Last Seen Blogs
Text
الواحد كل ما يقرأ من القرآن يكتشف إن في مُسلمات و حاجات كتير بيبقى شايل همها في حين إن ربنا حاسم فيها الموضوع .. زي مثلا
1- ( ولم أكن بدعائك ربِ شقياً ) .. استحالة هتبقى بتدعي و تحس بحزن أو تعاسة
2- ( و في السماء رزقكم و ما توعدون ) ايه بقى لازمة إنك تقعد تهري و تُنكُت في نفسك و تنكد على أهل بيتك لما تكون قرفان من الشغل
3- (أليس الله بكاف عبده ) .. ربنا كفاية .. كفاية .. كفاية .. مهما قعدت تشتكي للناس و تندب .. مش هتلاقي زي ربنا مهما عملت و مهما الناس ريحتك هتلاقي الفضفضة مع ربنا احسن .. لأ هي مش بس أحسن هي مفيش مقارنة أصلا بينها و بين أي حاجة
4- ( ان الله على كل شيء قدير ) و ( إذا أراد شيئا أن يقول له كن فيكون ) .. الموضوع سهل .. ماتفقدش الأمل مهما حصل
5- ( لا تدري لعل الله يحدث بعد ذلك أمرا ) .. مهما قفلت في وشك .. مين عارف بكرة هيحصل ايه ؟!
6- ( ونحن أقرب إليه من حبل الوريد )
7- ( و اصبر لحكم ربك فإنك بأعيننا ) .. ايه لازمة إنك تشيل الهَم و ربنا اللي خالق الكون ده كله اللي مايسواش عنده جناح ناموسة بيقولك أصبر و سيبلي الموضوع ده انت في عينيا
8- ( و لسوف يعطيك ربك فترضى ) .. هيديلك .. مش مهم امتى .. مش مهم ازاي بس هيديك لحد ما انت تبقى راضي و مبسوط .. ربنا وعدك بده .. وعدك
9 -الحديث اللي فيه ( رفعت الأقلام و جفت الصحف ) .. حياتنا كلها اتكتبت خلاص .. ماتشيليش هَم هتتجوزي مين و لا هتموت امتى .. و مهما عملت و اتشقلبت اللي مكتوبلك انت هتشوفه
10- ( لا تحزن إن الله معنا ) لما بقى تربطها برقم 3 .. الدنيا و ما فيها
11- ( قل ياعبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم ) .. غلطت .. مهما كان يعني .. استغفر و ارجعله … هتقعد تضيع وقتك في الزعل و الندم و الحل في القرآن اهه ..
12- (أمّن يجيب المضطر إذا دعاه ) , ( إني قريب أجيب دعوه الداع اذا دعاني ) ربنا بيستجيب روح كلمة و قول له اللي جواك
و نفس الكلام بالنسبة للأحاديث القدسية ربنا بيقول :
1- ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة )
ف انت شوف انت شايف ربنا إزاي و هو هيديلك على اد اللي انت شايفه .. سبحان الله مع ان احنا اللي مفروض نبقى عند حسن ظنه .. بس بيقولك شوف انت ايمانك بيا عامل ازاي و انا هديلك زي ما بتفكر .. مبدأ ال subconscious mind في أبسط و أرقى صورة
2- “ ثلاثة لا ترد دعوتهم : الصائم حين يفطر ، والإمام العادل ، ودعوة المظلوم يرفعها الله فوق الغمام ، وتفتح لها أبواب السماء ، ويقول الرب : وعزتي لأنصرنك ولو بعد حين ” … مظلوم ؟؟ ربنا أقسملك بعزته انه هيجبلك حقك زي الباشا .. نفسك في حاجة أوي .. صوم صح و إدعى و انت بتفطر ..
في أمثلة لا نهائية فى كل آية في القرآن و كل حاجة ربنا قالها .. بس احنا مشكلتنا اننا بنثق في المخلوق و مش واثقين في اللي خلق المخلوق ده .. و مش بنلجأ للقرآن إلا عشان نختمه من غير ما نفكر فيه .. أو لما بنبقى زعلانين .. مع ان القران هو ( دستور الحياة) .. تخيل لو عملت باللي مكتوب و استوعبته و نمت و انت متطمن ممكن ربنا يعمل ايه عشانك ؟؟
كتب التنمية البشرية و العلاقات و إزاي تكسب الناس و الهري ده كله فعلا فعلا أي كلام .. عايز تعيش مرتاح ارجع فعلا للمصحف .. هتلاقي مفاتيح كل حاجة.
افرحوا .. ربنا وعدنا بكل حاجة حلوة
455 notes
·
View notes
Text
" كيف لأحدهم أن يأتيك متأخراً ثُم يكون وحده من تراه في المقدمة ."
535 notes
·
View notes
Text
ﻋﺎﻭﺯ ﺍﻗﺎﺑﻞ ﺷﺨﺺ ﻛﻞ ﻣﺎ اتعمق فى حياته وشخصيته ﺍﻛﺘﺮ ﺍﺣﺒﻪ ﺍﻛﺘﺮ , عاوز اتخطى فكرة ان كل حاجة من بعيد احلى
238 notes
·
View notes
Text
ﻋﺎﻭﺯ ﺍﻗﺎﺑﻞ ﺷﺨﺺ ﻛﻞ ﻣﺎ اتعمق فى حياته وشخصيته ﺍﻛﺘﺮ ﺍﺣﺒﻪ ﺍﻛﺘﺮ , عاوز اتخطى فكرة ان كل حاجة من بعيد احلى
238 notes
·
View notes