيوف او حتى مكملش تعليمه وبيفك الخط بالعافية، بس الناس دي بجد يجدعان صعبين اوي، أنا عمال بحاول اتواصل وكل اللي باخده كلمة كلمة ونص بالكتير، يسطا دول خلصوا الprobation period بتاعتي بدري شهر من غير ما يقولولي ومعرفتش غير اخر الشهر لما المرتب نزل، انت متخيل يا مان😂

البيست فريند هيتجوز اخر الاسبوع، فرحانله ومتحمسله فشخ، ومش عارف هيكون ايه شعوري وانا شايفه بالبدلة السودا بياخد أكبر خطوة في حياته، اينعم هي خطوة قضيت 6 شهور بقنعه ميخدهاش دلوقتي خالص، بس النصيب كان اقوى مني. الموضوع كان هزلي اوي تعالوا احكيلكم، من سنة وشوية كان يوم عودتي للجيش ونازلين انا ومحمد واسامة نقعد على القهوة شوية لحد ميعاد سفري الفجر عشان يوصلوني الموقف ويودعوني، كانت ليلة مظلمة لانها كانت اول اجازة انزلها بعد مركز تدريب قضيته في رمضان ومسافر وسط اجواء العيد، ومحمد هو كمان كان حزين ��س مش عشان الجيش، كان لسه مخلص جيش والبنت اللي بيحبها بتقوله انا جايلي عريس وبابا مُصر يعزمه على الغدا واقعد معاه، واسامة كان منطفي بس مش فاكر ليه بصراحة.

واحنا بنهون على محمد قولناله دي اقدم خدعة في الكتاب، عريس ايه وغدا ايه، هي بتقولك كده عشان تضغط عليك تاخد خطوة انت مش مستعد ليها دلوقتي اصلا، برو انت حتى من ساعة ما خلصت جيش لسه ملقتش شغل، تتقدملها تقول لابوها ايه احنا هنهزر .. سافرت وانا مسلم محمد لاسامة امانة، اوعى تسيبه يضعف يسطا، خليك معاه ومتخليهوش يتهور.

مكنش عندنا تليفونات في مركز التدريب، ولا حتى ام زراير، كان لازم اهرب من الطابور او اعمل تبع رتبة واروح لكابينة الميناتل اجيب كارت واتكلم منها.

جبت صورتها عشان افكر نفسي بالتروما بس، المهم تاني يوم بعد الاجازة كلمت محمد من الكابينة، مع اول الو قولتله اوعى تكون ضعفت وانا مش موجود يسطا، قالي بصراحة اه، لسه هقوله عملت إيه، لاقيت صف ظابط جه قفل السماعة بالعافية وبيقولي انت مش في الطابور ليه يا عسكري. كنت لسه مستجد وصف الظابط ده بالنسبالي اعلى رتبة اتعاملت معاها في القوات المسلحة، بس ساعتها اتضايقت فشخ وزعقت فيه قولتله انت ازاي تخبط السماعة كده يا بني ادم انت مبتفهمش، كلمة مني على كلمة منه قالي هات كارنيهك والله ما انت واخده غير في مكتب القائد، لم كذا كارنيه مني ومن العيال اللي كانوا واقفين حواليا على الكباين وودانا الطابور. الكارنيه حوار وفيها حبس بس انا مش مهتم دلوقتي، لازم اعرف الواد محمد نيل ايه من ورايا، هل حوار العريس طلع صح؟ هل قالها هيتقدملها فعلا؟ هل ابوها عرف واتهور؟

هربت من الطابور ورحت لكابينة الميناتل تاني، ارن على محمد مبيردش، اقفل واحاول تاني مفيش فايدة، اتصلت باسامة لاقيته بيرد نايم، سألته على محمد طلع ميعرفش حاجة، قفلت معاه وفضلت ورا محمد لحد ما رد، عملت ايه يابني قالي هروح اقابل ابوها وخلاص، طب والشغل والفلوس واهلك؟ مش هقول لحد غير لما اشوف رد ابوها، بس على الاقل ابقى عملت اللي عليا عشان لو ضاعت مني متبقاش غلطتي، قفلت معاه وانا مش عارف انهي اسوأ شعوره بالعجز دلوقتي ولا شعوره لما ابوها يقوله انت جاي تتجوز بنتي عشان هي اللي تصرف عليك؟

أنا ناسي حاجة صح، احييه الكارنية هجيبه ازاي؟ قالولي العيال بتروح تراضي صف الظابط وبتاخد كارنيهاتها، بس بيقولهم الرب هيغفر للجميع الا الواد أبو نضارة اللي قالي انت مبتفهمش، وحالف يحبسني .. حكاية محمد كانت مدياني امل ساعتها، طالما مسرحية جايلي عريس جابت نتيجة يبقى ده معناه ان الكليشيهات لسه ليها مكان في عالمنا، فضلت اقلبها في دماغي طول اليوم لحد ما جيت في طابور الليل ورحتله، بس رحلته متنكر، قلعت النضارة والكاب ورحلته من غير ما اتكلم بشاورله بايدي على الكارنيه، اكيد حركة بدائية بس هي املي الوحيد، بصلي بصة مخابراتية شرسة وبص للكارنيه اللي الحمد لله متصور بيه من غير نضارة وكاب برضه، وبعدين هزلي راسه وقالي ماشي هعديها المرادي عشان شكلك محترم وابن ناس، بس متزوخش من الطوابير تاني. مكنتش مصدق غير لما جه يزعق فينا في آخر الطابور وهو بيقول: هو ازاي كله خد كارنيهاته والواد ابو نضارة قليل الادب مجاليش، والله لو عرفت مين اللي اخدله كارنيه لأحبسه😂😂😂

المهم قولت للسينيور إني مبسوط في الشغل الحمد لله عشان شغال على سيستم لوحدي مش debugging زي بقية التيم، وإن دي أول شغلانة في مجال الجيمز ليا فلسه بستكشف الدنيا وعارف إن البداية مش لازم تكون أجمد حاجة. سألته اشمعنى بتسأل؟ قالي أصل نور اللي أقدم مني ب6 شهور بيقول إنه زهقان من البجات وعايز يدخل في حاجة تانية. نور اصلا كان شغال باك ايند الأول في ايطاليا، بعد ما خد الماسترز من ألمانيا، معرفش إيه ممكن يكون ممتع بالنسباله بس اعتقادي إن الشغل كل ما اداك مساحة تعمل غيره كل ما كان أحسن، اتكلمنا شوية عن بدايات السينيور وإزاي كان شغال مهندس في مصنع بيستخرج الملح من بحيرة قارون وإزاي أنا رحت أشتغل في محطة كهرباء في مصنع أسمدة، وحمدنا إحنا الاتنين ربنا وبوسنا ايدينا وش وضهر، دخلنا الميتينج وجت سيرة نور والزهق، لاقينا بقية التيم كلهم بيقولوا إنهم فعلا زهقانين من الشغل على الbugs .. قومت قايل بصوت عالي الحمد لله على نعمة الVO System.

الحمد لله على حاجات كتير وايام كتير مكنتش هتعدي، من ابرزهم اليوم اللي محمد راح فيه قابل بابا البنت اللي بيحبها لوحده، توقعنا هيسأله مليون سؤال ويطلعله مليون خازوق، او على الأقل هيثبتله إنه مش مستعد بالذوق، لكن الراجل فاج��نا كلنا. مخلاش محمد يتكلم أصلا، قاله أنا عارف ظروفك وبنتي حكيتلي على كل حاجة، أنا كمان لما اتجوزت مامتها مكنش حلتي حاجة وأبوها وافق بيا ووقف جنبي، وعشان كده مش هخليه أحسن مني ولا هلاقي أحسن منك عريس لبنتي، وطالما انتوا الاتنين رايدين بعض يبقى مفيش داعي للتأخير، أنا هديك الموافقة المبدأية وهستنى أهلك يشرفوني عشان نقرا الفاتحة. وهوب قروا الفاتحة وهوب عملوا الخطوبة وهوب كتبوا الكتاب وهوب الفرح اخر الأسبوع اهو والحمد لله ما شاء الله ربنا ميسر والأمور ماشية بسلاسة ربنا يتممها على خير.

عندي mixed feelings تجاه الفرح ومش متأكد بصراحة هكون حاسس بإيه، بس المتأكد منه إني هكون فرحان لاخويا اكتر ما هفرح لأي حد غيره، خصوصًا إني كنت حاضر الحوار من الأول -بغض النظر عن رأيه احمم- بس ادينا بنتعلم إنه لو ليك نصيب في حد مفيش حاجة في الدنيا هتوقف في طريقكم (حتى بيست فريند العريس هيهي) ولو ملكش نصيب في حد مش هتشوفه تاني حتى لو ساكن في آخر الشارع، فربنا يكتبلنا النصيب الحلو في كل حاجة أنا واللي بيقرا معايا دلوقتي وكمل ووصل لآخر سطر في البوست الطويل ده، آمين.

[mohager-69]

كان ليا صاحب وبقوله انت مكسبي يا صاحبي من بعدها كل لما ارن عليه أو أكلمه يهرب مني ....طلعت ورقه المكسب حظ سعيد المره الجايه والعمر معدش فيه عشرين سنه تانين اني اعمل صاحب

[bataa-3]

قاعده ف الموصلات عماله ادور ع حد من صحابي ارن عليه اصيحله شويه بس انا عارفه إن فيهم إللي مكفيهم ف بفكر اشغل اغاني واسكت

[shymaa-10]

دورة القرآن اللي مشتركة فيها المعلمة جمعت بين كل أختين نسمع لبعض ،

رفيقتي المفروض عارفة أن لنا موعد نبعت فيه التمام والجروب بيتقفل بعتلها ٣ مرات في أوقات مختلفة انبهها وردت عليّ وبردو اتأخرت جدا فطلبت من أحد الأخوات تسمعلي عشان ابعت التمام الخاص بي ، رفيقتي بعتت لي تلومني ازاي متصلتش بيها قلتلها مش معايا رصيد يبقى ارن ع الواتس عشان انبها ع أساس الرسالة اللي ردت عليها قبلها نص ساعة منبهتهاش ومصممة تلومني وتطلعني غلطانة وتبرر لنفسها .

[perfectreviewbouquet]

واحده صحبتي وام لبنتين رنت عليا من شهر بتقولي ان عندها ورم وزعلانه علشان بناتها وخايفه عليهم

كنت كل يوم الصبح اقوم اعيط.. حرفيا كل يوم الصبح معرفش ليه بقوم الصبح اعيط ليها..

النهارده رنت عليا وقالتلي اول واحده ارن عليها اقولك ان الو��م حميد ومش هاخد كيماوي ولا علاجات تقيله..

وحقيقي عايزه انزل اجري من الفرحه. ☁💜

[marwa-el-zeiny]

ضرووووووري والنبي تردي عليا

ازيك عاملة اية؟

بعتلة فيديو ليا لشغل يعني بعملة وكدة وكنت متوقعة تشجيع حار و سقفة و اية دا هترجعي تاني وكدة عشان كان بقالي حوالي سنة موقفة، المهم لاقيتة بيرد منورة يقمر

قولتلة منورة يا قمر اية هو انل بكلم خالي ، المهم قالي انلسة صاحي وبتاع ، عرفتة ان ادايقت لان كنت مستنية حاجة معينة

وقفلنا ، قولت خلاص بعد ساعة ساعتين هيبعتلي تعليقة علي الفيديو ، برضة مبعتش ، روحت بعتلة ڤويس عاتبتة وعرفتة تاني ان مدايقة ، رد عليا قالي انا عارف ان مقصر وببقي نفسي ارن عليكي ونتكلم ونحكي بس انا معنديش طاقة ان اتكلم وبتاع ، وبرضة معلقش علي الفيديو ولا اخدت نتيجة للعتاب ، طب بعد انا مقصر دي قولي بقي كلمتين حلوين وشجعني لا راح في حته تقصير ونسي تقريبا نتيجة العتاب اللي عاتبتة ، بالاضافة يعني اية معنديش طاقة اتكلم ما كل يوم بينزل لاصحابة وبيفضل لوش الفجر ، هما لما بينزلوا بيقرأو أذكار يعني ما اكيد بيتكلموا ويلعبوا

نا مدايقة منه فشخ بجد

معلش اتأخرت ف الرد متأسفه

انا حلوة الحمد لله يارب انتي تبقي كمان كدا

انا معرفش طبيعه العلاقه بينكو مخطوبين مرتبطين ولا اعرف ايه اللي بينكو يخليه يرد بالبرود المريب دا ايه اللي منورة يا قمر دي معلش!

تحسي انه زهقان بس انا برده مقدرش اقولك اي حاجه لانه ممكن بيمر بضغوط الفترة دي

الخلاصه اني معرفش اي اي حاجه والموقف غريب شويه مينفعش أبني عليه رأي خالص الاكيد انه مش رد طبيعي خالص وانه من حقك تضايقي

[mhmdebrahim]

كل شويه ارن على حد من صحابى اصحيه من النوم واقفل تانى 😂

[3-zooooooz]

انا دلوقتي رنيت ومردتش .. هاا ارن تاني ولا خلاص ؟!

[a-3asfoor]

دلوقتي رقم رن عليا فتحت عليه اقول الو ميردش بتاع خمس ثواني كده وبعدين يقفل ولما اقعد ارن عليه ميردش ،،

يطلع ايه ده

[wabooo]

انا بتحرج ارد علي الناس خصوصاً الزباين لما يبقوا بيرنوا ويصحوني من النوم ، بتحرج جداً بقعد ساعه كده علي ما افوق وصوتي يرجع طبيعي وبعدين ارن انا او ابعت رساله علي الواتس المهم مردش اول ما اصحي

[m2055]

اكمل بقى عشان مفيش حد احكيله والصبح ابقى امسحه

وانا راجع برضوا ودخل شارع البيت لقيت واحد جارنا واقف فى الشارع وعمال يبص للبيوت ، قولتله ازيك ياعمو ومردش عليا وصلت للبيت وبعدين افتكرت انو الراجل ده كل صلاة جمعة ابنه بيوديه يصلى واشوفه ماسك فى ايده وهو راجع نفس الكلام، قولت ارجعله وزى مايكون حاجة رجعتنى غصب عنى ، قولتله ياعمو هو حضرتك عايز تروح قالى يابنى البيوت كلها بقت شبه بعضها كده ليه، خدته من ايده وهو عمال يسألنى انت مين، وحسيت انو خايف لحد ماقولتله ياعمو انا جاركم كذا قالى البشمهندس قولتله اه فضل يدعيلى لحد ما وصلته وقالى ايوه هو ده البيت، اتكسفت ارن على ولاده فى البيت او اندهلهم لانو حسيته مكسوف منى وفضلت ارقبه من بعيد اشوفه هيدخل البيت ولا هيمشى تانى لحد ماطمنت انو دخل وبجد كسم الدنيا

[bataa-3]

بابا كان ديما بيرن عليا كتير وانا بره ها وصلتي فينك روحتي جايه أمتي كنت ولو مسمعتش الفون يفضل يتخانق معايا كتت ببقي مضايقه أوي أنه بيرن كتير دلوقتي لما مبيرنش بحس إن ف حاجه غلط وببقي عايزه ارن أنا وابقي حسا إني مش مرتاحه

[nawarah7]

الناس كلها بتتجوز واحد بس انا متجوزه م كل الناس اللي اللي ف حياتي كل واحد او واحده محسسني انه متجوزني ازاي اسافر من غير م اقول مسافره فين وليه ومع مين ازاي اتصل وتليفونك مقفول ازاي ارن ومترديش وازاي يكون عندك حاجه اهم او خارجه مع غيري او مبسوطه من غيري انت المفروض تحت العين وتحت الامر والطلب .....كله كوم والغيره عليا من صحباتي واهلي دي كوم تاني ..... مع انك عادي مش ف قايمة اولويات حد فيهم بس ازاي انت مش معتبراهم محور كون حياتك. هو يعني عشان متربيه ومبشتمش بالاهل هتسوقوا فيها.