#taxiaruba

[poliversearuba]

Furia den Industria cu a biba di Corupcion

Taxistanan cu ta haci business cu nan permiso a lanta rabia ora cu Gobierno di Aruba a anuncia cambio den maneho cu no lo duna nan e libertad ey mas. Taxistanan cu a pensa di bende nan permiso pa alrededor di 10.000 florin ta sapatiando. Un permiso cu no ta di nan sino un permiso cu ta duna nan e privilegio di uza den nomber di Pais Aruba.

Awo nan kier rabia paso nan kier wordo laga na paz, paso segun nan e permiso cu tur Minister di Transporte a dunanan a cambio di voto mester keda pa nan. Pa cuminsa T/O no mester existi mes! Tur T/O a wordo ricibi na un manera corupto pero no ta tur fout por wordo drecha.

Taxistanan, nan famia y amigonan a biba keriendo cu nan nunca lo mester a paga pa participa den corupcion cu no solamente ministernan pero tambe esnan cu ta traha den e departamento directo. Awo diripiente nan kier wordo laga na paz.

Den tur esaki tin hopi comentario con no ta worry cu vestuario, cual ta menos mal comparando e speed cu ta core y pone trafico na peliger. Sin lubida cu anochi niun taxista kier traha cual ta haci cu turistanan tin cu warda hopi largo pa ricibi servicio. Y por ultimo, dicon tin asina hopi miedo di taximeter? Acaso taxistanan no kier ta transparente?

No ta falta di mas permiso, ta falta di etica di trabou.