#మణిపూర్ మహిళలపై అమానుషం

[ncvnewstv]

మణిపూర్ ఘటన లో నేరస్తులను తక్షణమే అరెస్టు చేసి కఠినంగా శిక్షించాలి. - అఖిల భారత మహిళా సాంస్కృతిక సంఘం (AIMSS).

ఈ సంఘటనని భారత దేశ ప్రజలందరూ తీవ్రంగా నిరసించాలని, బాధితులకు న్యాయం జరిగే వరకూ పోరాడాలని పిలుపు.

హైదరాబాద్, జూలై 21:మణిపూర్,బి.ఫయనోమ్ గ్రామానికి చెందిన ఇద్దరు మహిళలను పోలీసు బలగాల నుండి తీసుకువెళ్లి నగ్నంగా ఊరేగించి, సామూహిక అత్యాచారానికి పాల్పడిన నేరస్తులను కఠినంగా శిక్షించాలని అఖిలభారత మహిళా సంస్కృతిక సంఘం డిమాండ్ చేస్తూ శుక్రవారం ఓ మీడియా కు తెలంగాణ రాష్ట్ర కన్వీనర్ సిహెచ్ ప్రమీల విడుదల చేశారు.

అధునాతన ఆయుధాలు కలిగిఉన్న దుండగులు మణిపూర్ లోని బి. ఫయనోమ్ గ్రామానికి చెందిన ఇద్దరు మహిళలను,పోలీసు బలగాల నుండి తీసుకువెళ్లి నగ్నంగా ఊరేగించి, సామూహిక అత్యాచారానికి పాల్పడి దాడి చేసిన వారి నుండి తన సోదరిని రక్షించేందుకు యత్నించిన బాధితురాలి సోదరుడ్ని, తండ్రిని దారుణంగా హత్య చేసిన వైనాన్ని తెలుపుతూ సదరు సంఘటనను తీవ్రంగా ఖండించారు.మే 4వ తేదీన జరిగిన ఈ దారుణమైన సంఘటన ఈ నెల 19న వెలుగులోకి వచ్చింది. ఇది కేవలం మహిళలకు మాత్రమే కాదు యావత్ భారత దేశ ప్రజానీకానికి అత్యంత అవమానకరమైన సంఘటన అని అభివర్ణించారు. మణిపూర్ లో జరుగుతున్న ఈ భయంకరమైన మారణహోమానికి ప్రత్యక్షంగానో, పరోక్షంగానో కారణమైన కేంద్ర, రాష్ట్ర బిజెపి ప్రభుత్వాలు పూర్తి బాధ్యత వహించాలి అని తేల్చి చెప్పారు.

ఈ ఘటనలో నేరస్తులను తక్షణమే అరెస్టు చేసి కఠినంగా శిక్షించాలని అఖిలభారత మహిళా సంస్కృతిక సంఘం డిమాండ్ చేస్తూ, ఈ సంఘటనని భారత దేశ ప్రజలందరూ తీవ్రంగా నిరసించాలని, బాధితులకు న్యాయం జరిగే వరకూ పోరాడాలని ఏఐఎంఎస్ఎస్ విజ్ఞప్తి చేస్తోంది అని ఆ ప్రకటనలో పేర్కొన్నారు.

News collected Freelance Reporters Collective news network,presenting by ncvnewstv digital news channel.