#أنا هنا

[jayz4]

أنت هنا؟

نعيش على هذه الأرض. في الغالب أتفاجئ أننا نعيش هذه اللحظات لآخر مرة، أي أن عمرك الحالي عبارة عن مرحلة، وستنتهي، وحين تنتهي لن تسطيع الرجوع لها، لن تقدر على الشعور مثلما كنت تشعر في عمر معين، ولن تمتلك نفس الرغبات، الأمنيات، والأحلام. غريب!

أنا هنا، وأنت هناك، لا أستطيع رؤيتك ولا العيش معك، انتقلت لعالم آخر، وانفصلت عننا. كنت هنا معنا، تتنفس هوائنا، ونأكل على طاولة واحدة، تجلس أمامي، وتقود بجانبي، والآن كلهم هنا، إلا أنت. هناك.

هو هناك، وأنا هنا، أشاهده كل يوم خلف الشاشة، وفي أي لحظة، وأشعر أني أعرفه، أعرف كل فرد أحبه وأشاهده خلف الشاشة، لكنه لا يعرفني، أنا قطرة بين وابل المطر. تبدو لي وكأنك هنا، ولكنك هناك.

أنت هنا، تقرأ كلماتي، قد أعرفك وقد لا أعرفك، قد أكون تعرفت عليك بسبب المدونة الصغيرة، وكل من تعرفت عليه بسبب هذه المدونة أتمنى، كل يوم، أن يكون جزءًا من واقع الحياة، وقد تكون من واقع حياتي، تراني من وقت للثاني، أو دائمًا، وقد لا أعرفك نهائيًا، لكنك تعرفني، وأفكر فيك، بكيف وقع رابط التدوينة بين يديك، وكيف تقرأ، وهل ستقرأ دائمًا أم هي لحظة عابرة، لا أعرف، ولكن أرجو أن تسعدك صُحبتي، وتبقى هنا، حتى إن كنت هناك.

أصارحك، أحيانًا يصعب العيش في اللحظة، تريد أن تمر الدنيا، أن تبتلع الدواء سريعًا بدون تذوقه، لأن من يستمتع بطعم الدواء؟ نتمنى أن تعبر الأيام في كثير م�� الأحيان، بدون تدقيق في تفاصيلها ولا التأني في أحداثها، ولكن إن عبرت من يقنعك أنها كانت من عمرك؟

ويكند سعيد. x

[lsd-l]

عايزة أقول إني جبت آخري من دماغي بجد والله وصلت لمرحلة صعبة أنا بقالي 4 ساعات برة البيت ولما روحت إكتشفت إني كنت مرجعة باب الشقة مش قافلاه اصلاً، ولما عملت فلاش باك للي حصل إفتكرت إني كنت قبل ما أنزل عملت تشيك اب على المفاتيح 3 مرات في الشنطة علشان كل 5 دقايق كنت بنسى أنا واخداها ولالأ، فا في تالت مرة وقفت قدام باب الشقة قبل ما أخرج علشان أتأكد إن المفاتيح معايا وساعتها سيبت الباب مفتوح علشان ماقفلهوش وأتسوّح لو كنت ناسية المفاتيح، والحمدلله لما إتأكدت إن المفاتيح معايا إتطمنت ومشيت وسيبت باب الشقة زي ماهو، ودلوقتي لما روّحت وإكتشفت المصيبة دي دخلت أتأكد إن مفيش حد دخل ولا حد مستنيني جوة وبعد كدة قفلت الباب، وحالياً خايفة حد يطلعلي من الدولاب بالليل، أنا عايزة علاج يا في يوم هنسى مثلاً إن القتل ممنوع وهقتل حد بالغلط :D .

[laylah-a]

﷽

على غزة ومن فيها 💛

[alshimaa3mr]

من الخطط الجميلة جداً والنافعة في الدنيا والآخرة اللي ممكن تعملها في السنة الجديدة : هي إنك تحفظ كل يوم حديث لرسول الله صلِ الله عليه وسلم ، ممكن كل أسبوع حديث أو كل يومين حسب وقتك. وممكن تختار في الأول الأحاديث الصغيرة السهلة وبعد كده تحفظ الأكبر فالأكبر.

تخيل مثلاً لو كل أسبوع حفظت حديثين كده هتحفظ في السنة أكتر من ١٠٠ حديث ، ولله دره من زاد عن اتنين.

أهم حاجة المداومة يعني تبقي راجل مع نفسك في الإلتزام بالخطة مهما حصلك ،فخير الأعمال أدومها وإن قل.

ومهم بردو الاستعانة برب العزة سبحانه وتعالى وإخلاص نيتك. ويا سلام لو كل حديث تحفظه تقرأ شرح له بسيط وتحاول تفهمه وتؤديه وتعمل بما فيه ، وياسلام أكتر لو تعمل بوصية سيدنا محمد وتعلمه لحد غيرك : حد من أهلك حد من صحابك أو تنشره هنا وشوف الخير والجزاء اللي ممكن تناله ، قال الحبيب المصطفى صلِ الله عليه وسلم " نضر الله امرأَ سمع منا حديثاً فبلغه كما سمعه" شوف بقي النظارة ال هتحصلك في وجهك وقلبك ونفسك وعقلك وبدنك من تبليغك بالحديث الواحد! وده في التبليغ بس ما بالك بجزاء حفظك للحديث نفسه والعمل به.

ومتنساش " الاعتصام بالسنة نجاة"

[luly21]

الكلمه تترمى من هنا و انا اقعد افكر فيها بقية عمرى و انتوا تعيشوا ولا فى دماغكوا ..

[ibrahimshoukri]

أنا بحب الشباب إللي عندي علي الفيس حقيقي جدا رغم إن ما شوفتش اغلبهم بقالي سنين بس بيحبوا ينكشوني و يعملوا كومنتس عندي انزل ستوري ليا ألاقي خمسين ريأكت لاف الفكرة إن الواحد شاف الناس في الحقيقة فأنت مهما حصل بيفضلوا يحبوك علشان عارفينك عكس هنا الواحد عرف ناس كتير حلوه فشخ َ بس الموضوع بيفضل سوشيال بيقلب ملل و فاكر قلة كلامك إنك بتكرهه بس هو مفيش حاجة تتقال فيكرهك ويبطل حتي يعملك لايكس ويعمل بلوك كمان 😂😂

[sarrah]

مشيتوا من هنا وسيبتوني لوحدي، لو رجعتوا همشي وهسيبكوا لوحدكم بردو 😟🤝🏻

[writer1998]

[onlinetechegypt]

[lsd-l]

سرق مننا فرحتنا

والراحة والأمان .

[sarrah]

نفسي أقولهاله*

يمكن لما يقولي حاجة محددة أطلع بعرف أعملها!

‏قوليلي إزاي أحبك حُب يرضيكي؟

[stella-sirius]

قبل ما أنزل العصر فريدة بنت أخويا قالتلي يا أحمد و أنت جاي هاتلي سبيرو سباتس نفسي فيها قولتلها يا فريدة لو جيت بدري هجيبلك السبيرو سباتس - مشروب غازي - ..

المهم اليوم كان طويل و من الأيام الي بتكون عايز تروح فيها البيت علطول من غير ما تلف ولا تجيب حاجه .. بس افتكرت فريده و اخواتها :") و قولت والله ما أنا مزعلهم و دخلت السوبر ماركت و جبت ليهم السبيرو سباتس ..

روحت و دخلت اوضتي لقيت دي علي المكتب :

"ازيك يا أحمد حط السبيرتو سباتس هنا و رن عليا اطلع اجيبها أنا هسهر لحد ما تجيبها ، عارف لو مجبتهاش هتشوف حاجات مش هتشوفها والله، حطها في البوكس "..

أنا كنت هعيط والله من رقتها و تهديداتها الي مليانه محبه دي ..

هي حبيبتي 🤍

[yooo-gehn]

السعي الحثيث لتقبل كل ما لا يتقبله الدين ده غريب

ذكرك للنصوص في الأسك السابق حجة غريبة انت عايز تبرر سب الناس للدين بإن كلام الله بيسبهم فسو وات ده حقهم؟

احنا بنتعاطف انسانيًا مع انتحار الناس دي في السياق اللي قلته علي اعتبار انه الحقيقة -انه اتنكل بيهم ودُفعوا للموت دفعًا- وبننكر فعل التشفي، لكن مبنطبعش الفعل ونقول عليه عادي علشان نبقي كدة مسلمين الإسلام الصحيح

ولإننا كمسلمين ديننا دين رحمة بالناس علشان عايزهم ينجوا ف الآخر وديننا بيقول إن نجاتهم في كونهم مسلمين

أنا م�� عايز أجبر حد متدين يتقبل شيء لا يتقبله الدين، أنا بقول ببساطة إن الإلحاد والمثلية حرام في الدين طبعًا، ولكن أي ظلم أو اضطهاد واقع على الملحد أو المثلي، هو نتيجة لقلب غليظ وقاسي، وعقل أحادي مش قادر يشوف في أي فكرة وأي شخص غير رأي واحد، ومش قادر يتقبل وجود المختلف عنه بدون ما يكرهه، وهو مش لازم يشجع الناس على أفكار أو سلوكيات هو رافضها، ولكن عجزه عن التعايش مع المختلف عنه بيعبر عن قصور حاد في عقليته وإنسانيته.

وأيوة أنا فعلاً بقول لو كلام الله بيسب غير المؤمنين، يبقى من النفاق والإزدواجية أني أنصح غير المؤمنين أنهم يتوقفوا عن السب. وإلا الموقف مش هايختلف كتير عن بلطجي مثبتني بمطوة، وبيشتمني أنا وكل عيلتي عشان مش بسمع كلامه، ولما يسمع أني شتمته يديني محاضرة في عدم أخلاقية الشتايم.

ومع ذلك، مش معنى إتاحة شيء، أني بالضرورة موافق عليه بشكل شخصي، ده مربط الفرس كله أصلاً. أنا ماحبش أهين مقدسات حد، ولكن هو أصلا إيه تعريف الإهانة؟ مين بيحددها؟ ينفع أنتقد إيه من غير ما تتحسب إهانة تستلزم عقاب؟ ولا انتي ماشوفتيش منى برنس اللي القاضي قالها في حيثيات الحكم عليها إن حرية المعتقد مكفولة طالما ظلت حبيسة النفس؟

الحق هنا مش السب في حد ذاته، الحق في حرية التعبير. وعشان يكون فيه حرية تعبير، لازم تسمح للناس تناقش الأفكار زي ما هي عايزة. وبدون حرية تعبير، بالمناسبة، كان ممكن في أي عصر بعد وفاة الرسول، أي خليفة ولا إمبراطور يتهف في عقله ويمحي الإسلام من على وجه الأرض، بأنه يصادر النصوص ويجرَّم اللي يفتح بقه.

كويس إن فيه ناس قادرة تتعاطف إنسانيًا مع انتحار "الناس دي" وبتنكر التشفي فيهم، لكن إمتى قولت من أول كلامي لآخره إن اللي يعمل كده لازم يقول على الفعل عادي؟ ده عكس كلامي أساسا، كل واحد يقول اللي هو عايزه، ويؤمن باللي هو عاوزه، لكن لو إيمانه وصله للتشفي في واحدة شنقت نفسها بسببه بشكل غير مباشر يعني، يبقى فيه حاجة غلط في إيمانه ده.

وأخيرًا، لو معنى إن الإسلام دين رحمة، هو أن لا نجاة للبشر إلا فقط في كونهم مسلمين، فأنت بتقولي إن ربنا خلق 8 مليار بني آدم، واختص 2 مليار منهم بس بالنجاة. لو أنتِ شايفة دي "رحمة"، فأنا مش هاجادلك.

[noor-kazem]

والآن، أنا هنا معك... بنفس الريح الواسعة ها أنا ذا، عالقًة في خزائن السماء المفتوحة ،الظلام يسند وسادة رأسي - مليار نجمة تضيء السكون العميق .

And now, I am here with you... with the same wide wind. Here I am, stuck in the open vaults of the sky, the darkness supporting the pillow of my head - a billion stars illuminating the deep stillness.

~~~~~~~~~~~~~~~~~~

Ve şimdi buradayım seninle... aynı engin rüzgârla.İşte buradayım, gökyüzünün açık kubbelerinde sıkışıp kaldım, başımın yastığını destekleyen karanlık - derin sessizliği aydınlatan milyarlarca yıldız.

[sarrah]

حاجة كمان، مبحبش أمشي مع حد بيتكلم عن السياسة ب"هطل"، أنت متعرفش احنا ماشين وسط مين! متعرفش أي تسجيل في المكان هيحتفظ بقولك بصوتك في ثانية على سهو وهيبقى إثبات! عاوزة تنفِس؟ براحتك.. لكن مش قدام الشرطة! علشان بياخدوا لإشارة في صورة مش مقصودة! طالما القوى مش متكافئة وأنت مش قد القضية ابلع لسانك، ومتشبهنيش، علشان أنا وجودي بحد ذاته شُبهة لوحدي، مش محتاجة حاجة 🙂

[writer1998]