#pierre chepelov

[turangalila]

Pierre Chépélov (*1979) O qui perpetua mundum ratione gubernas (2012)

Eheu, quæ miseros tramite devios / abducit ignorantia! / non aurum in viridi quæritis arbore / nec vite gemmas carpitis, / non altis laqueos montibus abditis / ut pisce ditetis dapes / nec vobis capreas si libeat sequi / Tyrrhena captatis vada; / ipsos quin etiam fluctibus abditos / norunt recessus æquoris, / quæ gemmis niveis unda feracior / vel quæ rubentis purpuræ / nec non quæ tenero pisce vel asperis / præstent echinis litora. / sed quonam lateat quod cupiunt bonum / nescire cæci sustinent / et quod stelliferum transabiit polum / tellure demersi petunt. / Quid dignum stolidis mentibus imprecer? / opes honores ambiant, / et cum falsa gravi mole paraverint / tum vera cognoscant bona. //

O qui perpetua mundum ratione gubernas, / terrarum cælique sator, / qui tempus ab ævo / ire iubes stabilisque manens das cuncta moveri; / quem non externæ / pepulerunt fingere causæ / materiae fluitantis opus, verum insita summi / forma boni livore carens; tu cuncta superno / ducis ab exemplo,  pulchrum pulcherrimus ipse / mundum mente gerens, similique in imagine formans, / perfectasque iubens perfectum absolvere partes. / Tu numeris elementa ligas, ut frigora flammis, arida conveniant liquidis, ne purior ignis / evolet aut mersas deducant pondera terras. / Tu triplicis mediam naturæ cuncta moventem / conectens animam per consona membra resolvis. / quæ cum secta duos motum glomeravit in orbes, / in semet reditura meat mentemque profundam / circuit et simili convertit imagine cælum. / Tu causis animas paribus vitasque minores / provehis et levibus sublimes curribus aptans / in cælum terramque seris, quas lege benigna / ad te conversas reduci facis igne reverti. / Da, Pater, augustam menti conscendere sedem, / da fontem lustrare boni, da luce reperta / in te conspicuos animi defigere visus. / Dissice terrenæ nebulas et pondera molis, / atque tuo splendore mica; tu namque serenum, / tu requies tranquilla piis, te cernere finis, / principium, vector, dux, semita, terminus idem. // [Boethius. De Consolatione Philosophiae. III : M8, M9]

_ Music For A King, The Winchester Troper, 11th century. – Pierre Chépélov, Joel Rust, 21st century. Discantus, Brigitte Lesne. (2014, æon – AECD 1436 2014)

[uvkey]

Contemporary composer Pierre Chépélov wrote this wonderful sacred song. This is a good example of contemporary classical music, which is difficult to find, since many of the composers are so extreme that it ends up not resembling music that much. This is very dissonant but still beautiful.