#kncfli

[kncfli]

Allah sənə vermiş gözəlim bir elə göz qaş,

Bilməm ki mələksən ya bəşərsən qalıram çaş.

Sənsiz mənim ey yar nə dəqiqəm anım olsun,

Onnansa mənin canım alan cananım olsun.

Canana fədadır nə qədər imkanım olsun,

Cismimdə mənim saysız –hesabsız canım olsun,

Hər gün birini naz ilə məndən alasan kaş.

Zülfün özü tək hali pərişan eliyəndür,

Ləli ləbüvün fikri ürək qan eliyəndür,

Əndami-lətifün bizi heyran eliyəndür,

Hüsnün gözəlim eşqidə cövlan eliyəndür,

Çatdıqda çatır çatmiyana atdı o bir daş.

Yazmış adıni surəsi Qurani-şərifin,

Çox güclüdü eşqin küləyi yoxmu xəfifin?

Yoxdur davami məndəki bu təni-zəifin,

Aşiqləri diz çökdürüb əndami-lətifin,

Qoyduqda ayağın yerə hətta qoyulur baş.

Nurdan da, işıqdan da, ziyadan da, gözəlsən,

İsmətdən abırdan da həyadan da gözəlsən,

Aydan da günəşdən də səmadan da gözəlsən,

Hüsnündə gözəlsənsə vəfadan da gözəlsən,

Gör bir nə gözəllikdə yaratmış səni nəqqaş?

Getsən hara kölgən olub ey gül gələrəm mən,

Səndən gözəlim bəzmi vüsalın dilərəm mən

Baxsa sənə əğyar onu vallah bölərəm mən.

Bir gün səni gəl görməsəm ey gül ölərəm mən,

Qəlbimdə qubar həsrəti –eşqində gözüm yaş.

Bir dəfə baxıb xalına ruyində öleydim,

Bihuş eliyeydi məni buyin də öleydim,

Göz yaşımın əlbəttə ki suyində öleydim

Qəsdim budur axır səri- kuyində öleydim

Kuyin mənə bir doğma vətən mən də vətəndaş.

•Məşədi Baba

[kncfli]

Sevmək və sevilmək ən gözəl hissdi

Bundan da gözəl çağ tapmadım mən

İsdədim eşqimi yazım dağlara

Eşqimnən də böyük dağ tapmadım mən

Əvvəllər bilməzdim aldanmaq nədi

İndi hər sözünə aldanıram mən

Sən heç bilmirsən qısqanmaq nədir

Səni güzgüyədə qısqanıram mən

Dünyada qalmağa vaxtımda yoxdur

3 günlük dünyadır məndən almısan

Sevdiyim yadıma salmıram səni

Çünki ürəyimdə məskən salmısan

Mənə nifrət etsən belə əzizim

Mən səni sevirəm qınama məni

Bütün sınaqları eylə əzizim

Vaxtsız gedişinlə sınama məni

Nə mən ağlıyıram sənin dalınca

Nə səni Allahdan mən diləyirəm

Bunlar lazım deyil

Sadəcə səni ömürlük sükutla yad eyləyirəm

Alimlər rəssamlar olsa müştərək

Yenə səni dəqiq təsvir etməzdi

Sevdiyin insanda sevsəydi səni

Mənə heç bu qədər təsir etməzdi

Dostluq qoyaq adını

Biz bu sevgini qarşımızda dursa dünya yeridək

Dostluq saman olsun sevgimizdə su

Gəl saman altından dərya yeridək

Niyə belə qəfil küsüşdük axı?

Sevib sevilərdik deyirəm yəni

Qırdığın qəlbimdə cümlələr qalıb

Biridə budur ki sevirəm səni

Ayrılıq bəhrəsi yetişən zaman

Yarımın qüruru iftixar etdi

Göz yaşım çıxaraq kipriyim üstə

Tullanıb aşağı intihar etdi

Biz bütöv olanda xoşbəxt olardıq

İndi o bütövdən təni silirsən

Əvvəl göz yaşımı silərdin mənim

İndi yerli dibli məni silirsən

Axı biz nə zaman qovuşacayıq?

Heçkimsə etdiyin sorağı bilmir

Uzaq görənlərdən soruştum bunu

Onlarda o qədər uzağı bilmir.

[kncfli]

Bugün yolum düşdü qəbistanlığa

Orda zaman qışdı, dövran yatıbdı,

Sanki pıçıldaşdı hər məzər daşı,

“Şair asta yeri, insan yatıbdı”.

Pul işləmir orda, qiymətsizdir zər,

Sərdar hökm eyləmir, işləmir nökər.

Nə zəhmət var orda, nə alında tər,

Ağadan yuxarda çoban yatıbdı.

Eşitsən Qəmkeşi, ədalətli ol,

Xalqa hakim olsan mərhəmətli ol.

Əgər varın varsa səxavətli ol,

Şöhrət yuvasında şeytan yatıbdı.