Don't wanna be here? Send us removal request.
Statistics
We looked inside some of the posts by waleedsalah74 and here's what we found interesting.
Average Info
Notes Per Post
2K
Likes Per Post
1K
Reblog Per Post
367
Reply Per Post
4
Time Between Posts
2 months ago
Number of Posts By Type
Text
16
Photo
1
Last Seen Tumblr Blogs
Fun Fact
Mobile US users spent an average of 115.8 minutes on Tumblr app monthly.
Text
- نور انا مبسوط جداً
= خير يا مروان ، إيه اللى باسطك كده يا سيدى ؟
- بصى انا عُمرى ما كلمت حد ولا إرتبط ولا الكلام ده ، و مكنش بيشغلنى اصلاً !
= اه عارفة ده ياخويا ده انا إفتكرت هتبقى راهب
- لا يا شيخة متقوليش كده بس انا مش بلاقى حد يكون فاهمنى !
= طب إحكيلى قابلت حد ؟
- مش بالظبط !
= امال إيه ؟
- بصى يا نور و انا راجع إنهاردة بعد تعب يوم فظيع حرفياً و ضغط فى شغلى ، بس اما شوفتها نسيت كل ده ، هل فعلاً ده بيحصل للواحد لما يكون فعلاً عايز يكلم اللى قدامه ؟
= اه يا حبيبى بيحصل و إنت بالذات محصلكش ده قبل كده فا طبيعى تكون كده ، بس إحكى بقى حصل إيه بالظبط ؟
- ياستى و انا راكب العربية ، ركبت ف الكنبة اللى ورا و كان ��يها بنت جميلة اوى ، هى كانت راكبة ورا بردو ف نفس الكنبة بس جنب الشباك و انا رجعت قعدت جنب الشباك بردو ، المهم كل ما حد كان يجى يركب احسها إنها خايفة و متوترة حد يركب تانى ورا معرفش ليه ، بس هو خوف طبيعى من بنت جميلة ، فا لما حسيتها كده اخدت انا كرسين الكنبة و حطيت الشنطة وسطنا إنها تطمن و متخافش ، و ضحكت ضحكة كده زى براءة الأطفال حقيقى يا نور ، انا كنت هموت و اكلمها بجد بس إتكسفت لأن الموقف ده عُمره ما حصلى ، ولا كنت عارف اتصرف إزاى ؟
= بس يا مروان إنت مش هتقابلها تانى ، دى شبه مستحيل تشوفها تانى بجد ، مش بعملك إحباط ، بس هو مستحيل تشوفها تانى ، عشان حتى تقدر تكلمها !
- انا هقابلها يا نور و هكلمها و فى يوم من الأيام هاجى اقولك إن حلمى إتحقق !
= أتمنى يا مروان بس قبل اى حاجة بتدخلها جديدة حاول ف الأول و الأخر متجيش على نفسك عشان متتكسرش ف الأخر ، مهما كانت الأسباب يا حبيبى !
- حاضر يا نور ! ، " اول مرة قبل ما انام اكون بفكر فى حد اوى كده على أمل إنى اشوفه فى الحلم حتى ، عدى يوم و يومين و اسبوع و اسبوعين لحد ما فقدت الأمل إنى عمرى ما هشوفها تانى ، بس كانت المفاجأة ، إنى شوفتها تانى و اول ما شوفتها ضحكت ، و بعد ما كنت كل يوم بدور عليها فى وشوش الناس ، الصدفة خلتنى اشوفها جنب شغلى ، و كانت القاضية إن كليتها تكون جنب شغلى معرفش إزاى ملمحتهاش ولا مرة فى خلال الاسبوعين دول ، جريت عليها من غير اى مقدمات و هى مش فاكرانى نهائى ، و اتخضت ، و دايماً بتفكرنى ب طفلة بريئة جداً الصراحة و فى حالها اوى ، المرادى مخوفتش و كسرت خوفى ده و كلمتها ، و لحسن حظى كان فى شباب بيضايقوها ، بس وقفت ليهم و قلتلها إتفضلى كانت اول كلمة منها تطلع و اول مرة اسمع صوتها و قالتلى !
+ شكراً جداً بجد ، انا معرفش من غيرك كنت عملت إيه !
- ولا اى شكر يا أنسة ، بس إنتى فاكرانى ؟
+ لأ و إتخضت !
- ممكن اعزمك على قهوة ؟
+ إنت بتقول إيه ؟!
- صدقينى انا لازم اتكلم وياكِ و اشرحلك كل حاجة بالتفصيل !
+ حاضر ، بس إنت مين و تعرفنى منين ؟
- قهوتك إيه طب ؟
+ مظبوط !
- و انا كمان بشربها زيك على فكرة !
+ ممكن حضرتك تقولى فى إيه و تعرفنى منين ، انا عُمرى ما عملت ده و قبلت بس عشان حضرتك انقذتنى من موقف مكنتش هعرف ازاى اتصرف فيه حقيقى !
- انا مروان ، كنت من اسبوعين راكب عربية و حضرتك فى نفس العربية و حسيت إنك قلقتى كل ما حد يجى يركب ، و دفعت ف الاخر كرسين عشان حضرتك تطمنى ، انا معرفكيش و لا اعرف اسمك حتى !
+ اه افتكرت افتكرت ، انا اسمى تُقى ، و حقيقى انا مش عارفة اشكرك إزاى على المواقف الجدعة دى ، بس انا حقيقى ببقى مضطربة جداً ، و بخاف جداً من الناس معنديش ثقة فيهم !
- بس لازم يكون فى ثقة شوية عن كده فى نفسك حتى عشان تقدرى تتجاوزى كل ده !
+ مبعرفش حقيقى و حاسة إنى هبقى كده طُول العُمر !
- طيب انا عايز اكلمك فى حاجة ، انا حقيقى عُمرى ما كلمت حد و ابقى عايز اقابله من ساعه ما شوفته ، كنت بنام و اصحى و اقول يارب اقابلها اشوفها تانى و لو صدفة ، لحد ما الصدفة دى إتحققت حقيقى ، و لعلمك انا مش بؤمن بالصدف بردو اوى لأن كل حاجة إحنا بنبقى عايزينها ب نية صافية و كويسة هتحصلنا هتحصلنا !
+ انا مش عارفة اشكُرك إزاى بجد على كل الكلام الجميل ده ، بس انا حقيقى مش عارفة ارد حتى إزاى لأن عُمرى ما إتحطيت فى موقف زى ده !
- مش مهم يا تُقى ، المهم إنى شوفتك و قابلتك و إرتاحتلك جداً ، انا كان عندى ثقة إنى هشوفك تانى ، مع إن فى وقت من الأوقات قلت مستحيل خلاص !
+ بس معتقدش صدفة وحيدة خلتنا نتقابل تعمل فيك كده !
- لأ فعلاً خلتنى كده ، و خلتنى اعرف إن فى حاجة إسمها من اول نظرة فعلاً ، مكنتش مؤمن ب ده بس حصل وياكِ يا تُقى !
+ انا حقيقى مش عارفة اقولك إيه تانى ، بس إنت متعرفنيش عشان تقولى كل ده ، مش جايز اكون مش متقبلة ده ، و مش معنى إنك تكون قابلنى و شايفنى كل الحاجات الحلوة دى ، يبقى لازم اكون زيك ، إحنا بشر ، و انا مش عايزاك تتكسر فى يوم من الأيام !
- و هتكسرينى ليه طيب و انا صارحتك بكُل حاجة كان نفسى اقولها !
+ مش القصد ، بس إنت متعرفنيش ولا انا اعرفك كفاية ، بس تسمحلى اقولك إن اه كان نفسى اسمع كل الكلام ده من شخص تانى انا بحبه ، و معتقدش هحب حد بالعافية ، عشان هو حاببنى و شايفنى كل حاجة حلوة ، ده حب و قلوب !
- انا اسف انا مكنتش اعرف اكيد كل ده ، اسف جداً حقيقى انا إتسرعت فى كل ده ، و العشم اكيد اخدنى وياكِ و انا معرفش اى حاجة !
+ ولا يهمك يا مروان ، محصلش حاجة ، انا عشان كده قلتلك مش عايزاك تتكسر ، و انا اسفة حقيقى !
- لا على إيه يا تُقى محصلش حاجة !
+ ممكن استأذن انا إتأخرت اوى ، فرصة سعيدة يا مروان و شكراً حقيقى على كل المواقف الجدعة دى ، و جايز نتقابل نتقابل تانى فى يوم من الأيام ، منعرفش النصيب فين !
- تمام ولا يهمك !
= إيه يا مروان بتصل بيك من بدرى ، إنت فين كل ده ، قلقت عليك ، إنت فين ، رد عليا !
- فى السكة يا نور و الطريق زحمة !
= طيب خلى بالك على نفسك ، مستنياك عشان عايزاك !
- متناميش طيب عشان انا كمان عايز اتكلم معاكِ !
= مروان إنت جيت ، عايزاك صحيح !
- ممكن تسمعينى إنتى يا نور ، انا ليه كل حاجة بتحصى للناس و بتكون سهلة مبتحصليش انا ؟
= إستغفر ربنا بس و إهدى ، حصل إيه ، ضغط شغل صح ؟
- لأ يا نور فاكرة البنت اللى جيت حكتلك عليها و قلتلك انى شوفتها صدفة ف العربية ؟
= اه مالها ؟ ، اوعى تقولى يا واد إنه حصل و شوفتها تانى ، ده انا قلتلك مستحيل !
- شوفتها إنهاردة يا نور ، بس انا راجع مكسور اوى من إنى حبيت حد من اول نظرة ، و توقعت إنها تفرح لما هتلاقينى صادق فى كلامى ، بس الواقع كان اشد صدمة !
= اكيد إنت متعرفش عنها حاجة و طبيعى هتنسى يا ��روان عشان إنت متعرفهاش من الأساس ، كل حاجة بتكون ب حكمة ربنا يا حبيبى !
- و نعم بالله يا نور ، بس انا حرفياً عقلى كله كان فيها ، انا عُمرى ما كنت كده ، عشمى وحش اوى با نور و ثقتى فى إنى هتوقع كلام ممكن يتقالى و بيحصل عكسه ، كل ده ليه ؟
= يا مروان ، متبقاش إنت صاحب الغلط من أوله و تقول ده باعنى ، هى متعرفكش و إنت متعرفهاش طبيعى يحصل ده ، فى حاجات مينفعش معاها غير إن الواحد ينسحب بهدوء ، و يلم اللى فاضل منه و يريح قلبه ، فى حاجات مينفعش فيها العتاب حتى مع نفسك ، الصراحة مفهاش عتاب ، تصرفاتك الكويسة مفهاش عتاب ، المساومة على حُبك مفهاش عتاب ، كان لازم يحصل كل ده ، لأن مش كل الصدف حلوة ، مش كل الصدف جميلة يا مروان ، متحاول�� تستسلم للى حصل يا مروان من صدفة كانت شبه مستحيلة !
- فعلاً يا نور مش كل الصدف جميلة ، اوقات الصدف دى بتجيب اخرك زى ما جابت اخرى حقيقى ، و خلتنى فى نقطة الصفر من اول و جديد ، انا داخل انام يا نور ، تصبحى على خير !
6 notes
·
View notes
Text
Respect !
فيه تجارب الواحد المفروض يتعمد إنه ما يتعلمش منها حاجة. لأن فيه تجارب كل دروسها هتخليك شخص أكثر قسوة على نفسك أو على غيرك لأنك اتخذلت مرة، أو أقل حنية لأن حنيتك اتقابلت بجحود. فيه تجارب وعلاقات وأحداث تمامها إنها تتنسي، لأن كل إللي هتشيله منها معاك هيخليك شخص أسوأ..
58 notes
·
View notes
Text
Right
“أصعب مَا يحدث في لحظات الخلاف، هي الصراحة التي أخفتها المُجاملات.”
— مقتبس
839 notes
·
View notes
Text
❤
الليله بالليل انا وانت سوا نمشي شارع النيل ،قهوه بمزاج انت السُكر❤
279 notes
·
View notes
Text
اه والله 😂
"غدًا من الممكن أن ننتحر، الآن علينا أن نُحب".. :))💙
رياض الصالح الحسين..
6 notes
·
View notes
Text
“من الأفضل إن تمشى ببطء إلى الامام على إن تمشى مسرعاً إلى الخلف .”
— ابراهام لنكولن
50 notes
·
View notes
Text
“عندما نوجه ادراكـنا العقلي على النحو السليم يمكننا التحكم في انفعالاتـنا .”
— كليمنت ستون
74 notes
·
View notes
Text
اللي يقول لك انه الإبتعاد عمره ما كان حل
قول له وش حل كورونا غير البعد؟!
12 notes
·
View notes
Text
أَعرف جيدًا هذه الأيام، التي لا يعرف المرءُ فيها إلى أين يذهب، ومع من يمضي..؟
تلك الأيامُ التي يكون فيها المرءُ وحيدًا تمامًا و راضيًا، و متعايشًا مع قدره، لكنه يظل يتمنى بحزن خافت..
"لو أن لي وجهة وا��ِدة أمضي إليها، ولو شخصا واحدًا أركضُ نحوه.." :)) 💙
4 notes
·
View notes
Text
"الحبيب حبيب..مش علشان كريم و لا جميل و لا لطيف.. حبيب و بس، حتى لو منع أو بِعد أو غاب.."❤
الخواجة عبد القادر..
4 notes
·
View notes
Text
😂😂😂😂😂😂😂😂😂
ما انتى لو اطلقتى يابت مش هتتجوزي عمر بن الخطاب
يابت السوق كله كده 😂😂
الشيخ مبروك عطيه.😂
13 notes
·
View notes
Text
من أعلى درجات السلام النفسى إن البنى آدم يقتنع إنه مش مضطر يثبت حاجة لحد و لا يغير وجهة نظر حد فيه ..
1 note
·
View note
Text
هو لما أنت تبقي مش حرامي، و واحد جبان مالوش أي لازمه ييجي يقولك ده أنت حرامي وبتسرق - مجرد تشبيه - هتتأثر بكلامه ولا حتي هتفكر فيه وأنت عارف إنك عمرك ما سرقت؟ ماظنش يعني لأنك عارف نفسك، فا طظ في رأي أي حد بيقول أي كلام وخلاص وهو مش فاهم حاجه.
16 notes
·
View notes
Text
" تتحول فجأة لشخص لا يعاتب احد، يتجنب المناقشات التي لا جدوى منها، ينظر للراحلين عنه بهدوء، ويستقبل الصدمات بصمت مريب، تنضج فجأة وتتساءل من هذا الذي لا يشبهك “.
395 notes
·
View notes
Text
- أين نحنُ الآن؟
= في القاع !
- جيد على الأقل لن نسقط مرة ثانية ..
2 notes
·
View notes