#simplengbebeng

[kuwentistangmanunula]

"KAYA MO"

Kailangan mong bumitiw.

Kailangan mong sumubok.

Kailangan mong tahakin ang

'walang kasiguruhan' at 'hindi ko alam'.

Kailangan mong maligaw at masaktan.

Kailangan mong masagad at kamuhian.

Kailangan mong mawalan ng pag-asa at maiwan

dahil d'yan mo lang malalaman na

KAYA MO.

Pebrero 21, 2018 | 9:57 NU

[beezysmg-blog]

@simplengbebeng Episode 1 - Studio Session w/ French MystiQ & $cream http://youtu.be/jztBJHjv0cA

[kuwentistangmanunula]

"SAAN NA ANG AKLAT?"

Saan na ako napadpad

sa aking paglipad

na walang sinusundang direksyon

kundi kalawakan at dagat?

Saan na ako napunta

sa paglalakbay mag-isa

nang walang baon kundi pangarap,

kakayahan at pag-asa?

"Saan na'ng karanasan?

Para saan?"

tanong ng papel na

puno na ang laman.

"Saan na ako pupunta?"

tanong ng pluma.

Gusto na niyang mamahinga,

said na'ng kanyang tinta.

Saan na ako naligaw

dahil nahihiyang magtanong?

Saan na ako lumubog

dahil ayaw magpatulong?

"Malapit ka na, kaibigan,"

sagot ng manunulat.

"Matutunton mo na'ng daan,

malaki na ang pagkamulat."

Pebrero 20, 2018 | 1:58 NH

[kuwentistangmanunula]

"MM"

Pinilit kong isatinig

ang ganda ng iyong himig,

sinabayan, sinayawan

ang huni ng ipinipintig.

Pinilit kong daanan

ang sukal ng 'yong karunungan,

lumubog, umahon sa

hukay ng 'yong kalaliman.

Pinilit kong lampasan

ang dikta ng alinlangan

na ang agwat ng aking isla't 'yong dalampasigan

ay aking matatawiran.

Pinilit kong lasapin

ang timpla ng 'yong panulaan,

ngunit bigo pa ring makamit

ang tingkad ng 'yong kakataan.

Pebrero 18, 2018 | 2:40 NU

[kuwentistangmanunula]

"MANUNULAT—SUSULAT!"

Pilit kinalilimutan

Pilit tinalilikuran

Kasi'y pahirap sa dibdib

Parusa sa isipan

Pilit ibinabaon

Pilit pinapatay

Kung hindi kakayani'y

Mamarkahan ng latay

Ngunit kahit anong gawin

Nasasalubong sa daan

Kahit anong tago

Lumilitaw sa harapan

Humahabol-habol

Ayaw bumitiw

Nasa dugo't hininga

Itinakdang kapalaran

Kaya hindi na ako tatakas

Hindi na tatakbo

Gamit ang sumpang biyaya

Haharapin ko ang Ako

Hindi na magtatago

Hindi na hihindi

Hahawakan ang panulat

Palalayain a(ki)ng mundo

(Dugo at pawis ko'y

tinta at panulat.

Sa hininga at diwa ko,

ang salita'y mag-uugat

upang gapiin ang dilim,

palayain ang liwanag,

na'ng kulang gawing sapat

at ang bulag ay imulat!)

Enero 8, 2018 | 5:57 NU

[kuwentistangmanunula]

"ABAKADA NG PAGKAT[H]A"

A - Ako'y tutula

B - Balakid may malala

K - Kakaykay ng landasin

D - Dadagsa ng kataga

E - Entablado'y mambabasa

G - Gagapiin ang pangamba

H - Hahaplitin mga titik

I - Iuugnay sa pagsamba

L - Latay man ng pagtanggi

M - Minaramot man ng pagsilay

N - Naging mantsa man ang ikinulay

Ng - Ngayon ko'y magiging patunay

O - Obra'y mangangatas

P - Pipitpitin buong lakas

R - Rarasyunan ang madla

S - Salita'y mananaga

T - Taludtura'y lalaya

U - Uuha ng biyaya

W - Wawakasan ang pagkaalipin

Y - Yayanig (a)ng katha!

Enero 3, 2018 | 9:43 NU

[kuwentistangmanunula]

"Enero"

Enero 1, 2021

[kuwentistangmanunula]

pabalat

[kuwentistangmanunula]

ang pagtula ay

pagsinghap sa pagkalunod

ang hangin sa baga

hanggang makaahon

KuwentistangManunula | Enero 15, 2023 | 14:18