#إنجازات ياسمينا السرية

[yassmeenamoustafa]

توديعا لإسكندرية الحبيبة 💙🫂

بطعام من يد ياسمينا لياسمينا مكفأة ليها على حاجات لا يعلمها أحد🤍

يارب تبقي مرتاحة على طول ياياسمينا 🌿🫂🤍

[yassmeenamoustafa]

قاعدتنا انا وياسمينا في البلكونة واحنا متصالحين بالدنيا 🤍🌿🫂

[yassmeenamoustafa]

كفايا مكافآت ياياسمينا ..

حاضر اخر طبق 🙅😂🤷

[yassmeenamoustafa]

بقينا شجعان ياياسمينا ومهما يحصل بقينا ننقي الحاجات اللي تحسسنا بلطف ونستشعرها ونقول الحمدلله واحنا بنطبطب على المشاعر الوحشة بالمشاعر الحلوة

انا مبسوطة منك وكان لازم أكافئك النهاردة 🤍🌿

شطورة ياياسمينا 🤍

[yassmeenamoustafa]

تم تفعيل مود تيتا ياسمينا 🙅

بعد الدش السخن الجميل وترتيب الاوضة وتعليق الزينة المتواضعة ذات النور اللطيف فوق مكتبي العزيز

واستلاف جلابية بتدفي موت من بتوع ماما اللي هي اصلا مش بتاعة ماما بتاعة عمتها تيتا منى ربنا يرحمها ويرزقها حرير الجنة الجميل🌿

وكوب قهوة السحور والسحور المقتصر على زبادي بالتمر

والحمدلله على رزقنا السكينة وفضله وكرمه وعونه ورزق قلوبنا بالسلام والهدوء رغما عن أنف منغصات الحياة 🥹🌿🤍

[yassmeenamoustafa]

مفيش حد غريب معايا لا .. القهوة الصغننة ليا والكبيرة لياسمينا هنتكلم مع بعض شوية وبشكرها على صمودها معايا الايام اللي فاتت دي كانت صعبة علينا اوي وعدت بكرم ربنا

تخطينا شعور صعب وتقيل علينا بمجرد أما اتإكدنا اننا مكنش ينفع نحس الشعور ده ولا نهلك نفسنا بيه على حاجة فعليا مش موجودة ولا احنا كنا موجودين بالنسبالها ولا كنا هنبقى موجودين أو نبقى مجرد فكرة حتى..

لما حسينا اننا مينفعش نحس بالتغفيل بأي شكل من الأشكال

واننا ممكن نبقى حنينين على نفسنا .. نديها شوية صغيرين من اللي كنا عاوزين نغرق بيه حد تاني بصدق وصدر رحب وحب وود وحنان ولطف

يمكن الشعور ده يتصب في المكان الصح لأول مرة في حياتنا مكان هيقدره ويشعر بيه بصدق

نجرب الشعور اللي نفسنا حد يديهولنا مادام عندنا كم كافي منه يغرق الكوكب باللي فيه..

شكرا ياياسمينا .. وجودك بالدنيا باللي فيها 🤍🌿☕☕

[yassmeenamoustafa]

قررت أبدأ انجازات بعضها سرية للغاية والبعض الآخر سأفتخر بتدوينه حتى لو كان في منتهى البساطة

من 1/11 شكله مريح كدة وبما أنه يوم جمعة فده شعور الطف حقيقي

هي حاجات بيني وبين نفسي وبيني وبين ربنا عجزت كتير اوي اوي اوي اني اعملها ولما بدون كل حاجة بهاشتاج هنا اعتقد بتساعدني افتكر اني اتشجع واخلص كل التفاصيل البسيطة ولكنها في قلبي مهمة اوي اوي اوي

نبدأ هاشتاج جديد اتمنى يكون مثمر واتمنى اكمل من غير عجز واتمنى السر فيهم يفضل سر بيني وبين ياسمينا عشان يتم بسلام

بسم الله 🤍🌿

اليوم الأول 1/11/2024 💡🗒️🔒

[yassmeenamoustafa]

مكافأة لياسمينا على انجازات لا يعلمها أحد 🙅🤍