twentyyfourr

[twentyyfourr]

واحد من اجمل المرطبات الي مرت علي موطبيعي شكثر يتـم ترطيبه بالويه ومايروح ولاينشف الويـه ابدا مناسب حق البشره الدهنيـه وكل البشرات فيه ( سيراميـد ) المكون الاساسي في توحيد البشره وفي احماض دهنيه قريت عنه وعرفت ان يحبس الرطوبة في بشرتج عشان ما تنشف بشرتج وماخذ جائزة افضل ترطيب 🧴 وافضل مرطب وجـه وجوائز وايد وفيه (ببتيـد) للبشره الي اهوا يشد البشره ويحارب التجاعيد ويهدي البشره من الحساسيه الكريم مهما اتكلم عنه ماراح اوفي حقـه حرفيـاً موحسافه عليه سعـره 👍🏻 بطـــل🫶🏻 خذيته مـن @dreamia.co https://www.instagram.com/p/Cp-oa25M8Dp/?igshid=NGJjMDIxMWI=

[twentyyfourr]

قـوه 🤍 شلونكم .. هالايام هابه بهالغسـول للويه وااااايد حلو وينظف وينعنش الويه ورغـوته رااااهيه قوامه كريمي بس لو تحطين نتفه يكفي يخلي بشرتـج نااااعمه نظـِره ويرطبها🪞خذيته اهوا والست ماله كامل من تونر وكريم ببوتيكـات لاتطوفوونه جدا حلو 👍🏻 (at Kuwait City) https://www.instagram.com/p/CWAjaLEsH7q/?utm_medium=tumblr

[twentyyfourr]

مساء الخير صبايـا 🌝 ندش بالزبـده هذا مثل عطر حق الشعـر وبنفس الوقت حمايه ويخلي الشعر فيه لمـعه والخ… [ تذكرون يوم هبينا بطوق الفُل عالرقبه والايد 🌼 ] بالضبط بالضبط هذي ريحتـه شنو تصدع الـــراس 🤦🏻‍♀️ عقبها تقلب ريحة شعرج تصير زرع 🪴بالضبط مابالغت والله ماشفت لا لمعه ولا بطيـخ .. ماعجبتني هالمجموعـه منهم خصوصا هذا يا الله شكثر يصدع الراس ويقلب الچبـد . (at Kuwait City) https://www.instagram.com/p/CVH_xkvM5zJ/?utm_medium=tumblr

[twentyyfourr]

شالاخـبار بنات 🌷 ان شاء الله طيبين ؟ ⁠ هذا السـت بسيفـورا بحدود ١٤ دينـار صوب السكين كير .. ⁠ واايـد حلو وترطيبـه احلى كريم الويه وكريم العين والسيروم ممتازيـن وشوفو ريڤيو الاجانـب على هالماركـه وبالاخص هالثلاث منتجـات تخلـي ويهـج منـوّر حتى قبل المكيـاج يخلي ويهج جـداً جميل خصوصـا كريم العين حجمـه عنونو لكن فعاليته جدا ممتـازه صدمنـي راح تحبونـه 🤍 فيه فيتامين سي هالست بس الي يتحسس من الفيتامين سي لاياخذه (at Kuwait City) https://www.instagram.com/p/CTywqPTMf0L/?utm_medium=tumblr

[twentyyfourr]

كريم التفتيح اي سي ام - بكل صدق بنات ممتاز ونتايجه ملحوظـه جربت كريم الويه وجل العين ممتازيــــــن يبردون الچـبد 👍🏻 على كثر ماسمعت عنه قلت لا اكيد دعايه واي كلام بس جربته جدا وايد حبيته ومع الاتزام بتلاحظين بفرق - تستخدمينه بس على مناطق صغيره الي تبين تفتحينها يردلج لونها الطبيعي فقط لاغير - جل العين ب ١٥ او ١٤ والكريم كان شي وعشرين (at Kuwait City) https://www.instagram.com/p/CTrXzG6srw6/?utm_medium=tumblr

[twentyyfourr]

مساء الخيـر 🙆🏻‍♀️ من زمان مانزلت شي بس توني مخلصـه هالعلبه وقلت اقولكم رايي عنـه .. تونر من ماركـة فلوريجـا يساعد على تجديد البشره ونظارتـها وترطيبـها ويقبـض المسام ويسوي تقشيـر بسيط خفيف ويفتح البشره .. استخدمته كل يوم عقب الدوام بعد مانظف ويهي واغسله عقب المكيـاج احطه تحسينه ينظف اي ✔️ تحسينه يقبض المسام يصغرها ويوخرها لا ✖️ يفتح البشره لا ✖️ تحسين ويهج فيه نظاره يشع جنه مرايـا لا ✖️ جداً عادي يقشر البشره اي ✔️ تقشير سطحي خفييييف ومرات اتضايق منه فا اتركه جم يوم .. يصلح حق الي بشرتهم دهنيه اي ✔️ مختلطه اي ✔️ جافه لا ✖️ مو كل يوووووم . (at Kuwait City) https://www.instagram.com/p/CSXT0tksGYq/?utm_medium=tumblr

[twentyyfourr]

مسـاء الخير 🪴 صارلـي فتـره كنت مشتطـه ابي اشتـري هالاستشوار لاني اشوف الريڤيو والتعليقات عليـه. وانه يعطي ڤوليـوم للشعر قلت لا لازم يكون عندي لان صارلـه فتره سولد اوت مخلص .. مالكم بالطويـله ترى حيل حيل عادي واقل من عــــادي بعد ويصلح اكثر شي للي شعرهـا قصيـر وكاريـه ( ماروكو 👩🏻 ) لان يدخل الشعر لي داخل فايطلع حلو ماراح ابالغ انا شعري ناعم على شوي فيه رده يعني يعطيج جم كسره بال��عر. لمن اسويه اول شي. تمام لكن عقـب اعطيه ساعتين بالكثير ويرد ينفش الشعـر شفتو استشوار ريبون الي تحت حاطه عنه هذا حرارته اقوى واحسن منـه بعد [ وايد منكم مايهتم اذا نفش الشعر بس انا يهمني يكون الشعر مرتب 🤗 ] للمصداقيه فقط 🤍😁 https://www.instagram.com/p/CRZP5K_ssUu/?utm_medium=tumblr

[twentyyfourr]

مسـاء الخير 🪴 صارلـي فتـره كنت مشتطـه ابي اشتـري هالاستشوار لاني اشوف الريڤيو والتعليقات عليـه. وانه يعطي ڤوليـوم للشعر قلت لا لازم يكون عندي لان صارلـه فتره سولد اوت مخلص .. مالكم بالطويـله ترى حيل حيل عادي واقل من عــــادي بعد ويصلح اكثر شي للي شعرهـا قصيـر وكاريـه ( ماروكو 👩🏻 ) لان يدخل الشعر لي داخل فايطلع حلو ماراح ابالغ انا شعري ناعم على شوي فيه رده يعني يعطيج جم كسره بالشعر. لمن اسويه اول شي. تمام لكن عقـب اعطيه ساعتين بالكثير ويرد ينفش الشعـر شفتو استشوار ريبون الي تحت هذا حرارته اقوى واحسن منـه بعد [ وايد منكم عادي مايهمه اذا نفش الشعر بس انا عندي شي مهم ] للمصداقيه فقط 😁🌷 https://www.instagram.com/p/CRZK8-jsupm/?utm_medium=tumblr

[twentyyfourr]

مسـاء الخير 🪴 قبل فتره تحجيت عن امبولات بيوسيـل وشكثر اهما زينين ويطلعون الشعر .. هالمره يبتلـكم هالامبولات كنت استعملهم قبـل بيوسيل بجم سنه واااايد زينين اهما علاج حق تساقط الشعـر الح��د وتكثيف الشعر مكوناتـه طبيعيه وفيه عدة ڤيتامينات ماتخلص وجينسنغ وجنين القمح فوق الصويا يعني اشياء وايد زينه حق بصيلات الشعر ووتنظم الفروه الدهنيـه [ داخله ٧ امبولات ] وتستعمليـن الامبوله الوحده كذا مره لين تخلص موكلهـا تحطينها 🚫 … احلى مافيـه مايدهن الشعر وهالشي مهم عندي من بعد ٣ شهـر شفت الشعر بدا يطلع ويكثف واستانست من النتيجه بصراحه بس معروف دايمـا استعمال الامبولات كورس ٦ اشهر وعقب توقفين عشان فروة راسج ترتـاح ولازم مابين فتره وفتره تغييرين عن منتجات الشعر ماتعودينه على منتج واحد .. بس شي لابد منه ان الشعر عقب يطيح بحكم انـي كل مره استشور شعري حق الدوام والطلعات 🤷🏻‍♀️ عادي تحصل وااايد هالامبولات بنات مفيده تحصلونها بالصيدليات سعرها ٢٢ وتسوى 👍🏻 (at Kuwait City) https://www.instagram.com/p/CQ3cWNMMGJB/?utm_medium=tumblr

[twentyyfourr]

قـوه شلونكم شخباركم 🌷 مرطب الحلـزون من غدير السلطان خذيته من بوتيكـات سعـره ١٥ فضيييييييييع فيـه نسبـة ٩٨٪؜ من الحلزون ومعروف الحـلزون شكثر يساعد في علاج الحبوب ويكافح الخطوط ويوحد لون البشره ويعدلها بس كترطيب لايعلى عليه قوامـه خفيف وايد يتحبونـه متاكـده ويعطي مظهر صحـي للبشـره وايد حبيته وايد 👍🏻 خلصت علبه وبديت بالثانيـه https://www.instagram.com/p/CQoQDPFMgCZ/?utm_medium=tumblr

[twentyyfourr]

كلنا نعرفه وغني عن التعريف ما اقدر اقارنـه بأي مرطب شفايف بعده جربت واااايد اشياء لكن مثله ماكو ايام الروكتـان كان المنقذ .. شفايفج متشققـه ناشفه منتهيـه هذا يردلج اياهم ناعمين جنهم شفايف بيبي الباجي بوربع وفي واحد للحين ماجربته ماركتـه laneige متأملـه ان زين بس ماشريته للحين . https://www.instagram.com/p/CQbg3ZqMwij/?utm_medium=tumblr

[twentyyfourr]

مسـاء الخيـر شلونكم 🌷 ماراح اطول معاكم بالحچـي بس شوفو الصـوره الثانيـه هذا كله طلع من هالقلڤز بسس !! متخيليـن مجرد بس ماتبلليـن جسمج بالمـاي وتخلينه رطب والقلڤـز تبللينـه بعد وبس تبدين تفركيـن بجسمج وشوفي الي بيطلـع 😜 [ بـدون صابـون ] عجيبه عجيبه صج موحسااافه كلش اخذي وانتي مغمضه خذيت القلڤـز من : @kwt.glow شكرا 😊 (at Kuwait City) https://www.instagram.com/p/CQDx2irsno0/?utm_medium=tumblr

[twentyyfourr]

قـوه بنات شلونكم 🤍🪴 اليوم بتكلم عن هالشي العجيب الي يسـوى كل فلس فيه حرفيـاً سيروم تطويل الرمـوش استخدمتـه اول مره شهر ٣ يوم ٢٥ وكنت احطه يوميا ي ومرات انسى يومين او ثلاث عادي بس والله بنـات بتحسون بفرق واايــــــد كبير برموشكـم شنو يحلـي العيـن 👁 اصلا ماتحتاجين تحطيـن رموش حرام بتخربينـهم مجرد ماتكبسينهم ويصيرون نـار 🔥 صج ان سعرهم غالـي ٥٠ دك. لكن سعره فيه ويدوم معاج ويتم حطيتلكـم صور رموشي قبل ماستخدم السيرم ( فوق ) وبعد السيرم ( تحت ) كان بتاريـخ ٥/٢٨ فما بالكم لو يمر ٨ ٧ اشهر وانا احطه بيطلعون حلوين وايد ماراح تندميـن وبتشوفين الفرق بنفسج وشغله مهمـه ��️ مايسبب سواد تحت العين . (at Kuwait City) https://www.instagram.com/p/CP0VIb8AydT/?utm_medium=tumblr

[twentyyfourr]

بـودي سكرب من بودي شوب يتكون من زيت الكوبواسو والملح بنات عجييب طايحه فيه طيحه هالايـام احب السكرب الي يتكون من الملح ناعم وحلو بس ترطيبـه واااااااااااااايد عالي وااااايد اساسا لمن تفتحينه الزيت كله طافح لي فوق وانتي عاد خلطيـه بس ممتاز جدا وحجمه كبيير ويتم معاج. https://www.instagram.com/p/CPtA1hrMPXd/?utm_medium=tumblr

[twentyyfourr]

هالعطـورات اليديده من بودي شـوب .. بارده وحلـوه وفي ثالث ماخذيته لكن اكثر واحد عجبني البنفسجـي بااااااارد ويصلح للجنسين بس حلووووو وعيبهم شي واحد مايظلون فتـره طويله حيل حدهم حدهم ان كثرو ساعتين الواحـد بـ ١٣ دك https://www.instagram.com/p/CPnMrJXAPMr/?utm_medium=tumblr

[twentyyfourr]

ايزيـس فارمـا .. لوشن ليلـي يفتحلج البقع الغامجه البنيـه سواء بويهج او جسمـج عجييييييب وايد وانا استفدت منـه واحطـه حق بقعـه كانت بخدي لونـها فتح معاي وفرق حيل بس عيبه شي وااااااحـد [ دبق ] وانا هالشي ينرفزني ماتحمل شي دبق على ويهي او جسمي حطيه بليل لان اهوا استخدامه يكون بس بالليل حطيه ونامـي على طول بس ها يبيله صبر مو من ثاني اسبوع تقولين ماصار شي 🤷🏻‍♀️ مايصير وبس ☺️ (at Kuwait City) https://www.instagram.com/p/CPnMDolglt2/?utm_medium=tumblr

[twentyyfourr]

مسـاء الخيـر 🤍 صارلـلي فتره اشوفهم يحطون عن الحمايـه وانها تصلح للبشـره الدهنيـه وتسوي كونترول حق الدهن وبنفس الوقت حمايـه قلت خل اخذها .. والله وبالله ماقص عليكم بنات اسبوع بس بالضبط وويهي كله قب حبوب صغار حمر ماكنت مستوعبه انه من الحمايه لاني صارلـي سنين حرفيـاً ماستخدم ولاحمايه حق ويهي قلت ياربي شنو اليديد الي استخدمتـه وجذي خله ويهي يقب حبوب وماكو الا هالحمايـه خذيتها من مكانها وقطيـتها مانفعتني كلش امانتا حسافه ماكنت مصوره ويهي جان وريتكم بس عموما انا وايد اشوف بنات مايمدحولي الحمايه وانها دايما مهما كان سعرها اطلع حبوب بالويه .. وبس ☺️ https://www.instagram.com/p/CPnK0xFA2WR/?utm_medium=tumblr