zeinomarico

[zeinomarico]

-‏عارفة وأنا جاي في السكة افتكرت حاجة كنتي قولتيهالي زمان..!!

قولتيلي أوعي تسيبني.. قولتيلي انت البني آدم الوحيد اللي بيديني طاقة عشان أتنفس، بس لما سبتيني قعدت أدور عليكي كنت عايز أكلمك.. كنت عايز أقولك أنتي مقولتليش أعمل ايه لو أنتي اللي مشيتي!

فخر وشيرين - م��لسل أبو عمر المصري.

[zeinomarico]

"ياما نفسي أشوفك تاني في أقرب معاد "💙

" أيامنا وحشاك و لا ناسي ؟! ياللي أنت من غيرك بقاسي .. مكنتش أتخيل فراقنا يطول !! "

٥ يناير ٢٠٢١

٣:٠٨ عصرا

[zeinomarico]

لما تبقى دي أحلى حاجة حصلتلك في يومك 💙

[zeinomarico]

في الأول كانت يا دوب نظرات .. ابتسامات .. كلمة أو كلمتين ..

هاي إزيك ؟ بإبتسامة كفيلة تنسيك هموم الدنيا كلها

هاي إزيك ؟ برضا و حب يكفي الكون كله

بعد كده رسائل ع ال��اتس . ممكن متأخر بالليل .. رسائل فيها استهبال و استعباط ع الأقل مني انا . لأني كنت أيقنت وقتها اني خلاص .. حبيتك ..بسرعة كده مش عارف ازاي !!

بعد كده كان لازم اشوفك .. اتكلم معاكي .. ابص في عينيكي . المس ايديكي .. مانا لما صدقت لقيتك .. صعبة و مستحيله و يمكن معرفش أطولك طول عمري . بس قررت احبك . ماهو مش بايدي .. حعمل ايه ؟! في حد قدامه كل اللي بيحلم بيه و يسيبه كده ؟!!

اتعودت عليكي .. بقيتي جزء من روتيني اليومي .. اشوفك نتكلم .. احلى وقت كنت بقضيه في حياتي .. و اروح نكمل كلام .. ما خلاص كوني بقى بيدور حولك انتي و بس .

حبيتك .. عشقتك .. بكل ما فيكي .. تفاصيلك . كلامك .. سكوتك .. حركاتك .. زعلك .. فرحك .. حتى لما كنتي بتغيري عليا و تتعصبي .. كنت بموت فيكي ..

قربت منك قوي .. خلاص . حسبت حياتي عليكي . و بفكر و برتب ازاي حكون معاكي لحد ما اموت .. برغم كل اللي مرينا بيه و برغم كل اللي عشته معاكي .. عمري ما حسيتك و لا اعتبرتك مستحيلة .. مع أن عمليا ده حقيقي .. بس قلبي دائما كان حاسس انك بتاعته .. ليه هو و بس .. اتخلقتي عشانه ..

و عشان احنا مش في فيلم و مش دايما الأحداث سعيده .. بدأنا منتقابلش بس كنا بنتكلم .. و كنت راضي و مسلم .. عشان عارف انك مهما رحتي و مهما حصل انتي ليا في الاخر .

بعد كده حتى الكلام مبقاش ينفع .. و كنت يكتفي بلمحة مبتكملش ثواني .. و كنت راضي و مبسوط انك من جواكي عارفة اني ابيع الدنيا عشانك . و مش لقا و لا كلمه هم اللي حيقربوني و لا يبعدوني ..

حتى متعة اني المحك مبقتش موجودة . التواصل تقريبا منقطع .. الا عن طريق شفرات و لوغاريتمات ممكن تتفهم و توصل و ممكن لا .. و لسه راضي و مبسوط و بطير لما اشوف حاجة حاسك بعتهالي .

كل ده و كل يوم قلبي بيتعلق بيكي اكتر .. كل ده و بعدك قربني منك و عمره ما بعدني عنك .. كل ده و عمرك ما بتغيبي عن بالي لحظة .. حتى في الحلم بحلم بيكي ..

انتي مني .. حته مني في مكان بعيد . مع حد تاني و في مكان تاني .. بس مني .. بحسك و بتنفسك اكتر من اقرب حد ليكي ..

مهما غبتي و مهما بعدتي . حتفضلي في قلبي .. انتي و بس . مهما طال البعد و الزمن . حستناكي . و لو حعيش يوم واحد بس معاكي برضه حستنى .. لانك تستاهلي تاخدي عمري كله و برضه شوية عليكي ..

بحبك يا احلى حاجة حصلتلي في حياتي 💙

٣ يناير ٢٠٢٢

١:١٩ صباحا

[zeinomarico]

.... في حاجة عايزك تعرفيها .. يمكن مش بتعرف نتكلم كتير زي الأول .. و لا حتى بناخد راحتنا في الكلام .. بس في حاجة مهمة قوي .. يمكن اكون قلتها قبل كده .. و يمكن تكوني عارفاها من زمان .. هي معادلة بسيطة قوي

انتي = ستات الدنيا كلها بالنسبالي

اي واحدة أو اي حد تاني انا مش بعتبرها حاجة غير كائن عايش معانا ع الأرض . و لأسباب مختلفة مضطر اتعامل معاه ..

انتي و انتي موجوده بتاخدي كل حواسي غصب عني و برضايا .. انا بحب حبي ليكي .. بحب عينيا بس لما ابصلك .. بحب ايديا بس لما المسك .. بحب كلامي بس لما يبقى ليكي .. بحب نفسي قوي لما بتقوليلي كلمة حلوة .. بحبك بكل تفاصيلك .. بكل حكاياتك .. بكل ما فيكي ..

بعدك حلو عشان علمني الاشتياق

قربك حلو عشان علمني العشق

زعلك حلو عشان علمني الاحتياج

رضاكي حلو عشان علمني احب الحياه

يمكن خلصت فيكي كل الكلام الحلو .. و اصلا الاحساس اللي جوايا ميعبرش عنه كلام ..

يمكن كلام الاغاني اللي مش بعرف اقوله بيعبر عن كتير قوي جوايا لما اسمعه

يعني مثلا لما بتقول ام كلثوم " بخاف عليك و بخاف تنساني " ده بيقول كتير جدا من اللي جوايا

و لما بتقول " لا طول بعدك يغيرني .. و لا الأيام بتبعدني بعيد عنك " يمكن ده بتنفسه مش بس عايشه

بصي من الاخر معادلة تانية عشان حاسس اني بكرر نفسي 😇

انتي = حياتي بما فيها 💙

٢٧ ديسمبر ٣٠٢١

١٢:٤٢ بعد منتصف الليل

[zeinomarico]

.... إزيك ... عامله ايه ؟! وحشتيني .. و الله العظيم وحشتيني اوي ... عارف ظروفك .. و عارف انك يوم بتكلميني بتبقي بتخاطري بحاجات كتير قوي .. بس انا مش هامنني كل ده .. معلش .. قولي عليا اناني ممكن .. بتاع مصلحتي ماشي .. انا بس نفسي اسمع صوتك . أقرى جمله واحدة انتي كاتباها .. لكن كده !!! الوضع متعب و مؤذي جدا بالنسبالي ... حاسس ان الاكسجين عندي بدأ يقل .. ضربات قلبي يا دوب حاسسها .. بردان جدا مهما اتغطيت أو لبست .. وظائف جسمي كلها رافضة تشتغل بشكل صحيح ... عارفة ليه .. عشان ناقصني اهم حاجة في الدنيا .. انتي ..

انا عارف اني بزن كل مرة .. عامل زي العيل الصغير اللي شبطان في حاجة ..

و عارف ان كلامي ده اتكرر قبل كده ييجي ميت مرة ..

بس اعمل ايه ؟!! اصل مقداميش غير اني اكتبلك حتى لو مش حيوصلك حاجة .. ساعتها برتاح و لو مؤقتا .. و بحس أن برضه بيوصلك احساسي بطريقة ما ..

الحياة وحشة قوي من غيرك .. برد و ظلمة .. مكررة و ممله .. مفيهاش روح .. و لا لون و لا طعم .. زي ما اكون معزول عن كل حواسي .. و يادوب في نفس بيطلع و ينزل ..

كرهت الأجازات .. كرهت الفراغات المليانة قلق عليكي . كرهت المسافات اللي بتبعدنا عن بعض . كرهت الناس اللي عينيهم معانا طول الوقت .. كرهته قوي . قوي .. بتمتاله الموت .. من قلبي ببقى مستني الصبح اصحى على خبر يمكن حيخليني اسعد حد في الدنيا ... مش عارف احساسي ده صح و لا غلط .. مشروع و لا لا .!!!

بس انا كاره اي حاجة او اي حد بيبعدني عنك .. احساسي انك من حقي و انا مفرط فيكي مخلي كل احساس حاسه عشان انتي بعيدة عني مباح و صح جدا .. مبقتش بحس أن وجودك في مكان تاني و كل حواسي معاكي ..أن ده بقى الوضع الطبيعي .. لا .. حرام .. ليه أصلا ؟!!

انتي ليا .. و من حقي انا . و مكانك في حضني .. في قلبي .. في عيني ..

عارف أنه حيحصل و اني مش بحلم .. بس انا عن مشاعري حالا في الوقت ده .. يمكن فاقد الامل .. يمكن محتاجلك قوي .. يمكن واحشاني قوي قوي .. و اكيد اني بحبك اكتر من اي حاجة و من اي حد في الدنيا دي كلها ...

١٧ ديسمبر ٢٠٢١

١:١٢ ظهرا

[zeinomarico]

.... الفرحة و البهجة اللي بتنشريها في كل مرة بلمحك .. بشوفك .. بتبعتيلي حاجة .. الفرحة دي متتقدرش بملايين .. بكنوز .. بحس اني طفل صغير .. قلبه بيطنطط .. انتي بتغيري حياتي و بتتحكمي فيها و كل ده و انتي بعيد . يا دوب بنسرق دقائق من الزمن عشان نبقى مع بعض . امال لو كملت حياتي معاكي ،؟!! مش بذمتك مش حتبقى الجنة .؟!! انتي حتبقى جنتي ع الأرض .

عارفة ساعات بستكترك عليا . بقول لنفسي انا احبها ده عادي عشان دي مينفعش متتحبش .. لكن هي تحبني ؟!! بجد ؟!! و تحارب الدنيا و ترمي نفسها في النار عشاني ؟!! يبقى مش كتير ابدا اني احط كل حياتي في كفة و هي في كفة لوحدها .. و اكيد هي اللي حتكسب في الاخر ..

في كلام كتير قوي عايز اقولهولك .. بحبك . بعشقك .. بموت فيكي .. بعشق التراب اللي بتمشي عليه .. بحبك حب عبادة .. كل ده يمكن ما يعبرش عن جزء صغير من اللي جوايا ناحيتك .. بس الأكيد أن نظرة عيني لعنيكي بتقول اكتر من كده بكتير .. و بتوصل يمكن كل الي جوايا و يمكن برضه لا ..

انتي و كفى .. و مش محتاج حد و لا حاجة من الدنيا ..

بحبك يا كل حياتي 💙

١١ ديسمبر ٢٠٢١

١٢:١٤ صباحا

[zeinomarico]

..... مازالت تلك الجلسة القصيرة الصغيرة . تاركة أثر كبير جدا في نفسي . و روحي .. و قلبي . و حياتي كلها .. ما زالت تلك الكلمات الهامسة . الرقيقة ترن في أذني " وحشتني اوي . خليك شوية و النبي . انا لما صدقت " كلمات اطرب لدي من اي أغنية و اصعب لحن .. ما زالت تلك النظرات البليغة .. الرقيقة .. الحالمة . .. التي تقول اكتر بكثير من كلماتك الجميلة . تاركة في قلبي احساس و حب يكفي أفراد و أفراد . ما زالت حركات يديك الجميلة .. ترسم لوحات جميلة في الفراغ القاتل الذي يتملكتي .. ما زال عطرك يسكن في انفي و في ملابسي .. هو عندي اهم من الأكسجين اللازم لبقائي على قيد الحياة . مازال حبي لكي أكبر و أقوى من اي احساس و من اي احداث و من اي عواقب . بل و من اي جيوش أن حاولت أن تبعدني عنكي لم و لن تستطيع . لاني معي اقوى سلاح احاربهم به .. ايمانك و ثقتك بي . مازلت احبك . مازلت اشتاق اليكي . مازلتي انتي و أن صعبتي أو ابتعدتي .. اغلى أمنية لي في حياتي .. أحبك . أعشقك .. أتمناكي في بيتي . أردد اسمك .. اشم عطرك .. المس جلدك . اتنفس انفاسك ..

هل سيحدث يوما ما ؟!! ربما نعم و ربما لا . و لكني سأظل انتظر هذا اليوم لآخر يوم في عمري ❤️

٨ ديسمبر ٢٠٢١

٣:٣٢ عصرا

[zeinomarico]

يملأني التفكير فيكي . تفكير في تفاصيل كتير قوي و انتي بعيدة عني بعد ما كنا بنقضي تقريبا اليوم كله مع بعض .. بتعملي ايه ؟ بتفكري فيا زي ما بفكر فيكي ؟ بتحاولي بكل الطرق توصليلي و تطمني عليا زي ما ببقى حتجنن و اعمل كده ؟! وعدك ليا انك حتتواصلي معايا اليومين اللي فاتوا دول قاقلني اكتر عليكي .. لان ده محصلش . و عشان انا حافظك و عارف حرصك انك بتطمنيني عليكي في اي فرصة ممكنه . مخليني قلقان اكتر من العادي ؟ هل فعلا مفيش فرصه خالص تقوليلي حتى انك تمام ؟ هل انتي اصلا كويسة ؟! عارفة المشكلة ايه ؟ المشكلة اني مبقتش اطمن عليكي غير معايا .. انا بس .. !! و ده معناه اني حفضل اقلق و اتعب كده لحد ما تبقى في حضني انا .. ساعتها بس حبقى مطمن عليكي .. و لحد ما اليوم ده ما ييجي . ارجوكي . متسيبينيش كده كتير . متسيبينيش لفكري و تخميناتي و توقعاتي . طمنيني عليكي .. عشان دي بقت احلى حاجة بتحصلي في حياتي ..

٥ ديسمبر ٢٠٢١

٣:٥٤ عصرا

[zeinomarico]

تالت يوم .. معرفش عنك حاجة .. حالة من القلق و الشوق ممتزجة مع بعض .. مش عارف ايه فيهم اكتر من التاني .. بس الأكيد انك واحشاني . و طيفك و صورتك دايما معايا . في أغنية في حكاية في مكان رحناه قبل كده .. انتي دايما معايا .. عايز بس اطمن عليكي . جديد عليا قوي تمر الايام من غير ما اعرف حتى يومك عامل ازاي . انا عارف ان انتي مش في احسن حالاتك .. و انا كمان زيك .. محتاجلك قوي . اخد منك و تاخدي مني .. أمل و طاقة و حب . عشان نعرف نكمل الحياة الظالمة بقوانينها المتعفنة ..

حاجة بس عارف انك عارفاها . بس بفكرك دائما بيها .. انا عايش بس عشانك .. انتي السبب و الامل اللي عايش بيه . غير كده انا ميت حرفيا .

٥ ديسمبر ٢٠٢١

١:١٩ صباحا

[zeinomarico]

نفسي الأمور عندك تتحسّن، نفسي أقولك ما تزعلش ..

[zeinomarico]

مجرد بس التفكير فيكي .. بيديني أمان . حب .. طاقة .. أمل .. انتي بجد أجمل حاجة حصلتلي في حياتي . حتى و انتي بعيد عني معيشاني 💙 .. بس برضه واحشاني اوي 😔

٤ ديسمبر

١٢:٥٥ صباحا

[zeinomarico]

لو ليا فيكي أو ماليش . مبنساكيش . و لمين هعيش لو مش ليكي ؟!؛

عندي أمل فيكي 💙

[zeinomarico]

..... بسأل نفسي كل يوم ما ساعة ما غيبتي .. هو احنا لينا رجعة ؟! لينا أمل ؟! في ظل الظروف الرهيبة اللي انا و انت فيها دي ؟! أتمسك بأمل ؟! بيوم نرجع تاني ؟! نتكلم طيب حتى ؟! نسلم من بعيد ؟! و لا أفقد الأمل من دلوقتي ؟! الموضوع أشبه بشعلة مضاءة جوايا .. و كل ما تبدأ تنطفئ .. الأمل يرجعها تاني .

انتي واخدة قلبي و عقلي و مشاعري كلها معاكي .. و مش سايبالي حاجة أعيش بيها . جسم موجود و خلاص . حتى من غير روح . بيعيش يوم بيومه .. و بيتمنى كل يوم يحط دماغة ع المخدة تبقى اخر مرة .. مش عايز اصحى اعيش معاناتي من الأول . مش حكدب عليكي أنا تعبت .. تعبت قوي .. عارف انك زيي و ممكن اكتر .. بس فكرة اني انا اللي رميتك في كل ده مموتاني . و ضيفي عليها انك مش جنبي .. انا مش عارف انا عايش ليه ؟! عايز اقولك . انا جربت اعمل اي حاجة زي حياتي قبل ما تظهري فيها .. اصلا مش فاكر كنت بعمل ايه ؟! هو انا قبلك كنت عايش اصلا ؟!

انا بقيت بعمل كل حاجة معاكي . مشاركاني في كل حاجة . كل و اي حاجة بعملها كنتي معايا .. و دلوقتي مطلوب مني اعيش حياتي و اعمل كل حاجة بس لوحدي !!! صعب قوي !! مش قادر .. جربت و حاولت .. و كل مرة بحاول فيها بتوجع اكتر من المرة اللي قبلها . انا مش عارف انزل الشارع .. مش عارف انزل اشتري حاجة .. مش عارف حتى اروح شغلي و محسش بوجع . برجع اقول لنفسي حترجع و حنعمل كل حاجة مع بعض زي زمان .. و حتعوضني كل اللي اسيته بعيد عنها .

مش عارف بكذب على نفسي عشان اعيش و خلاص .. و لا فعلا في يوم حنرجع تاني ؟!! كل حاجة عايزاكي ترجعي .. عارفة حتى تليفوني و انا بكتبلك دلوقتي بيفكرني بكل حاجة كنت بكتبهالك . و بيكمل الجمل لوحدة .. حتى التليفون وحشتيه .. كل حاجة واحشاكي .. انتي وحشتيني قوي .. قوي بجد .. مش عارف اخر الوجع ده ايه ؟!

انا بسألك دلوقتي ؟ اخرتها معاكي ايه ؟! عشان انا و انتي تعبنا .. و مفيش حاجة كانت باختيارنا . من اول يوم مختارناش حتى بعض .. و لا اختارنا الي بيحصل فينا دلوقتي . الوجع و البعد و العذاب اللي احنا فيها بقى فوق طاقتي . ببان جامد و قوي .. بس انا هش جدا من جوة . نفسي اعيط في حضنك لحد ما اخلص دموعي .. دموعي اللي حابسها و مش عايزة تنزل غير معاكي .. كل دمعة تحكيلك عن عذابي و تعبي و ضعفي اللي بقيت فيه ..

بسأل نفسي لو رجعت من الاول و كنت عارف ان كل ده حيحصل . هل كنت كملت .. اه كنت حعمل نفس اللي عملته ده بالضبط . عشان أنا معرفتش الحياه غير معاكي .. معرفتش اضحك و افرح و ازعل غير معاكي .. و كل حاجة معاكي كانت من قلبي .. قلبي اللي انتي اخدتيه و حاسس ان مكانه فاضي . قلبي اللي حبك اكتر من اي حاجة و اي حد في الدنيا . قلبي اللي لحد دلوقتي بيدق لما بلمحك أو بتبعتيلي حرف حتى .. كأني بعمل معاكي كل ده لأول مرة .. نفس احساسي و نفس دقة قلبي .

مش عارف اقولك غير اني عمري ما حبيت حد قدك . و لا ححب حد بعدك .. ححبك و بحبك لاخر نفس و لآخر لحظة في عمري ❤️

[zeinomarico]

و كأنك أصبحتي السبب الوحيد للحياة .. أصبحتي المتحكم في كل شيء . حتى شروق الشمس و غروبها .. من أنتي ؟! و كيف تغلغلتي بداخلي لهذه الدرجة ؟! متى ؟! و أين !! و كيف ؟!! هل حبي لكي حب عادي و انتي تمتلكين من القوة أن تحيي و تقتلي انسان في نفس اللحظة .. ؟! كل هذا ليس بالأهمية الكبيرة بالنسبة لي .. الأهم بالنسبة لي .. هل ستبقين أم لا ؟!! هل سترحلين ؟! هل تقبلين أن تبقي بجانبي ؟! هل اترجاكي لتبقي ؟! ارجوكي ابقي . انا لا اطيق حياة من دونك

[zeinomarico]

[zeinomarico]

‏احتفظ لك بِعناق

يُداويني تخيّله.