#edərək

[metbuat]

Taekvondoçularımız Avropa çempionu oldu

Taekvondoçularımız Avropa çempionu oldu

Rumıniyanın paytaxtı Buxarestdə keçirilən taekvondo üzrə kiçikyaşlı yeniyetmələr arasında Avropa birinciliyi başa çatıb. Metbuat.org xəbər verir ki, baş məşqçi İlkin Şahbazovun rəhbərliyi altında Buxarestə yollanan Azərbaycanın hər iki taekvondoçusu qızıl medal qazanıb. Sabir Məmmədli (27 kq) və Nazim Məmmədov (30 kq) bütün rəqiblərini məğlub edərək çempion tituluna yiyələniblər. Metbuat.org

[philosadness]

Necə deyib Qaraqan?!

"Bakıda iki cür insanlar var idi, heçnə etmədən hər şeyi olanlar və hər şey edərək heçnəyi olmayanlar."

[xancann]

Niyə münasibət müddətində özünüzü normal və ağıllı aparmayaraq münasibətinizi bitirmə nöqtəsinə qədər gətirib və hətta bəzən bitirib, ardınca isə bütün ömrünüzü məhz həyatınızda olan həmin insanı stalk edərək keçirirsiniz ki?

[madinaa17]

Elə indicə bir cümlə oxudum. Deyir ki, sevgini gerçək edən onun üçün etdiyin mübarizədir. Sevdiyinə "qismət deyilmiş" deyərək onu tək qoya bilməzsən. Sizcə də elə deyilmi? Bir insanı əgər sevirsənsə, onun üçün hər şeyi edə bilərsən. Əlbəttə, onun da qərarlarına hörmət edərək, onu dinləyərək, eşidərək. İnsan öz qismətini özü yazır. Ona görə də sahib olduğunuz heç bir şeyi əldən verməyin. Yalan bəhanələ də inanmayın

[korressamm]

və yenə də hərşeyə nifrət edərək oyanmışam.

[shikhaliyevv]

Gülümsəmək xoşbəxtlik deyil, xoşbəxt olmaq üçün qəlbin gülməlidir, gözlərin işıq saçmalıdır. Yoxsa ki, mən yaxşıyam deyərək xoşbəxt olmur insan. O qədər insan var ki, param-parça olduğu halda, mən çox yaxşıyam deyir. Heç kim acısını anlamasın, hiss etməsin deyə gülümsəyir. Bu dünya daxilində fırtına olanlar üçün cəhənnəmdir. Güclü olmaq deyil, artıq insan xoşbəxt olmaq istəyir, amma olmur. Hər zaman səbr edərək, özünə təsəlli verərək, acının bitəcəyini və xoşbəxt olacağı bir günü gözləyər insan.

[fffloweeer]

любовь:

doğrudan da həyatımın hər dönəmində Məni sakitləşdirə biləcək, sevincimi artıracaq, fikirlərimin toparlanmasında kömək ola biləcək bir alətin olması çox rahat hiss etdirir. Nə olsa da bilirəm ki, danışacağım kimimsə olmasa belə, içimdə yaşadığım hər bir fikri musiqi vasitəsi ilə ifadə edərək həmən o “yükdən” tam, yaxud nisbətən də olsa azad ola biləcəm.

[aiselibrahim]

Bizə nə olursa olsun səbr etməyi öyrətdilər. Allah səbr edən bəndələrini sevər, gün gələr dövran dönər, səbr etdiyin şey sənə qayıdar dedilər. O günün - arzuladıqlarının, xəyalını qurduğun şeylərin səbr edərək gəlmədiyini və gözlədiyin, umduğun şeylərin uzaqlığının verdiyi ümidsizlik hissinin özünü gerçəkləşdirən kəhanətə döndüyünü öyrətmədilər. Fərqli olandan qorxub dəli adı yapışdırdıqlarından qorxdular bəlkə də, sənin də "onlar" kimi olmamağın üçün oturmağını, susmağını, gün keçdikcə solub getməyini və mövcud reallıqdan kənar birşeyi gerçəkləşdirməyin mümkün olmadığına inandırmaq istədilər. Bacardılar?

[usersh]

2023 mənə öyrətdi:

- Ən sevincli an daim deyil, həmçinin ən kədərli an daim deyil. Qaranlıqda işığı gör və işıqda gözün qamaşmasın.

- ⁠Dost düşmən, düşmən də dost ola bilər. Verdiyin sevgi və göstərdiyin önyarğıda ölçülü ol.

- ⁠”Sabah zəng edərəm”, “Sonra danışaram”, “Bu təzədir, indi geyinməyim” - sadəcə keçmiş və gələcəyin illuziya olduğu fərqindəliyində bugünü yaşa.

- ⁠Nəticəyə fokuslansan, getdiyin yoldakı gözəlllikləri qaçıracaqsan. Nəticə həmin yolda təcrübə etdiklərindir, hər mərhələdən zövq al.

- ⁠Dünyanı özünü fəda edərək qurtara bilməzsən. İnsanlar üçün əlindən gələni et, amma özünü unutma.

- ⁠Xoşbəxtlik üçün bəhanələrdən yararlan, yoxdursa da yeni bəhanələr yarat. Çünki həyat gerçəkdən də sadəcə o anlıq yaşadıqların duyğulardan ibarətdir.

- Heç kimi gözündə mübaliğə etmə. Bir nöqtədə qarşındakı xarakterlərin çox hissəsini sənin baxış bucağın və davranışın müəyyən edir.

- Emosional olma, sakit qalmağı, susmağı bacar. Özün bacarmırsansa da bunun üçün dəstək al.

- Möcüzələrə, gözəl şeylərə inan.

- Hər nə olur-olsun, ən pis anında belə, dərindən nəfəs al və şükür etməyə tək bir səbəbin belə olsa şükür et.

- Sevgini göstər. Hansı sevgi dili ilə olur-olsun.

[mmar1ia]

“Hər hadisənin bir səbəbi vardır”. Bunu özümə tez-tez deyirəm. Bəzən düşünürəm ki, bəs istisnalar ? Günbəgün dünya üzərində fərqli xarakterə malik “şəxslər” ortaya çıxır. Qatillər, oğrular, pedofillər və.s. Bəs bu insanların həyatı travmalarla birlikdə, bu şəkildə qəbul edərək yaşamaqları ? Bir çox insanın həyatına qəsd etməklərinin hansı məntiqə uyğun səbəbi ola bilər ? Travmaların bir çox səbəbi və növləri olur, bir çox insan bununla qarşılaşa bilər, ancaq bunu müdafiə məqsədli öz lehinizə istifadə edə bilməzsiniz. Hər hadisənin yaratdığı kiçik və ya böyük nəticələr vardır. İstisnalar isə, bu nəticələrin böyük bir qismini əhatəsinə alır və qəbul edilməz səbəblərə yol açır. Bu məqamda, yaşanmamış həyatların, edilməmiş vədaların səbəbkarı olan şəxslər üçün əsla məntiqli bir “səbəb” yoxdur. Necə etdin və niyə etdin ? Bu sualların cavabları vermək istədiyin cavabın məqsədəuyğun olub olmamasi ilə əlaqəli heç bir əhəmiyyət daşımır. Çünki, bu şəxslərin böyümə şəkli onların həyatının bir qismini deyil, bütöv bir hissəsini təşkil edir. Onları müdafiə edə biləcək heç bir “səbəb” yoxdur. Bu isə artıq bir “istisnadır”…

[dadaszdkh]

Gülümsəyən insan xoşbəxt deyil, bəzi gülüşlər varki acını gizlətmək üçün gülər insan, heç kimi acı çəkdiyini anlamasın deyə gülümsəyər insan, qəlbi qırıq olan ürəkdən əsla gülə bilməz, gülsədə gözləri gülməz, xoşbəxt insanın gözlərinin içi parıldayar, amma üzgün insanın baxışı daim qəmli olar həyata bir dəfə gəlirik, oda acı çəkmək üçün gəldik sanki, hərşeyə səbr edərək güclü olmağ üçün gəldik sanki amma insan güclü olmağ istəməz xoşbəxt olmağ istəyər.

[metbuat]

Klopp Çempionlar Liqasında yeni rekorda imza atdı

Klopp Çempionlar Liqasında yeni rekorda imza atdı

“Liverpul” Çempionlar Liqasının qrup mərhələsinin V turunda Niderland “Ayaks”ını 3:0 hesabı ilə məğlub edərək 1 finala adını yazdırıb. Metbuat.org xəbər verir ki, bu görüş “mersisaydlılar”ın baş məşqçisi Yurgen Klopp üçün əlamətdar olub.  55 yaşlı mütəxəssis buna Mersisayd təmsilçisi ilə qitənin bir nömrəli klub turnirində ardıcıl 6-cı dəfə pley-offa yüksəlməklə rekorda imza atıb.  Qeyd edək…

[esger1i]

Ən ağır günlərinizdə, ən çətin zamanınızda yanınızda olmayan, zaman ayırıb sizə mənəvi dəstək olmayan insanları, nə qədər çətin olursa olsun, həyatınızdan çıxarmağa çalışın. Çünki onlar, onsuz da sizin həyatınızda yoxdur. Sizin varlığınızın və ya yoxluğunuzun, onlar üçün heç bir əhəmiyyəti yoxdur və siz bir insan olaraq, onsuz da onlar üçün qiymətli deyilsiniz. Həyatınızda belə insan və ya insanlar varsa, nə qədər çətin olursa olsun, onları həyatınızdan, ürəyinizdən, xəyallarınızdan, arzularınızdan, düşüncələrinizdən çıxarmağa çalışın. Çünki onlar hal və hərəkətləri, atdıqları o addımları, sözləri və ən əhəmiyyətlisi də diqqətsizlikləri ilə hər zaman sizi incidəcəklər, canınızı yandıracaqlar, sizi xəyal qırıqlıqlarına uğradacaqlar. Nə qədər çətin olursa olsun, dediyimi etməyə çalışın. Çünki onlar, günün birində, sizi tərk edərək, ruhunuzda dərin bir boşluq, canınızın hər yerində qəribə bir ağrı, xəyal qırıqlıqları və ürəyinizi davamlı sızladacaq xatirələr buraxacaqlar. Bunlar da bir kabus kimi, illərcə sizi təqib edəcək.

[nadirnazirvvv]

Doğrunu edərək itirdiyim nə varsa canım sağ olsun.

[huseynmammad]

"Hicab deyəndə məqsəd yalnız örtünmə deyil, bir ideologiya və düşüncə məktəbidir. İnqilab etmiş çadraların uca fəryadı bu idi ki, qadın fitrətinə sadiq qalaraq və münasib örtünmə ilə cəmiyyətdə misilsiz rol oynaya bilər, görülmək və hüquqlarını əldə etmək üçün zərif qadın kimliyindən imtina edib kişilərə bənzəməsinə gərək yoxdur. Bu düşüncə məktəbi dünyanın kapitalistlərinə və pulpərəstlərinə xoş gəlmədi, çünki kapitalist sistemin həyat damarı insanların daha artıq istehlakçı olmasına bağlı idi və qadından alət kimi istifadə etmək, onu soyundurmaq istehlakçı mədəniyyət üçün ən yaxşı üsuldur. Pul və güc sahibləri iki yüz il bütün imkanlarından, xüsusən də Hollivud kimi media nəhənglərindən və film cadusundan istifadə edərək çılpaqlığı mədəniyyət, inkişaf və sivilizasiya kimi göstərməyə çalışdı. Buna böyük həddə müvəffəq də oldu. Kim etiraz edirdisə, geriqalmış və mədəniyyətsiz adlandırılırdı. Lakin birdən elə bir hərəkət formalaşdı ki, qadına öz qadın kimliyini qorumaqla inkişaf və tərəqqi zirvələrinə nail olmağın mümkünlüyünü aşıladı."

[khannvaa]

Uzun zamandır valideyinlərimə hər hansı bir şey təklif edəndə ‘etmək istəyirəm’ yox ‘edəcəm’ deyirəm. Nəticədə qərarlı görsənərək istədiyimi əldə edirəm amma bir vaxtlar sadəcə təklif edərək onların istəklərinin mənim arzularımdan daha güclü olduğunu göstərirdim. Bu bir üsyan ya da qarşı durma deyil. Xəyallarımın qabağını azərbaycan mentaliteti almayacaq deməkdir)