awamy

[awamy]

الاخوان المسلمين عندهم قدره عظيمه علي انهم يخلوا الكل يشتمهم من اول سلفيين ليساريين ليمينيين لواحد ماشي في الشارع بيبيع بطاطا وبيجي في بالي حاجه وهي هل التركيبه دي لو عكسناها ممكن نقدر نوصل عن طريقها بحاجه الناس كلها تتفق عليها زي ما هما بيوصلوا لافكار كل الناس بتختلف عليها كد�� نقطه تستحق الدراسه بجد

[awamy]

اخر حاجه هقولها في الموضوع ده والكلام ده مش لحوار ساره خصوصاوهي ان الطرفين او ال 3 اطراف بتوع الحوار ده هيفضلوا في الحوارات دي دايمالو الطرف الاول اللي هو مؤيد لافكار ساره بالاضافه للمتعاطفين واللي واخدين الحوار من الناحيه الانسانيه بطل يقول الله يرحمها كمراعاه للي بيضايقهم الكلمه دي واستبدلها باي جمله تانيه زي السلام علي روحها او ايا كان بعيدا عن الدين خالصهيفضل الطرف التاني متضايق ان لا ازاي تتعاطف مع حد كانت افكاره كذا وكذا وكذاوبالمثل لو الطرف التاني قرر انه يسكت ويراعي الموت وقال جمله زي البقاء لله او ان لله وان اليه راجعون او "خبر محزن" او حتي سكت مقالش حاجه فالطرف الاول هيتضايق وهيعوز ان لا ليه مش بتتعاطف ليه مش بتدافع ليه مش بتاخد موقفوطبعا الطرف التالت اللي قاعد بيتريق علي اي شخص بيعلق علي اي حاجه مش عاجباه هيفضلوا كده دايما مش فارق فعلا ايه الموضوعفانت لو فاكر الحوار حكم ديني ولا نصره للدين ولا رحمه ولا حب ولا انسانيه ولا تعاطف فانت غلطان الحوار اكبر من كده ومهما هتحل للطرفين مشاكلهم هيطلعوا بخناقات جديده لانهم رافضين فكره التعايش سوا من الاساسبدليل ان جزء كبير من مجاهدين الفيسبوك اللي بيحزقوا دول مش بيطبقوا معظم الدين اللي هما محروقين عليه ده فانت ايه الاولي تطبق الاحكام الشخصيه المتعلقه بيك الاول ولا تروح علي الاحكام المتعلقه بتصرفات غيرك ؟ ما هو لو الحوار علي ��زاجك هتتغاضي وتكبر دماغك وتعتبر الحوار كذنب اضافي كاي ذنب بتعمله في حياتكوجزء كبير من الطرف التاني ميعرفش يعني ايه حقوق ولا حريه غير لما الحوار بيخصهم وهتلاقيهم ساكتين في معظم القضايا اللي المسلمين بيتظلموا فيها ايه وضعي من الحوار ده ؟ وضعي ان مع ان شخص اتظلم مكنش يستحق اللي يحصله ده ايا كان فكره وايا كان طريقه موتهولو عبد الله رشدي هو اللي في الوضع ده وتم حبسه في دوله اجنبيه بسبب دعوته للاسلام واتاذي هناك مثلا فهيكون رد فعلي كده برضهمش حبا في دباديب عبد الله رشدي ولكن لاني مش حابب الظلم ده يقع عليا في يوم وانا بعبر عن نفسياو علي الاقل اوي هسكت ومش هفرح في ظلمه وانا عارف انه مأجرمش وانه اتاذي بسبب محاوله نشر فكر مش اكترما انت اوعي تفكر انك لما تؤيد ظلم شخص بسبب انه ضدك ان الحوار مش هيجي عليك في يوم دي بديهيات يعني

[awamy]

الماميز والفيمنستس والاناركية

فيه شويه مصطلحات زي (جروب الماميز - الفيمنيستس - الاناركية والفوضى ) وغيرها رغم انها مصطلحات بعيده عن بعض تماما

الا ان تقريبا التعامل معاهم بيكون بنفس المنطق

منطق ان ممكن مثلا تتريق علي جروب ماميز والكلام اللي بيتم فيه انه جهل وضحك وكل ده وانا معاك دي جروبات عبيطه فعلا

بس تعميم الفكره معناه انك المفروض تعتبر الامهات دول وحشين وجهله اللي هو لو حد اتكلم علي امك بتثور وبتهيج رغم انها ممكن تكون متبنيه افكار زي دي عادي

الفيمنستس رغم ظهور ناس كتير انا بشوفهم ضرر كبير لقضيه حقوق المرأه اصلا وبسبب ان الناس المنتشره علي السوشيال ميديا بيكون كلامهم عبيط ده معناه ان كل واحده وقفت علشان حقك في التعليم وعلشان حقك في انك تشتغلي وان كونك تخلفي يكون ده اختيار مشترك بينك وبين جوزك وانك تتجوزي اللي انتي عاوزاه

كل دول وحشين علشان البت الفيمنيست اللي طلعت تتكلم علي شعر باطها في بوست علي الفيسبوك ولا مارست عنصريه ضد الولاد؟

طب والاحتجاجات والاناركيه وكل ده طالما بالسوء اللي بتتكلموا عنه ده نشيل ساعات العمل ونشيل الاجازات الاسبوعيه ونشيل كل حق تقريبا خدتوه في مقابل نرجع الكام رصيف اللي اتكسروا والكام محل اللي ات��هدلوا ايامها

التعميم من اسوا الحاجات اللي بكرهها في حياتي ، متخليش فكره معينه تكرهها بسبب تصرفات اشخاص معينه غير مناسبه

انتقد وجود الفكره لما الفكره ذات نفسها تكون بتضرك او بتدعو لشئ انت شايفه غلط وقتها اطلع عارض الفكره انما طول ما الحوار مقتصر علي اشخاص فياريت انتقاداتك تتوجه لافراد

انا شخصيا هبدأ اعمل ده

[awamy]

الشعب غير مستعد للحريه

الشعب غير مستعد للديموقراطيه

الشعب غير مستعد للمساواه

الكلام ده خره خام لان انت لو سالت اي حد من اللي بيكرر الجمل العبيطه دي طب نخليه يستعد ازاي

هيقولك نثقف الشعب ونغني الشعب شويه احلام كده

طب ما هو انت ولا هتقدر تثقف الشعب ولا هتقدر تعلي مستواه الا بالحاجات اللي فوق دي

الحوار هيكون صعب ؟ اكيد طبعا في البدايات هتواجه تحديات كتير فشخ وهتحتاج قوانين استثنائية تعدي بيها مراحل استثنائية

ولكن بالوقت وبالمجهود الناس هتتعود وهتتاقلم مع النظام الجديد

سنه ورا التانيه ورا الرابعه ورا التامنه الوضع هيتحسن

انما كونك تحرم حد من حاجه صح بحجه (انه مش مستعد ليها) فده خره ملوش مبرر يعني

[awamy]

[awamy]

OC

[awamy]

كيف يفكر الانسان اليميني (المعرصين منهم)

- الدوله من حقها استباحة القوانين وحقوق الانسان طالما بيحاولوا يظبطوا البلد ويشدوها احنا بنثق في الحكومه مهما تعمل

*متظاهر بيكسر لمبه محروقه في الشارع وهو بيتظاهر لصالح البلد*

- ان هؤلاء المخربين البلطجيه الصيع ليس لهم مكان بيننا ولازم ننزل نلمهم كلهم هو كده بتصلح البلد يعني انت بتخربها يا استاذ ومش هنسمحلك ولن نسكت علي هذه العمليات التخريبيه في وطننا العظيم

[awamy]

I missed you so much..

[awamy]

CNN REPORTER ARRESTED IN FRONT OF CAMERA

الكومنتس كلها معتبراه فعل غلط

https://youtu.be/TIClA57jWmQ

رغم ان دول شرطه محتجزينه براحه وقالوله الاول انت هيتم اعتقالك ومسكوه براحه (لانه شخص مش بيقاوم ولا حاول يهرب ولا حاجه) وخدوه هناك هو وباقي التيم

ورغم انهم ولا ضربوهم بالاقلام

الا ان كل الناس تقريبا معتبره ده فعل غلط لانه ولا وضحله التهمه وهو بيقبض عليه وده يعتبر تعدي من الشرطه

ولا كسرولهم كاميراتهم

ولا ضربوهم علي قفاهم وقالولهم "هتصيع عليا يا ابن ال*** ويابن ال*** ده انا هطلع ميتين امك"

ولا اتعذبوا في القسم

وخدوا ساعات بس وخرجوا

الا ان كل الناس تقريبا معتبره ده فعل غلط لانه ولا وضحله التهمه وهو بيقبض عليه وده يعتبر تعدي من الشرطه

ولانهم قبضوا عليه وهو كان معاه تصريح صحفي سليم للتغطيه

والحاكم هناك طلع اعتذر بعدها بعد ما خرج

انا مش بقول انهم جمال هناك وعظمه ولا كل ده امريكا بلد وسخه اساسا بس انت متخيل المعيار اللي بيتقاس بيه الموقف

مجرد التعديات اللي بالنسبالنا هنا متعتبرش تعديات (لاننا معندناش حاجه اسمها تعديات اساسا) احنا هنا لو مسكوا واحد قابضين عليه لحسوه تراب الشارع ونزلوا فوقه ضرب لحد ما مات هيعتبروها شئ عادي والاسوأ من ان ده يحصل اصلا اننا هنلاقي اللي طالع يبرر