#pitong hapis | Explore Tumblr posts and blogs

millennialcatechist · 5 years ago

Text

PITONG HAPIS NI MARIA

𝐖𝐀𝐋𝐀𝐍𝐆 𝐒𝐔𝐆𝐀𝐓 𝐍𝐀 𝐓𝐈𝐍𝐀𝐌𝐎 𝐒𝐈 𝐌𝐀𝐑𝐈𝐀 | Tunay ngang hindi si Maria ang ipinako sa krus, namatay at inilibing. Kaya tinutuligsa tayong mga Katoliko sa mataas na paggalang natin sa kanya. Subalit dapat maunawaan ng lahat na may mga galos at sugat siyang hindi natin nakikita.

Para mas malinaw, magbibigay ako ng halimbawa. Isipin mo ang pinakagusto mong artista, kpop-idol o maski yung crush mo. 'Tapos nabalitaan mong na-bully siya ng mga tao, nasaktan, isinugod sa ospital at nag-aagaw buhay. Ano ang mararamdaman mo? Kahit sinong normal na tao ay masasaktan. Kahit hindi sa 'yo mismo nangyari yun. Parang panonood lang ng teledrama. Kung nasasaktan ka sa k-drama na pinapanood mo, tiyak mas matindi ang sakit na naramdaman ni Maria. Dahil live niyang nasaksihan ang paghihirap at sakripisyo ng kanyang anak.

Kaya sa artikulo na ito, tatalakayin ko ang 𝐏𝐈𝐓𝐎𝐍𝐆 𝐇𝐀𝐏𝐈𝐒 𝐍𝐈 𝐌𝐀𝐑𝐈𝐀. At ipapaliwanag kung gaano kasakit ang bawat hinagpis na ito para sa kanya sa ngalan ng pagliligtas ni Hesus sa mga makasalanan.

[𝟏] 𝐀𝐧𝐠 𝐩𝐫𝐨𝐩𝐞��𝐢𝐲𝐚 𝐧𝐢 𝐒𝐢��𝐞𝐨𝐧 (𝐋𝐔𝐊𝐄 𝟐:𝟐𝟐-𝟑𝟓)

"𝒜𝓃𝒹 𝒶 𝓈𝓌𝑜𝓇𝒹 𝓌𝒾𝓁𝓁 𝓅𝒾𝑒𝓇𝒸𝑒 𝓎𝑜𝓊𝓇 𝑜𝓌𝓃 𝓈𝑜𝓊𝓁 𝓉𝑜𝑜," Simeon said to Mary, Mother of Christ.

May isang mabuting lalaki na Simeon ang pangalan. Ihinayag ng Banal na Espiritu na hindi siya mamamatay hangga't hindi niya nakikita ang Mesiyas. Sa araw ng paghahandog kay Hesus sa templo napagtanto ni Simeon na hawak niya ang Kristo. Nagpahayag siya ng, “Ngayon, Panginoon, maaari na pong yumaong mapayapa ang inyong abang alipin ayon sa inyong pangako. Yamang nakita na po ng aking mga mata ang inyong pagliligtas, na inyong inihanda sa harapan ng lahat ng bansa. Ito po ay liwanag na tatanglaw sa mga Hentil at magbibigay-dangal sa inyong bansang Israel.”

"Namangha ang mga magulang ng sanggol dahil sa sinabi ni Simeon tungkol sa bata. Binasbasan sila ni Simeon, at sinabi kay Maria, “Tandaan mo, ang batang ito'y nakatalaga sa ikapapahamak o ikaliligtas ng marami sa Israel. Siya ang magiging tanda mula sa Diyos ngunit tutuligsain siya ng marami, kaya't mahahayag ang kanilang iniisip.

—𝐃𝐚𝐡𝐢𝐥 𝐝𝐢𝐭𝐨, 𝐦𝐚𝐠𝐝𝐚𝐫𝐚𝐧𝐚𝐬 𝐤𝐚 𝐧𝐠 𝐦𝐚𝐭𝐢𝐧𝐝𝐢𝐧𝐠 𝐤𝐚𝐩𝐢𝐠𝐡𝐚𝐭𝐢𝐚𝐧𝐠 𝐩𝐚𝐫𝐚𝐧𝐠 𝐢𝐬𝐚𝐧𝐠 𝐩𝐚𝐭𝐚𝐥𝐢𝐦 𝐧𝐚 𝐢𝐭𝐢𝐧𝐚𝐫𝐚𝐤 𝐬𝐚 𝐢𝐲𝐨𝐧𝐠 𝐩𝐮𝐬𝐨."

✠ Ang propesiya ni Simeon ang pinakauna sa mga pighati ni Maria. Bagaman tanggap ni Maria ang kapalaran na itinalaga ng Diyos, mas naging malinaw sa tagpong ito na maraming tutuligsa at magpapahirap kay Hesus. Batid din ni Maria ang mga nakatalang paghihirap na daranasin ng sanggol at ang mga buhay na maaaring mawala sa paglalakbay nila na matupad ang propesiya.

[𝟐] 𝐀𝐧𝐠 𝐩𝐚𝐠𝐭𝐚𝐤𝐚𝐬 𝐬𝐚 𝐄𝐡𝐢𝐩𝐭𝐨 (𝐌𝐀𝐓𝐓𝐇𝐄𝐖 𝟐:𝟏𝟑-𝟏𝟓)

Pagkaalis ng mga pantas, nagpakita kay Jose sa panaginip ang isang anghel ng Panginoon. Sinabi nito sa kanya, “Bumangon ka't dalhin mo agad sa Egipto ang iyong mag-ina. At huwag kayong aalis doon hangga't hindi ko sinasabi sapagkat hahanapin ni Herodes ang bata upang patayin.”

Ipinapatay ni Herodes ang mga batang lalaki sa Bethlehem at sa palibot nito mula sa edad na nabanggit ng tatlong pantas. Nagalit siya dahil nilinlang siya ng mga ito at hindi itinuro kung nasaan ang sanggol na si Kristo.

✠ Matindi ang pag-aalala na bumalot kay Maria. Bigla silang lumisan ng Bethlehem nang hindi lubos na handa. Malalim na ang gabi at malamig ang panahon. Hindi iyon maganda para sa paglalakbay kasama ang isang sanggol. Pagod, puyat at takot silang mag-asawa na baka masalubong nila ang mga tumutugis sa bata. Batid din nila na maraming inosenteng sanggol na ipinapatay si Herodes. Pakiramdam ni Maria nakagapos ang kanyang mga kamay. Walang magawa na mailigtas ang ibang inosenteng sanggol. Ngunit kailangang matupad ang misyon ni Hesus. [Ref: Holy Innocents ang tawag sa mga ipinapatay ni Herodes. Itinuring silang mga banal sapagkat iniligtas nila ang sanggol na si Kristo sa pagtugis ni Herodes. Narito ang link: https://www.catholicculture.org/culture/liturgicalyear/calendar/day.cfm?date=2019-12-28 ]

[𝟑] 𝐀𝐧𝐠 𝐩𝐚𝐠𝐤𝐚𝐰𝐚𝐥𝐚 𝐧𝐠 𝐛𝐚𝐭𝐚𝐧𝐠 𝐇𝐞𝐬𝐮𝐬 𝐧𝐠 𝐭𝐚𝐭𝐥𝐨𝐧𝐠 𝐚𝐫𝐚𝐰 (𝐋𝐔𝐊𝐄 𝟐:𝟒𝟏-𝟓𝟐)

Sumagot si Jesus, “𝐵𝒶𝓀𝒾𝓉 𝓅𝑜 𝓃𝒾𝓃𝓎𝑜 𝒶𝓀𝑜 𝒽𝒾𝓃𝒶𝒽𝒶𝓃𝒶𝓅? 𝐻𝒾𝓃𝒹𝒾 𝓅𝑜 𝒷𝒶 𝓃𝒾𝓃𝓎𝑜 𝒶𝓁𝒶𝓂 𝓃𝒶 𝒶𝓀𝑜'𝓎 𝒹𝒶𝓅𝒶𝓉 𝓂𝒶𝓂𝒶𝓁𝒶𝑔𝒾 𝓈𝒶 𝒷𝒶𝒽𝒶𝓎 𝓃𝑔 𝒶𝓀𝒾𝓃𝑔 𝒜𝓂𝒶?” Ngunit hindi nila naunawaan ang sinabi niyang ito.

Taun-taon, tuwing Pista ng Paskwa, ang mga magulang ni Jesus ay pumupunta sa Jerusalem. Nang siya'y labindalawang taon na, dumalo sila sa pista, ayon sa kanilang kaugalian. Sila'y umuwi na pagkatapos ng pista. Ang batang si Jesus ay nagpaiwan sa Jerusalem ngunit hindi ito napansin ng kanyang mga magulang. Sa pag-aakalang siya ay kasama ng pangkat, nagpatuloy sila sa maghapong paglalakbay. Pagkatapos, siya ay hinanap nila sa kanilang mga kamag-anak at mga kakilala, ngunit hindi nila natagpuan si Jesus. Kaya't bumalik sila sa Jerusalem upang doon maghanap. Pagkalipas ng tatlong araw, si Jesus ay natagpuan nila sa loob ng Templo.

✠ Si Kristo ang sentro ng buhay ni Maria. Sa Kanya umiikot ang kanyang mundo. Nang mawala si Hesus ng tatlong araw walang ibang sinisi si Maria kundi ang sarili. Sinisi niya ang sarili kung bakit hindi niya lubos na inalagaan at binantayan si Hesus. Hindi niya lang ito basta anak kundi Diyos niya rin ito na ihinabilin sa kanya. Dito lubhang naging balisa si Maria bilang ina ng Mesiyas.

[𝟒] 𝐀𝐧𝐠 𝐏𝐚𝐠𝐤𝐚𝐬𝐚𝐥𝐮𝐛𝐨𝐧𝐠 𝐧𝐢 𝐉𝐞𝐬𝐮𝐬 𝐚𝐭 𝐌𝐚𝐫𝐢𝐚 𝐬𝐚 𝐃𝐚𝐚𝐧 𝐧𝐠 𝐊𝐫𝐮𝐬 (𝐋𝐔𝐊𝐄 𝟐𝟑:𝟐𝟕-𝟑𝟏)

Nakasalubong ni Maria ang kanyang anak na si Hesus. Nasaksihan niyang mag-isang pasan ang mabigat na krus. Batid niyang ipapako sa krus ang kanyang anak. Mas nagpahirap pa rito ang mga sugat na tinamo nito mula sa mga sundalong romano. Wala na Siyang lakas, hindi na maiahon ni Hesus ang sarili sa pagbubuhat, minamadali pa siya ng mga sundalo sa paglalakad.

✠ Nagkasalubong ang mga tingin ni Maria at ni Hesus. Pakiramdam ni Maria wala siyang maibigay na saklolo sa kanyang Anak. May suot itong koronang tinik at umaagos ang dugo sa mukha Nito. Isang mata lamang ni Hesus ang nakamulat. Nais itong lapitan ni Maria ngunit hindi maaari. Hindi niya manlang mapunasan ang duguang mukha ng anak. Dama rin ni Maria ang bawat sugat Nitong nakalitaw sa paningin niya. Tunay nga ang sinabi ni Simeon na ang kaluluwa niya'y tila tutusukin ng patalim.

[𝟓] 𝐒𝐢 𝐌𝐚𝐫𝐢𝐚 𝐚𝐭 𝐉𝐮𝐚𝐧 𝐬𝐚 𝐩𝐚𝐚𝐧𝐚𝐧 𝐧𝐢 𝐤𝐫𝐮𝐬 𝐧𝐢 𝐇𝐞𝐬𝐮𝐬 (𝐉𝐎𝐇𝐍 𝟏𝟗:𝟐𝟓-𝟐𝟕)

Nakatayo sa tabi ng krus ni Jesus ang kanyang ina at ang kapatid nitong babae, si Maria na asawa ni Cleopas, at si Maria Magdalena. Nang makita ni Jesus ang kanyang ina at ang minamahal niyang alagad na nasa tabi nito, sinabi niya, “𝒢𝒾𝓃𝒶𝓃𝑔, 𝓃𝒶𝓇𝒾𝓉𝑜 𝒶𝓃𝑔 𝒾𝓎𝑜𝓃𝑔 𝒶𝓃𝒶𝓀!” At sinabi niya sa alagad, “��𝒶𝓇𝒾𝓉𝑜 𝒶𝓃𝑔 𝒾𝓎𝑜𝓃𝑔 𝒾𝓃𝒶!” Mula noon, pinatira ng alagad na ito sa kanyang bahay ang ina ni Jesus.

✠ Bago pa man tuluyang ipako si Kristo marami na itong sinapit na paghihirap. Nasaksihan ni Maria ang pag-akyat nito sa kalbaryo. Pinagtawanan at kinutya ito ng mga romano habang naghihirap. At hindi pa natapos doon ang lahat, dahil sapilitan pa Siyang hinubaran upang yurakan ang dignidad ng katawan Nito. Nang ipako si Kristo saksi si Maria sa barubal na pagpako sa kanyang anak sa krus. Napunit ang laman nito at lumabas ang buto. Isang bagay na mahirap masaksihan. Ngunit hindi iniwan ni Maria ang anak at nanatili ito sa paanan ng krus. Walang magawa si Hesus kundi panoorin ang kanyang ina na nagdadalamhati para sa kanya sa paanan ng krus. Naging saksi naman si Maria sa marahang paghihirap at malupit ng inarugang anak. Batid niyang ilang oras na lang ay malalagutan na ito ng hininga.

[𝟔] 𝐀𝐧𝐠 𝐩𝐚𝐠𝐛𝐚𝐛𝐚𝐛𝐚 𝐦𝐮𝐥𝐚 𝐬𝐚 𝐤𝐫𝐮𝐬 𝐬𝐚 𝐏𝐚𝐧𝐠𝐢𝐧𝐨𝐨𝐧𝐠 𝐇𝐞𝐬𝐮𝐤𝐫𝐢𝐬𝐭𝐨 𝐩𝐚𝐠𝐬𝐚𝐩𝐢𝐭 𝐧𝐠 𝐝𝐢𝐥𝐢𝐦 (𝐉𝐎𝐇𝐍 𝟏𝟗:𝟑𝟖-𝟒𝟎)

Pagkatapos nito, si Jose na taga-Arimatea ay nagsadya kay Pilato upang humingi ng pahintulot na makuha ang bangkay ni Jesus. (Dati ay inilihim ni Jose na siya'y isang alagad ni Jesus dahil sa takot niya sa mga pinuno ng mga Judio.) Pinahintulutan naman siya ni Pilato, kaya't kinuha niya ang bangkay ni Jesus. Kasama rin niya si Nicodemo na noong una ay sa gabi nagsadya kay Jesus. May dala itong pabango, mga tatlumpung kilong pinaghalong mira at aloe. Kinuha nila ang bangkay ni Jesus at nilagyan ng pabango at binalot sa telang lino, ayon sa kaugalian ng mga Judio.

✠ Karaniwan na magulang ang unang pumapanaw bago ang kanilang anak. Ngunit kabaliktaran ang sinapit ni Maria. Mas naunang pumanaw ang pinakamamahal niyang anak. Maging mas masakit ang nararamdaman niya nang mahagkan at iugot ang walang buhay nitong katawan. At habang nililinis ni Maria ang duguang katawan ni Hesus mas nagiging malinaw ang bawat sugat na tinamo nito. Doon lang nila napagtanto na nakabaon pala ang mga tinik ng korona na suot nito sa ulo ni Hesus. Ngunit sa kabila ng mga hapis, nanatiling matatag si Maria. Umaasa siyang pahahalagahan ng mga tao ang ibinuwis na buhay ng kayang anak balang-araw. Ipinagdasal niya sa Diyos Ama na huwag mabalewala ang pagliligtas na ito sa mga makasalanan.

[𝟕] 𝐈𝐧𝐢𝐥𝐢𝐛𝐢𝐧𝐠 𝐬𝐢 𝐇𝐞𝐬𝐮𝐬 (𝐉𝐎𝐇𝐍 𝟏𝟗:𝟒𝟏-𝟒𝟐)

Malapit sa pinagpakuan kay Jesus ay may isang halamanan, at dito'y may isang bagong libingang hindi pa napaglilibingan. 42 Dahil noon ay bisperas ng Araw ng Pamamahinga, at dahil malapit ang libingang ito, doon nila inilibing si Jesus.

✠ Dapat natin alalahanin na hindi bago kay Maria ang paglilibing ng mahal sa buhay. Kasama siya sa paglilibing ng kanyang mga magulang na sina Santa Ana at San Joaquin. Naranasan din niya ang kalungkutan nang mamatay ang asawa, si San Jose. At ngayon naman ay ang pagkawala ng kanyang pinakamamahal na anak na si Hesus. Sanggol pa lamang ang anak batid na niya ang kapalaran nito bilang Mesiyas. Subalit kahit naging masaklap ang naging hantungan ng kanyang anak batid niya ang plano ng Diyos Ama. Muling babalik at mabubuhay si Hesus sa ikatlong araw. Kumapit lang at nanalig si Maria sa plano ng Diyos sa kabila ng dalamhati na naranasan niya.

𝐏𝐀𝐆𝐓𝐀𝐓𝐀𝐏𝐎𝐒:

Walang galos na tinamo sa Maria sa katawan. Subalit ramdam niya ang bawat hagupit ng paghihirap ni Hesus. Isa si Maria sa mga ang kauna-unahang martir na nasaksihan ang pagpapakasakit ng Diyos Anak upang matubos ang lahat sa kasalanan. Ang hapis ni Maria ay hindi umiikot lamang sa kanya. Kundi pagpapaalala na minsan kailangan natin ilagay ang sarili sa posisyon niya upang maunawaan ang mga hirap na pinagdaanan ni Hesus. Ganito tayo kamahal ng Diyos, 𝐹𝑜𝓇 𝒢𝑜𝒹 𝓈𝑜 𝓁𝑜𝓋𝑒𝒹 𝓉𝒽𝑒 𝓌𝑜𝓇𝓁𝒹, 𝓉𝒽𝒶𝓉 𝐻𝑒 𝑔𝒶𝓋𝑒 𝐻𝒾𝓈 𝑜𝓃𝓁𝓎 𝒷𝑒𝑔𝑜𝓉𝓉𝑒𝓃 𝒮𝑜𝓃, 𝓉𝒽𝒶𝓉 𝓌𝒽𝑜𝑒𝓋𝑒𝓇 𝒷𝑒𝓁𝒾𝑒𝓋𝑒𝓈 𝒾𝓃 𝐻𝒾𝓂 𝓈𝒽𝑜𝓊𝓁𝒹 𝓃𝑜𝓉 𝓅𝑒𝓇𝒾𝓈𝒽, 𝒷𝓊𝓉 𝒽𝒶𝓋𝑒 𝑒𝓋𝑒𝓇𝓁𝒶𝓈𝓉𝒾𝓃𝑔 𝓁𝒾𝒻𝑒.

𝐑𝐄𝐒𝐎𝐔𝐑𝐂𝐄𝐒:

https://www.immaculee.com/pages/7-sorrows-rosary-prayer

http://pagnilayannatin.blogspot.com/2015/03/ang-pitong-hapis-ni-maria.html

https://www.biblegateway.com/passage/?search=JOHN+19%3A41-42&version=MBBTAG

#mary #our lady of sorrows

0 notes