elyksir

[elyksir]

and there was you.

matagal na akong nawawala.

wala sa mundo, wala sa sarili.

hindi ko alam kung ano ba dapat kong gawin,

kung ano ba talaga dahilan ko bakit ako nandito.

wala akong sariling circle sa school,

kung sino-sino na lang sinasamahan ko.

magkakaiba na kasi kami ng school ng mga tropa ko.

matagal na akong nawawala.

sa karagatan ng mga tao, tila ba anino lang ako.

walang pumapansin, walang nakakapansin.

marunong naman ako magmaneho,

pero bakit hindi ko alam direksyon ng buhay ko?

hindi puwedeng hanggang dito lang ako.

nawawala pa rin ako.

ang kaibahan lang, dumating ka.

napansin mo ako, pinansin mo ako.

sa tagal ng pamumuhay ko sa mundo,

ikaw lang yung hinayaang dumapo mga mata mo sa’kin.

at sa oras na ‘yon, pakiramdam ko nakalaya na ako.

tunay na ang pag-ibig ay mapagpalaya at gabay sa mga nawawala.

[elyksir]

will someone ever know?

ni minsan ba sumagi sa isip mo yung sakit na dulot mo?

ni minsan ba sumagi sa isip mo na masasaktan mo ako?

ni minsan ba sumagi sa isip mo na nandito ako para sa’yo?

ni minsan ba sumagi man ako sa isip mo?

tangina, alam mong masasaktan ako ‘e. alam mo kung ano yung mararamdaman ko. ang malala, tinuloy mo pa rin. oo nga, alam mo na mararamdaman ko pero kailanman hindi mo malalaman ano yung pakiramdam. halos mawalan ako ng buhay nung mawala ka. halos ikaw na yung bumabalot sa pagkatao ko, tipong lahat ng taong nagnanais maging parte ng buhay ko kailangangang makilala ka para makilala ako.

may mga sugat na kailanman ay hindi kayang pagalingin ng oras at mananatili itong bukas. mananatili ang hapdi, ang kirot. kailanma’y walang makakaintindi kung gaano kasakit ang isang bagay hangga’t hindi sila ang nakararanas.

isang mahigpit na yakap at pag-asang makamtan balang araw ang paghilom na inaasam, kaibigan. nawa’y magtagumpay ka sa bawat pagsubok na hindi mo ipinababatid. kasama mo ako sa bawat lakbay na iyong tatahakin. :)

[elyksir]

11:11

hindi ako naniniwala sa mga pamahiin

o sa kung ano mang sumasaklaw sa mga ito

kahit yung mga maliliit na bagay na ugnay sa paghiling

tulad ng ikalabing-isang minuto ng alas onse

na kapag humiling ka sa mismong oras na iyon

malaki raw ang tsansa na magkatotoo ito

hindi ko rin alam ano ang lohika sa bagay na ito

kaya kailanman, hindi ako naniwala rito

hanggang sa dumating ka para baguhin ang pananaw ko rito

bigla ko na lang nakita ang sarili kong inaabangan ang oras na iyon

bilang pagsabay sa interes mo

bigla ko na lang nakita ang sarili kong sabik kapag nasasaktuhan ang oras na iyon

kasi kung hindi mo man maabutan, nandito ako para saluhin ang mga hiling mo at ibulong sa hangin na sana tuparin ang mga ito

bigla ko na lang nakita ang sarili kong hindi igiit na naniniwala ako sa mga ito at sinasabi sa ibang, "wala naman mawawala kung maniwala ka kahit kaunti"

bigla ko na lang nakita ang sarili kong nakatingin sa iyo tuwing sasabihin mong humiling ako sa tuwing maaabutan natin ito

at sa tuwing mahahanap ka ng mga mata ko, tila ba alam ko na agad ang hiling ko, dalawang bagay lang naman:

sana matupad ang mga hiling mo

at sana isa ako sa mga hinihiling mo

kasi ikaw lamang ang laman ng mga hiling ko.

[elyksir]

mean it

hindi ko naman hiling magagarbong bagay

ikaw lang naman kailangan ko

kahit katiting lang ng oras mo ang hinihiling ko

ngunit bakit parang hirap kang ibigay?

totoo pa ba sinasabi mong gusto mo kung ano mang meron tayo?

o pipilitin kong magbulag-bulagan at intindihin ka palagi para lang hindi mawalay sa piling mo?

paano naman ako? kailan mo tatanawin at maiisip ang mga bagay sa kung paano makakaapekto sa akin ang mga ito?

[elyksir]

‘kabisado na kita.’

totoo naman kasi. alam ko na buong pangalan mo, birthday mo, mga hilig mo, ano balak mo in the future, mga bagay na ayaw mo, mga mannerisms na hindi mo namamalayan nagagawa mo. ano pa ba? miski buong pagkatao ko kabisado ka na sa puntong kahit hindi utusan ng utak ko gawin ‘to, automatic ikaw ang papasok sa isip ko. sa tuwing pagmulat ng mga mata ko, notif agad galing sa’yo ang hanap ko. kung wala pa man, automatic punta ‘yan sa messages para sendan ka ng kahit ano. muscle memory na, kumbaga. sa tuwing may makikitang post kahit hindi ko pa naman naiisip kung kanino isesend, parang may sariling galaw mga daliri ko, makikita ko na lang nakatype na number mo. kabisado ko pa nga number mo kaysa sa number ko. sa number ko nagdadalawang isip pa ako to the point na chinecheck ko pa sa contacts ko, pero ‘yung sa’yo, kabisado ko kahit nakapikit. bawat numero saktong-sakto, walang mintis, walang labis, walang kulang. tamang-tama. parang ngayon, hindi naman sinasabi ng mga utak ko para kanino ‘tong piyesa na ‘to, pero alam ng sarili ko kung para kanino unang linya pa lang. wala ako maisip kanina mailagay rito pero ngayon dire-diretso na ako. gano’n ka siguro nakabisado ng pagkatao ko. ilang buwan pa lang pero parang nananalaytay ka na sa’kin.

lord, tinamaan na naman ba ako?

[elyksir]

tanikala

i've been talking to someone else

it’s bothering that i can’t feel a thing

but i remembered i've only felt it when i was with you

i did my best to focus on what i was having

but how can i, when all i’ve seen was a glimpse of you?

[elyksir]

sa mga bagay ay hindi laging desidido

pero pagdating sa’yo, ikaw ang pipiliin ko, panigurado.

[elyksir]

sa’yong mga mata tila ay nalulunod ako

at tila bang wala akong magawa upang makaahon dito

unti-unti nang napupuno ang damdamin

panatilihin itong lingid sa’yo ay akin pa bang kakayanin?

[elyksir]

let me in

nang una kang makita, mga mata mo’y parang bituin

na parang nasa loob nito ang kalawakan at ito ako na handang iyong hatakin

hindi inaasahang ikaw ang makabibihag sa aking puso

pero sigurado kung sakali man pagtingin ko’y iyong mabatid

o irog, handa akong gawin ang lahat para sa’yo

pagbigyan mo lang akong makapasok sa iyong puso

maaaring lahat ng ito para sa’kin ay bago

ngunit makakaasa kang ipadarama sa’yo ang pag-ibig na wasto

[elyksir]

traffic light

ano ba talaga ako sa’yo?

alam ko namang wala akong karapatang magreklamo kasi hindi mo naman batid nararamdaman ko

ngunit, bakit ipinapakita mong nararamdaman mo rin ang nararamdaman ko para sa’yo?

hindi ko naman ‘to nililihim subalit bakit parang iyong ipinaparamdam na sa’yo ay may pag-asa ko?

tunay bang ang aking damdami’y hindi pa rin batid

o pinipilit mo lang maging manhid?

tanging gusto ko lang naman ay kaliwanagan

baka sakaling ako’y iyong mapagbigyan

[elyksir]

mistaken

sabi mo, panghabang buhay

sabi mo, hinding-hindi maghihiwalay

sabi mo, ikaw at ako na ang huli

bakit nandito na agad tayo sa dulo?

ika’y minahal nang todo

sa lahat ng tao, ikaw lang ang sineryoso

hindi alam bakit sa’yo lang nagkaganito

pero bakit ngayon ako’y iniwan mo?

ang pag-ibig ay hindi ganyan

aalis kapag wala nang maramdaman

ang pag-ibig ay pagpili nang walang alinlangan

sa kabila ng pagsubok at nawawalang pagmamahal minsan

tunay ngang maraming namamatay sa maling akala, tulad ng puso ko matapos maniwala sa mga sinabi mo, nakahandusay na lamang sa isang tabi nang bitawan mo at nagdesisyong hindi na muling pulutin pa.

[elyksir]

piece of mind

kahit anong gawin, kahit anong pilit limutin

walang araw na hindi ka dumadalaw sa isip

konsensya lang ba itong kakaibang damdamin,

o damdaming hanggang ngayo'y hindi malirip?

hindi alam kung tunay nga bang nagkaroon ng pagsinta

sapagkat halos sa araw-araw ay ikaw ang gunita

noong nandito ka, ako ay kalmado

ngunit bakit nung nawala ka'y tila damdamin ko'y lito?

hindi ikaw ang unang kasama gumawa ng mga bagay na iyon

pero bakit ikaw ang hinahanap ng sarili ko ngayon?

tunay pa rin bang ang nararamdaman ay lingid?

o itinatanggi na lang upang lumipas ang damdaming masyado nang huli para ipabatid?

[elyksir]

is there someone else?

iba’t ibang klase ng tao ang nakilala

ang bawat isa’y talagang kakaiba kapag nakakausap na

ngunit lahat ay natatapos sa isang iglap lang

ang lahat nga ba’y laging hanggang dito na lang?

ilang tula pa ba para makilala ang para sa akin?

bakit tila mga panalangin ay hindi dinidinggin?

hindi ko hangad ang perpektong samahan

ang mahalaga’y parehong nagkakaintindihan

tanging hiling ay magkaroon ng tahanan

sa tuwing kailangan ay laging may sasandalan

nang walang alinlangan

pag-ibig na tiyak ay laging mararamdaman

tunay nga bang may nakalaan?

o umaasa na lang sa kawalan?

[elyksir]

does she

your laugh makes me flutter

hearing your voice makes my day

yet it hurts that she’s everything you say

when making you happy, does she do it better?

[elyksir]

hopeless romantic

ikaw ang gustong kasama maglakbay

sa gitna ng gabi habang magkahawak ang mga kamay

ikaw ang gustong kasamang tumingin sa alapaap

sa gabing puno ng mga bituin na kumikislap

ikaw ang gustong binabalot ng mga bisig

upang hindi ka manginig sa lamig

ikaw ang gustong pinapangiti

lalo na sa mga panahong nawawala ka sa sarili

ikaw lang ang gustong kasamang gawin lahat ng mga

bagay

ikaw lang ang gusto ko, habang buhay.

[elyksir]

true colors

hangad ko ang makilala ka

makita ang lungkot sa likod ng iyong maamong mukha

makita ang mga luha sa likod ng mga ngiti

kung maaari rin sana’y samahan ka sa gitna ng pighati

kahit kailan ay hindi ka iiwan

walang hanggang magsisilbing iyong tahanan.

[elyksir]

fallen

i didn’t know when did this happen

the things you do just can’t seem to be forgotten

you’ve been running through my mind

there’s always you, no matter how i unwind