#burču

[wurcuburcu]

Narešcie wyjšaŭ trejler i infa pra film-praciah chłopčyka benzapiły, i ja spadziajusia, što fanaty pierastanuć pytać pra jaho pad kožnym widea na kanale Mappy; bo kali tam wykładwali absalutna fantastyčnyja karotkija roliki z pradakšenu Boukyaku Battery, hetyja niačyściki (ja b chacieła wykarystać bolš krepkaje słaŭco, ale nia budu) zahadzili kamentary tak, što nawat japoncy žalilisia dy spačuwali mappaŭcam.

Darečy, ja amal štodzień pračynajusia z pačućciom udziačnaści da japonskaj aŭdytoryi, jakaja palubiła hetaje bejsbolnaje anime nastolki, kab anansawali druhi sezon – jaho dakładna nie źbiralisia wypuskać u bližejšyja časy, ale, widać, kamercyjny pośpiech uraziŭ nawat pradakšen-kamisiju. Spadziajusia, studyja zrabiła peŭnyja wysnowy paśla pradakšenu druhoha sezonu jjk, i pačała prytrymwacca bolš zdarowaha raskładu; bałazie my ŭbačym druhi sezon nia praz try hady, a troški raniej.

Adnak tolki ciapier ja dawiedałasia, jakaja niezdarowaja palemika suprawadžała pieršy sezon. Čaho ja nie čakała, dyk heta takoj warožaści z boku akurat japonskich fanataŭ da režysera, jakoha ciapier źmianili, i heta widać z trejleru. I mean, časam jany napraŭdu pryhajuć wyšej haławy, i kamanda nie spraŭlajecca ź ich bačańniem na ŭsie 100%, ale, choć ja sama nie źjaŭlajusia fanatkaju kinamatagrafičnaha padychodu* – asabliwa da takich stylowych historyj, jakim nie pasuje realnaść i lohika (adna z pryčyn, čamu mianie tak zachapiła adaptacyja Ŭnikliwaha samuraja – jana wizualna i animacyjna biezdakornaja jakraz tamu, što prymaje ŭ abdymki styl mangaki i eksperymentalnaść, jakuju dazwalaje farmat animacyi), – ja pryznaju, što tytuł wyhladaje wielmi dobra. Niekatoryja kanapnyja kamentatary ŭžo pryzywajuć studyju pierarabić pieršy sezon, i ja pryjšła da wysnowy, što fanaty bajawoha sionenu – i adaptacyj džampaŭskich tytułaŭ in particular – zažralisia. Im nielha było pakazwać Demon Slayer i Maju hierojskuju akademiju. Studyi ufotable, Bones i Mappa raśpieścili hetych tawaryšaŭ tak, što ichnija patrabawańni wyjšli za miežy ziamnoj atmasfery.

*Mažliwa, ja darma žaliłasia na kinamatagrafičny łuk, bo zamiž hetaha bajawyja sceny stali wielmi padobnymi da animacyi jjk (dzie časam stanowicca ciažka sačyć za rucham persanažaŭ i ty prosta nie razumieješ, što adbywajecca). Pakul nie mahu skazać, što z hetaha napružwaje mianie bolš; treba śpiarša pabačyć sam film. Mažliwa, paśla jaho mnie pryjdziecca pieraprasić u pieršaha režysera za toje, što I was unfamiliar with his game.

Adaptacyja Sakadays jašče nia wyjšła, a jany ŭžo patrabujuć, kab bolš mocnaja studyja adaptawała jaje nanowa. Fanataŭ bajawoha sionenu treba prymusić hladzieć inšyja žanry, kab jany zrazumieli, što takoje nieidealnaja jakaść, bo ŭsie hrošy kamisii ŭliwajuć pierawažna ŭ džampaŭskija tytuły. Chaj jany dawiedajucca pra bol fanataŭ shojo dy josei (ja ŭžo maŭču pra fanataŭ biudžetnych isekajaŭ – hetyja jaduć trash z zadawalnieńniem i radujucca žyćciu).

Što tyčycca Sakadays, mianie cikawiać dźwie rečy, papraŭdzie. Pieršaje, čamu adaptacyi dali zialonaje światło tak pozna – toj ža Dandadan, choć i maje krychu mienš raździełaŭ, atrymaŭ jaje raniej. Druhoje, čamu jaje dali mienš daświedčanaj studyi, kali pa papularnaści jano nie ŭstupaje tamu ž Dandadan (jak ja pisała, heta dźwie mangi, jakija prymušali mianie adkrywać manga plus kožny tydzień). Kali hladzieć z hetaha boku, ja troški razumieju niezadawalnieńnie fanataŭ, ale krytyka pawinna licca zbolšaha na pradakšen-kamisii – heta jany ŭstaloŭwajuć biudžet i terminy.