see-en

[see-en]

[see-en]

شوفتك مثل صباح العيد

الي كلن يحتري فجر ضوّه

يا بسمتي وشعوري الجديد

يا سحابي المستظل هوّه

[see-en]

يا صدفةٍ لمت شتات الاحساس

و حاكت النفس بعيونها النعاس

ضحكةٍ تسلب القلوب و الناس

ضحكةٍ تغاير النجم عالي الفاس

سرابٍ اوهمت نفسي عساس

مالي انا و القصيد ابري الراس

شفتك و عقبها عايشٍ هجاس

ابري رصاصٍ واكتب لك الماس

[see-en]

نسيت شلون احب و عشت الاحسّاس

و جعدّت حكيي العذوبي وكل القصيد

و قضيت العمر و انا الملّم شتات الناس

و لهيت عن نفسي و بشتاتي وحيد

[see-en]

عجزت انا و قلبي نميل الطريق

كل الطروق لبابه و المدى يدلّني

يخطي و الخطاء مثل صب البريق

اهوى كاسٍ صبابه ولو مرارته تعلّني

عجزت النجاة و انا بموجه غريق

عجزت الحلّ و اثاريه هو من يحلّني

بعيدٍ عني والقلب بك حالمٍ عتيق

بعيدٍ بالحكي وصوتك بالصدى يتلّني

قريّبٍ مني ولو بعد المسافات و الطريق

اصون الحب لا سنّيت و عصاي تشدنّي

[see-en]

قالوا الوداع وشلون تخوضه ؟

قلت يا صعب ناطقه و حروفه

يشّل القلب والمشاعر يفوضه

و كابت الدمع غصب تهل ذروفه

و يا عايشٍ بالاحلام و الروضه

قم ! الفراق عذابٍ مابه روفه

[see-en]

يراود البال الف سوال و سوال

يراودني الخاطر و ليلي و الهاجس

يا تُرى اساير القلب تجّوال ؟

اثاريه سرابٍ بعقلي قافلٍ حابس

[see-en]

تعوف النفس مرءً لا شافت الشين

و تعوف الروح سليلها ومنهو ونيسها

ابوخ النفس و ابصر الشوف و العين

كلامٍ عيده لمرات و لعل تقيسها

[see-en]

قلبّت من ذا الحكي وضروس الكلام

واشوف المعاني وشهو ياقصيدي ابدّاه

عضيت الندم مثل الفرس عضوض الجام

و ارخيت حبل الوصل مرارةٍ ما أقدّاه

[see-en]

[see-en]

ابي قصيدة عن بنت عرفتها وحبيتها من كل قلبي وبعدنا عن بعض والجواب منها كان بدون سبب افترقنا

لعنبو دار الاسباب و طريق الفراق

وشلون تخذل حبيبٍ و بقصيده يبدّاك

شايلنك على متون كتوف البرَاق

و شايلنك محبة الكون و يتحدّاك

جوابٍ خطف لوني و عروقي الزراق

وشلون الفراق لأيّة سبب ودّاك؟

[see-en]

وحشني صوتك في غمضة الليل

وحشني حكيك و صدى صوتك بالحيل

عوّد و تعود الروح و النفوس الويل

و اضوّي عتمتي مثل ضي سهيل

[see-en]

يا دنيا احبابنا غابوا و راحوا عنا

حتى خلي بالهوى تغيرت مجاريه

و أنا الراسي ولو سلايل الكون طعّننا

ماهب كل سرابٍ يوهم البال اعتليه

[see-en]

يا سعود تعرف وشهو الحزين ؟

اني عطيته الي ماقد عطيته

و دعيته و انا ساجد الجبين

و اني تمنيت و ليتني ما تمنيته

و اني عشقته مثل صلاتي و الدين

يا سعود المضحك اني ما تخطيته

و ادور وشهي كفّارة حلاّف اليمين ؟

[see-en]

Where is the reset button for this life ?

[see-en]

ما عدت ادري النفوس تهوى بعضّها؟

ما عادت المشاعر فايقٍ لها عادي

ما عاد بينا مرسالٍ يعلمني وين ارضّها

و لا عاد الهوى و أنفاسه بذاك الوادي

[see-en]

مليت من طول الانتظار و نِفَذ صبري

و اطعن الظنون الي تقول يا خلي هذا الفراق

و اثاري الظنون سكنت خافقي والضلع وصدري

و اثاريني الغمد و حسن ظني هو مرارة المذاق