#bonnierforlag

[mariatryti]

Ein dag for takksemd og glede! I dag er det siste framsyning av Nære relasjonar - iallfall for no:

NÆRE RELASJONAR Det Norske Teateret våren 2024

Våren 2024 har teaterstykket Nære relasjonar gått for fulle hus på Scene 3. Christian Ruud Kallum har hatt hovudrolla, og Marie Blokhus har hatt regi. I tillegg bidrar Josephine Frida Pettersen, Oddgeir Thune og Tirill Heide-Steen.

Det var eit lukketreff at ein tidleg, teaternær versjon av teksten kom i hendene på Marie Blokhus medan eg var i innspurten av boka. Sjeldan har eg fått følga ein prøveprosess så tett og kjent meg så på nett med dei andre scenekunstnarane. Vi har jobba raskt, fritt og med stor tillit til kvarandre.

Romanen og teaterstykket med same namn er i nær slekt, men dei er sjølvstendige tekstar. Formata inviterer til ulike forteljarstemmer og dramaturgiar, og teaterteksten inneheld scener og situasjonar som er borte frå romanen, og omvendt.

Materialet byrja faktisk som scenetekst, før eg bestemte meg for å skriva roman (noko som var nytt og som tok tid - men som blei ferdig i 2023) - og så blei teaterversjonen henta fram igjen og ferdigstilt rett før premiera i januar 2024.

Stykket har fått mykje omtale. Det meste er lenka til her.

NÆRE RELASJONAR - omtale i Norsk Shakespearetidsskrift

“Velvalgte regigrep og et intenst scenisk nærvær befester den tragiske realismen i Maria Tryti Vennerøds nyanserike og innsiktsfulle tekst om vold i nære relasjoner.”

“Å skrive godt og nyansert om et så ladet tema må være utfordrende, der man balanserer i et minefelt av sjokkartet skandale og velment sosionomi.”

AMUND GRIMSTAD: "Teksten er både truverdig og munnleg, og fell særs naturleg. Og forteljinga og handlinga blir bygd opp dramaturgisk på meisterleg vis. Blokhus følgjer opp dette i regien, og med enkel og kreativ bruk av papirforhenga, skapar ho overraskande vendingar, og sterke brot. Og der romanen sluttar med, om ikkje ei løysing, så i alle fall ei retning, er teateroppsetjinga gitt ei heilt ope ending. Det er eit godt val, for denne oppsetjinga vil for mange i publikum neppe bli avslutta ved teppefall, men halde fram med refleksjonar og diskusjonar i ettertid, slik ei god framsyning skal."

PERIPETI:

"Teksten av Maria Tryti Vennerød er utrolig fin, sårbar og enkel å henge med på. Den belyser skyldfølelse og forholdet mellom makt og avmakt og offer og voldsutøver. Gjennom teksten får publikum også et større innblikk i hva som gjør at noen velger å bli i destruktive forhold, noe jeg tenker er viktig at snakkes om i dagens samfunn. Om ikke alle kan relatere til alt som skjer i forestillingen, så vil jeg tro de aller fleste kan kjenne seg igjen i deler av historien på ulike måter."