toleebflower - Tumblr blog

[toleebflower]

إنّ القلبَ أبصر.لا جَمَال يفرق، ولا قُبح يغربل الحب، لا اتساع عينين يُزيد اللهفة، ولا ضيقهما يُفقد الشعور لذته.هنا مدينة لا ملامح بها، نُحب فقط لأن القلب رقصَ والروح وجدت وليفها والجسد سار دون وعي ليصل.جميل لأنك أنتَ، أنتَ أنتَ ولا غيرك، أنت بعينيك ووجهك وقلبك وجسدك، إنني آراك بقلبي، أنتَ، وجميل لأنك أنتَ.

[toleebflower]

لا أعلم إن كان ما بي حبًا أم شيئًا أخر؛ ولكن كل ما يمكنني الجزم به أن قلبي يعزف لحنًا مختلفًا حين يراه.. وكأنه يتذكر توًا أنه لازال على قيد الحياة، وهناك ما يستحق النبض لأجله..

[toleebflower]

قلبي اتقبض اول ما شوفت اسئلة اسك خوفت ليكون هو وفي نفس الوقت اتمنيت يكون هو 💔

ده غير اللايك اللي في المغرب خايفة يارب طمني ومعرفش خايفة من ايه 💔💔

[toleebflower]

شيماء في الاوضة بتعيط على مريم زي كل يوم بعد ما تخلص صلاة .. واسماء بتقولي مخنوقة .. ورفيدة تبعتلي حاجة تعرفني مدى خنقتها وتعبها .. ده كله في نفس التوقيت وانا واقفة عاجزة عن كلهم ومش عارفة اخفف عن ولا وحدة .. انا بس يارب عايزة يكونوا مبسوطين بس مش اكتر يارب اديهم كل السعادة اللي كتبتها ليا في حياتي بس يكونوا مبسوطين من فضلك يارب 😣😣😣

[toleebflower]

قلبي واجعني ودماغي هتتفرتك من كتر التفكير .. وكله بيطلع عصبية على اللي حواليا كل اللي اكلمه ازعق فيه لحد ما تجنبت الكلام خالص

مش عارفة اعمل ايه واقفة عاجزة عن كل حاجة نفسي اختفي انا ايه لازمتي في ابحياة طيب مادام مش قادرة اخفف عنهم .. ايه لازمتي في الحياة لما شايفاها بتتاكل قدامي وبتتحول لوحدة تاني وواقفة عاجزة .. ايه لازمتي في الحياة لما بزعلها وكل ما تكلمني ازعلها واتخانق معاها ايه لازمتي لما سيباها ومش بعرف اريحها لما تتعب .. انا بجد ايه لازمتي هنا يااربي انا ليه هنا .. انا اتخنقت عايزة اعملهم حاجة تسعدهم ومش عارفة 💔💔💔

[toleebflower]

تقريبا هدخل في فترة انعزال قريبة .. الكلام مع اللي حواليا بيأذيني .. اظن اني كمان من حقي فترة ريست عن الكل لاني تعبت تعبت تعب محدش هيقدره حتى .. يمكن قوتي ترجعلي من تاني واقدر اقاوم ...

[toleebflower]

بعيدا عن كل الروايات والقصص اللي بقرأها ..

بس انا من زمان جدا وحاسة اني اول ما اشوفه هيخطفني هيسحرني .. هعرف انه هو مش غيره .. الاحساس ده لسه محستش بيه مع حد من اول وهلة بس يمكن مع الوقت بعجب بيه زيه حاليا بس لا حتى ده مش هو مش ده .. التاني حاجة خيال كده وزي ما حنان بتقول "وقبل ان التقيك لم نكن اغرابا" ..

حاجة مختلفة مش لحد غيري ولا تنفع لحد تاني .. يمكن كلام اسراء اثرلما بتقولي انه هيكون ليا حاجة مختلفة وفوق ما متوقعة عشان انا استاهل اكتر وقلبي مش لاي حد وهيكون يستحقك والكلام ده .. بس لا ده كلامها لانها شايفاني كده .. لكن انا مش كده فلذلك خايفة 💔 اللي بيطمني بس هواحساني بالله الظنولذلك حساه هيكون خيال احسن ما بتمنى وكماندعاء ماما المتواصل مطمن قلبي ..

انا مستحقش بس ربنا بيدينا على قد كرمه وكرمه واسع مش بينا خالص ..

ومنكرش محتاجاه محتاجاه جدا خصوصا الفترة دي محتاجة حد اتسند عليه بعافر لوحدي بحاول اكون متماسكة عشان اللي متشعبطين في قوتي وبتقويهم لذلك مينفعش اضعف قدام حد .. محتاجة اللي اضعف وانهار قصاده .. بس تعرفوا اوقات بقول برضو هحتاج اكون قوية عشانه عشان اكيد عنده همومه ولازم اكونله بلسم .. غالبا هفضل كده بحاول التماسك وبحاول اكون قوية عشان اللي بحبهم فاللهم اعانة منك وحدك ❤

[toleebflower]

اثبتي فالطريق طويل .. خُلقتي للمقاومة .. خلقتي لتكوني جند لله في أرضه .. لم تخلقي ليهتموا بك بل لتهتمي بهم .. خلقتي غيث لهم .. وحضن يأووا اليه وقت تعبهم .. خلقتي كصبار الصحراء يتحمل .. وكشجرة ظلها يقيهم من حرقة شمس لا ترحم وثمارها تشبع جوعهم .. فقاومي لأجلهم لا لأجلك ❤

رسالة لكل هؤلاء ..

[toleebflower]

انا بحب الوقت اللي بقضيه مع بابا في احلامي ومادام هو مش بيجيلي في احلامي اصنع انا احلام معاه .. الحاجة الوحيدة اللي مبتخلنيش استرسل في الاحلام دي معاه هو ومريم انها متقلبش مرض نفسي عشان لو سبت نفسي هتتحول كده بجد ..

انا نفسي في وجود بابا واثقة انه كان هيكون اقرب حد ليا واكتر حد هيفهمني واكتر حد بحبه انا حاليا وبحبه حب جنونب بالنسبة لوحدة مشفتش الشخص اللي بتحبه او معاشتش معاه كتير ومش فاكرة مواقف معاه .. بس كفاية جدا كلام اللي حواليا عنه يخليني احبه وبجد بجد معرفش انا كنت ممكن احبه اكتر من كده فين لو موجود معايا .. 

[toleebflower]

مكنتش اعرف اني بحبهم كده اسماء قالت الجملة دي وانا اتفتحت عياط بشكل هستيري وحشوني بشكل جنوني بتخنق لما بحسهم محتاجيني وانا مش عارفة توصلهم بتخنق اكتر لما اعرف عنهم حاجة بالصدفة وميكونوش قايللني عليها بتوجع اكتر والله من لو قالولي احساس اني غريبة عنهم عارفة انهم بيكونوا مش حابيين يضايقوني بس لا ضسقي بيكون اكتر .. انا محتاجاهم اكتر ما هما محتاجيني والله .. ياارب بقا معرفش ممكن تصرفها ازاي ونفضل سوا ازاي بس وحدك قادر ان متفرقنيش عن حد بحبه 

[toleebflower]

انا يقدر يصالحني بس باني اروح واشوف حبايبي مش اي اي حاجة تاني .. وحشوني بجد ياربي بقااا 💔💔

[toleebflower]

احساس بس ان ممكن اتحرم منهم ده قاتل .. انا اقل من شهر اهو وهموت عليهم وحشوني بجنون بجد .. محتاجاهم ومش محتاجة حد غيرهم اسماء ورفيدة صدقاا يعني .. هو مش فاهم ولا هيفهم علاقتي بيهم عشان يقدر مدى احتياجي ليهم .. اه احتياجي ليهم اللي اكتر من احتياجهم ليا 💔

[toleebflower]

انا حزينة جداا مش عارفة احدد امشي في ايه او المجال اللي احبه وممكن اكمل فيه كل ما ابدأ حاجة محبهاش او تتعقد او حاجة معرفش ابدأها اصلا بسبب اللاب وامكانياته .. انا حزينة من قلبي جداا وحاسة الدنيا مقفلة في وشي بطريقة صعبة ..

[toleebflower]

انا حزينة جدااا ومش عارفة اعمل ابه كل حاجة ملخبطة ..

[toleebflower]

خلوني اهرب من تويتر المكان الوحيد اللي برتاح فيه ..