#Uchinaa teegee tabi

[uchinaguchishutoku]

うちなー　てーげーたびブログ①✨北部とーてぃ　かみぶーはるむん♪沖縄気ままな旅ブログ✨沖縄北部で食べたいもの♪

うちなーぐちぐゆみ7月2日（うらんだぐゆみ2022年7月30日）

はいさい！

わらんちゃーや　夏休み　ないびたんやー。

ぬーがら　夏休みぬ　予定　ちわみとーびーに？

くねーだ　わんねー　やんばるんけー　てーげーたび　さびたくとぅ、　おすすめ　かたいびら。

---

こんにちは！

子供たちは夏休みになりましたね。

何か夏休みの予定は、決めましたか？

この間私は、やんばるで、気まま旅をしたので、おすすめをご紹介しましょう。

>>あさばん～うちなー　しま　やせー　かり✨るー　よーじょー～

>>昼ごはん～沖縄の島野菜を食べて✨自分の養生～

なぐ　アグリパークぬ　なーかんけー　ある　クックハル（Cookhal）るる　カフェ。

しまとーてぃ　ちゅくたる　やせー　ちかてぃ　ちゅくとーびーんり。

---

名護のアグリパークの中にあるクックハル（Cookhal）というカフェ。

沖縄で作った野菜を使って作っているそうです。

くれー　「ちゅーぬ　はるぬ　あさばん　プレート」　やいびーんり。

はっさ！　あんし　まーはいびーる！　あかばなん　かまびたん。

るーよーじょー　なてぃ、　からた　がんじゅー　ないびーんやー。

---

これは「今日の畑のランチプレート」です。

はっさ！全部美味しい！ハイビスカスも食べれました。

自分の養生になって、身体が健康になりますね。

デザートぬ　マンゴータルトとぅ　フートータルトん　まーはいびーたん。

---

デザートのマンゴータルトと、フートータルトも美味しかったです。

クックハル（Cookhal）沖縄県名護市字名護4607-1 アグリパーク内

>>ゆーばん～イタリアむんし　なーひん　ちむどんどん✨～

>>夕ごはん～イタリア料理でもっとちむどんどん（心躍る）✨～

ゆーばのー　ちゃーすがやーり　うむてぃ、　ヒトサラぬ　すむち　こーいびたんよー。

うりんけー　Osteria Sucugis（オステリア　スクジャ）るる　イタリアぬ　まちやが　ぬとーたくとぅ、　ぅんじ　んーじゃびたん。

---

夕ご飯はどうしようかなーと思って、ヒトサラの雑誌を買いました。

それに、Osteria Sucugis（オステリア　スクジャ）というイタリアレストランが載っていたので、行ってみました。

あり！　また　くまぬ　うむさぬよー！

「ちむどんどん　する　ちゅーぬ　オススメ」り　かかっとーる　メニューが　ぅんじてぃ　ちゃーびたん。

あいえーなー！　くれー　NHK連続テレビ小説ぬ　「ちむどんどん」から　ちょーる　むのー　あらんがやー😂

「暢子ぬ　ペペロンチーノ　しま　ひる　ちかてぃ」とぅ　「房子ぬ　ペペロンチーノ　しーくゎーさーかば」ぬ　あいびーたん。

さっそく、　房子ぬ　ペペロンチーノ　くゎっちーさびら。

---

あれ！またここも面白いこと！

「ちむどんどんする今日のオススメ」と書かれたメニューが出てきました。

あいえーなー！これは、NHK連続テレビ小説の「ちむどんどん」から来た食べ物じゃないですかねー😂

「暢子のペペロンチーノ（島にんにくを使って）」と「房子のペペロンチーノ　シークヮーサーの香り」がありました。

さっそく、房子のペペロンチーノをいただきます。

はっし！　じこー　まーはぬ✨　シークヮーサーぬ　かー　いりーねー　あんし　ゐーあじ　ないびーっさー。

わんねー　ひーじーや　ひるぬ　うわはる　むのー　あんすか　かみうーさんしが、　くれー　ちゃー　かみー　ひちょーっさー。

なー　ちゅけーん　たぬり　かまびたん。

さすが、　大城房子（イタリアレストランぬ　オーナー）ぬ　レシピ　やいびーっさー！

やいびーしが、　Osteria Sucugis（オステリア　スクジャ）ぬ　シェフが　ゐーばー　どぅーし　かんげーてぃ　再現　ひちぇーっさやー。。。

わんにん　ちむどんどん　さびたっさー✨

くゎっちー　さびたん！

---

はっし！とてもおいしくて✨シークヮーサーの皮を入れると、こんなに良い味になるねー。

私は普段、ニンニクがたくさん入っている料理はあまり食べれないですが、これはずっと食べれるわー。

おかわりしました。

さすが、大城房子（イタリアレストランのオーナー）のレシピですわー！

ですが、Osteria Sucugis（オステリア　スクジャ）のシェフが自分で考えて、再現したんですねー。すごい。。。

私もちむどんどんしましたー✨

ごちそうさまでした！

Osteria Sucugis（オステリア　スクジャ）　沖縄県名護市宇茂佐の森 2-4-5

>>やっぱし　すば　やさ✨

>>やっぱり沖縄そばだわ✨

むとぅぶんけー　ある　「沖縄そば　海と麦と」やいびーん。

---

本部にある「沖縄そば　海と麦と」です。

軟骨ソーキすば　やいびーん。しろー　あじくーたー、　めぬん　むる　るーくる　ちゅくてぃ　ぅんめーんり。

ししぇー　やわらはぬ。　あーさから　うみぬ　あじが　ぅんじてぃ　いっぺー　ゐー　あじ　なとーびーたん。

---

軟骨ソーキそばです。スープの出汁が効いています。麺も全部お手製でいらっしゃるそうです。

肉は柔らかい。アオサから塩味が出ていて、とても良い味になっていました。

あんさーに、　ひじ　ちゃーきぬ　かちゅー　はんめーぬ　いーんけー　ぬしてぃ　かまびたん。

はっさ！　かちゅーぬ　ふわふわ　ひち、　うりん　あじくーた��　やいびーったっさー。

---

それから、削りたての鰹節を白米の上にのせて、食べました。

はっさ！鰹節がふわふわしていて、とても良い味でしたわー。

���んまー、　うちゃくが　まんどーいねー、　ふかとーてぃ　またんねー　ないびらん。

あんさーに、注文　ひちからん　いひぐゎー　まちゅくとぅ、　るく　やーは　しーねー　でーじ　やいびーっさやー😂

何分　まっちん　まーはたくとぅ、　ゐーばー　ちゃーびたっさー。

まちやが　あくる　11時に　いきねー　じょーとー　やいびーる　はじ。

---

ここは、お客がいっぱいだと、外で待たなければなりません。

それから、注文してからも少し待つので、超お腹が空いていたら、大変かもです😂

お店が開く11時にいくと、いいかもです。

自家製麺沖縄そば 海と麦と　沖縄県国頭郡本部町字崎本部32

とー！　うちなー　てーげー　旅ブログ　また　あとぅからやー♪

---

さー！沖縄気まま旅ブログは、またあとで～♪

[uchinaguchishutoku]

うちなー　てーげーたびブログ✨沖縄気ままな旅ブログ♪ムーンオーシャン宜野湾

うちなーぐちぐゆみ9月15日（うらんだぐゆみ2022年10月10日）

ちゅーや　月曜日　やいびーしが、　スポーツぬひー　やいびーくとぅ　休み　なとーびーんやー。

わんねー　うってぃ、　きぬーや、　どぅしとぅ　どぅしぬ　ゐなぐんぐゎーとぅ　まんじょーん　じのーんけー　あしびーが　いちゃびたん。

3連休　なてぃ、　あまくま　くどーる　はじやーり　うむたくとぅ、ちゃー　ホテルぬ　なーか　とーてぃ　ゆくいびたん。

―

今日は月曜日ですが、スポーツの日ですから、お休みですね。

私は、一昨日と昨日は、友達と友達の子供と一緒に宜野湾市に遊びに行きました。

3連休になっていて、あちこち混んでいるはずと思ったので、ずっとホテルの中でゆっくりしました。

とまたる　部屋　やいびーん。

―

泊まった部屋です。

ベッドルームが　たーち　あいびーたくとぅ、わんが　どぅーちゅいし　ちかてぃ、　どぅしぇー　なーてぃーちぬ　部屋　ちかいびたん。

―

ベッドルームが二つあったので、私が一人で使って、友達はもう一つの部屋を使いました。

トイレん　風呂場ん　たーち　あいびーたくとぅ、　じょーとー　やいびーたん。

―

トイレもお風呂場も二つあったので、よかったです。

部屋ぬ　ひるはぬ。　バルコニーから　うみん　なーん　みいーびーたん。ゐーばー　現実逃避　ないびーっさー。

―

部屋も広くて、バルコニーから海も庭も見えました。ちょうど現実逃避になりましたわー。

やいびーしが、いひぐゎー　ドアぬ　ふるはぬ、、、　あったに、現実んかい　むどぅさりーびたん。😅

―

ところが、少しドアが古くて、、、いっきに現実に戻されました😅

15時　ないねー　15時ぢゃーとぅし　みっちゃいドレスきち、　ティーパーリー🏰　さびたん。

うりし、また　現実逃避ないびったっさー🤣

―

15時になったら、ドレスを着て15時��お茶会🏰をしました。

それでまた現実逃避になりましたわー🤣

ゆーろー、ホテルぬ　なーかぬ　レストランとーてぃ　ゆーばん　かまびたん。北谷ハーバーぬ　ビールぬ　あてぃ　まーはーびーたんどー。

むのー　あんすか　まーこーねーやびらんたくとぅ　写真　とぅてー　ねーやびらんさー。わっさいびーん💦

―

夜は、ホテルの中のレストランで夕食しました。北谷ハーバーのビールがあっておいしかったですよー。

食べ物の味はあまりだったので、写真撮ってないです。すみません💦

ちきぬ　ちゅらはぬ✨

―

月が綺麗✨

どぅしとぅ　まんじょーん　ゆくらりーたくとぅ　ゐー　3連休　ないびーたん。

ちげー　まーんかい　いちゃびーがやー。。。

―

友達と一緒にゆっくりでき��ので、良い3連休になりました。

次はどこに行きましょうかねー。。。

Hotel Moon Ocean: https://www.moonoceanginowan.jp

[uchinaguchishutoku]

うちなー　てーげーたびブログ③✨北部とーてぃ　いきぶーはるとぅくる♪沖縄気ままな旅ブログ✨沖縄北部で行きたいとこ♪

うちなーぐちぐゆみ7月6日（うらんだぐゆみ2022年8月3日）

>>びしむらぬ　ふくぎ　並木～うちなーんちゅぬ　じんぶん～

>>備瀬のフクギ並木～うちなーんちゅの知恵～

やっぱし　むとぅぶんけー　きーねー、びしむらんけー　ある　ふくぎ並木　やいびーんやー。

---

やっぱり本部に来たら、備瀬にあるフクギ並木ですね。

くまー、　てぃーちぬ　しま　なとーびーがやー。　1kmまんぐら　しまんけー　ある　みち　みぐてぃ　いかびたん。

しまんちゅぬ　やーぬ　あてぃ、　ぅんまとーてぃ　くらちょーびーんやー。

やっぱし　ふくげー　防風林　やいびーくとぅ、　かじぬ　むさっとぅ　いっちぇー　ちゃーびらんよー。

へーぬ　かじぬ　とぅけー、　やー　まむいる　ちむえー　やいびーんやー。

---

ここは、一つの集落ですかねー。1kmぐらい集落の道を巡って行きました。

地元の人の家があって、そこに暮らしているんですねー。

やっぱり、フクギは防風林ですから、風が全く入ってこないですよ。

台風の時は、家を守るという意味ですね。

とぅないんけー　うみぬ　あいびーしが、　うみかじぬ　むさっとぅ　ねーいびらんよー。

あちゃはる　とぅけー　でーじ　やいびーしがやー😂

---

隣には海がありますが、海風が全く入ってきません。

暑い時は大変ですけどねー😂

なまぬゆーや　コンクリート　ちかてぃ　やー　たてぃやーなかい、　ふぇーぬかじ　対策　さびーんやー。

やいびーしが、　んかしぇー　自然ぬむん　ちかてぃ、　ゑこ　やいびーんやー。

んかしぬ　っちゅんちゃーや　じこー　じんぶなー　やいびーてーっさー。

---

現代はコンクリートを使って、家を建てて、台風対策しますね。

ですが、昔は自然のものを使って、エコですね。

昔の人はとても知恵がありますね。

ぐすーよー、　うちなーぬ　ありんくりん　かたいびたしが、　ちゃー　やいびーたが？

夏休めー　なまから　やいびーくとぅ、　あしびんが　ぅんもーち　くぃみそーり♪

とー、　うちなー　てーげー　旅ブログ　うっさ！

---

みなさん、沖縄のあれこれを紹介しましたが、いかがでしたか？

夏休みはこれからですから、遊びにいらしてみてください♪

さー、沖縄気ままな旅ブログ終わり！

備瀬のフクギ並木　沖縄県国頭郡本部町備瀬389

[uchinaguchishutoku]

うちなー　てーげーたびブログ②✨北部とーてぃ　ゆくいぶーはるホテル♪沖縄気ままな旅ブログ✨沖縄北部でゆっくりしたいホテル♪

うちなーぐちぐゆみ7月4日（うらんだぐゆみ2022年8月1日）

>>瀬底島とぅ　あこーくろー　ビューぬ　ホテル

>>瀬底島と夕日ビューのホテル

むとぅぶぬ　美ら海水族館　とぅないんけー　ある　ホテル　アラマハイナ　コンドホテル　やいびーん。

---

本部町の美ら海水族館の隣にある、ホテル　アラマハイナ　コンドホテルです。

へやぬ　ドア　あきーねー　あったに、　瀬底島ぬ、　みーいびーたん。

---

部屋のドアを開けると、突然、瀬底島が見えました。

あんすか　あちゃはーねーんねー、　ふかとーてぃ　ビール　ぬみがなーち　あこーくろー　んーち、　ゆくらりーびーてーんやー。

---

あまり暑くなければ、外でビールを飲みながら夕日をみて、ゆっくりできますね。

へやぬ　なーかんけー　しむぬ　あやーなかい、　むぬ　すがらりーびーん。

---

部屋の中には、台所があって、ご飯も作れます。

風呂場　うむさいびーたん。　ぐまはる　あひらーが　まっちょーびーたん。

---

風呂場はおもしろかったです。小さなアヒルが待っていました。

しま　んーじがなーち、　��ンフィニティプールとーてぃ　いーがりーびーん。

---

島を見ながら、インフィニティプールで泳げます。

ホテルぬ　めーんけーや　スターバックスとぅか　まちやん　あいびーくとぅ、あまくま　あっきあっき　さーに　こーいむん　ないびーんどー。

---

ホテルの前には、スターバックスとか、お店がありますから、いろんなところに散歩しながら買い物ができます。

ひーじーや、　いちゅなはしが、　くまんけー　きーねー、　あんすか　車ぬ　うとぅん　ねーん、　よんなー　ゆくいびたっさー。

---

普段は忙しいですが、ここに来ると、あまり車の音もないので、ゆっくりできましたわー。

とー　ちゅ���や　うっさ！　うちなー　てーげー　旅ブログ　また　あとぅからやー♪

---

さて、今日はこれまで！沖縄気ままな旅ブログ、またあとからね～♪

アラマハイナコンドホテル（Ala MAHAINA CONDO HOTEL）沖縄県国頭郡本部町山川1421-1