#Lugaon

[bergsmotiv]

Lago di Lugano. Panorama c. Monte S. Salvatore

[literaryse]

TA'NO DAW?

Haloy ko nang gustong ipaaram

Ining pagkamoot ko saimong daing kasing siram

Kaidto pa ang puso ko nakakamati nin giram

Sa Bicolanang nagpapakurutob- kutob nin sakong daghan.

Dai ko nanggad maninigar,

Na dawa puro ka sana labar

Daing siring mo kagayon,

Masusupog maski gayon kan bulkan Mayon.

Ining pagkamoot kong nagruliputok,

Maliputok pa sa piling manatok

Bayaan mong saimo sana ikuprit,

Hasta an hamis nin pagpadangat saimong manamit.

An lagatob kan puso ko baluon mo man dangugon,

Malulusngog ka sa kusog dawa dati nang lugaon

Pakiuron, ako saimo man daw na riparuhon,

Kan surusingkit na mata mong mamutaon.

Ika na sakong tigpapadangat,

Tanaan mo man an pagkamoot kong siring nin niladaang pinangat,

Simple alagad nagliliyab sa harang

Sakto sa timpla, sobra sa siram

Babaying sakong namomotan,

Ta'no daw ta siring kani an satong kamugtakan?

Mantang dinudusay ko saimo an entero kong pagkamoot,

Nagdadanay man sa iba an saimong pag maw-ot.