#சசிகலா அறிக்கை

[listentamilsong1]

கூட்டணிக் கட்சியான அதிமுகவுடனான பதற்றம் அதிகரித்து வரும் நிலையில், நீக்கப்பட்ட சசிகலாவை வரவேற்கத் தயார் என பாஜக தெரிவித்துள்ளது

கூட்டணிக் கட்சியான அதிமுகவுடனான பதற்றம் அதிகரித்து வரும் நிலையில், நீக்கப்பட்ட சசிகலாவை வரவேற்கத் தயார் என பாஜக தெரிவித்துள்ளது

“முன்னாள் இடைக்கால பொதுச் செயலாளரை மீண்டும் சேர்க்க அதிமுக விரும்பவில்லை என்றால், அவரை பாஜகவுக்கு வரவேற்போம். இது கட்சி வளர்ச்சிக்கு உதவும் என்பதால் அவர் பாஜகவில் இணைவதை உறுதி செய்ய நடவடிக்கை எடுத்து வருகிறோம் என்று புதுக்கோட்டையில் நாகேந்திரன் கூறினார். சசிகலா மீண்டும் அதிமுகவுக்கு திரும்புவது குறித்த ஊகங்களை கிளப்பிய சில நாட்களுக்குப் பிறகு பாஜக எம்எல்ஏவின் அறிக்கை வந்துள்ளது. அ.தி.மு.க.வை…

[tamizha1]

பேரறிவாளனுக்கு பிணை கிடைத்திருப்பது ஆறுதல் அளிக்கிறது: சசிகலா அறிக்கை

பேரறிவாளனுக்கு பிணை கிடைத்திருப்பது ஆறுதல் அளிக்கிறது: சசிகலா அறிக்கை

சென்னை: பேரறிவாளனுக்கு பிணை கிடைத்திருப்பது ஆறுதல் அளிக்கிறது என வி.கே.சசிகலா தெரிவித்துள்ளார். ராஜீவ் காந்தி கொலை வழக்கில் சிறையில் உள்ள அனைவரும் விடுதலை பெற ஆண்டவன் அருள் புரிய வேண்டும் என சசிகலா தெரிவித்துள்ளார்.

[totamil3]

📰 சசிகலா மீதான புகாரின் நிலை அறிக்கை தாக்கல் செய்ய காவல்துறைக்கு நீதிமன்றம் உத்தரவு

📰 சசிகலா மீதான புகாரின் நிலை அறிக்கை தாக்கல் செய்ய காவல்துறைக்கு நீதிமன்றம் உத்தரவு

அ.தி.மு.க.வின் முன்னாள் அமைச்சர், கட்சியின் பொதுச்செயலாளர் என்று கூறிய அவர் மீது குற்றவியல் நடவடிக்கை எடுக்க வேண்டும் அதிமுக பொதுச்செயலாளர் என்று கூறிக்கொள்ளும் அதிமுக முன்னாள் தலைவர் வி.கே.சசிகலா மீது கிரிமினல் நடவடிக்கை எடுக்கக் கோரி அதிமுக அமைப்புச் செயலாளரும், முன்னாள் அமைச்சருமான டி.ஜெயக்குமார் அளித்த புகாரின் மீதான நிலை அறிக்கை தாக்கல் செய்ய மாம்பலம் போலீஸாருக்கு பெருநகர மாஜிஸ்திரேட்…

[scrumptioustimetravelfart]

சசிகலா அரசியலில் இருந்து விலகியதை மனதார வரவேற்கிறேன் – எல்.முருகன்

சசிகலா அரசியலில் இருந்து விலகியதை மனதார வரவேற்கிறேன் – எல்.முருகன்

சசிகலா அரசியலில் இருந்து விலகி, ஜெயல‌லிதாவின் பொற்கால ஆட்சி அமைய இறைவனிடம் பிரார்த்திக்கிறேன் என்று அறிக்கை வெளியிட்டிருந்தார். அந்த அறிக்கையில், நான் எந்த நிலையிலும் பதவிக்காகவோ, அதிகாரத்திற்காகவோ, ஆசைப்பட்டதில்லை. ஜெயலலிதாவின் உண்மையான தொண்டர்கள் அனைவரும் ஒற்றுமையுடன் தேர்தலில் பணியாற்றிட வேண்டும். ஜெயல‌லிதாவின் தொண்டர்களுக்கும், தமிழக மக்களுக்கும் என்றென்றும் நன்றியுடன் இருப்பேன். நான்…

[tamilnewstamil]

ஆணையத்துக்குள் ஓபிஎஸ்- வெளியே டெல்லி பூனைக்குட்டி!7 நிமிட வாசிப்பு“வருவாரோ வர மாட்டாரோ அவர் மோட்டார் வண்டியிலே… தருவாரா தர மாட்டாரோ அவர் தங்கக் கையி… அதிமுகவில் என்னதான் நடக்கிறது? மினி தொடர்- 14 ஆரா “வருவாரோ வர மாட்டாரோ அவர் மோட்டார் வண்டியிலே... தருவாரா தர மாட்டாரோ அவர் தங்கக் கையினாலே...’’ -நாட்டுப் புறப் பாடல்களில் புகழ்பெற்ற விஜயலட்சுமி நவநீதகிருஷ்ணனின் பாடல்களில் மேலே குறிப்பிட்ட பாடலும் ஒன்று. பட்டிதொட்டி எங்கும் ஒலித்த இந்த பாடலை ஆறுமுக சாமி ஆணையத்தின் வாசலில் நின்று பாடிக் கொண்டிருந்தார் ஓ.பன்னீர்செல்வத்தின் ஆதரவாளர் ஒருவர். அதிமுகவில் என்ன நடக்கிறது என்பதை அறிய வேண்டுமென்றால் ஆறுமுக சாமி ஆணைய விசாரணைக்கு யார் யார் வந்தார்கள், என்ன சொன்னார்கள் என்பதை எல்லாம் அறிந்தால் போதும். 2017 ஆகஸ்டு 17 ஆம் தேதி முதல்வர் எடப்பாடி பழனிசாமி இரு முக்கியமான அறிவிப்புகளை வெளியிட்டார். தர்மயுத்தம் நடத்திய ஓ.பன்னீர்செல்வம் தரப்பினர், ஜெயலலிதா மரணத்துக்கு சிபிஐ விசாரணை கேட்டார்கள், பின் விசாரணை ஆணையம் கேட்டார்கள். தினகரனை வெளியேற்றிவிட்டு அணிகள் இணைப்புக்கு டெல்லி உத்தரவிட்ட நிலையில் அதற்காகவே ஆகஸ்டு 17 ஆம் தேதி ஜெ.மரணம் தொடர்பான விசாரணை ஆணையத்தை அமைத்தார் முதல்வர். அந்த அரசு அறிவிப்பில் இடம்பெற்றிருந்த வாசகங்கள் முக்கியமானவை. “மாண்புமிகு இதயதெய்வம் அம்மா உடல் நலக் குறைவின் காரணமாக மருத்துவமனையில் அனுமதிக்கப்பட்டு சிகிச்சை பலனின்றி 5-12-16 அன்று தன் இன்னுயிரை நீத்தார்கள். பல்வேறு அமைப்புகள் மற்றும் பல தரப்பினரிடமிருந்தும் அம்மா அவர்களின் இறப்பு குறித்து பல்வேறு செய்திகள் ஊடகங்களில் வெளிவந்த வண்ணம் உள்ளன. அம்மா அவர்களின் இறப்பு குறித்து விசாரணை நடத்தி அறிக்கை சமர்ப்பித்திட ஓய்வு பெற்ற உயர்நீதிமன்ற நீதிபதி தலைமையில் ஒரு விசாரணை ஆணையம் அமைக்கப்படும்” என்பதுதான் அந்த வாசகம். ��க ஜெயலலிதா உடல் நலக் குறைவின் காரணமாக மருத்துவமனையில் சேர்க்கப்பட்டு சிகிச்சை பலனின்றி இன்னுயிரை நீத்தார்கள் என்று அவர் இறப்புக்கான காரணத்தை மிகத் தெளிவாக சொல்லிவிட்டு, அதற்காக ஒரு விசாரணை ஆணையம் அமைக்கப்படுகிறது என்றும் அறிவித்தார் முதல்வர் எடப்பாடி. அதேநேரம், ஓ.பன்னீர்செல்வம் அணியின் முக்கியஸ்தரான முன்னாள் அமைச்சர் முனுசாமி, ‘’இன்னும் எங்கள் கோரிக்கை முழுமையாக நிறைவேறவில்லை. நாங்கள் அம்மா மரணம் குறித்து சி.பி.ஐ. விசாரணை கேட்டோம்’ என்றெல்லாம் கூறினார். தினகரன் அணியைச் சேர்ந்த புகழேந்தி, ‘’நாங்கள் குற்றமற்றவர்கள் என்பதை நிரூபிப்பதற்கான ஒரு வாய்ப்பு இது’’ என்றார். ஆனால் அணிகள் இணைந்தன, ஆணையத்துக்கான நீதிபதியாக ஆறுமுகசாமி நியமிக்கப்பட்டார். இதில் என்ன கொடுமை என்றால் விசாரணை ஆணையத்தை அமைக்கச் சொல்லி வலியுறுத்திய ஓ.பன்னீர் செல்வம் இன்றுவரை ஆணையத்தால் விசாரிக்கப்படவே இல்லை. . 2017 அமைக்கப்பட்ட ஆறுமுகசாமி விசாரணை ஆணையத்தில் இதோ இன்று 2019 ஜனவரி 28 வரை ஓ.பன்னீர் செல்வம் விசாரணைக்காக ஆஜராகவில்லை. மெல்ல மெல்ல கடந்த டிசம்பர் 13 ஆம் தேதி ஆணையம், ‘வரும் டிசம்பர் 20 ஆம் தேதி துணை முதல்வர் ஓ.பன்னீர்செல்வம் விசாரணைக்காக ஆஜராக வேண்டும்’ என்று சம்மன் அனுப்பியது. ஆனால் அன்று அவர் ஆஜராகவில்லை. இதற்கு மேலும் சில தினங்கள் அவர் ஆஜராவாதாக இருந்தது. ஆனால் ஓ.பன்னீர் ஆஜராகவில்லை. லேட்டஸ்டாக நாளை ஜனவரி 29 ஆம் தேதி ஓ.பன்னீர் ஆஜராக வேண்டும் என்று அழைக்கப்பட்டிருக்கிறார். “அம்மா மரணத்தில் மர்மம் இருக்கிறது. அதுகுறித்து விசாரணை நடத்தப்பட வேண்டும் என்று யாரையும் விட முதன் முதலில் கூறியவர் ஓ.பன்னீர்செல்வம்தான். அணிகள் இணைப்புக்காக அந்தக் கோரிக்கை ஏற்கப்பட்டு ஆறுமுகசாமி ஆணையமும் அமைக்கப்பட்டது. உண்மையிலேயே ஓ. பன்னீர் தான் வைத்த கோரிக்கையில் உறுதியாக இருந்திருந்தால், ஆணையம் அழைக்காமலேயே ஆணையத்தின் முன் ஆஜராகி தனக்குத் தெரிந்த அத்தனை உண்மைகளையும் சொல்லியிருக்க வேண்டும். அப்படிச் சொல்லியிருந்தால் ஆணையம் என்றைக்கோ தனது விசாரணையை முடித்திருக்கும். ஆனால் ஆணையம் தன்னை அழைத்தபோதும் அங்கே செல்லாமல் ஓ.பன்னீர் செல்வம் தவிர்த்து வருவது ஏன்? ஜெயலலிதா மருத்துவமனையில் இருந்தபோது பன்னீர்தான் முதல்வர் பொறுப்பை கவனித்தார். ஜெயலலிதா காலமான உடனே முதல்வராகப் பொறுப்பேற்று டிசம்பர் 2016 முதல் பிப்ரவரி 2017 வரை முதல்வராக இருந்தவர் ஓ.பன்னீர் செல்வம். அவர் ஏன் இதுவரை ஆணையத்தில் ஆஜராகவில்லை” என்று கேட்பவர்கள் வேறு யாருமல்ல தர்ம யுத்தம் நடத்திய பன்னீரின் ஆதரவாளர்கள்தான். “பன்னீர் ஆஜரானால் அவரிடம் சரமாரியாக குறுக்கு விசாரணை நடத்தத் தயாராகிறது சசிகலா தரப்பு. அப்போது ஜெயலலிதா மருத்துவமனையில் இருந்தபோது மத்திய அரசின் கரங்கள் என்ன செய்தன என்றும் கேட்கப்படலாம். அதற்கு பன்னீர் பதில் சொல்லலாம். அந்தக் கேள்விகளுக்கு பன்னீர் அளிக்கும் பதிலில் டெல்லி பூனைக்குட்டியும் வெளியே வரலாம். அந்த டெல்லி பூனைக்குட்டி வெளியே வந்தால் இப்போது அதிமுகவில் பற்பல மாற்றங்கள் நடக்கலாம். அதனால்தான் ஓ.பன்னீர் ஆஜராவது தாமதமாகிறது” என்கிறார்கள் தினகரன் தரப்பினர். ஜனவரி 29 ஆம் தேதி ஓ.பன்னீர் ஆணையத்தில் ஆஜராகி ஓபனாக பேசினால் அதிமுகவிலும் ��ாற்றங்கள் நடக்கலாம். (அடுத்த பயணம் புதனன்று) Source: Minambalam.com

[tamilsnow]

ஆளுநர் அறிக்கை;சசிகலாவை தற்போதைக்கு ஆட்சி அமைக்க அழைக்க இயலாது

ஆளுநர் அறிக்கை;சசிகலாவை தற்போதைக்கு ஆட்சி அமைக்க அழைக்க இயலாது

  தமிழகத்தில் தற்போது நிலவி வரும் அரசியல் சூழல் குறித்து மத்திய உள்துறை அமைச்சகத்துக்கு ஆளுநர் வித்யாசாகர் ராவ் அறிக்கை அனுப்பியுள்ளார்.

அந்த அறிக்கையில், சசிகலாவை தற்போதைக்கு ஆட்சி அமைக்க அழைக்க இயலாது என்று ஆளுநர் குறிப்பிட்டுள்ளார் என்று தகவல் வெளியாகியுள்ளது. அதிகாரிகள், காவல்துறை அளித்த தகவலை அறிக்கையில் குறிப்பிட்டுள்ளார். அதில், அதிமுக எம்.எல்.ஏக்கள் சிறைபிடிக்கப்பட்டுள்ளதாக போலீஸ் தந்த…

[tntimenews-blog]

சசிகலாவுக்கு சிறப்பு வசதிகள் செய்து கொடுப்பதற்காக, பணம் பெற்றதாக வெளியான தகவல்கள் குறித்து வினய்குமார்அளித்த அறிக்கை குறித்து தகவலறியும் உரிமை சட்டத்தில், ஐ.பி.எஸ்., அதிகாரி, ரூபா, மனு தாக்கல் பெங்களூரு: சிறையில் சசிகலாவுக்கு சிறப்பு வசதிகள் செய்து கொடுப்பதற்காக, பணம் பெற்றதாக வெளியான தகவல்கள் குறித்து விசாரித்து வரும், வினய்குமார் கமிஷன் அளித்த அறிக்கை குறித்து தெரிவிக்கும்படி, தகவலறியும் உரிமை சட்டத்தில், ஐ.பி.எஸ்., அதிகாரி, ரூபா, மனு தாக்கல் செய்துள்ளார். சொத்து குவிப்பு வழக்கில் சிறை தண்டனை பெற்ற சசிகலா, கர்நாடக மாநிலம், பெங்களூரு பரப்பன அக்ரஹாரா மத்திய சிறையில் அடைக்கப்பட்டுள்ளார். இவருக்கு சிறையில், சிறப்பு வசதிகள் செய்து கொடுப்பதற்கு, அப்போதைய சிறை துறை, டி.ஜி.பி., சத்யநாராயண ராவ், இரண்டு கோடி ரூபாய் லஞ்சம் பெற்றதாக, ஐ.பி.எஸ்., அதிகாரி, ரூபா, புகார் தெரிவித்திருந்தார்.ரூபாவின் குற்றச்சாட்டை விசாரித்த, ஓய்வு பெற்ற, ஐ.ஏ.எஸ்., அதிகாரி, வினய் குமார் தலைமையிலான கமிஷன், மாநில உள்துறை அமைச்சகத்துக்கு அறிக்கை சமர்ப்பித்தது. இந்நிலையில், வினய் குமார் அறிக்கையில் இடம்பெற்றுள்ள தகவல்களை கேட்டு, சிறை துறை செயலரிடம், தகவல் பெறும் உரிமை சட்டத்தில், நேற்று முன்தினம், ரூபா, மனு தாக்கல் செய்துள்ளார்.இது குறித்து, ரூபா அளித்த பேட்டி: வினய் குமார் அறிக்கையில், என்ன கொடுத்துள்ளார் என்பது பற்றி தெரியவில்லை. அதை அறிந்து கொள்வதற்காக, தகவலறியும் உரிமை சட்டத்தில் அறிக்கை கேட்டுள்ளேன். சிறையில் சிறப்பு வசதி செய்து கொடுப்பது குற்றம் என்றும், இது தொடர்பாக யாராவது புகார் அளித்தால், 45 நாட்களுக்குள், வழக்கு முடிக்க வேண்டும் என்றும், ஒரு வழக்கில், ஏற்கனவே உச்ச நீதிமன்றம் கூறியிருந்தது. நான் புகார் அளித்து, பல நாட்களாகியும் நடவடிக்கை எடுக்கவில்லை; இது நீதிமன்ற அவமதிப்பு செயல் இவ்வாறு அவர் கூறினார்.

[makkalmurasu]

சிறையில் சசிகலாவுக்கு சலுகை அளித்தது உண்மையே விசாரணை குழு அறிக்கையில் தகவல் பெங்களூருவில் உள்ள பரப்பன அக்ரஹாரா மத்திய சிறையில் சசிகலாவுக்கு சிறப்பு சலுகைகள் அளிக்கப்பட்டது உண்மைதான் என உயர்நிலை விசாரணைக் குழு கர்நாடக அரசிடம் அறிக்கை தாக்கல் செய்துள்ளது. சொத்துக்குவிப்பு மேல்முறையீட்டு வழக்கில் தண்டிக்கப்பட்ட அதிமுக (அம்மா) அணியின் பொதுச் செயலாளர் சசிகலா, இளவரசி,... http://wp.me/p7rLOS-3JJ மக்கள்முரசு

சிறையில் சசிகலாவுக்கு சலுகை அளித்தது உண்மையே விசாரணை குழு அறிக்கையில் தகவல் on http://wp.me/p7rLOS-3JJ

சிறையில் சசிகலாவுக்கு சலுகை அளித்தது உண்மையே விசாரணை குழு அறிக்கையில் தகவல்

பெங்களூருவில் உள்ள பரப்பன அக்ரஹாரா மத்திய சிறையில் சசிகலாவுக்கு சிறப்பு சலுகைகள் அளிக்கப்பட்டது உண்மைதான் என உயர்நிலை விசாரணைக் குழு கர்நாடக அரசிடம் அறிக்கை தாக்கல் செய்துள்ளது.

சொத்துக்குவிப்பு மேல்முறையீட்டு வழக்கில் தண்டிக்கப்பட்ட அதிமுக (அம்மா) அணியின் பொதுச் செயலாளர் சசிகலா, இளவரசி, சுதாகரன் ஆகியோர் பெங்களூருவில் உள்ள பரப்பனஅக்ரஹாரா மத்திய சிறையில் அடைக்கப்பட்டுள்ளனர்.

இந்நிலையில் கடந்த ஜூலை மாதம் சிறைத்துறை டிஐஜி ரூபா, ”சிறையில் சசிகலாவுக்கு நவீன சமையல் அறை, பிரத்யேக மருத்துவ வசதி, பணிப்பெண்கள், பார்வையாளர், யோகாசன அறை உள்ளிட்ட சிறப்பு சலுகைகள் அளிக்கப்பட்டுள்ளது. இதற்காக சசிகலா தரப்பு டிஜிபி சத்தியநாராயண ராவுக்கு ரூ. 2 கோடி லஞ்சம் கொடுத்துள்ளது”என புகார் தெரிவித்தார்.

இதையடுத்து சசிகலா சிறையில் சீருடை அணியாமல் வலம் வருவது, அதிகளவில் பார்வையாளர்களை சந்திப்பது, அதிக அறைகளை பயன்படுத்துவது போன்ற வீடியோ, புகைப்பட ஆதாரங்கள் ஊடகங்களில் வெளியாகி பரபரப்பை ஏற்படுத்தியது. இதையடுத்து சிறை முறைகேடுகளை விசாரிக்க ஓய்வுபெற்ற ஐஏஎஸ் அதிகாரி வினய்குமார் தலைமையில் உயர்நிலை குழுவை அமைத்து கர்நாடக அரசு உத்தரவிட்டது.

சிறையில் 3 நாள் ஆய்வு

வினய்குமார் தலைமையிலான அதிகாரிகள் 3 நாட்கள் சிறைக்குச் சென்று பல கட்டமாக ஆய்வு செய்தனர். சிறையில் பொருத்தப்பட்டுள்ள சிசிடிவி கேமரா, வருகை பதிவேடு உள்ளிட்டவற்றையும் ஆய்வு செய்தனர். சிறைத்துறை டிஜிபி சத்தியநாராயண ராவ், டிஐஜி ரூபா, கண்காணிப்பாளர் கிருஷ்ணகுமார் மற்றும் 30-க்கும் ம���ற்பட்ட கைதிகளை விசாரித்தனர். கடந்த 3 மாதங்களுக்கும் மேலாக நடைபெற்று வந்த விசாரணை தொடர்பான அறிக்கையை உயர்நிலை விசாரணைக்குழு கர்நாடக உள்துறை அமைச்சகத்தில் அண்மையில் தாக்கல் செய்துள்ளது.

இதுகுறித்து உள்துறை வட்டாரத்தில் விசாரித்தபோது, ” பெங்களூரு மத்திய சிறையில் நடந்த முறைகேடுகள் தொடர்பான உயர்நிலை விசாரணை குழுவின் அறிக்கை வந்துள்ளது. முறைகேடு நடந்தது உண்மைதான் என அதில் குறிப்பிடப்பட்டுள்ளது. சசிகலா தொடர்பான குற்றச்சாட்டுகளும் ஆதாரத்துடன் உறுதி செய்யப்பட்டுள்ளது. எனவே இந்த முறைகேட்டுக்கு காரணமான அதிகாரிகள் மீது நடவடிக்கை எடுக்குமாறு பரிந்துரை செய்யப்பட்டுள்ளது.

இந்த விவகாரத்தில் உள்துறை அமைச்சர் ராமலிங்க ரெட்டியிடம் முதல்கட்ட ஆலோசனை நடத்தப்பட்டுள்ளது. அடுத்த முறை நடைபெறும் அமைச்சரவை கூட்டத்தில் விவாதிக்கப்பட்ட பிறகு, ராமலிங்க ரெட்டி அதிகாரப்பூர்வமாக அறிவிப்பார். இல்லையென்றால் முதல்வர் சித்தராமையாவுடன் கலந்து பேசிவிட்டு, அவர் அறிவிப்பார். இதன் பிறகே அடுத்தகட்ட நடவடிக்கை தொடர்பாக முடிவெடுக்கப்படும்” என தெரிவித்தனர்.

var VUUKLE_EMOTE_SIZE = "90px"; VUUKLE_EMOTE_IFRAME = "180px" var EMOTE_TEXT = ["HAPPY","INDIFFERENT","AMUSED","EXCITED","ANGRY","SAD"]

#மக்கள்முரசு

[henrymarker-blog]

ஜெயலலிதா மரணம் குறித்து விசாரிக்க நீதிபதி ஆறுமுகசாமி தலைமையில் விசாரணை ஆணையம்

முன்னாள் முதல்வர் ஜெயலலிதாவின் மரணம் குறித்து விசாரித்து அரசுக்கு அறிக்கை அளிக்க ஓய்வுபெற்ற உயர் நீதிமன்ற நீதிபதி ஆறுமுகசாமி தலைமையில் விசாரணை ஆணையம் அமைக்கப்பட்டுள்ளது.  இதற்கான உத்தரவை தமிழக அரசு திங்கள்கிழமை வெளியிட்டது.  மறைந்த முன்னாள் முதல்வர் ஜெயலலிதாவின் இறப்பு தொடர்பாக விசாரணை நடத்த வேண்டும் என்று பல்வேறு தரப்பினரும் வலியுறுத்தி வந்தனர். அமைச்சர்கள் உள்ளிட்ட சில அதிமுகவினர் ஜெயலலிதாவுடன் இருந்த சசிகலா மீது சந்தேகப் புகார்களைத் தெரிவித்தனர். இதற்கு கடும் கண்டனம் தெரிவித்த அதிமுக துணை பொதுச் செயலாளர் டிடிவி தினகரன், மறைந்த முதல்வர் ஜெயலலிதாவின் இறப்பு தொடர்பாக எந்த விசாரணைக்கும் தயார் என்று அறிவித்தார்.

சி.பி.ஐ., சர்வதேச விசாரணை அமைப்பான இன்டர்போல் போன்ற எந்த விசாரணை ஆணையம் அமைத்தாலும் அவற்றைச் சந்தித்து தங்களிடம் இருக்கும் ஆதாரங்களை அளிப்போம் என கடந்த மாதம் மேலூரில் நடந்த பொதுக்கூட்டத்தில் தினகரன் அறிவிப்புச் செய்தார். மறைந்த முதல்வர் ஜெயலலிதாவின் மரணம் தொடர்பாக, சி.பி.ஐ. விசாரணை நடத்த வேண்டுமென எதிர்க்கட்சித் தலைவர் மு.க.ஸ்டாலின் வலியுறுத்தி வருகிறார். இந்தச் சூழ்நிலையில், ஜெயலலிதா இறப்பு குறித்து நீதி விசாரணை நடத்தப்படும் என்று கடந்த மாதம் 17 ஆம் தேதியன்று முதல்வர் எடப்பாடி கே.பழனிசாமி அறிவித்தார். இந்த அறிவிப்பைத் தொடர்ந்து, நீதி விசாரணைக்கான தலைவர் நியமனம் உள்ளிட்ட பணிகள் தொடங்கின.

நீதிபதி ஆறுமுகசாமி: நீதி விசாரணைக்கு உத்தரவிடப்படும் என அறிவிக்கப்பட்டு ஒரு மாதத்துக்கு மேலாகியும், அதற்கான நீதிபதி நியமிக்கப்படாமல் இருந்து வந்தது. இந்த நிலையில், ஓய்வுபெற்ற உயர் நீதிமன்ற நீதிபதி தலைமையில் விசாரணை ஆணையம் அமைக்கப்படுவதாக தமிழக அரசு அறிவித்துள்ளது. இதற்கான அரசு உத்தரவு திங்கள்கிழமை வெளியிடப்பட்டது.

தமிழக அரசு வெளியிட்ட அறிவிப்பில் கூறப்பட்டிருப்பதாவது: முன்னாள் முதல்வர் ஜெயலலிதா இறப்பு குறித்து விசாரணை மேற்கொண்டு அறிக்கை சமர்ப்பித்திட ஓய்வுபெற்ற உயர் நீதிமன்ற நீதிபதி ஆறுமுகசாமி தலைமையில் விசாரணை ஆணையம் அமைத்து திங்கள்கிழமை (செப். 25) அரச���ணை வெளியிடப்பட்டுள்ளது எனத் தெரிவிக்கப்பட்டுள்ளது. நீதிபதி ஆறுமுகசாமி கோவை மாவட்டத்தில் தனது கல்வியை பயின்றுள்ளார். கொங்கு மண்டலத்தைச் சேர்ந்த அவர், வடக்கு நகராட்சி பள்ளியில் தனது பள்ளிப் படிப்பையும், கடந்த 1971-ஆம் ஆண்டில் அரசு கலை கல்லூரியில் பட்டப் படிப்பையும் பயின்றார். கடந்த 1974-ஆம் ஆண்டு சட்டப் படிப்பை முடித்த அவர், 1998-ஆம் ஆண்டு மாவட்ட நீதிபதியாக பதவி உயர்வு பெற்றார்.

நீதித் துறையில் பல்வேறு பொறுப்புகளை வகித்த அவர், 2009-ஆம் ஆண்டு சென்னை உயர் நீதிமன்ற பதிவாளராகவும், 2010-ஆம் ஆண்டு உயர் நீதிமன்ற நீதிபதியாகவும் பொறுப்பு வகித்தார். கடந்த 2014-ஆம் ஆண்டு ஏப்ரலில் ஓய்வு பெற்ற அவர், மும்பையில் உள்ள கடன் வசூல் தீர்ப்பாயத்தின் தலைவராகப் பொறுப்பு வகித்தார். இதைத் தொடர்ந்து, மத்திய நிர்வாகத் தீர்ப்பாயத்தின் சென்னை அமர்வின் நீதித் துறை உறுப்பினராக பணியாற்றி வருகிறார். கடந்த 1974-ஆம் ஆண்டு முதல் நீதித் துறையின் பல்வேறு பொறுப்புகளை கீழ்நிலையில் வகித்து வந்து நீதிபதியாக பதவி உயர்வு பெற்றவர் ஆறுமுகசாமி.

காரண-காரியங்கள்: ஜெயலலிதாவுக்கு மரணம் ஏற்படக் காரணங்கள் என்ன, அவருக்கு உடல் ரீதியாக இருந்த பிரச்னைகள், மருத்துவமனையில் இருந்த போது மேற்கொள்ளப்பட்ட சிகிச்சை முறைகள் உள்ளிட்ட பல்வேறு விஷயங்கள் தொடர்பாக விசாரணை ஆணையம் தனது விசாரணையை மேற்கொள்ளும்.  மறைந்த முதல்வர் ஜெயலலிதாவுக்கு சிகிச்சை அளித்த அப்பல்லோ மருத்துவமனை, அங்கு சிகிச்சையின் போது உடனிருந்த மருத்துவர்கள் உள்ளிட்ட பல தரப்பினரிடமும் விசாரணை நடத்தப்பட உள்ளது. இந்த விசாரணை ஆணையத்தின் காலம் 3 மாதங்கள் இருக்கக் கூடும் எனவும், அதன் பின்பு தேவைப்பட்டால் கால நீட்டிப்பு செய்யப்படும் எனவும் அரசுத் துறை வட்டாரங்கள் தெரிவித்தன.

[tamizha1]

உக்ரைனில் இருந்து மீட்கப்பட்ட மாணவர்களின் கல்வி தடைபடாமல் தொடர நடவடிக்கை எடுக்க வேண்டும்- சசிகலா

உக்ரைனில் இருந்து மீட்கப்பட்ட மாணவர்களின் கல்வி தடைபடாமல் தொடர நடவடிக்கை எடுக்க வேண்டும்- சசிகலா

உக்ரைனில் இருந்து மீட்கப்பட்ட மாணவர்களின் கல்வி தடைபடாமல், நம் இந்திய நாட்டிலேயே தொடர உரிய நடவடிக்கை எடுக்க வேண்டும் என பிரதமருக்கு சசிகலா வேண்டுகோள் விடுத்துள்ளார். சென்னை: அ.தி.மு.க. பொதுச்செயலாளர் என்ற பெயரில் சசிகலா விடுத்துள்ள அறிக்கை கூறியிருப்பதாவது:- உக்ரைன் மீது ரஷியா தொடர்ந்து வரும் போர் இன்னும் முடிவுக்கு வராமல் இருப்பது மிகவும் கவலையடையச் செய்கிறது. உக்ரைனுக்கு மருத்துவம், உள்ளிட்ட…

[daemon-draws-blog]

பிரதமர் மோடிக்கு தமிழர்கள் சார்பாக ஒரு கேள்வி!

“ ஆளும்கட்சியின் நிலவும் குழப்பம், முதல்வருக்கு எதிராக ஆளுங்கட்சியின் எம்.எல்.ஏ-க்களின் போர்க்கொடி, எதிர்கட்சிகளின் எதிர்பார்ப்பு” என தமிழகத்தின் அரசு இயந்திரமே ஆளுநர் மாளிகையைச் சுற்றி வரும் நிலையில் தமிழகத்திற்கு என நிரந்தர ஆளுநர் பதவி காலியாகி ஒர் ஆண்டு வெற்றிகரமாக நிறைவடைந்துள்ளது.

தமிழகத்தின் ஆளுநராக 2011-ம் ஆண்டு ஆகஸ்ட் மாதம் நியமனம் செய்யப்பட்டார் ஆந்திர முன்னாள் முதல்வர் ரோசய்யா. அவருடைய ஐந்தாண்டு பதவிக் காலம் கடந்த ஆண்டு ஆக்ஸ்ட் 31ம் தேதியோடு முடிவடைந்த���ு. அவருடைய பதவிக்காலத்தை நீட்டிக்க வேண்டும் என்று அப்போது முதல்வராக இருந்த ஜெயலலிதா விரும்பினாலும்,மத்திய அரசு அதற்கு இடம் கொடுக்காததால் பதவிக்காலம் முடிந்தவுடன் ஓய்வுபெற்றார் ரோசய்யா. கவர்னராக ஒருவர் ஓய்வு பெற்றவுடனே, அடுத்த கவர்னர் குறித்த அறிவிப்பை ஒரு சில நாட்களிலே மத்திய அரசு அறிவிப்பு செய்துவிடும். தமிழகத்தின் கவர்னர் பதவி காலியானவுடன் அடுத்த ஆளுநர் யார் என்ற கேள்வி பலமாக எழுந்தது. ஆனால் இரண்டு நாட்கள் கழித்து மகாராஸ்டிராவின் ஆளுநராக இருக்கும் வித்தியாசாகராவ் தமிழகத்தின் பொறுப்பு ஆளுநராக செயல்படுவார் என்ற அறிவிப்பை மட்டும் மத்திய அரசு வெளியிட்டது.

தமிழகத்தின் பொறுப்பு ஆளுநராக நியமனம் செய்யபட்ட வித்தியாசாகராவ் தனது மனைவியுடன் மும்பையில் இருந்து சென்னை வந்தார். ஆளுநர் மாளிகையில் பொறுப்பு ஆளுநராக பதவிபிரமாணம் ஏற்றுக்கொண்டு மீண்டும் மும்பை சென்றுவிட்டார். வித்யாசாகரராவ் பொறுப்பு ஆளுநராக பதவியேற்ற இருபது நாட்களில் தமிழக முதல்வராக இருந்த ஜெயலலிதா அப்போலோ மருத்துவமனையில் அனுமதிக்கப்பட்டதும் தமிழகம் முழுவதுமே பரபரப்பு ஏற்பட்டது. ஜெயலலிதாவிற்கு என்ன ஆனது என்ற கேள்வி  எழுந்த நிலையில் முதல்வர் நிலை குறித்து மத்திய அரசுக்கு அறிக்கை தாக்கல் செய்ய வேண்டிய ஆளுநர் மும்பை ராஜ்பவனில் பணியாற்றி கொண்டிருந்தது தர்மசங்கடத்தை ஏற்படுத்தியது.

முதல்வர் மருத்துவமனையில் அனுமதிக்கபட்ட சில நாட்கள் கழித்து மருத்துவமனைக்கு வந்து ஜெயலலிதாவின் நிலை குறித்து கேட்டறிந்தார். ஆனால், ஆளுநர் கூட ஜெயலலிதாவை நேரடியாக பார்க்கவில்லை என்ற சர்ச்சை வெடித்தது. ஜெயலலிதாவின் மறைவு வரை மும்பைக்கும் சென்னைக்கும் பறந்து கொண்டிருந்தார் ஆளுநர் வித்யாசாகர ராவ். ஜெயலலிதாவின் உடல்நிலை மோசமடைந்தபோது, மும்பையில் இருந்து சென்னைக்கு அவசரமாக வந்துசேர்ந்தார் ஆளுநர். அவர் வந்துசேர்ந்த பிறகுதான், ஜெயலலிதாவின் மரண அறிவிப்பு வெளியிடப்பட்டது. 

அதன்பிறகு பன்னீர் செல்வம் தலைமையி்ல் புதிய அரசிற்கு நள்ளிரவில் பதவிப் பிரமாணம் செய்துவைத்தார். அதன்பிறகு அ.தி.மு.க வின் சட்டமன்ற உறுப்பினர்கள் சசிகலாவினை முதல்வராக தேர்வு செய்தனர். முதல்வர் பதவியேற்பு விழாவிற்காக சென்னைப் பல்கலைக்கழகத்தின் நுாற்றாண்டு விழா மண்டபத்தில் ஏற்பாடுகள் எல்லாம் செய்யப்பட்ட நிலையில், கடிதத்தைப் பெறுவதற்கும் பதவியேற்று விழாவினை நடத்துவதற்கும் ஆளுநர் சென்னை வராமல் இருந்தார். சசிகலா தரப்பில் பதவியேற்பு விழாவை தவிர்ப்பதற்காகவே ஆளுநர் சென்னை வர மறுக்கிறார் என்று விமர்சனம் செய்யப்பட்டது.

ஆளுநர் வருவதற்கு காலதாமதம் செய்த நேரத்தில் பன்னீர்செல்வம் சசிகலாவிற்கு எதிராக போர்க்கொடி உயர்த்தி பரபரப்பை ஏற்படுத்தினார். அ.தி.மு.க-வும் இரண்டாக உடைந்தது. அதன்பிறகே ஆளுநர் சென்னை வந்துசேர்ந்தார். ஆளுநரை சந்திப்பதற்கு இரண்டு அணியினரும் தயாராக இருந்தபோது, முதல்வராக இருந்த பன்னீர்செல்வ��்திற்கு முன்னுரிமை கொடுத்து அ��ரையே முதலில் சந்தித்தார் ஆளுநர். 

அதன்பிறகு சசிகலா அணியினர் ஆளுநரை சந்தித்தனர். தி.மு.க.உள்ளிட்ட எதிர்க்கட்சிகள் சார்பில் ஆளுநரை சந்தித்தனர். பெரும்பான்மையை நிரூபிக்க, சட்டசபையைக் கூட்ட அறிவுறுத்தப்பட்டது.அதே நேரம் சசிகலாவிற்கு சொத்துக்குவிப்பு வழக்கில் தண்டனை உறுதி செய்யப்பட்டது. அதனால் எடப்பாடியை முதல்வராக பதவிப்பிரமாணம் செய்துவைத்தார். சட்டசபையில் ஸ்டாலின் சட்டை கிழிக்கப்பட்டது. கிழிந்த சட்டையுடன் ஆளுநரை சந்தித்து பரபரப்பை ஏற்படுத்தினார்.

தமிழக அரசியல் நகர்வுகள் பல மாதங்களாக பல்வேறு பரபரப்புகளை சந்தித்து வந்தவேளையில் கூட நிரந்தர ஆளுநர் இல்லாமல் தமிழகம் தள்ளாடி வருகிறது. ஆளுநரை அவசரமாக சந்திக்க வேண்டும் என்றால் கூட மும்பைக்கு விமான டிக்கெட் எடுக்கவேண்டிய பரிதாப நிலை உள்ளது. இந்த நிலையில் தினகரன் எம்.எல்.ஏ-க்கள் போர்க்கொடி, ஆளும் கட்சிக்கு பெரும்பாண்மை இல்லை என்று எதிர்க்கட்சியினரின் உரத்த குரல் என கடந்த சில தினங்களாகவே தமிழக அரசியல் சூழ்நிலை பரபரப்புடன் காணப்படுகிறது.

 ஆனால், பன்னீருக்கு பதவியேற்பு நடத்திவைக்க உடனடியாக தமிழகம் புறப்பட்டு வந்தவர், பதவியேற்பு விழா முடிந்தவுடனே மும்பை பறந்துவிட்டார். அதே நேரம் 19 எம்.எல்.ஏக்கள் தமிழக முதல்வர் மீது நம்பிக்கை இல்லை என்று ரிசார்ட்டில் தஞ்சம் புகுந்துள்ளனர். “நாங்கள் கொடுத்த மனுவிற்கு இதுவரை ஆளுநர் நடவடிக்கை எடுக்கவில்லை” என்று இப்போதும் புலம்பிவருகின்றனர். “எதிர்கட்சியினர் கொடுத்த மனுவிற்கு இப்போது என்னால் நடவடிக்கை எடுக்க முடியாது” என்று வெளிப்படையாகவே சொல்லியுள்ளார் ஆளுநர். மனு வாங்குவதற்கே விமானத்தில் வந்து செல்லவேண்டிய நிலை பொறுப்பு ஆளுநருக்கு உள்ளது.

தமிழக பொறுப்பு ஆளுநராக வித்யாசாகரராவ் பதவிக்கு வந்து ஒரு ஆண்டு நிறைவடைந்த நிலையில் ஆளுநர் மாளிகையில் ஔவையார் சிலையை திறந்தது, பார்வையாளர்களுக்கு ஆளுநர் மாளிகையை சுற்றிப்பார்க்க அனுமதி கொடுத்தது, மூன்று துணைவேந்தர்கள் நியமனம்,உயர்நீதிமன்றத் தலைமை நீதிபதி பதவிப் பிரமாணம், சுதந்திர தினத்திற்கு டீ பார்ட்டி இது தான் ஒரு ஆண்டில் மும்பையில் இருந்து சென்னை வந்து ஆளுநர் மேற்கொண்ட 'முக்கிய' பணிகள்! அதைத் தாண்டி இரண்டு முறை தமிழக அமைச்சரவைக்கு பதவியேற்பு வைபவத்தை நடத்தி முடித்துள்ளார். 

ஆளுநர் பதவி அலங்கார பதவியாக சொல்லப்பட்டாலும், தமிழக அரசின் நிலையே நிலையற்றத் தன்மையில் இருக்கும் வேலையில் நிர்ந்தர ஆளுநர் ஒருவர் இருந்தால் மட்டுமே இன்றைய தமிழக அரசியல் சூழ்நிலைக்கு சாலச்சிறந்தாக இருக்கும் என்கிறார்கள் அரசியல் நோக்கர்களும் தமிழக மக்களும். ஆனால், அதை ஏனோ இன்றுவரை தவிர்த்து வருகிறது மத்திய அரசு.

[aphbells-blog1]

செல்வாக்கை சரிக்கட்டுமா சசிகலா அணி...? தினகரன் ஜாமீன் பின்னணி!

ஆளுங்கட்சியாக இருந்தாலும் இருவேறு அணிகளாகப் பிரிந்து கிடக்கும் அ.தி.மு.க.வை  ஒன்றாக இணைக்கும் பணி, வேகமாக நடப்பது போல் வெளியில் தெரிந்தாலும் உள்ளுக்குள்  என்னவோ வேறு கதை ஓடுகிறது. அவரவர் பலத்தைக் காண்பித்து கட்சி, ஆட்சி, இரட்டை இலை சின்னம் ஆகிய மூன்றையும் தக்க வைத்துக் கொள்ளும் முயற்சியில்தான்  இரண்டு அணிகளுக்குள்  பந்தயம் நடக்கிறது...  பந்தயத்தில் முந்திக் கொள்ளும் பாய்ச்சலில் சசிகலா அணியே முதலில் இருப்பதாகத் தெரிகிறது.

ஜெயலலிதா மரணத்தை தொடர்ந்து அ.தி.மு.கவில் ஏற்பட்ட குளறுபடிகள் ஊரறிந்த ஒன்றே. அ.தி.மு.க என்றால் ஜெயலலிதா என்று இருந்து வந்த நிலை மாறி சசிகலா, நடராஜன், ஓ.பி.எஸ், டி.டி.வி தினகரன் என பலரது பெயர்களே ஊடகங்களை கடந்த சில மாதங்களாக ஆக்கிரமித்து வருகின்றன. இதனிடையே இரு அணிகளும் பிரிந்ததிலும், இப்போது இணைவதிலும் மத்திய அரசின் தலையீடு இருப்பதாகவும் பேசப்பட்டு வருகிறது. இந்நிலையில் டி.டி.வி தினகரனுக்கு தற்போது கிடைத்திருக்கும் ஜாமீன், விவாதங்களைக் கிளப்பியுள்ளது. இதனால் சசிகலா அணி வலுப்பெற்று வருவதாகவும் கூறப்படுகிறது.

ஆரம்பத்தில் முதல்வர் பதவியில் சசிகலா அமர முயற்சி செய்தபோது அவர் சொத்துக் குவிப்பு வழக்கில் கைது செய்யப்பட்டார். டி.டி.வி தினகரனும் ஆர்.கே நகர் இடைத்தேர்தலில் வெற்றி பெற்று முதலமைச்சர் ஆகிவிடலாம்  என எதிர்பார்த்திருந்த நேரத்தில் , பணப்பட்டுவாடா காரணமாக தேர்தலும் ரத்து செய்யப்பட்டது. இரட்டை  இலைச் சின்னத்தைப் பெற தேர்தல் ஆணையத்துக்கு லஞ்சம் கொடுக்க முயன்ற வழக்கில் டி.டி.வியும் கைது செய்யப்பட்டு திகார் சிறையில் அடைக்கப்பட்டார்.  அடுத்தடுத்து நடந்த சில சம்பவங்கள் அ.தி.மு.கவை மத்திய அரசின் கட்டுப்பாட்டுக்குள் கொண்டு வந்துள்ளதாக குரல்கள் எழுந்தன. இப்படிப்பட்ட சூழ்நிலையில் தினகரனுக்குக் கிடைத்திருக்கும் ஜாமீன், சசிகலா அணியின் கை மீண்டும் ஓங்குகிறதோ என்ற கேள்வியை எழச் செய்துள்ளது.  

டி.டி.வி தினகரன்  சொன்னால்தான் அ.தி.மு.க எம்பி மற்றும் எம்எல்ஏக்கள் ஜனாதிபதி தேர்தலில் பா.ஜ.க வேட்பாளரை ஆதரித்து வாக்களிப்பார்கள் என்ற நிலை வலுவாக உள்ளது. அதனை மிகவும் தாமதமாக உணர்ந்த தினகரன் தரப்பு 'நமது எம்.ஜி.ஆர்.' அஸ்திரத்தை எடுத்துள்ளது.  நமது எம்ஜிஆர் நாளிதழில் எழுதப்படும் அரசியல் விமர்சனங்கள்  பா.ஜ.கவுக்கு எதிராகப் போகிற  விஷயம், தமிழக பா.ஜ.க மூலமாக டெல்லி தலைமைக்கு  அவ்வப்போது தெரிவிக்கப்படுகிறது என்றும்... அதன் விளைவாக,  டி.டி.வி தினகரன் அணியை கொஞ்சம்  விட்டுப்பிடிக்கலாம் என்று  டெல்லி தலைமை முடிவு செய்துள்ளதாக, கமலாலய வட்டாரம் தெரிவிக்கிறது. பா.ஜ.கவுடன் சசிகலா அ.தி.மு.கவின் உறவு எப்படி உள்ளது என்பது இப்போதைக்கு பெரிய விவாதப்பொருளாக மாறியுள்ளது. ஆனால் பா.ஜ.கவை எதிர்க்க எப்படி நமது எம்.ஜி.ஆர் இதழுக்குத் துணிச்சல் வந்தது என்பதற்கு ஜனாதிபதி தேர்தலைச் சுட்டிக் காட்டுகிறார்கள் அரசியல் நோக்கர்கள்.

மேலும் இரட்டை இலை விவகாரத்தில் இரு அணிகளும் பிரமாணப் பத்திரங்களை லாரிகளில் கொண்டு வந்து தாக்கல் செய்யும் கூத்துக்களும் நடந்து வருகின்றன. சசிகலா அணியின் சார்பில் அமைச்சர் சி.வி.சண்முகம்,  பிரமாணப் பத்திரங்களை இரண்டு லாரிகளில் கொண்டுவந்து தேர்தல் ஆணையத்திடம்  ஒப்படைத்தார். பன்னீர்செல்வம் அணி சார்பில், முன்னர் மைத்ரேயனும், இப்போது மனோஜ் பாண்டியனும் ஆவணங்களை மாறி மாறி தாக்கல் செய்துவருகின்றனர். 

இவர்களும் ஒரு மினி லாரியில் ஆவணங்களை அள்ளிக் கொண்டுவந்து தேர்தல் ஆணைய அதிகாரிகளிடம் கொடுத்துச் சென்றனர். இரட்டை இலைச் சின்னத்தைக் கைப்பற்றுவதில், சசிகலா - பன்னீர்செல்வம் அணிகளுக்கு இடையில் கடுமையான போட்டி தொடர்ந்து இருந்து வருகிறது. இந்தப் போட்டி, அடுத்தடுத்த கட்டங்களைக் கடந்து, தற்போது பிரமாணப் பத்திரங்களைத் தாக்கல்செய்வதில் வந்து நிற்கிறது.

இது ஒரு பக்கம் இருக்க,  ஓ.பி.எஸ்.அணியில் இருக்கும் மதுரை தெற்குத் தொகுதி எம்.எல்.ஏ. எஸ்.எஸ்.சரவணன், சசிகலா அணிக்குத் தாவத் தயாராகிவிட்டார் என்ற தகவலும் அலையடிக்கிறது. கூவத்தூர் ரிசார்ட்டிலிருந்து தப்பித்து வந்தேன் என்று உருக்கமாகப் பேட்டியளித்து பரபரப்பை கிளப்பிய சரவணன், அணி மாற முடிவெடுத்துள்ளதாக பரவும் தகவல், சசிகலா அணிக்குத் தெம்பைக் கொடுத்துள்ளது. அதற்கு அச்சாரம் போடும் வகையில்  ஜூன் -1 ம்தேதி மதுரை புறநகர் மாவட்ட செயலாளர் ராஜன்செல்லப்பா கலந்து கொண்ட நிகழ்ச்சிக்கு வந்த சரவணன், செல்லப்பாவுடன்  முன்பை விட நீண்ட நேரம் மகிழ்ச்சியாக பேசிக் கொண்டிருந்தார். 

அப்போது  அவரிடம் மனு ஒன்றையும் அளித்தார். விரைவில் முதல்வர் எடப்பாடியைச் சந்திக்க, ராஜன் செல்லப்பா போகும்போது கூடவே எஸ்.எஸ். சரவணனும் போவார் என்று  சொல்லப்படுகிறது. இப்படியான தகவல் பரவுவதை தெரிந்து கொண்ட எஸ்.எஸ்.சரவணன், 'நான் எப்பவுமே ஓ.பி.எஸ் அணிதாங்கோ' என அறிக்கை விட்டிருக்கிறார். ஓ.பி.எஸ். அணியில் இருக்கிற எம்.எல்.ஏக்கள் ஒவ்வொருவராக இந்தப்பக்கம் வந்து விடுவார்கள் என்கிறார்கள் விஷயம் அறிந்தவர்கள், அதில் ஒருவர் கட்சி தாவி வந்து மந்திரி சபையை அலங்கரித்தவராம்.

ஓ.பி.எஸ் அணியுடன் இணைவதற்காக சசிகலா பேனரை எடப்பாடி அன்-கோ அகற்றியிருந்தாலும் அ.தி.மு.க இன்னும் மன்னார்குடி கட்டுப்பாட்டில்தான் உள்ளது என்கிறார்கள் ரத்தத்தின் ரத்தங்கள்!

[dailyanjal]

செய்யூர் இளம்பெண் சசிகலா மரண வழக்கு: உரிய விசாரணை நடத்தி 12 வாரத்தில் அறிக்கை தாக்கல் செய்ய வேண்டும்: எஸ்பி கண்காணிக்க  உயர் நீதிமன்றம் உத்தரவு | Seyyur teen Sasikala death case: Report within 12 weeks of proper investigation: High Court ordered to monitor SP

செய்யூர் இளம்பெண் சசிகலா மரண வழக்கு: உரிய விசாரணை நடத்தி 12 வாரத்தில் அறிக்கை தாக்கல் செய்ய வேண்டும்: எஸ்பி கண்காணிக்க  உயர் நீதிமன்றம் உத்தரவு | Seyyur teen Sasikala death case: Report within 12 weeks of proper investigation: High Court ordered to monitor SP

[ad_1]

செய்யூர் இளம்பெண் சசிகலா மரண வழக்கில் சிபிசிஐடி விசாரணை கோரிய வழக்கில் செய்யூர் போலீஸார் உரிய விசாரணை நடத்தி 12 வாரத்தில் அறிக்கை தாக்கல் செய்யவும், அதை செங்கல்பட்டு எஸ்பி கண்காணிக்கவும் சென்னை உயர் நீதிமன்றம் உத்தரவிட்டு வழக்கை முடித்து வைத்தது.

செ��்கல்பட்டு மாவட்டம், செய்யூரை அடுத்த நைனார்குப்பத்தை சேர்ந்த சசிகலா என்ற 24 வயது இளம்பெண் ஜூன் 24-ம் தேதி வீட்டில் தூக்கிட்டு தற்கொலை…

[tamilnewstamil]

அதிகாரிகளுக்கு லஞ்சம் கொடுத்த விவகாரத்தில் சசிகலா சிக்குவார்: ஐபிஎஸ் அதிகாரி ரூபா அமமுக பொதுச்செயலாளர் சசிகலா பெங்களூரு சிறையில் சிறப்பு சலுகைகளை அனுபவித்து, சொகுசாக வாழ்வதாக கடந்த 2017-ல் சிறைத்துறை டிஐஜியாக இருந்த ரூபா தெரிவித்தார். அப்போது பெரும் பரபரப்பையும்,சர்ச்சையையும் கிளப்பிய அவரது அறிக்கை தற்போது ஓய்வு பெற்ற ஐஏஎஸ் அதிகாரி வினய்குமார் மூலம் உண்மையாகியுள்ளது. இந்நிலையில் ‘‘இந்து தமிழ்'' நாளிதழ் சார்பில் பெங்களூருவில் உள்ள ரூபாவிடம் சில கேள்விகளை முன்வைத்தோம். நீண்ட காலமாக வெளியாகாமல் இருந்த வினய் குமார் அறிக்கை, தற்போது ‘‘தி இந்து'' நாளிதழில் ( ஆங்கிலம் ) வெளியாகியுள்ளது. இப்போது எப்படி உணர்கிறீர்கள்? ஓய்வு பெற்ற ஐஏஎஸ் அதிகாரி வினய்குமார் தலைமையிலான உயர்நிலை விசாரணைக் குழு அறிக்கை தாக்கல் செய்து ஓராண்டுக்கு மேல் ஆகிவிட்டது. அதிலுள்ள தகவல்களை அறிந்து கொள்ள மிகவும் முயற்சித்தேன். பின்னர் தகவல் அறியும் உரிமை சட்டத்தின் கீழ் அதன் நகலை கேட்டேன். தொடர்ந்து மறுக்கப்பட்டு வந்த நிலையில், மேல்முறையீட்டின் மூலம் கடந்த சில தினங்களுக்கு முன் எனக்கு அனுப்பினார்கள். அந்த அறிக்கை எனக்கு ஒரு வித திருப்தியையும், உற்சாகத்தையும் தந்திருக்கிறது. உங்கள் அறிக்கையில் சசிகலா மீது தெரிவிக்கப்பட்ட குற்றச்சாட்டுகள் அனைத்தும், வினய்குமார் அறிக்கையில் இடம்பெற்றுள்ளதா? அவை குற்றச்சாட்டுகள் இல்லை. சிறைத்துறை டிஐஜியாக இருந்த நான் முறைப்படி விசாரணை நடத்தி, கண்டுபிடித்த உண்மையான தகவல்கள். அவை அனைத்தும் வினய்குமார் அறிக்கையில் இருக்கிறது. நான் தெரிவிக்காமல் இருந்த சில தகவல்களும் இடம்பெற்றிருக்கின்றன. குறிப்பாக தனியாக சமையல் செய்தது, அதற்கு ஆதாரமாக சிதறியிருந்த மஞ்சள் பொடி உள்ளிட்டவற்றை சேகரித்தது, 5 அறைகளுக்கும் திரை சீலைகள் போட்டது உள்ளிட்டவை குறிப்பிடப்பட்டுள்ளன. நீங்கள் தெரிவித்த குற்றசாட்டுகளில் எதுவும் வினய்குமார் அறிக்கையில் விடுபட்டுள்ளதா? ஓரளவுக்கு எல்லாமே இருக்கிறது. சசிகலா தரப்பு சிறை அதிகாரிகளுக்கு லஞ்சம் கொடுத்து தான் இதையெல்லாம் சாதித்து கொண்டார்கள் என எனக்கு தகவல் கிடைத்தது. அதனை எனது அறிக்கையில் தெரிவித்தேன். வினய்குமார் குழு அந்த புகாரை கர்நாடக லஞ்ச ஒழிப்புத்துறை விசாரிக்க வேண்டும் என பரிந்துரை செய்துள்ளது. அடுத்தக்கட்ட நடவடிக்கை என்னவாக இருக்கும்? அது எப்போது மேற்கொள்ளப்படும்? அடுத்தக்கட்ட நடவடிக்கை தொடர்பாக கர்நாடக அரசும், சிறைத்துறை மற்றும் லஞ்ச ஒழிப்புத்துறை அதிகாரிகள்தான் முடிவெடுக்க முடியும். வினய்குமார் அறிக்கையில் கூறப்பட்டுள்ளதைப் போல சிறைத்துறை டிஜிபி சத்தியநாராயண ராவ், சிறை கண்காணிப்பாளர் கிருஷ்ணகுமார் உள்ளிட்டோர் மீது வழக்குப்பதிவு செய்து நடவடிக்கை எடுக்கலாம். அதிகாரிகள் சட்டத்தை மீறி, சிறை விதிமுறைகளுக்கு எதிராக செயல்பட்டுள்ள‌தால் கடுமையாக தண்டிக்க முடியும். அரசு ஊழியர் என்பதால் சட்ட விரோத செயல், வருமானத்துக்கு அதிகமாக ச��த்து சேர்த்தது, கூட்டுசதி செய்தது உள்ளிட்ட பிரிவுகளிலும் வழக்கு பதிவு செய்யலாம். அரசும், அதிகாரிகளும் சட்டப்படி நடவடிக்கை எடுப்பார்கள் என நம்பலாம். சிறைத்துறை அதிகாரிகள் மீது மட்டும் தான் நடவடிக்கையா? சசிகலா, இளவரசி ஆகியோர் மீது நடவடிக்கை எடுக்கப்படாதா?தற்போது வெளிவந்துள்ள அறிக்கையின்படி சிறை விதிமுறைகளை மீறிய அதிகாரிகளின் மீது தான் நடவடிக்கை எடுக்க முடியும். சிறையில் சிறப்பு சலுகைகளை அனுபவித்து, சொகுசாக வாழ்ந்த விவகாரத்தில் சசிகலா, இளவரசி ஆகியோர் மீது நேரடியாக நடவடிக்கை எடுக்க முடியாது. அதிகாரிகளின் அலட்சியத்தின் காரணமாகவே அவர்கள் சலுகை அனுபவித்துள்ளார்கள். அதே வேளையில் இந்த புகார் இருப்பதால் சசிகலாவுக்கு இனி சிறப்பு சலுகை காட்ட முடியாது. நன்னடத்தை விதியை காரணம் காட்டி, தண்டனை காலத்துக்கு முன்பே அவரை விடுவிக்கவும் முடியாது. அப்படியென்றால், இந்த விவகாரத்தில் சசிகலாவுக்கு எவ்வித சிக்கலும் இல்லையா? அது லஞ்ச ஒழிப்புத்துறை அதிகாரிகளின் விசாரணையில்தான் தெரியவரும். ஏனென்றால் சசிகலா சிறப்பு சலுகைகளை அனுபவிக்க சிறை அதிகாரிகளுக்கு லஞ்சம் கொடுத்துள்ளதாக புகார் இருக்கிறது. அந்த புகாரை ஆழமாக விசாரித்தால் அதில் தமிழக அரசியல்வாதிகளும், கர்நாடக தொழிலதிபர்களும், இடைத்தரகர்கள் சிலரும் சிக்குவார்கள். டிடிவி தினகரன் தேர்தல் ஆணையத்தில் இரட்டை இலை சின்னம் பெறுவதற்காக லஞ்சம் கொடுத்ததாக போடப்பட்டுள்ள வழக்கில் சிக்கியுள்ள நபருக்கும் இந்த விவகாரத்தில் தொடர்பு இருக்கிறது. அதையெல்லாம் தீர விசாரித்தால் சசிகலாவும், அவரது ஆதரவாளர்களும் சிக்க வாய்ப்பு இருக்கிறது. வினய்குமார் அறிக்கையின் மூலம் உங்களது அறிக்கை உண்மை என உறுதிசெய்யப்பட்டுள்ளது. ஆனால் உங்களது அறிக்கை தவறு எனக்கூறி முன்னாள் டிஜிபி சத்தியநாராயண ராவ் உங்களிடம் ரூ. 15 கோடி கேட்டு மான நஷ்ட வழக்கு தொடுத்துள்ளாரே? ஆமாம். இந்த அறிக்கையின் மூலம் நான் கூறிய அனைத்தும் உண்மை என தெரியவந்துள்ளது. சத்தியநாராயண ராவ் தொடுத்துள்ள வழக்கு நடந்து வருகிறது. இந்த அறிக்கையால் அந்த வழக்கு விரைவில் முடிந்துவிடும். தீர்ப்பு நிச்சயம் எனக்கு சாதகமாக தான் வரும் என நான் சொல்லி தெரிய வேண்டியதில்லை. அப்படியென்றால் நீங்கள் முன்னாள் டிஜிபி சத்தியநாராயண ராவிடம் நஷ்ட ஈடு கோருவீர்களா? இந்த விவகாரத்தால் நீங்கள் பணியிட மாற்றம் செய��யப்பட்டது, நெருக்கடிக்கு ஆளானது ஆகியவற்றை நீதிமன்றத்தில் முறையிடுவீர்களா?அவரைப் போல ரூ. 15 கோடி எல்லாம் கேட்க மாட்டேன். இந்த வழக்கிற்காக நான் செலவழித்த பணத்தை மட்டும் கேட்பேன். நியாயமாக பார்த்தால், இந்த விவகாரத்தில் நேர்மையாக செயல்பட்டதற்காக நான் பல்வேறு வழிகளிலும் துன்புறுத்தப்பட்டிருக்கிறேன். பணியிட மாற்றம், பதவி உயர்வில் தாமதம், துறை ரீதியான ஒதுக்கல் என பல சிக்கல்களை எதிர்க்கொண்டிருக்கிறேன். அதற்கெல்லாம் நீதிமன்றத்தில் பதில் கேட்பேன். எனக்கு எத்தனை சிக்கல்கள் வந்தாலும், உண்மை தெரியவந்திருப்பது மகிழ்ச்சி அளிக்கிறது. Source: The Hindu

[tamilsnow]

தமிழகம்: சட்டப்பேரவையின் இன்று நிதிநிலை அறிக்கை தாக்கலின்போது சசிகலா, தினகரன் பெயரை ஜெயகுமார் குறிப்பிட்டதற்கு திமுக கடும் எதிர்ப்பு தெரிவித்துள்ளனர்.