#शेतकरी बिल 2020

[airnews-arngbad]

Regional Marathi Text Bulletin, Aurangabad Date – 24 November 2020 Time 13.00 to 13.05 Language Marathi आकाशवाणी औरंगाबाद प्रादेशिक बातम्या दिनांक – २४ नोव्हेंबर २०२० दुपारी १.०० ****

कोविड संसर्गातून रुग्ण बरे होण्याचा देशाचा दर ९३ पूर्णांक ७६ शतांश टक्यांवर पोहोचला आहे. गेल्या २४ तासांत देशात सुमारे ३८ हजार नवीन कोविड बाधितांची नोंद झाली. यामुळे देशात कोविडग्रस्तांची एकूण संख्या ९१ लाख, ७७ हजार, ८४१ झाली आहे. काल ४२ हजारावर कोविड बाधितांनी कोविड संसर्गावर मात केल्यानं, त्यांना रूग्णालयातून सुटी देण्यात आली, त्यामुळे देशभरातल्या कोविड संसर्गातून बरे झालेल्या रुग्णांची एकूण संख्या ८६ लाख ४ हजार, ९५५ झाली आहे. सध्या चार लाख ३८ हजार ६६७ रूग्ण देशातल्या विविध रूग्णालयात उपचार घेत आहेत, तर १ लाख ३४ हजार २१८ रुग्णांचा उपचारादरम्यान मृत्यू झाला आहे.

दरम्यान, गेल्या २४ तासात ११ लाख कोविड चाचण्या करण्यात आल्या असून आतापर्यंत एकूण कोविड चाचण्यांची संख्या १३ कोटी ३७ लाख एवढी झाली आहे.

****

महाराष्ट्रात कोविड लसीचे वितरण आणि लसीकरण या संदर्भात टास्क फोर्स स्थापन करण्यात आला असल्याचं, मुख्यमंत्री उद्धव ठाकरे यांनी सांगितलं आहे. पंतप्रधान नरेंद्र मोदी यांनी आज देशभरात कोविड प्रादुर्भावाच्या पार्श्वभूमीवर आठ राज्यांच्या मुख्यमंत्र्यांची दूरदृश्य संवाद प्रणालीच्या माध्यमातून बैठक घेतली, या बैठकीत मुख्यमंत्री ठाकरे यांनी ही माहिती दिली. कोरोना लसीबाबत आपण सिरम इन्स्टिट्यूटचे अदर पुनावाला यांच्याशी सातत्यानं संपर्कात असल्याचं मुख्यमंत्र्यांनी या बैठकीत सांगितलं.

****

शिवसेनेचे आमदार प्रताप सरनाईक आणि त्यांच्या दोन मुलांची घरं आणि कार्यालयांवर आज सकाळपासून अंमलबजावणी संचालनालय - ईडीनं शोध मोहिम सुरू केली आहे. सरनाईक यांचं घर आणि कार्यालय मिळून दहा ठिकाणी ही शोधमोहीम सुरू असल्याचं याबाबतच्या वृत्तात म्हटल आहे. मात्र ही शोधमोहीम कशासंदर्भात आहे हे अद्याप समजू शकलेलं नाही.

*****

भारतीय जनता पक्ष यापुढे स्वबळावर निवडणुका लढवेल आणि जिंकेल, असं विधानसभेतले विरोधी पक्षनेते देवेंद्र फडणवीस यांनी म्हटलं आहे. ते आज सोलापूर इथं पदवीधर तसंच शिक्षक मतदार संघ निवडणूक दौऱ्यानिमित्त पत्रकार परिषेदत बोलत होते. अनैसर्गिक आघाडी केलेलं सरकार फार काळ चालणार नाही, ज्या दिवशी ही आघाडी तुटेल त्या दिवशी आपण पर्यायी सरकार देऊ, तो पर्यंत सक्षम विरोधी पक्षाचं काम करत राहू, असं फडणवीस म्हणाले. वीज देयकात सवलतीचं आश्वासन न पाळल्याबद्दल त्यांनी राज्य सरकारवर टीका केली. आपल्या कार्यकाळात तीन वर्ष दुष्काळ असल्यामुळे, आपण शेतकऱ्यांना वीज बिल भरण्याची सक्ती केली नाही आणि कोणाच्या वीज जोडण्या तोडल्याही नाही, त्यामुळे आपल्या कार्यकाळात वीज देयकांच्या थकबाकीत काही प्रमाणात वाढ झाल्याचं फडणवीस यांनी स्पष्ट केलं. अतिवृष्टीबाधित शेतकऱ्यांपैकी बहुतांश शेतकऱ्यांना अद्याप मदत मिळाली नसल्याकडे त्यांनी लक्ष वेधलं.

****

नाशिक जिल्ह्यात सद्यस्थितीत दोन हजार ७१२ कोविड बाधित रूग्णांवर उपचार सुरू आहेत. आतापर्यंत जिल्ह्यातले ९४ हजार ४७६ कोरोना बाधीत रूग्ण बरे झाले आहेत. जिल्ह्यात कोविड बाधितांची एकूण संख्या ९८ हजार ९६४ झाली आहे.

****

औरंगाबाद जिल्ह्यात कोरोना विषाणू बाधित रुग्णांची एकूण संख्या ४२ हजार ५०० झाली आहे. यापैकी ४० हजार ६०० रुग्ण आतापर्यंत कोविड संसर्गमुक्त होऊन घरी परतले आहेत. जिल्ह्यात आजपर्यंत एक हजार १३६ रुग्णांचा या संसर्गाने मृत्यू झाला आहे, तर सध्या ७६७ रुग्णांवर जिल्ह्यात उपचार सुरू आहेत.

****

जालना जिल्ह्यात कोविडग्रस्तांची एकूण संख्या आता १२ हजार १५ झाली असून, जिल्ह्यातले अकरा हजार २३८ रुग्ण आतापर्यंत या आजारातून बरे झाले आहेत. तर ३०७ रुग्णांचा या संसर्गानं मृत्यू झाला आहे. जिल्ह्यात सध्या ४१० रुग्णांवर उपचार सुरू आहेत.

****

परभणी जिल्ह्यात कोविडबाधितांची संख्या सात हजाराच्या घरात पोहोचली आहे. यापैकी सहा हजार ६०० हून अधिक रुग्ण आतापर्यंत बरे झाले आहेत, तर २८७ रुग्णांचा आतापर्यंत उपचारादरम्यान मृत्यू झाला आहे. जिल्ह्यात सध्या १०६ रुग्णांवर उपचार सुरू आहेत.

****

हिंगोली जिल्ह्यात कोविड बाधितांची संख्या ३ हजार २७० झाली असून, यापैकी ३ हजार १९५ रुग्ण आतापर्यंत या संसर्गातून बरे झाले आहेत. सध्या २४ रुग्णांवर जिल्ह्यात उपचार सुरू आहेत.

****

सोलापूर जिल्ह्यात सलग दुसऱ्या दिवशीही स्वाभिमानी शेतकरी संघटनेचं ऊस दर आंदोलन सुरू आहे. ऊसाला पहिली उचल अडीच हजार रुपये मिळावी या मागणीसाठी हे आंदोलन सुरू आहे. दरम्यान, मंगळवेढा तालुक्यातल्या मरवडे इथं लवंगी इथल्या भैरवनाथ साखर कारखान्याकडे जाणारा ट्रॕक्टर काल पेटवून देण्यात आल्यामुळं वाहतुकीचा खोळंबा झाला असल्याचं आमच्या वार्ताहरानं सांगितलं.

****

औरंगाबाद जिल्ह्यात पैठण इथल्या नाथसागर धरणाच्या डाव्या कालव्यातून रब्बी हंगामासाठी पाण्याचा विसर्ग करण्यात येत आहे. आता सध्या तीनशे घनफूट प्रतिसेकंद वेगानं पाणी डाव्या कालव्यातून सोडण्यात येत असून संध्याकाळी सात वाजेपर्यंत हा वेग ७०० घनफूट प्रतिसेकंदांपर्यंत वाढवला जाणार आहे. शेतकऱ्यांनी पाण्याचा अपव्यय न करण्याचं आवाहन जायकवाडी पाटबंधारे विभागाच्या वतीनं करण्यात आलं आहे. या पाण्याचा लाभ औरंगाबाद, जालना, बीड आणि परभणी जिल्ह्यातल्या शेतकऱ्यांना होणार आहे.

****

[marathinewslive]

किसान आंदोलन शेतकरी विरोधात आज लाइव्ह अपडेट्स इन हिंदी - किसान आंदोलन: दिल्ली-गाझियाबादच्या सर्व मार्गांवर अवजड वाहतूक, एनएच -9 आणि एनएच 24 च्या सर्व सहा लेन बंद

किसान आंदोलन शेतकरी विरोधात आज लाइव्ह अपडेट्स इन हिंदी – किसान आंदोलन: दिल्ली-गाझियाबादच्या सर्व मार्गांवर अवजड वाहतूक, एनएच -9 आणि एनएच 24 च्या सर्व सहा लेन बंद

दिल्ली एनसीआरमध्ये बॅरिकेड्स ठप्प – फोटो: अमर उजाला अमर उजाला ई-पेपर वाचा कोठेही कधीही. * फक्त ₹ 299 मर्यादित कालावधी ऑफरसाठी वार्षिक सदस्यता. लवकर कर! बातमी ऐका बातमी ऐका जे इथे येऊ शकले नाहीत, ते उद्या आपापल्या ठिकाणी जाम करतील. भारतीय किसान युनियनचे राष्ट्रीय प्रवक्ते राकेश टिकैत म्हणाले की, जे येथे येऊ शकले नाहीत ते उद्या आपापल्या ठिकाणी शांतपणे चक्का जाम करतील. हा जाम दिल्लीत होणार…

[marathinewslive]

शेतकर्‍यांचा निषेध लाइव्ह अपडेट 31 जानेवारी गाझीपूर बॉर्डर सिंहू टिकरी बोर्डे राकेश टिकैट फार्म बिल 2020 मोदी सरकार

शेतकर्‍यांचा निषेध लाइव्ह अपडेट 31 जानेवारी गाझीपूर बॉर्डर सिंहू टिकरी बोर्डे राकेश टिकैट फार्म बिल 2020 मोदी सरकार

गाझीपूर सीमेवर पोलिस बंदोबस्त – फोटो: एएनआय अमर उजाला ई-पेपर वाचा कोठेही कधीही. * फक्त ₹ 299 मर्यादित कालावधी ऑफरसाठी वार्षिक सदस्यता. लवकर कर! बातमी ऐका बातमी ऐका 65 Delhi दिवसांपासून शेतकरी दिल्लीच्या सीमेवरील शेती कायद्याविरोधात आंदोलन करीत आहेत. प्रजासत्ताक दिनी ट्रॅक्टर रॅली दरम्यान झालेल्या हिंसाचारानंतर पंचायत त्यांच्या फेs्या सुरू ठेवत आहेत. त्याचवेळी बीकेयू नेते राकेश टिकैत यांचा…

[marathinewslive]

हरियाणा, सोनीपत, पलवल आणि झज्जर या तीन जिल्ह्यात शेतकरी विरोध, टेलिकॉम सेवा थांबली

हरियाणा, सोनीपत, पलवल आणि झज्जर या तीन जिल्ह्यात शेतकरी विरोध, टेलिकॉम सेवा थांबली

न्यूज डेस्क, अमर उजाला, चंदीगड अद्यतनित मंगळ, 26 जाने 2021 09:53 पंतप्रधान IST शेतकरी आंदोलन – फोटो: पीटीआय अमर उजाला ई-पेपर वाचा कोठेही कधीही. * फक्त ₹ 299 मर्यादित कालावधी ऑफरसाठी वार्षिक सदस्यता. लवकर कर! बातमी ऐका बातमी ऐका मंगळवारी दिल्लीत शेतकरी ट्रॅक्टर मोर्चा प्रजासत्ताक दिनी खळबळजनक ठरली. अनेक ठिकाणी शेतकरी व पोलिसात चकमक झाली. हे लक्षात घेता, हरियाणा सरकारने दिल्लीला लागून असलेल्या…

[marathinewslive]

शेतक Prot्यांचा निषेध लाइव्ह अपडेट्स 21 जानेवारी सरकारच्या प्रस्तावावर किसान नेत्यांची बैठक पोलिसांच्या ट्रॅक्टर रॅलीससिंहू टिकरी गाझीपूर इतर सीमांवर शेतकरी-शेतकरी आंदोलनाचा 57 वा दिवस

शेतक Prot्यांचा निषेध लाइव्ह अपडेट्स 21 जानेवारी सरकारच्या प्रस्तावावर किसान नेत्यांची बैठक पोलिसांच्या ट्रॅक्टर रॅलीससिंहू टिकरी गाझीपूर इतर सीमांवर शेतकरी-शेतकरी आंदोलनाचा 57 वा दिवस

अमर उजाला नेटवर्क, नवी दिल्ली अद्यतनित गुरु, 21 जाने 2021 11:00 AM IST दिल्ली-नोएडा सीमेवरुन शेतक Farmers्यांचा ट्रॅक्टर मोर्चा – फोटो: अमर उजाला अमर उजाला ई-पेपर वाचा कोठेही कधीही. * फक्त ₹ 299 मर्यादित कालावधी ऑफरसाठी वार्षिक सदस्यता. लवकर कर! बातमी ऐका बातमी ऐका पोलिस आणि शेतकरी नेते भेटतीलआज तेथे पोलिस आणि शेतकरी नेत्यांची बैठक देखील होणार आहे ज्यात प्रजासत्ताक दिनी ट्रॅक्टर रॅली…

[airnews-arngbad]

Regional Marathi Text Bulletin, Aurangabad Date – 21 November 2020 Time 7.10 AM to 7.20 AM Language Marathi आकाशवाणी औरंगाबाद प्रादेशिक बातम्या दिनांक – २१ नोव्हेंबर २०२० सकाळी ७.१० मि ****

·      शाळा सुरु करण्यासंदर्भातला निर्णय स्थानिक प्रशासनानं घेण्याच्या शालेय शिक्षण मंत्री वर्षा गायकवाड यांच्या सूचना.

·      औरंगाबाद शहरात आज महापालिका प्रशासन निर्णय घेणार; कोविड चाचणीत औरंगाबादमध्ये आठ, जालन्यात चार तर उस्मानाबादमध्ये ४८ शिक्षक बाधित.

·      टाळेबंदीच्या काळातलं १०० युनिटपर्यंत वीज बिल माफ करण्यासंदर्भात विचार सुरू - ऊर्जामंत्री नितीन राऊत.

·      कार्तिकी एकादशीनिमित्त पंढरपुरात भाविकांची गर्दी होऊ नये, म्हणून उद्यापासून २६ नोव्हेंबरपर्यंत संचारबंदी लागू करण्याचा प्रशासनाचा निर्णय.

·      राज्यात आणखी पाच हजार ६४० तर मराठवाड्यात ४१७ नव्या रुग्णांची नोंद.

आणि

·      महाआवास अभियानातंर्गत ग्रामीण भागात आठ लाख ८२ हजार घरकुल बांधण्याचा राज्य सरकारचा निर्धार.  

****

शाळा सुरु करण्यासंदर्भातला निर्णय स्थानिक प्रशासनानं घ्यावा, असं शालेय शिक्षण मंत्री वर्षा गायकवाड यांनी म्हटलं आहे. त्या काल मुंबईत वार्ताहरांशी बोलत होत्या. येत्या २३ तारखेपासून नववी ते बारावीचे वर्ग सुरू करण्याचा निर्णय शासनानं घेतला आहे, मात्र या शाळा सुरू करत असताना स्थानिक प्रशासनाने योग्य ती खबरदारी घेण्याचं आवाहन त्यांनी केलं. कोरोना विषाणूचा प्रादुर्भाव असलेल्या जिल्ह्यात शाळा सुरू करत असताना स्थानिक जिल्हा अधिकारी, गट विकास अधिकारी आणि शिक्षणाधिकाऱ्यांनी विचार विनिमय करूनच विद्यार्थ्यांचे आरोग्य आणि शैक्षणिक हित जपूनच निर्णय घ्यावा, अशी सूचना गायकवाड यांनी केली. गायकवाड यांनी या संदर्भात शिक्षण विभागातल्या अधिकाऱ्यांना आवश्यक सूचना केल्या आहेत. प्रत्यक्ष वर्ग सुरू झाले नाही तरी ऑनलाईन पध्दतीने शिक्षण चालूच राहणार आहे.

दरम्यान, मुंबई महापालिका क्षेत्रातल्या सर्व खासगी, सरकारी, महापालिकेच्या शाळा ३१ डिसेंबरपर्यंत बंद ठेवण्याचा निर्णय मुंबई महापालिकेनं घेतला आहे. महापालिका आयुक्त इक्बाल चहल यांनी काल याबाबतचे आदेश जारी केले.

औरंगाबाद शहरात शाळा सुरू करण्याबाबतचा निर्णय आज होणाऱ्या बैठकीत घेतला जाणार असल्याचं, महापालिकेचे प्रशासक अस्तिककुमार पांडेय यांनी सांगितलं आहे. महापालिका प्रशासनानं शाळा खोल्या निर्जंतुकीकरण आणि शिक्षकांच्या कोविड तपासणीसह शाळा सुरू करण्याची तयारी सुरू केली आहे, मात्र गेल्या दोन दिवसांपासून शहरात कोविड रुग्णांची वाढती संख्या पाहता, शाळा सुरू करायच्या की नाही, याबाबतचा निर्णय आजच्या बैठकीत होणार असल्याचं, पांडेय यांनी सांगितलं.

दरम्यान, औरंगाबाद शहरात परवा गुरुवारी चाचणी झालेल्या एक हजार ४४ शिक्षकांपैकी आठ शिक्षकांना कोविडची लागण झाल्याचं समोर आलं आहे. महापालिकेच्या वैद्यकीय अधिकारी नीता पाडळकर यांनी ही माहिती दिली.

****

उस्मानाबाद जिल्ह्यात कालपर्यंत ३ हजार ७८६ शिक्षकांची तपासणी करण्यात आली, यापैकी ४८ शिक्षक बाधित आढळले आहेत. जालन्यात आतापर्यंत १९० शिक्षकांची तपासणी करण्यात आली, यापैकी चार शिक्षक बाधित आढळले आहेत.

****

कर्तव्य बजावताना कोरोना विषाणू संसर्गानं मृत्यू झालेल्या जिल्हा परिषद, पंचायत समित्या आणि ग्रामपंचायतीच्या विविध पदावरील १७ अधिकारी आणि कर्मचाऱ्यांच्या वारसांना प्रत्येकी ५० लाख रुपये विमा रक्कम अदा करण्यास मान्यता देण्यात आली आहे. यासंदर्भातला शासन निर्णय काल जारी करण्यात आला. संबंधित कर्मचाऱ्यांच्या वारसांना तातडीने मदत देण्याबाबत सूचना देण्यात आल्या असल्याचं ग्रामविकास मंत्री हसन मुश्रीफ यांनी सांगितलं. गृहभेटी करणं, ��क्सीमीटर-थर्मामीटर आदींच्या सहाय्यानं लोकांची तपासणी करणं, अशी विविध कामं करताना कर्तव्यावर असताना दुर्दैवानं काही अधिकारी आणि कर्मचाऱ्यांना कोरोना विषाणूची लागण होऊन त्यांचा मृत्यू झाला.

****

टाळेबंदीच्या काळातल्या १०० युनिटपर्यंत वीज बिल माफ करण्यासंदर्भात विचार सुरू असल्याचं ऊर्जामंत्री नितीन राऊत यांनी सांगितलं आहे. ते काल मुंबईत वार्ताहरांशी बोलत होते. यासंदर्भात एका अभ्यास गटाची स्थापना केली असल्याचं त्यांनी सांगितलं. कृषी वीज धोरणास सरकारनं मंजुरी दिली असून, सर्व कृषी ग्राहकांना तीन वर्षात टप्प्याटप्याने कायमस्वरूपी दिवसा आठ तास वीज पुरवठा करणार असल्याचं त्यांनी सांगितलं. पूर्वीच्या भारतीय जनता पक्षाच्या सरकारनं वीज देयकाची थकबाकी वाढवली, त्याची चौकशी करणार असल्याचं राऊत म्हणाले. वीज देयकावरुन विरोधकांचं राजकारण सुरु असल्याचा आरोपही त्यांनी यावेळी केला.

****

दरम्यान, भाजप सरकारच्या कार्यकाळातल्या वीज देयक थकबाकीची चौकशी करण्याचे राज्य सरकारनं दिलेले आदेश हास्यास्पद असल्याचं विधानसभेतले विरोधी पक्षनेते माजी मुख्यमंत्री देवेंद्र फडणवीस यांनी म्हटलं आहे. ते काल नागपूर इथं वार्ताहरांशी बोलत होते. ही थकबाकी राष्ट्रवादी आणि काँग्रेस सरकारच्या कार्यकाळातली असून, आपल्या सरकारमधले माजी ऊर्जामंत्री चंद्रशेखर बावनकुळे यांनी सर्वात कमी दरात विजेची खरेदी केली होती, असं फडणवीस म्हणाले.

****

केंद्रीय माहिती आणि प्रसारण मंत्रालयाने कोरोना विषाणू संसर्गा विषयी जनजागृती मोहीम सुरु केली आहे. कोरोना विषाणू प्रतिबंधासाठी मास्क लावणं, वारंवार हात धुणं आणि एकमेकात सुरक्षित सामाजिक अंतर राखण्याचं आवाहन हिंगोली जिल्हा नियोजन समितीचे सदस्य डॉ.सतीश पाचपुते यांनी केलं आहे.

****

विधान परिषदेवर राज्यपाल नियुक्त सदस्य म्हणून राज्य सरकारने शिफारस केलेल्या काही नावांवर आक्षेप घेणारी याचिका मुंबई उच्च न्यायालयात दाखल झाली आहे. वरिष्ठ सभागृहाला वेगवेगळ्या क्षेत्रांतल्या तज्ज्ञ व्यक्तींच्या अनुभवाचा फायदा मिळावा यासाठी, सामाजिक सेवा, विज्ञान, कला, साहित्य, आदी क्षेत्रांतलं विशेष ज्ञान तसंच अनुभव असलेल्या व्यक्तींची राज्यपालांमार्फत नियुक्ती करण्याची तरतूद घटनेत आहे. मात्र, या तरतुदीला बगल देत राजकीय पार्श्वभूमी असलेले एकनाथ खडसे, राजू शेट्टी, रजनी पाटील, सचिन सावंत, आदींच्या नावांची शिफारस मुख्यमंत्र्यांनी केली, असं याचिकाकर्त्यांनी म्हटलं आहे. यावर येत्या २४ नोव्हेंबरला सुनावणी होणार आहे. सदर व्यक्तींना याचिकेत प्रतिवादी करण्याची परवानगी याचिकाकर्त्यांना देण्यात आली आहे.

****

कार्तिकी एकादशी सोहळ्यानिमित्त पंढरपुरात भाविकांची गर्दी होऊ नये, यासाठी उद्या २२ नोव्हेंबरच्या रात्री १२ वाजेपासून ते २६ नोव्हेंबरपर्यंत पंढरपूरसह परिसरातल्या दहा गावांम���्ये संचारबंदी लागू करण्यात येणार आहे. या यासंदर्भात जिल्हाधिकाऱ्यांकडे प्रस्ताव दिला असल्याची माहिती अतिरिक्त जिल्हा पोलीस अधीक्षक अतुल झेंडे यांनी दिली. कोरोना विषाणू प्रादुर्भावाच्या पार्श्वभूमीवर पंढरपूर नगरीत वारकऱ्यांची गर्दी होऊ नये, यासाठी कार्तिकी यात्रा भरू न देण्याचे प्रयत्न शासन स्तरावर सुरू असल्याचं त्यांनी सांगितलं. पंढरपूर कडे येणाऱ्या मार्गावर नाकाबंदी करण्यात आली असून, २२ ते २६ नोव्हेंबर पर्यंत या मार्गावरची एस टी बस सेवाही बंद राहणार असल्याचं पोलिस अधीक्षकांनी सांगितलं. दरम्यान, कार्तिकी एकादशीला उपमुख्यमंत्री तसंच पालकमंत्र्यांच्या हस्ते पांडुरंगाच्या शासकीय महापूजेसाठी विधी आणि न्याय विभागानं परवानगी दिली आहे.

****

राज्यानं एक कोटी कोविड १९ चाचण्यांचा टप्पा ओलांडला आहे. आरोग्य मंत्री राजेश टोपे यांनी ही माहिती दिली.

राज्यात काल आणखी पाच हजार ६४० कोविड बाधितांची नोंद झाली. त्यामुळे राज्यातली एकूण रुग्णसंख्या १७ लाख ६८ हजार ६९५ झाली आहे. काल १५५ जणांचा उपचारादरम्यान मृत्यू झाला. राज्यात या विषाणू संसर्गामुळे आतापर्यंत ४६ हजार ५११ रुग्णांचा मृत्यू झाला आहे. तर काल सहा हजार ९४५ रुग्ण बरे झाल्यानं त्यांना घरी सोडण्यात आलं. राज्यात आतापर्यंत १६ लाख ४२ हजार ९१६ रुग्ण कोरोना विषाणू मुक्त झाले असून, सध्या ७८ हजार २७२ रुग्णांवर उपचार सुरु आहेत. राज्यात रुग्ण बरे होण्याचा दर ९२ पूर्णांक ८९ टक्के इतका आहे.  

****

मराठवाड्यात काल ६ कोरोना विषाणू बाधित रुग्णांचा मृत्यू झाला, तर नव्या ४१७ रुग्णांची नोंद झाली. परभणी जिल्ह्यात काल तीन कोविड बाधितांचा मृत्यू झाला तर १७ नवे रुग्ण आढळले. औरंगाबाद, जालना तसंच बीड जिल्ह्यात काल प्रत्येकी एका रुग्णाचा मृत्यू झाला, औरंगाबाद जिल्ह्यात नवे ९६ रुग्ण, जालना जिल्ह्यात ६३ नवे रुग्ण, तर बीड जिल्ह्यात नवे ४५ रुग्ण आढळले. उस्मानाबाद जिल्ह्यात नव्या ८७ रुग्णांची नोंद झाली. नांदेड जिल्ह्यात काल ७६ नवे रुग्ण आढळले, लातूर जिल्ह्यात ३२, तर हिंगोली जिल्ह्यात काल एका कोविडबाधिताची नोंद झाली.

****

राज्यातल्या ग्रामीण भागातल्या नागरिकांना हक्काचा निवारा देणाऱ्या विविध योजना गतिमान करुन घरकुलांच्या गुणवत्ता वाढीसाठी राज्यात २० नोव्हेंबर २०२० ते २८ फेब्रुवारी २०२१ या कालावधीत “महाआवास अभियान-ग्रामीण” राबवलं जाणार आहे. मुख्यमंत्री उद्धव ठाकरे यांच्या हस्ते काल या अभियानाचा शुभारंभ झाला. या  अभियानाद्वारे ग्रामीण भागात सुमारे आठ लाख ८२ हजार घरकुलांची निर्मिती करण्याचा निर्धार करण्यात आला असून, सर्वांनी एकत्रित अभियान यशस्वी करावं, असं आवाहन मुख्यमंत्र्यांनी यावेळी केलं.

राज्यात सध्या अपूर्ण असलेली घरकुले तसंच अद्याप मान्यता न दिलेल्या घरकुल प्रस्तावांना मान्यता देऊन या शंभर दिवसात घरकुले पूर्ण करण्याचा निर्धार करण्यात आला असल्याचं ग्रामविकास मंत्री हसन मुश्रीफ यांनी सांगितलं.  

****

कृषीमंत्री दादा भुसे यांनी काल जालना जिल्ह्यातल्या पळसखेडा पिंपळे इथं विद्युत शॉक लागून वि��िरीत बुडून मृत्यमुखी पडलेल्या तीन भावांच्या कुटुंबियांची भेट घेऊन सांत्वन केलं. मृतांच्या कुटुंबियास शासनाच्या गोपीनाथराव मुंडे अपघात विमा योजनेतून मदत मिळवून देण्याचं आश्वासन त्यांनी यावेळी दिलं. दरम्यान, मृतांच्या कुटुंबियांना तीस लाख रुपये मदत द्यावी, तसंच रात्री ऐवजी दिवसा वीजपुरवठा करण्यात यावा या मागणीसाठी शेतकरी संघटनेच्या दोन तरुणांनी दुपारी पेट्रोलची कॅन सोबत घेऊन पाण्याच्या टाकीवर चढून आंदोलन केलं. मागण्या मान्य न झाल्यास आत्मदहन करण्याचा इशारा दिला. यावेळी मृतांच्या कुटुंबीयास भेटण्यासाठी गेलेले शिवसेनेचे नेते माजी मंत्री अर्जुन खोतकर यांनी आंदोलक तरुणांशी संवाद साधला. मृत कुटुंबीयास आवश्यक सहकार्य करण्याचं आश्वासन दिल्यानंतर आंदोलक तरुण टाकीवरून खाली उरतले.

****

ग्रामीण भागातील सर्व कुटुंबांना सन २०२४ पर्यंत ‘हर घर, नल से जल’ या योजनेमधून पाणीपुरवठा करण्यात येणार असल्याचं नांदेड जिल्हा परिषदेच्या मुख्य कार्यकारी अधिकारी वर्षा ठाकूर घुगे यांनी सांगितलं. भोकर तालुक्यातल्या चितगीरी इथं पाणी पुरवठा योजना आणि नळ जोडणीच्या कामांची काल पाहणी केल्यानंतर त्या बोलत होत्या. जल जीवन मिशन अंतर्गत २०२४ पर्यंत जिल्ह्यातल्या सर्व ग्रामीण भागातल्या कुटुंबांना नळजोडणीद्वारे पिण्याचं पाणी उपलब्ध करण्यात येणार असून, या नवीन योजनेमध्ये प्रतिदिन प्रतिव्यक्ती किमान ५५ लीटर याप्रमाणे पाणी उपलब्ध करणं अपेक्षित असल्याचं त्या म्हणाल्या.

****

खरेदीदार आणि आडत व्यापारी यांच्या वाद सुरु असल्यामुळे लातूरचा आडत बाजार गेल्या दोन दिवसांपासून बंद आहे. बाजारात सध्या दररोज हजारो क्विंटल सोयाबीनची आवक होत आहे. त्यामुळे बाजार लवकरात लवकर सुरु झाला नाही तर शेतकरी संघटना रस्त्यावर उतरुन आंदोलन करेल असा इशारा शेतकरी संघटनेने दिला आहे. हमाल कामगारांनी हमाली दर वाढवून देण्याची मागणी केली असून, या प्रकरणी बाजार समितीने स्वतः पुढाकार घेऊन हा प्रश्न सोडवावा अशी मागणी, महाराष्ट्र माथाडी कामगार जनरल युनियनचे नेते शिवाजी कांबळे यांनी केली. खरेदीदार आणि हमाल यांच्या वादात शेतकऱ्यांना वेठीस धरु नये असं आवाहन शेतकरी संघटनेचे जिल्हाध्यक्ष राजकुमार सस्तापुरे यांनी केलं आहे.

****

अहमदनगर जिल्हा परिषदेच्या अध्यक्ष डॉ.राजश्री घुले पाटील यांनी नागरिकांना कोविडपासून बचावासाठी त्रिसुत्रींचं पालन करण्याचं आवाहन केलं आहे.

****

लातूर शहरात एक दिवस एक वार्ड उपक्रमांतर्गत महावितरण कर्मचारी ग्राहकांशी संवाद साधणार आहेत. महावितरण कंपनीचे सहव्यवस्थापकीय संचालक डॉ.नरेश गिते यांच्या निर्देशानुसार हा उपक्रम चाल�� करण्यात आला आहे. या उपक्रमा अंतर्गत रोहित्रांची दुरुस्ती, तारा ओढणे, ग्राहकांच्या विज देयकांच्या तक्रारींचे निरसन करुन ग्राहकांना थकीत विज देयकं भरण्यासाठी प्रोत्साहित करणं तसंच देयकं भरुन घेणं, वीजेच्या तारांना अडथळा असलेल्या झाडांच्या फांद्या तोडणं इत्यादी कामे करण्यात येत आहेत.

****

ग्रामीण भागातल्या महिलांचं आरोग्य आणि सन्मान अबाधित राहावा यासाठी प्रत्येक नागरिकानं महिलांच्या सन्मानासाठी शौचालयाचा नियमित वापर करण्याचं आवाहन स्वच्छ भारत मिशन चे उपमुख्य कार्यकारी अधिकारी राजेंद्र तुबाकले यांनी केलं आहे. परभणी जिल्ह्याच्या पूर्णा तालुक्यातल्या पिंपळा भत्या इथं राज्य शासनाच्या वतीनं राबवण्यात येत असलेल्या जागतिक शौचालय दिन उपक्रमाला काल तुबाकले यांनी भेट दिली, त्यावेळी ते बोलत होते.

****

लोकशाहीर अण्णाभाऊ साठे महामंडळास आर्थिक पॅकेज देण्याची मागणी मानवहित लोकशाही पक्षाचे संस्थापक अध्यक्ष तथा अण्णाभाऊ साठे यांचे नातू सचिन साठे यांनी केली आहे. ते काल लातूर इथं वार्ताहरांशी बोलत होते.

****

[airnews-arngbad]

Regional Marathi Text Bulletin, Aurangabad Date – 20 November 2020 Time 18.00 to 18.10 Language Marathi

आकाशवाणी औरंगाबाद

प्रादेशिक बातम्या

दिनांक – २० नोव्हेंबर २०२० सायंकाळी ६.००

****

** जम्मू काश्मीरमध्ये दहशतवादी कट उधळून लावल्याबद्दल पंतप्रधान नरेंद्र मोदी यांनी मानले सुरक्षा दलाचे आभार

** टाळेबंदीच्या काळातल्या वाढीव वीज बिलाच्या बाबतीत सरकार गंभीर  - ऊर्जामंत्री नितीन राऊत

** राज्यात शाळा सुरु करण्यासंदर्भात स्थानिक प्रशासनानं निर्णय घ्यावा - शालेय शिक्षण मंत्री वर्षा गायकवाड

आणि

** औरंगाबाद आणि जालना जिल्ह्यात आज प्रत्येकी एका कोविड बाधित रुग्णाचा मृत्यू

****

पंतप्रधान नरेंद्र मोदी यांनी जम्मू आणि काश्मीरमधल्या तळागाळातल्या लोकशाही प्रक्रियेवर लक्ष्य साधून केलेला दहशतवादी हल्ल्याचा जैश-ए-मोहम्मदचा कट उधळून लावल्याबद्दल सुरक्षा दलाचे आभार मानले आहेत. जम्मू काश्मीरमधल्या नरगोटा इथं झालेल्या या चकमकीत सुरक्षा दलाच्या जवानांनी चार दहशतवाद्यांना ठार केलं. २६/११ च्या वर्षपूर्ती दिनानिमित्त हे दहशतवादी मोठं षडयंत्र राबवण्याचा प्रयत्न करत होते. त्यांच्याकडून मोठ्या प्रमाणात शस्त्रे आणि स्फोटकं जप्त करण्यात आली. आपल्या सुरक्षा दलांनी पुन्हा एकदा महान शौर्य दाखवलं असून, त्यांच्या सावधानतेमुळे जम्मू काश्मीरमध्ये दहशतवादी कट उधळण्यास यश मिळालं असल्याचं पंतप्रधान नरेंद्र मदी यांनी ट्विट संदेशात म्हटलं आहे.

दरम्यान, या चकमकीच्या पार्श्वभूमीवर आज पंतप्रधानांनी उच्चस्तरीय बैठक घेतली. गृहमंत्री अमित शहा, राष्ट्रीय सुरक्षा सल्लागार अजित डोभाल, परराष्ट्र सचिव आणि सर्व गुप्तचर यंत्रणांचे अधिकारी या बैठकीला उपस्थित होते.

****

टाळेबंदीच्या काळातल्या वाढीव वीज बिलाच्या बाबतीत सरकार गंभीर असल्याचं ऊर्जामंत्री नितीन राऊत यांनी म्हटलं आहे. ते आज मुंबईत वार्ताहरांशी बोलत होते. १०० युनिटपर्यंत वीज बिल माफ करण्यासंदर्भात विचार सुरु असून, यासंदर्भात एका अभ्यास गटाची स्थापना केली असल्याचं त्यांनी सांगितलं. कृषी वीज धोरणास सरकारनं मंजुरी दिली असून, सर्व कृषी ग्राहकांना तीन वर्षात टप्प्याटप्याने कायमस्वरूपी दिवसा आठ तास वीज पुरवठा करणार असल्याचं त्यांनी सांगितलं. मागच्या भारतीय जनता पक्षाच्या सरकारनं थकबाकी वाढवली आणि त्याची चौकशी करणार असल्याचं राऊत यावेळी म्हणाले. वीजबिलावरुन विरोधकांचं राजकारण सुरु असल्याचा आरोपही त्यांनी यावेळी केला.

****

दरम्यान, भाजप सरकार मधल्या ऊर्जा विभागातल्या थकबाकीची चौकशी करण्याचे राज्य सरकारनं दिलेले आदेश हास्यास्पद असल्याचं माजी मुख्यमंत्री विधानसभेतले विरोधी पक्षनेते देवेंद्र फडणवीस यांनी म्हटलं आहे. ते आज नागपूर इथं वार्ताहरांशी बोलत होते. ही थकबाकी राष्ट्रवादी आणि काँग्रेस चा काळातली असून, मागच्या सरकारमधले माजी ऊर्जामंत्री चंद्रशेखर बावनकुळे यांनी सर्वात कमी दरात विजेची खरेदी केली होती, असं फडणवीस म्हणाले.

****

टाळेबंदीच्या काळातलं वीज बिल माफ करावं या मागणीसाठी भारतीय जनता पक्षातर्फे राज्यभर वीज बिलाची होळी करुन आंदोलन करण्यात येणार असल्याचं पक्षाचे नेते चंद्रशेखर बावनकुळे यांनी सांगितलं. ते आज नागपूर इथं वार्ताहरांशी बोलत होते. मार्च ते जून या चार महिन्याच्या काळात शून्य ते शंभर आणि शंभर ते ३०० या दोन श्रेणीतल्या आर्थिक दुर्बल, मागासवर्गीय ��टकांना पुढील पाच वर्षासाठी वीजबील माफ करावं, या वीज बील माफीसाठी राज्य सरकारने त्वरित पाच हजार कोटी रुपयांचं अनुदान महावितरणला द्यावं, आदी मागण्या त्यांनी यावेळी केल्या. महावितरण कंपनी ही राज्याच्या अखत्यारित असून, उर्जा मंत्री डॉ. नितीन राऊत यांनी केंद्राकडे केलेली मदतीची मागणी अर्थहीन आहे, असे बावनकुळे यांनी स्पष्ट केलं.

****

कोरोना विषाणूचा प्रादुर्भाव रोखण्यासाठी त्रिसूत्रीचं पालन करण्याचं आवाहन नवी मुंबईतले सुलेखनकार विनोद महाबळे यांनी केलं आहे.

****

राज्यात शाळा सुरु करण्यासंदर्भात स्थानिक प्रशासनानं निर्णय घ्यावा, असं शालेय शिक्षण मंत्री वर्षा गायकवाड यांनी म्हटलं आहे. त्या आज मुंबईत वार्ताहरांशी बोलत होत्या. येत्या २३ तारखेपासून नववी ते अकरावीचे वर्ग सुरू करण्याचा निर्णय शासनानं घेतला असून, शाळा सुरू करत असताना स्थानिक प्रशासनाने योग्य ती खबरदारी घेऊनच शाळा सुरू कराव्यात, असं त्या म्हणाल्या. कोरोना विषाणूचा प्रादुर्भाव असलेल्या जिल्ह्यात शाळा सुरू करत असताना स्थानिक जिल्हा अधिकारी, गट विकास अधिकारी आणि शिक्षणाधिकाऱ्यांनी विचार विनिमय करूनच विद्यार्थ्यांचे आरोग्य आणि शैक्षणिक हित जपूनच निर्णय घ्यावा, अशी सूचना गायकवाड यांनी आज केली. राज्यातल्या शाळा सुरू होण्याच्या दृष्टीनं स्थानिक प्रशासनाचा निर्णय महत्त्वपुर्ण ठरणार असल्याचं त्या म्हणाल्या.

****

श्रीविठ्ठलाच्या कार्तिकी एकादशी सोहळ्यानिमित्त पंढरपूर नगरीत भाविकांची गर्दी होऊ नये, यासाठी २२ नोव्हेंबरच्या रात्री १२ वाजल्यापासून ते २६ नोव्हेंबरपर्यंत संचारबंदी कायदा लागू करण्यात येणार आहे. या यासंदर्भात जिल्हाधिकारी यांच्याकडे प्रस्ताव दिला असल्याची माहिती अतिरिक्त जिल्हा पोलीस अधीक्षक अतुल झेंडे यांनी दिली आहे. कोरोना विषाणू प्रादुर्भावाच्या पार्श्वभूमीवर पंढरपूर नगरीत वारकऱ्यांची गर्दी होऊ नये, यासाठी कार्तिकी यात्रा भरून न देण्याचे शासन स्तरावर प्रयत्न सुरू असल्याचं ते म्हणाले. पंढरपूर कडे येणाऱ्या मार्गावर नाकाबंदी करण्यात आली असून, २२ ते २६ नोव्हेंबर पर्यंत एस टी बस बंद राहणार असल्याचं पोलिस अधिक्षकांनी सांगितलं.

****

नाशिक इथल्या ओझर विमानतळावरुन आजपासून बंगळूरु आणि हैदराबादला विमानसेवा सुरु झाली. पालकमंत्री छगन भुजबळ यांच्या हस्ते स्पाईस जेट विमानसेवेचं उद्घाटन झालं. या विमान सेवेमुळे जिल्ह्याच्या विकासाला हातभार लागणार आहे, तसंच देशातली महत्त्वाची शहरं जोडली जाणार असल्यानं उद्योग आणि पर्यटनाच्या वाढीसाठी उपयुक्त ठरणार असल्याचं भुजबळ यावेळी म्हणाले. दिल्ली, अहमदाबाद तसंच इतरही प्रमुख शहरांना जोडणाऱ्या विमानसेवा नाशिक येथून सुरू होणार असल्याचं त्यांनी सांगितलं.  

****

औरंगाबाद जिल्ह्यात आज एका कोविड बाधित रुग्णाचा मृत्यू झाला. सिल्लोड इथल्या २५ वर्षीय युवकावर शासकीय रुग्णालयात उपचार सुरु होते. तर जिल्ह्यात आज दुपारपर्यंत आठ नवे रुग्ण आढळले.

****

जालना जिल्ह्यातही आज एका कोरोना विषाणू बाधित रुग्णाचा मृत्यू झाला. त्यामुळे जिल्ह्यात या संसर्गानं झालेल्या एकूण मृतांची संख्या आता ३०६ झाली आहे. दरम्यान, आज दिवसभरात ६३ नवीन कोरोना विषाणू बाधित रुग्ण आढळून आले. जिल्ह्याची एकूण रुग्णसंख्या आता अकरा हजार ९११ झाली आहे. उपचारानंतर कोरोना विषाणूमुक्त झालेल्या १८ रुग्णांना आज सुटी देण्यात आली. आजपर्यंत जिल्ह्यातले अकरा हजार ७१ रुग्ण या आजारातून बरे झाले आहेत. तर बाधित असलेल्या ५३४ रुग्णांवर उपचार सुरू आहेत.

****

भंडारा जिल्ह्यात आज ६१, सिंधुदुर्ग जिल्ह्यात आठ, तर धुळे जिल्ह्यात सात नव्या रुग्णांची नोंद झाली.

****

ग्रामीण भागातील सर्व कुटुंबांना सन २०२४ पर्यंत 'हर घर, नल से जल'  या योजनेमधून पाणीपुरवठा करण्यात येणार असल्याचं नांदेड जिल्हा परिषदेच्या मुख्य कार्यकारी अधिकारी वर्षा ठाकूर घुगे यांनी सांगितलं. भोकर तालुक्‍यातल्या चितगीरी इथं पाणी पुरवठा योजना आणि नळ जोडणीच्‍या कामांची आज पाहणी केल्यानंतर त्या बोलत होत्या. जल जीवन मिशन अंतर्गत २०२४ पर्यंत जिल्ह्यातल्या सर्व ग्रामीण भागातल्या कुटुंबांना नळजोडणीद्वारे पिण्याचं पाणी उपलब्ध करण्यात येणार असून, या नवीन योजनेमध्ये प्रतिदिन प्रतिव्यक्ती किमान ५५ लिटर याप्रमाणे पाण्याची उपलब्धता करणं अपेक्षित असल्याचं त्या म्हणाल्या.

****

लोकशाहीर अण्णाभाऊ साठे महामंडळास आर्थिक पॅकेज देण्याची मागणी मानवहीत लोकशाही पक्षाचे संस्थापक अध्यक्ष तथा अण्णाभाऊ साठे यांचे नातू सचिन साठे यांनी केली आहे. ते आज लातूर इथं वार्ताहरांशी बोलत होते. मातंग बांधवांना इतर कुठल्याही माध्यमातून मदतीचा हात मिळत नाही, अशा काळात महामंडळ हे एकमेव आशास्थान आहे, सरकारने निधी न दिल्यामुळे हे महामंडळ बंद पडण्याच्या मार्गावर असल्याचं ते म्हणाले.

****

खरेदीदार आणि आडत व्यापारी यांच्या वाद सुरु असल्यामुळे लातूरचा आडत बाजार गेल्या दोन दिवसांपासून बंद आहे. बाजारात सध्या दररोज हजारो क्विंटल सोयाबीनची आवक झाली आहे. त्यामुळे बाजार लवकरात लवकर सुरु झाला नाही तर शेतकरी संघटना रस्त्यावर उतरुन आंदोलन करेल असा इशारा शेतकरी संघटनेने दिला आहे.

हमाल कामगारांनी हमाली दर वाढवून देण्याची मागणी केली असून, या प्रकरणी बाजार समितीने स्वतः पुढाकार घेउन हा प्रश्न सोडवावा अशी मागणी, महाराष्ट्र माथाडी कामगार जनरल युनीयनचे नेते शिवाजी कांबळे यांनी केली.

****////****

[airnews-arngbad]

Regional Marathi Text Bulletin, Aurangabad Date – 19 November 2020 Time 18.00 to 18.10 Language Marathi

आकाशवाणी औरंगाबाद

प्रादेशिक बातम्या

दिनांक – १९ नोव्हेंबर २०२० सायंकाळी ६.००

****

·      येणाऱ्या काही महिन्यात नागरीकांना कोविड १९ लस उपलब्ध होईल - केंद्रीय आरोग्य मंत्री डॉ. हर्षवर्धन यांचा विश्वास

·      पंढरपूरची आगामी कार्तिकी वारी प्रतिकात्मक स्वरुपात साजरी व्हावी असा सोलापूरचे जिल्हाधिकारी आणि पोलिस अधिक्षकांचा प्रस्ताव

·   नां��ेड जिल्ह्यात आज ३६ नवे कोरोना विषाणू बाधित रुग्ण

आणि

·      परभणी आणि नांदेड जिल्ह्यात जागतिक शौचालय दिनानिमित्त विविध उपक्रम

****

येणाऱ्या काही महिन्यात नागरीकांना कोविड १९ लस उपलब्ध होईल, असा विश्वास केंद्रीय आरोग्य मंत्री डॉ. हर्षवर्धन यांनी व्यक्त केला आहे. भारतीय उद्योग आणि वाणिज्य महासंघ - फिक्कीनं आयोजित केलेल्या एका कार्यक्रमात ते आज बोलत होते. लसीच्या वितरणासाठी दिशानिर्देश तयार करण्याचं काम सुरु असल्याचं ते म्हणाले. सुरवातीला कोरोना योद्ध्यांना, आणि त्यानंतर ६५ वर्षांवरील नागरीकांना ही लस दिली जाईल, असं त्यांनी सांगितलं. पुढच्या वर्षी जुलै किंवा ऑगस्ट पर्यंत या लसीचे ४० ते ५० कोटी डोस तयार होतील, असं केंद्रीय आरोग्य मंत्रालयानं सांगितलं.

****

जागतिक शौचालय दिन आज पाळण्यात येत आहे. सर्वांना शौचालय यासाठी भारताचा दृढसंकल्प असल्याचं पंतप्रधान नरेंद्र मोदी यांनी ट्विट संदेशात म्हटलं आहे.  कोट्यावधी भारतीयांसाठी  गेल्या काही वर्षापासून शौचलाय आणि स्वच्छता व्यवस्था निर्माण करण्याचं अद्भुत कार्य आपण पहिलं, याद्वारे मोठ्या प्रमाणात आरोग्य लाभ आणि नारी शक्तीस सन्मान प्राप्त झाला असल्याचं पंतप्रधान म्हणाले.

****

राज्याची आर्थिक परिस्थिती खरोखरच बिकट असून, ही वस्तुस्थितीदेखील लक्षात घेतली पाहिजे, असं काँग्रेस प्रदेशाध्यक्ष महसूल मंत्री बाळासाहेब थोरात यांनी म्हटलं आहे. ते आज नाशिक इथं वार्ताहरांशी बोलत होते. काँग्रेसच्या मंत्र्यांकडील खात्यांना पुरेसा निधी दिला जात नाही असा आक्षेप काही मंत्र्यांनी घेतला असल्याच्या पार्श्वभूमीवर ते बोलत होते. आपण यासंदर्भात मुख्यमंत्री उद्धव ठाकरे यांच्याशी चर्चा केली असून, यासंदर्भातल्या त्रुटी लवकरच दूर होतील, असं ते म्हणाले. टाळेबंदी काळातलं वाढीव वीज बिल माफ करण्याबाबत मागणी केली जात असली तरी, त्यासाठी राज्याच्या आर्थिक परिस्थितीचाही विचार करावा लागेल, असंही थोरात यावेळी म्हणाले.

****

पंढरपूरची आगामी कार्तिकी वारी प्रतिकात्मक स्वरुपात साजरी व्हावी, मानाच्या दिड्यांनी पंढरीकडे मार्गस्थ होऊ नये, असा प्रस्ताव सोलापूरचे जिल्हाधिकारी आणि पोलिस अधिक्षकांनी मुख्यमंत्री उद्धव ठाकरे यांच्याकडे पाठवला आहे. पांडूरंगाचे धार्मिक विधी पंरपरेनुसार पार पडतील, मात्र वारकऱ्यांची गर्दी होऊ नये म्हणून संबंधित यंत्रणांना त्यानुसार आदेश द्यावेत, असं त्यांनी म्हटलं आहे. मंदिर समितीच्या ठरावावर प्रातांधिकाऱ्यांनी अभिप्राय देत तो प��रस्ताव जिल्हाधिकारी आणि पोलिस अधीक्षकांना पाठवला, त्यावर त्यांनी मुख्यमंत्र्यांकडे हा प्रस्ताव सादर केला. आठ महिन्यांपासून श्री विठ्ठल- रूक्मिणी मंदिर बंद असल्यानं यंदा कार्तिकी वारीसाठी वारकऱ्यांची मोठी गर्दी होईल, त्या गर्दीत वयस्क भाविकांना श्वास घेण्यास अडचणी येतील, दर्शन रांगेत तथा वाळवंटात, मठात वारकऱ्यांची गर्दी होऊन सामाजिक अंतराचं पालन होऊ शकणार नाही, असं जिल्हाधिकाऱ्यांनी म्हटलं आहे.

दर���्यान, कोरोना विषाणू प्रादुर्भावामुळे वारकऱ्यांनी वारीदिवशी पंढरपुरात गर्दी न करता इतरवेळी टप्प्याटप्याने दर्शनासाठी यावं, आता स्वत:च्या घरी तथा गावातच वारी साजरी करावी, असं आवाहन प्रातांधिकारी सचिन ढोले यांनी केलं आहे.

****

तर दुसरीकडे, राज्य सरकारने आषाढी यात्रेप्रमाणे कार्तिकी यात्रा रद्द केल्यास आगामी काळात होणाऱ्या प्रत्येक निवडणुकीच्या मतदानावर बहीष्कार टाकण्याचा इशारा वारकरी संप्रदायानं दिला आहे. केंद्र आणि राज्य शासनाने घालून दिलेले नियम तसंच वारकरी संप्रदायाने यात्रा नियोजनासंदर्भात राज्य शासनाला दिलेला प्रस्ताव या दोन्हीच्या समन्वयातून कार्तिकी यात्रेचं नियोजन केलं जावं, अशी वारकरी संप्रदायाची मागणी आहे. कार्तिकी यात्रेसंदर्भात सर्वसमावेशक अशी एकच भूमिका मांडण्यासाठी संत वंशज, प्रमुख वारकरी संघटना आणि महाराज मंडळी यांचा एकत्रित समावेश असणारी ‘कार्तिकी यात्रा समन्वय समिती’ स्थापन करण्यात आली आहे.

****

कोरोना विषाणूचा प्रादुर्भाव रोखण्यासाठी त्रिसूत्रीचं पालन करण्याचं आवहन लातूरचे महापौर विक्रांत गोजमगुंडे यांनी केलं आहे.

****

माजी पंतप्रधान इंदिरा गांधी यांना आज त्यांच्या एकशे तिनाव्या जयंतीनिमित्तानं सर्वत्र अभिवादन करण्यात येत आहे. पंतप्रधान नरेंद्र मोदी यांनी त्यांना ट्विट संदेशातून अभिवादन केलं.

मुख्यमंत्री उद्धव ठाकरे यांनी माजी पंतप्रधान इंदिरा गांधी यांच्या प्रतिमेला पुष्पहार अर्पण करुन अभिवादन केलं. यावेळी त्यांनी उपस्थितांना राष्ट्रीय एकात्मतेची शपथही दिली.

औरंगाबादचे जिल्हाधिकारी सुनील चव्हाण यांनी इंदिरा गांधी यांना अभिवादन करुन उपस्थितांना राष्ट्रीय एकात्मतेची शपथ दिली.

****

दिवाळीच्या सुट्टीनंतर सात दिवसांनी उघडलेल्या नाशिक जिल्ह्यातल्या प्रमुख बाजार समित्यांमध्ये आज कांद्याला चांगला भाव मिळाला. गेल्या आठवड्यात दिवाळी मुळे बाजार बंद झाले तेव्हा तीन हजार ६०० रुपये क्विंटल दर असलेल्या उन्हाळ कांद्याला आज सरासरी चार हजार रुपये भाव मिळाला. तर कमी आवक असलेल्या नव्या लाल कांद्याच्या दरातही हजार रुपयांनी वाढ झाली त्यामुळे या कांद्याला चार हजार १०० रुपये भाव मिळाला. लासलगाव बाजार समितीत उन्हाळ कांद्याच्या दरात क्विंटलला ४००, तर लाल कांद्याच्या दरात हजार रुपयांनी वाढ झाली. दिवाळीनंतर कांद्याची मागणी पुन्हा वाढल्यानं दरात वाढ झाल्याचं सांगितलं जात आहे.

****

नांदेड जिल्ह्यात आज नव्याने ३६ कोरोनाविषाणू बाधीत रूग्ण आढळून आले. जिल्ह्यात आता एकूण १९ हजार ७७३ बाधीतांची संख्या झाली आहे. बरे झालेल्या ४३ रूग्णांना आज घरी सोडण्यात आलं. आजपर्यंत एकूण १८ हजार ७८२ रुग्ण बरे झाले असून, सध्या २५८ रुग्णांवर उपचार सुरु आहेत.

****

धुळे जिल्ह्यात कोविड १९ ची साथ आटोक्यात येत असून, सलग दोन आठवड्यापासून एकही रुग्णाचा मृत्यू झालेला नाही. तसंच नवीन रुग्ण वाढ देखील मोठ्या प्रमाणात घटली आहे. धुळे जिल्ह्यात १३ हजार २०३ रुग्ण कोरोना विषाणू मुक्त झाले आहेत. तर आज आणखी १७ रुग्ण आढळले, जिल्ह्यात एकूण बाधितांची संख्या आता १३ हजार ७५२ वर पोहोचली आहे. आतापर्यंत ३७७ जणांचा या विषाणू संसर्गामुळे मृत्यू झाला आहे.

****

भंडारा जिल्ह्यात ८७, तर सिंधुदुर्ग जिल्ह्यात आज आणखी १२ कोरोना विषाणू बाधित रुग्ण आढळले

****

परभणी जिल्ह्यात जागतिक शौचालय दिनानिमित्त विविध उपक्रम राबवण्यात आले. यामध्ये वैयक्तिक शौचालयाची स्वच्छता राखणं, त्याचा नियमित वापर करणं, हातांची स्वच्छता, महिलांचं आरोग्य चांगलं राखण्यासाठीचे प्रयत्न, असे विविध उपक्रम या माध्यमातून राबवण्यात आले. यासाठी महिला बचत गट, आशाताई, अंगणवाडीताई, सरपंच आणि ग्रामसेवक आदी व्यक्तींच्या माध्यमातून संवाद साधला जात आहे.

****

नांदेड जिल्ह्यातल्या सर्व गावांमधून स्‍वच्‍छतेचे उपक्रम राबवण्‍यात आले. नांदेड तालुक्‍यातल्या चिमेगाव इथं मुख्‍य कार्यकारी अधिकारी वर्षा ठाकूर-घुगे यांनी शौचालयाची पाहणी करुन गावकऱ्यांशी संवाद साधला. निरोगी राहण्‍यासाठी नागरिकांनी नियमित शौचालयाचा वापर करणं आवश्‍यक असल्याचं त्या यावेळी म्हणाल्या.

****

केंद्र सरकारनं अल्पभूधारक शेतकऱ्यांसाठी सुरू केलेल्या पीएम किसान योजनेचा फायदा अपात्र शेतकऱ्यांनी घेतल्याचं उघडकीस आलं आहे. सांगली जिल्ह्यातल्या पाच हजार २९२ शेतकऱ्यांना महसूल विभागाने एक कोटी पाच लाख रुपये वसुलीच्या नोटिसा बजावल्या आहेत. तासगाव तालुक्यातल्या ६९ गावातून ४८ हजार ९४२ शेतकऱ्यांनी अर्ज भरले होते, त्यापैकी चार हजार ७१३ करदाते, आणि ५३९ शेतकरी अपात्र ठरले. प्राप्त अर्जाची पडताळणी केल्यानंतर अपात्र शेतकऱ्यांनीही पीएम योजनेचा फायदा घेतल्याचं उघडकीस आलं आहे.

****

बुलडाणा जिल्ह्यात आज अवकाळी पाऊस झाला. खामगाव तालुक्यात डोंगराळ भागात असलेल्या हिवरखेड, घारोड, लोखंडा, इथं मोठ्या प्रमाणात पाऊस पडला, तसंच शेगाव, चिखली, देऊळगाव राजा, सिंदखेड राजा, मोताळा, बुलडाणा याठिकाणीही दुपारी पाऊस झाला. हा अवकाळी पाऊस तुर पिकाला पोषक असल्यानं शेतकऱ्यांकडून समाधान व्यक्त होत आहे.

****////****

[airnews-arngbad]

Regional Marathi Text Bulletin, Aurangabad Date – 19 November 2020 Time 1.00 to 1.05pm Language Marathi आकाशवाणी औरंगाबाद प्रादेशिक बातम्या दिनांक – १९ नोव्हेंबर २०२० दुपारी १.०० वा. ****

माजी पंतप्रधान इंदिरा गांधी यांना आज त्यांच्या एकशे तिनाव्या जयंतीनिमित्तानं सर्वत्र अभिवादन करण्यात येत आहे. पंतप्रधान नरेंद्र मोदी यांनी त्यांना ट्विट संदेशातून अभिवादन केलं.

मुख्यमं���्री उद्धव ठाकरे यांनी माजी पंतप्रधान इंदिरा गांधी यांच्या प्रतिमेला पुष्पहार वाहून अभिवादन केलं. यावेळी त्यांनी उपस्थितांना राष्ट्रीय एकात्मतेची शपथही दिली.

मुंबईत राजभवनात राज्यपालांचे प्रधान सचिव संतोष कुमार यांनी इंदिरा गांधी यांच्या प्रतिमेला पुष्पांजली अर्पण करून आदरांजली वाहिली. दरवर्षी १९ नोव्हेंबर हा दिवस राष्ट्रीय एकात्मता दिवस म्हणून साजरा करण्यात येतो. त्यानिमित्तानं सामुहिक राष्ट्रीय एकात्मता शपथ घेण्यात आली.

सोलापूर इथंही महानगरपालिकेच्यावतीनं इंदिराजींना आदरांजली अर्पण करण्यात आली. सहाय्यक आयुक्त सुनील माने यांच्या हस्ते इंदिराजींच्या पुतळ्याला पुष्पहार अर्पण करुन अभिवादन करण्यात आलं. नाशिक इथंही कॉंग्रेस पक्षाच्या वतीनं इंदिरा गांधी यांना अभिवादन करण्यात आलं. काँग्रेस प्रदेशाध्यक्ष तथा महसूलमंत्री बाळासाहेब थोरात यांच्यासह पक्षाचे अनेक पदाधिकारी तसंच कार्यकर्त्यांनी इंदिराजींना आदरांजली अर्पण केली.

****

देशात कोरोना विषाणू संसर्गातून बरे होणाऱ्यांचं प्रमाण ९३ पूर्णांक ५८ टक्के इतकं झालं आहे. गेल्या चोवीस तासात ४८ हजार ४९३ हून अधिक रुग्ण उपचारानंतर बरे झाले, देशात कोरोना विषाणू संसर्गातून बरे झालेल्या रुग्णांची संख्या आता ८३ लाख ८३ हजार ६०३ झाली आहे. देशात या संसर्गाच्या रुग्णांची एकूण संख्या एकोणनव्वद लाख अठ्ठावन्न हजार चारशे चौऱ्यांऐंशी झाली आहे. सध्या देशात ४ लाख ४३ हजार ३०३ रुग्णांवर रुग्णालयात उपचार सुरू असल्याचं आरोग्य मंत्रालयानं सांगितलं आहे.

****

स्वस्थ राष्ट्र निर्माण करण्यासाठी स्वच्छतेला जन अभियान आणि सामाजिक संस्कारात समाविष्ट करा असं आवाहन, उपराष्ट्रपती व्यंकय्या नायडू यांनी जनतेला केलं आहे. आज जागतिक शौचालय दिनानिमित्त त्यांनी उघड्यावर शौच न करण्याचा संकल्प करु या असा संदेश ट्विटरद्वारे दिला आहे.

****

जम्मू काश्मीरमधल्या नगरोटा भागातल्या बान टोल नाक्याजवळ भारतीय सैनिक आणि दहशतवाद्यांमध्ये आज पहाटे झालेल्या चकमकीत चार दहशतवादी ठार झाले. या भागात कडक बंदोबस्तात वाहनांची तपासणी केली जात असतांना ट्रकमध्ये हे दहशतवादी आढळले. ते पळून जात असतांना ही चकमक झाल्याचं गुप्तचर विभागानं सांगितलं.

****

राज्यातल्या महाविकास आघाडीने नागपूर कराराचा भंग करत हिवाळी अधिवेशन नागपुरात न घेण्याचा निर्णय घेतला, विदर्भ वैधानिक विकास मंडळ बरखास्त केलं, नागपुरात शेतकरी समस्या, वाढीव पीक नुकसान, वीज बिल देयके या विषयांवर मोठ्या प्रमाणात मोर्चे निघतील या भीतीने सरकारने हा निर्णय घेतल्याचा आरोप भाजपचे महामंत्री चंद्रशेखर बावनकुळे यांनी आज नागपुरमध्ये पत्रकार परिषदेत केला. वाढीव वीजबीला संदर्भात दिलासा देण्याविषयी ऊर्जा मंत्री नितीन राऊत यांना कुठलेही अर्थसहाय्य राज्य सरकारमार्फत मिळत नसल्याचं त्यांनी सांगितलं.

****

जालना जिल्ह्याच्या भोकरदन तालुक्यात तीन सख्ख्या भावांचा वीजेचा धक्का लागून विहिरीत पडल्याने बुडून मृत्यू झाला. ज्ञानेश्वर जाधव, रामेश्वर जाधव आणि सुनील जाधव अशी मृतांची नावं आहेत. विद्युत मोटार सुरु करत असतांना ज्ञानेश्वर याला विजेचा धक्का लागला त्याला वाचवतांना अन्य दोन भाऊही विजेचा धक्का लागून विहीरीत पडले. भोकरदन तालुक्यात पळसखेडा इथं काल रात्री ही घटना घडली.

****

औरंगाबाद जिल्ह्यात कोरोना विषाणू बाधित रुग्णांची संख्या आता ४१ हजार ९१४ झाली आहे. जिल्ह्यात आतापर्यंत या संसर्गाने एकूण १ हजार १२४ जणांचा मृत्यू झाला आहे. तर आतापर्यंत ४० हजार १६१ रुग्ण बरे होऊन घरी परतले आहेत. सध्या जिल्ह्यात ६२९ रुग्णांवर उपचार सुरू आहेत.

****

धुळे जिल्हा रुग्णालयात आज सकाळपासून शिक्षकांची कोरोना विषाणू चाचणी करुन घेण्यासाठी गर्दी झाली. आज एक हजार ३६४ शिक्षकांच्या लाळेचे नमुने तपासणीसाठी पाठवले असल्याची माहिती जिल्हा कोरोना नोडल अधिकारी डॉ.विशाल पाटील यांनी दिली. येत्या सोमवारपासून इयत्ता नववी ते बारावीच्या शाळा सुरु होत आहे, त्या पार्श्वभूमीवर शिक्षक तपासणी करुन घेत असल्याचं आमच्या वार्ताहरानं कळवलं आहे.

****

नाशिक जिल्ह्याच्या निफाड तालुक्यातलं नांदूर मधमेश्वर पक्षी अभयारण्य उद्या शुक्रवारपासून पर्यटकांसाठी खुलं होणार आहे. हिवाळ्यात विदेशातले पाहुणे पक्षी या अभयारण्यात येत असतात. ते पाहण्यासाठी पक्षीप्रेमी पर्यटकांची गर्दी होते. यंदा मात्र कोविडसंदर्भात शासनाने घालून दिलेल्या अटी आणि आरोग्य नियमांचे पर्यटकांना पालन करावं लागणार आहे.

****

[airnews-arngbad]

Regional Marathi Text Bulletin, Aurangabad Date – 01 October 2020 Time 7.10 AM to 7.20 AM Language Marathi आकाशवाणी औरंगाबाद प्रादेशिक बातम्या दिनांक – ०१ ऑक्टोबर २०२० सकाळी ७.१० मि. ****

बातमीपत्राच्या सुरूवातीला गांधी वचन –

भविष्य या गोष्टीवर अवलंबून आहे की आज तुम्ही काय करताय.

****

·      राज्यात पाच ऑक्टोबरपासून हॉटेल्स, फुड कोर्ट, उपाहारगृह तसंच राज्यांतर्गत चालणाऱ्या लांब पल्ल्याच्या सर्व रेल्वे सेवा सुरु करण्यास परवानगी, मात्र शाळा, महाविद्यालयं, खासगी शिकवण्या, इतर शैक्षणिक संस्था ३१ ऑक्टोबरपर्यंत बंदच राहणार.

·      कृषिविषयक कायद्यांची राज्यात अंमलबजावणी करण्यासंदर्भात निर्णय घेण्यासाठी मंत्रिमंडळ उपसमिती स्थापन.

·      अयोध्येतल्या बाबरी मशीद विध्वंस प्रकरणी सर्व ३२ आरोपींची निर्दोष मुक्तता.

·      राज्यात आणखी १८ हजार ३१७ कोविड बाधितांची नोंद, ४८१ जणांचा उपचारादरम्यान मृत्यू.

·      मराठवाड्यात ३९ रुग्णांचा मृत्यू, तर नव्या एक हजार ३८८ रुग्णांची नोंद.

आणि

·      कोरोना विषाणू बाधित रुग्णांना जास्तीचं बील आकारल्यावरुन औरंगाबाद शहरातल्या १४ रुग्णालयांना कारणे दाखवा नोटीस.

****

देशात कोविड-19 प्रादुर्भावामुळे लागू करण्यात आलेली टाळेबंदी उठवण्याच्या पाचव्या टप्प्याला आजपासून सुरुवात होत आहे. यासंदर्भात केंद्र आणि राज्य सरकारने मार्गदर्शक सूचना जारी केल्या आहेत. देशभ��ात प्रतिबंधित क्षेत्रात ३१ ऑक्टोबरपर्यंत टाळेबंदी कायम राहणार आहे.

राज्यात पाच ऑक्टोबरपासून हॉटेल्स, फुड कोर्ट, उपाहारगृह आसन क्षमतेच्या ५० टक्के सुरु करण्यास, तसंच राज्यांतर्गत चालणाऱ्या लांब पल्ल्याच्या सर्व रेल्वे सेवा सुरु करण्यासही परवानगी देण्यात आली आहे. हॉटेल्स, फुड कोर्ट, उपाहारगृह सुरू करण्यासंदर्भात प्रमाणित नियमावली पर्यटन विभाग जारी करणार आहे. शाळा, महाविद्यालयं, खासगी शिकवण्या, इतर शैक्षणिक संस्था ३१ ऑक्टोबरपर्यंत बंदच राहतील. त्याचबरोबर चित्रपट गृह, जलतरण तलाव, मनोरंजन पार्क्स, सभागृह, नाट्यगृहही बंदच राहणार आहेत. सामाजिक, राजकीय, सांस्कृतिक, शैक्षणिक, क्रीडा विषयक कार्यक्रमांनाही राज्यात ३१ ऑक्टोबरपर्यंत बंदी कायम आहे.  

 केंद्र सरकारनं मात्र चित्रपटगृह, मनोरंजन पार्क, मल्टिप्लेक्स १५ ऑक्टोबर पासून एकूण क्षमतेच्या ५० टक्के प्रेक्षकांसह सुरु करण्यास परवानगी दिली आहे. केवळ खेळाडूंच्या शिकवणीसाठीच जलतरण तलाव सुरु करण्यास मान्यता देण्यात आली आहे. शाळा, महाविद्यालयं, खासगी शिकवण्या, इतर शैक्षणिक संस्थाही संबंधित राज्य सरकारं १५ ऑक्टोबरनंतर सुरु करण्यासंदर्भात निर्णय घेऊ शकतात, असं केंद्र सरकारनं सांगितलं आहे. मात्र पालकांची लेखी अनुमती असेल, तरच विद्यार्थी शाळेत येऊ शकतील, असं केंद्र सरकारनं स्पष्ट केलं आहे.

****

केंद्र सरकारनं संमत केलेल्या कृषिविषयक कायद्यांची राज्यात अंमलबजावणी करण्यासंदर्भात निर्णय घेण्यासाठी मंत्रिमंडळ उपसमिती स्थापन करण्याचा निर्णय राज्य मंत्रिमंडळानं घेतला आहे. मुख्यमंत्री उद्धव ठाकरे यांच्या अध्यक्षतेखाली काल ही बैठक झाली. या कायद्याच्या अनुषंगाने राज्यातल्या विविध शेतकरी संघटनांच्या प्रतिनिधींशी देखील चर्चा करण्यात येणार असून, त्याआधारे योग्य त्या सुधारणांचा मसुदा मंत्रिमंडळ उपसमितीसमोर सादर करण्यात येईल आणि त्यानंतर मंत्रिमंडळ बैठकीत योग्य तो निर्णय घेण्यात येईल.

 कोविड १९ च्या पार्श्वभूमीवर राज्यातल्या सहकारी संस्थांच्या वार्षिक सर्वसाधारण सभा ३१ मार्च २०२१ पर्यंत घेण्यास मुदतवाढ देण्याचा निर्णयही मंत्रिमंडळानं घेतला आहे. कोरोना विषाणू संसर्गामुळे सहकारी संस्थांना निवडणूक, वार्षिक सर्वसाधारण सभा, लेखापरिक्षण तसंच पदाधिकाऱ्यांचा कार्यकाळ याबाबतीत कायदेशीर अडचणींचा सामना करावा लागत होता, यातून मार्ग काढण्यासाठी महाराष्ट्र सहकारी संस्था अधिनियम १९६० मधल्या विविध कलमात देखील सुधारणा करण्यात येणार आहेत.

वृक्ष संरक्षण आणि जतनासंदर्भात विषयक कायद्याचं नियमन आता नगरविकास विभागाऐवजी पर्यावरण आणि वातावरणीय बदल विभागामार्फत करण्यासही या बैठकीत मान्यता देण्यात आली.

गेल्या वर्षी मुंबईत आरे इथं मेट्रोसाठी केली जाणारी वृक्षतोड थांबवण्याकरता आंदोलन केलेल्या आंदोलनकर्त्यांवरवे गुन्हे मागे घेण्याचा निर्णयही मंत्रिमंडळानं घेतला आहे.

****

अयोध्येतल्या बाबरी मशीद विध्वंस प्रकरणी सर्व ३२ आरोपींची निर्दोष मुक्तता करण्यात आली आहे. केंद्रीय अन्वेषण विभाग - सीबीआयच्या लखनऊतल्या विशेष न्यायालयानं काल हा निर्णय दिला. ��योध्येत सहा डिसेंबर १९९२ रोजी झालेली ही घटना पूर्वनियोजित नव्हती आणि सीबीआयनं लावलेल्या आरोपांना सिद्ध करण्यासाठी कोणतेही सबळ पुरावे नाहीत, असं न्यायालयानं या निर्णयात म्हटलं आहे. भाजपचे ज्येष्ठ नेते लालकृष्ण अडवाणी, मुरली मनोहर जोशी, उमा भारती, यांच्यासह एकूण ३२ जण या खटल्यात आरोपी होते.

दरम्यान, या निर्णयाचं या प्रकरणातले आरोपी लालकृष्ण अडवाणी तसंच मुरली मनोहर जोशी यांनी स्वागत केलं आहे.

****

केंद्रीय लोकसेवा आयोगाची नागरी सेवा प्रारंभिक परीक्षा स्थगित करण्यास सर्वोच्च न्यायालयानं नकार दिला आहे. गेल्या वेळेस कोविड-19 मुळे ज्या उमेदवारांना ही परीक्षा देता आली नाही, त्यांच्यासाठी ही आणखी एक संधी असेल, असं न्यायालयानं म्हटलं आहे. चार ऑक्टोबरपासून होणारी ही परीक्षा कोविड-19 चा प्रादुर्भाव आणि देशाच्या विविध भागातल्या पूरपरिस्थितीच्या पार्श्वभूमीवर, स्थगित करण्याची मागणी केली जात होती. न्यायालयानं २०२० आणि २०२१ची नागरी सेवा परीक्षा एकत्र घेण्यासही नकार दिला आहे. परीक्षा सर्वांसाठी आवश्यक असून, परीक्षेसाठी खबरदारीचे सर्व उपाय करण्यात आल्याचं न्यायालयानं म्हटलं आहे.

****

आणि आता ऐकू या जेष्ठ पत्रकार, गांधी विचारांचे अभ्यासक अरूण खोरे यांनी सांगितलेला गांधी विचार –

गांधीजी म्हणायचे गीता ही माझी आई आहे. पुढे जाऊन गांधीजी म्हणायचे गीता ही साऱ्या जगाची आई आहे, ती कोणाकडेही दुर्लक्ष करत नाही. जो कोणी तिचे दार ठोठावेल त्या प्रत्येकासाठी तिचे दरवाजे उघडे आहेत. आणि म्हणून गांधीजींनी आपल्या प्रार्थना प्रवचनांमधे अनेकवेळा गीतेमधील श्लोकांच्यावर भाष्य केले आहे. गांधींजींच्या दृष्टीने भगवत गीता म्हणजे केवळ तत्वज्ञानाची सुत्रं सांगणारं काव्य नसून ते एक महान असं धर्मकाव्य आहे. गांधीजींनी यापुढेही जाऊन गीतेबद्दल आपली काही मतं विविध ठिकाणी मांडलेली आहेत. एके ठिकाणी गांधीजी असं म्हणतात गीता ही ‘अनासक्ती’ या मध्यवर्ती विषयाचा जसा विचार करते तशीच ती अहिंसेची शिकवण देते हा माझा अन्वयार्थ आहे. गांधीजींनी या संदर्भात पुढे असं म्हटलं होतं एका प्रार्थना सभेमधे की महाभारत हे वाचल्यानंतर आपल्या मनामधे शांततेचा विचार येतो, अहिंसेचा विचार येतो. हे महाभारतामधे युध्दप्रवण स्थितीला पुढे जाण्याची भूमिका नसून शांतता स्थापन केली पाहिज. आणि अहिंसेला प्राधान्य दिलं पाहिजे हाच विचार आहे असं मला वाटतं. याकडे गांधीजींनी विशेष प्रमाणामधे आपल्या सर्वांचं लक्ष वेधलेलं आहे.

****

कोकण ग्रामीण पर्यटन विकास कार्यक्रमाच्या धर्तीवर मराठवाडा ग्रामीण पर्यटन विकास कार्यक्रम राबवण्यात येणार असल्याचं ग्रामविकास राज्यमंत्र��� अब्दुल सत्तार यांनी सांगितलं. मुंबईत यासंदर्भात झालेल्या बैठकीत ते काल बोलत होते. ग्रामविकास विभागामार्फत कोकणात ग्रामीण भागातल्या पर्यटन स्थळांच्या ठिकाणी पायाभूत सुविधांच्या विकासासाठी निधी दिला जातो, अशीच योजना मराठवाड्यासाठी राबवता येईल, असं ते म्हणाले. यातून मराठवाड्यातल्या पर्यटनाला चालना मिळण्याबरोबरच मोठ्या प्रमाणात रोजगार निर्मितीची क्षमता असल्याचं सत्तार यांनी सांगितलं.

****

पोलिस दलातल्या ४३ वरिष्ठ आयपीएस अधिकाऱ्यांसह एकूण १५० वरीष्ठ पोलिस अधिकाऱ्यांच्या काल बदल्या करण्यात आल्या. यात औरंगाबादचे पोलिस उपायुक्त डॉ. राहुल खाडे यांची औरंगाबाद लाचलुचपत प्रतिबंधक विभागाच्या अधीक्षकपदी बदली झाली आहे. नाशिक इथल्या महाराष्ट्र पोलिस अकादमीचे अपर पोलिस अधीक्षक दीपक गिर्हे यांची औरंगाबादच्या उपायुक्तपदी बदली झाली आहे. औरंगाबादच्या नागरी हक्क समितीच्या अधीक्षक डॉ. दीपाली धाटे - घाडगे यांची सोलापूर उपायुक्तपदी बदली झाली आहे.

****

केंद्रीय अप्रत्यक्ष कर आणि सीमाशुल्क मंडळानं आयकर विवरणपत्र आणि वस्तु आणि सेवा कर-जीएसटी परतावा भरण्यासाठी मुदतवाढ दिली आहे. आता ३० नोव्हेंबरपर्यंत आयकर विवरणपत्र आणि ३१ ऑक्टोबर पर्यंत जीएसटी परतावा दाखल करता येईल.

****

राज्यात काल दिवसभरात आणखी १८ हजार ३१७ कोविड बाधितांची नोंद झाली, त्यामुळे राज्यातली एकूण रुग्णसंख्या १३ लाख ८४ हजार ४४६ झाली आहे. राज्यभरात काल ४८१ जणांचा उपचारादरम्यान मृत्यू झाला. या विषाणू संसर्गामुळे आतापर्यंत ३६ हजार ६६२ रुग्णांचा मृत्यू झाला आहे. तर काल १९ हजार १६३ रुग्ण बरे झाल्यानं त्यांना घरी सोडण्यात आलं. राज्यात आतापर्यंत १० लाख ८८ हजार ३२२ रुग्ण कोरोना विषाणू मुक्त झाले असून, सध्या दोन लाख ५९ हजार ३३ रुग्णांवर उपचार सुरु आहेत.

****

मराठवाड्यात काल ३९ कोरोना विषाणू बाधित रुग्णांचा मृत्यू झाला, तर नव्या एक हजार ३८८ रुग्णांची नोंद झाली.

लातूर जिल्ह्यात दहा रुग्णांचा मृत्यू, तर नवे २५५ रुग्ण, उस्मानाबाद - आठ बाधितांचा मृत्यू, तर नवे १९६ रुग्ण, औरंगाबाद - सात रुग्णांचा मृत्यू, तर नवे २३७ रुग्ण, नांदेड -पाच रुग्णांचा मृत्यू, तर नवे २६४ रुग्ण, जालना - चार जणांचा मृत्यू, तर नवे ११६ रुग्ण, बीड - तीन रुग्णांचा मृत्यू, तर नवे २०४ रुग्ण, परभणी - दोन बाधितांचा मृत्यू, तर नवे ७७ रुग्ण आणि हिंगोली जिल्ह्यात आणखी ३९ रुग्ण आढळले.  

****

पुणे जिल्ह्यात आणखी तीन हजार २९८ रुग्ण आढळले, तर ८४ जणांचा मृत्यू झाला. मुंबईत दोन हजार ६५४ रुग्ण आणि ४६ मृत्यूंची नोंद झाली. नागपूर जिल्ह्यात ९८२ रुग्ण, सांगली ५८०, सातारा ५१२, बुलडाणा १८८, भंडारा १४०, गडचिरोली १०७, रत्नागिरी ७७, यवतमाळ ६६ आणि सिंधुदुर्ग जिल्ह्यात नव्या ५३ रुग्णांची नोंद झाली.  

****

कोरोना विषाणू बाधित रुग्णांना जास्तीचं बील आकारल्यावरुन औरंगाबाद शहरातल्या १४ रुग्णालयांना कारणे दाखवा नोटीस बजावण्यात आली आहे. या रुग्णालयांनी ६५६ रुग्णांकडून ६२ लाख ३३ हजार इतकी जादा रक्कम आकारलेली आहे. रुग्णालयांनी या नोटीसला सात दिवसांमध्ये समर्पक उत्तर न दिल्यास आणि बिल कमी करणेबाबत आवश्यक ती कारवाई न केल्यास कारवाई करण्यात येईल असा इशारा जिल्हाधिकारी सुनिल चव्हाण यांनी दिला आहे.

****

‘माझं कुटुंब - माझी जबाबदारी’ या मोहिमेअंतर्गत उस्मानाबाद जिल्हा प्र��ासन विविध उपाययोजना राबवत आहे. याचाच एक भाग म्हणून लोहारा तालुक्यातील स्पर्श रुग्णालयाच्या वतीनं ‘मोबाईल मेडिकल व्हॅन’चा शुभारंभ जिल्हाधिकारी कौस्तुभ दिवेगावकर यांच्या हस्ते सास्तुर इथं हिरवा झेंडा दाखवून काल झाला. या उपक्रमाविषयी जिल्हाधिकारी कौस्तुभ दिवेगावकर यांनी माहिती दिली. ते म्हणाले –

चार मोबाईल युनिटच्या माध्यमातून ‘माझं कुटुंब माझी जबाबदारी’ ही मोहिम १०० पेक्षा जास्त गावांमधे आम्ही नेतो आहोत. डॉक्टरांच्या मदतीने आणि तपासणी पथकाच्या मदतीने हे गावोगावी जाऊन लोकांचं स्क्रिनिंग करणं, पल्स ऑक्सीमीटर आणि थर्मल गनच्या मदतीने जे संशयित रुग्ण आहेत त्यांची लवकरात लवकर अँटीजन चाचणी घेणं आणि त्यांना वेळेत उपचार देऊन बरं करणं या दृष्टीनी माझे कुटुंब माझी जबाबदारी मोहिमेचा आम्ही वापर करतो आहोत.

****

नांदेडच्या स्वामी रामनानंद तीर्थ मराठवाडा विद्यापीठाच्या परीक्षा पुढे ढकलण्यात आल्या आहेत. कर्मचाऱ्यांचं कामबंद आंदोलन सुरु असल्यामुळे हा निर्णय घेण्यात आला. सर्व परीक्षांचं सुधारित वेळापत्रक लवकरच विद्यापीठाच्या संकेतस्थळावर जाहीर करण्यात येईल, असं विद्यापीठाकडून सांगण्यात आलं. औरंगाबादच्या डॉक्टर बाबासाहेब आंबेडकर मराठवाडा विद्यापीठाच्या कर्मचाऱ्यांनीही आजपासून लेखनी बंद ऐवजी काम बंद आंदोलन सुरु केलं आहे.

****

आजपासून सुरु होत असलेल्या राज्य सामाईक प्रवेश परीक्षेला विद्यार्थ्यांना उपस्थित राहता यावं म्हणून राज्य परीवहन महामंडळानं औरंगाबाद जिल्ह्यात जादा बसेस सोडण्याचं नियोजन केलं आहे. औरंगाबाद जिल्ह्यातल्या विविध तालुक्यात तसंच बीड, जालना, परभणी, बुलडाणा आणि इतर विभागातून औरंगाबादसाठी जादा बसेस सोडण्यात येत असल्याचं विभाग नियंत्रक अरुण सिया यांनी सांगितलं.

****

नांदेड जिल्ह्यातल्या भोकर ते रहाटी रस्त्याचं हे काम तातडीने पूर्ण करण्याचे निर्देश सार्वजनिक बांधकाम मंत्री अशोक चव्हाण यांनी दिले आहेत. मुंबईत यासंदर्भात झालेल्या आढावा बैठकीत ते काल बोलत होते. भोकर ते रहाटी रस्त्याचं काम प्रलंबित असल्याच्या अनेक तक्रारी, आल्याचं चव्हाण यांनी सांगितलं.

****

परभणी शहरात सार्वजनिक ठिकाणी मास्कचा वापर न केल्याबद्दल गेल्या दोन दिवसांत पोलिस यंत्रणेने एक हजार पाच व्यक्तींविरूद्ध दंडात्मक कारवाई करत एक लाख ३० हजार ८०० रुपये दंड वसूल केला.

****

किल्लारी भूकंपाला काल २७ वर्ष पूर्ण झाली. यानिमित्तानं आमदार अभिमन्यू पवार यांनी किल्लारी इथल्या स्मृती स्तंभासमोर पुष्पचक्र अर्पण करून भुंकपात मुत्यूमुखी पडलेल्यांना अभिवादन केलं. पोलिसांनी हवेमध्ये बंदुकीच्या तीन फैरी झाडून सलामी दिली. भुकंपग्रस्त भागातले अनेक प्रश्न प्रलंबित असून, ते सोडवण्यासाठी आपला सातत्याने शासनाकडे पाठपुरावा सुरू असल्याचं आमदार पवार यावेळी म्हणले.

****

परभणी तालुक्यातल्या येलदरी धरणाचे सर्व दरवाजे काल बंद करण्यात आले. विद्युत निर्मिती प्रकल्पाद्वारे दोन हजार ५०० घनफूट प्रतिसेकंद वेगानं पाणी नदीपात्रात सोडलं जात असल्याची माहिती संबंधित अधिकाऱ्यांनी दिली.

****

उस्मानाबाद इथले वृत्तपत्र छायाचित्रकार नंदकिशोर भन्साळी यांचं काल निधन झालं, ते ७५ वर्षांचे होते. उस्मानाबाद जिल्हा मराठी पत्रकार संघाचे ते माजी अध्यक्ष होते. उस्मानाबाद इथल्या प्रजापिता ईश्वरीय ब्रह्मकुमारी विश्वविद्यालयाचे संगोपक, आणि जिल्हा माहेश्वरी सभेचे ते सदस्य आणि मार्गदर्शक होते.

****

अबुधाबी इथं सुरु असलेल्या इंडियन प्रिमियर लीग - आयपीएल स्पर्धेत काल कोलकाता नाईट रायडर्स संघानं राजस्थान रॉयल्स संघांचा ३७ धावांनी पराभव केला. प्रथम फलंदाजी करताना कोलकाता नाईट रायडर्स संघानं निर्धारित षटकात १७४ धावा केल्या, प्रत्त्युतरादाखल राजस्थान रॉयल्सचा संघ १३७ धावाच करु शकला.

****

[airnews-arngbad]

Regional Marathi Text Bulletin, Aurangabad Date – 31 January 2020 Time 7.10 AM to 7.20 AM

आकाशवाणी औरंगाबाद प्रादेशिक बातम्या दिनांक – ३१ जानेवारी २०२० सकाळी ७.१० मि. **** ** संसदेच्या अधिवेशनाला आजपासून प्रारंभ; आज आर्थिक सर्वेक्षण तर उद्या अर्थसंकल्प सादर होणार ** मराठवाडा वॉटर ग्रीड प्रकल्पाच्या व्यवहार्यतेची फेरतपासणी करणार- उपमुख्यमंत्री अजित पवार ** मराठवाड्यातल्या आठही जिल्ह्याच्या वार्षिक योजनेच्या प्रारूप आराखड्याला मंजुरी ** समान काम- समान वेतनासह विविध मागण्यांसाठी बँक कर्मचाऱ्यांचा आज आणि उद्या संप आणि ** ज्येष्ठ सामाजिक कार्यकर्त्या विद्या बाळ यांचं निधन ** **** संसदेचं अर्थसंकल्पीय अधिवेशन आजपासून सुरू होत आहे. राष्ट्रपती रामनाथ कोविंद यांच्या अभिभाषणानं या अधिवेशनाला प्रारंभ होईल. आज सकाळी अकरा वाजता, संसदेच्या दोन्ही सदनांच्या संयुक्त सभेला राष्ट्रपती संबोधित करतील. त्यानंतर अर्थमंत्री निर्मला सीतारामन आर्थिक सर्वेक्षण अहवाल संसदेत सादर करतील. उद्या २०२०- २१ वर्षासाठीचा अर्थसंकल्प सादर केला जाईल. या अधिवेशनात विविध ४५ विधेयकं संसेदत मांडली जाणार असल्याचं, संसदीय कामकाज मंत्री प्रल्हाद जोशी यांनी सांगितलं. दोन टप्प्यात होणाऱ्या या अधिवेशनाचा पहिला टप्पा अकरा फेब्रुवारीपर्यंत चालणार असून, दुसरा टप्पा दोन मार्च ते तीन एप्रिलपर्यंत चालणार आहे. **** मराठवाडा वॉटर ग्रीड प्रकल्प तांत्रिकदृष्ट्या अयोग्य असल्याचं तज्ज्ञांचं मत असून या प्रकल्पाच्या व्यवहार्यतेची फेरतपासणी केली जाणार असल्याचं राज्याचे वित्त आणि नियोजन मंत्री अजित पवार यांनी म्हटलं आहे. पवार यांनी काल औरंगाबाद इथं मराठवाड्यातल्या सर्व जिल्ह्यांच्या बैठका घेऊन, आगामी आर्थिक वर्षाच्या प्रारुप आराखड्यांना मंजूरी दिली, त्यानंतर ते वार्ताहरांशी बोलत होते. जनतेचा पैसा वाया न जाता तो योग्य ठिकाणी उपयोगात आला पाहिजे. असं मत त्यांनी यावेळी व्यक्त केलं. ते म्हणाले…… तज्ञ अधिकाऱ्यांनी सांगितलं ही योजना पुन्हा एकदा तपासायची गरज आहे, कारण ही योजना वायबल नाहीये जी काही वीज लागेल त्या विजेचे बिल काही हजार कोटी रुपये दरवर्षी त्या ठिकाणी येणारे असा एक मतप्रवाह आहे, त्याकरता थोडासा मी माहिती घेऊन आम्हाला वाटलं की बाबा हे खरोखर��च शंभर टक्के यशस्वी तर पुढे पण जायला आमची काही कुणा��ी ना नाही. राज्यात नवीन जिल्हा निर्मितीचा कोणताही प्रस्ताव नसल्याचंही त्यांनी यावेळी स्पष्ट केलं. मराठवाड्यातल्या आठही जिल्ह्याच्या वार्षिक योजनेच्या प्रारूप आराखड्याला काल पवार यांनी वेगवेगळ्या जिल्ह्यांच्या घेतलेल्या बैठकीत मंजुरी दिली. औरंगाबाद शहरासाठी पाणी पुरवठ्या संदर्भातली योजना, महाराष्ट्र जल प्राधिकरणाचा ९० टक्के हिस्सा आणि मनपाचा १० टक्के हिस्सा अशा स्वरूपात राबवणार असल्याचं पवार यांनी सांगितलं. औरंगाबाद जिल्ह्याच्या ३२५ कोटी ५० लाख रुपयांच्या, जालना जिल्ह्याच्या २३५ कोटी रुपये, बीडच्या ३०० कोटी रुपयांच्या प्रारूप आराखड्याला काल उपमुख्यमंत्री पवार यांनी मान्यता दिली. लातूर जिल्ह्यासाठीच्या आगामी आर्थिक वर्षाच्या एकशे त्र्याण्णव कोटी २६ लाख रुपयांच्या प्रारुप आराखड्यात अर्थमंत्र्यांनी ४६ कोटी ७४ लाख रुपयांची वाढ करून २४० कोटी रुपयांच्या आराखड्याला मान्यता दिली. नांदेड जिल्हा वार्षिक योजनेसाठी अर्थमंत्र्यांनी ३१५ कोटी रुपयांच्या प्रारुप आराखड्याची मागणी मंजूर केली. परभणीच्या २६२ कोटी रुपयांच्या प्रारुप आराखड्याला उपमुख्यमंत्र्यांनी मान्यता दिली. उस्मानाबाद जिल्ह्याच्या समस्यांबाबत शासन संवेदनशील असल्याचं सांगत उपमुख्यमंत्र्यांनी या जिल्ह्याला १०० कोटी रूपये अतिरिक्त मंजूर केले. जिल्ह्यानं १२५ कोटी रूपयांची अतिरिक्त मागणी केली होती. या बैठकीपूर्वी अजित पवार यांनी शेंद्रा पंचतारांकित औद्योगिक क्षेत्रात उभारल्या जात असलेल्या ऑरिक सिटीची पाहणी केली. ऑरिकच्या एकूण परिसराचं नकाशाद्वारे त्यांनी निरीक्षण केलं. वीज, रस्ते, पाणी व्यवस्थापन, शालेय, आरोग्य आदी सुविधांबाबत त्यांनी समाधान व्यक्त केलं. ऑरिकमध्ये येणाऱ्या कंपन्यांसाठी आवश्यक प्रशिक्षित मनुष्यबळ इथंच निर्माण करण्यावर भर देऊन मोठ्या प्रमाणात रोजगार उपलब्ध होईल, अशी अपेक्षा पवार यांनी व्यक्त केली. **** कृषी वीज ग्राहकांच्या थकबाकीसंदर्भात आणि उद्योजकता वाढीसाठी नवीन ऊर्जा धोरण तयार करण्यात येणार आहे, अशी माहिती ऊर्जामंत्री डॉ. नितीन राऊत यांनी दिली. ऊर्जा विभागाच्या वरिष्ठ अधिकाऱ्यांसोबत काल झालेल्या बैठकीत ते बोलत होते. राज्यात शेतकऱ्यांकडे असलेली थकबाकी कमी होण्यासाठी निश्चित धोरण तयार करण्याचे निर्देश राऊत यांनी यावेळी दिले **** समान काम- समान वेतन, कामाची निर्धारित वेळ, निवृत्तीवेतन आदी मागण्यांसाठी बँक कर्मचाऱ्यांनी आज आणि उद्या संप पुकारला आहे. यामुळे आजपासून सलग तीन दिवस बँका बंद राहणार आहेत. **** हे बातमीपत्र आकाशवाणीच्या औरंगाबाद केंद्रावरून प्रसारित केलं जात आहे. **** औरंगाबाद महापालिकेच्या एप्रिल महिन्यात होणाऱ्या निवडणुकीसाठी तीन फेब्रुवारीला वॉर्डांचे आरक्षण सोडत काढण्याचे आदेश निवडणूक आयोगानं दिले आहेत. चार फेब्रुवारीला प्रारूप प्रभाग रचनेची अधिसूचना प्रसिध्द केली जाणार असून, ११ फेब्रुवारीपर्यंत प्रारूप प्रभाग रचनेवर हरकती आणि सूचना स्वीकारण्यात येणार असल्याचं राज्य निवडणूक आयोगानं काल काढलेल्या आदेशात म्हटलं आहे. **** महिलांच्या हक्क आणि प्रगतीसाठी आयुष्य वेचणाऱ्या ज्येष्ठ सामाजिक कार्यकर्त्या विद्या बाळ यांचं काल दीर्घ आ��ारानं निधन झालं. त्या ८४ वर्षांच्या होत्या. सुरुवातीच्या काळात त्यांनी पुणे आकाशवाणीवर दोन वर्षे कार्यक्रम सादरकर्त्या म्हणून नोकरी केली. त्यानंतर काही काळ त्यांनी स्त्री या मासिकात सहायक संपादक म्हणून काम केलं. १९८९ मध्ये मिळून साऱ्याजणी हे मासिक त्यांनी सुरू केलं. या मासिकाद्वारे स्त्रियांचे विश्व उलगडत विद्या बाळ यांनी महिलांच्या अनेक प्रश्नांना वाचा फोडत प्रबोधन केलं. त्यांच्या पार्थिवावर पुण्यातल्या वैकुंठ स्मशानभूमीत अंत्यसंस्कार करण्यात आले. **** औरंगाबाद शहरातल्या हज हाऊसचं काम लवकरात लवकर पूर्ण करण्याच्या सूचना अल्पसंख्याक विकास आणि औकाफ, मंत्री नवाब मलिक यांनी संबंधित अधिकाऱ्यांना दिल्या. काल हज हाऊस संदर्भात मलिक यांनी आढावा बैठक घेतली. त्यावेळी ते बोलत होते. **** मराठवाडा साहित्य परिषदेच्यावतीनं कविवर्य कुसुमाग्रज यांच्या जन्मदिनाच्या निमित्तानं देण्यात येणारा कविवर्य कुसुमाग्रज काव्य पुरस्कार अखिल भारतीय मराठी साहित्य संमेलनाचे माजी अध्यक्ष डॉक्टर अक्षयकुमार काळे यांना जाहीर झाला आहे. कवयित्री लीला धनपलवार विशेष काव्य पुरस्कार नांदेडचे कवी डॉ. दिनकर मनवर यांना दिला जाणार असल्याचं परिषदेचे अध्यक्ष कौतिकराव ठाले पाटील यांनी काल जाहीर केलं. **** भारत आणि न्यूझिलंड यांच्यातला चौथा ट्वेंटी-ट्वेंटी क्रिकेट सामना आज वेलिंग्टन इथं खेळला जाणार आहे. भारतीय वेळेनुसार दुपारी साडेबारा वाजता हा सामना सुरू होईल. पाच सामन्यांच्या या मालिकेत भारत तीन-शून्य अशा फरकानं आघाडीवर आहे. **** परभणी इथं हजरत सय्यद शाह तुराबूल हक्क साहेब यांचा उरूस आजपासून सुरू होत आहे. मनोरंजनाच्या विविध साहित्यांसह मीना बाजार, विविध मिठाईची दुकानं उभारण्यात आली आहेत. या उरूसाला राज्य आणि परराज्यातून मोठ्या प्रमाणावर भाविक येत असतात. **** बीड जिल्ह्यात इंडिया पोस्ट पेमेंट बँकेचे खाते उघडण्यासाठी ६ फेब्रुवारीला विशेष शिबिराचं आयोजन करण्यात आलं आहे. असं टपाल खात्याच्या बीड विभागाचे डाक ���धिक्षकांनी कळवलं आहे. या खात्याचा उपयोग पिक विमा योजना, कृषी सन्मान योजना, मातृत्व वंदना योजना, रोजगार हमी योजना, निराधार योजना तसंच विद्यार्थ्यांना शिष्यवृतीसाठी आणि इतर योजनांसाठी करता येईल. **** संत ज्ञानेश्वरांनी पैठण इथं रेड्यामुखी वेद वदवल्याच्या घटनेला काल सातशे तेहेतीस वर्षं पूर्ण झाली. इसवी सन १२८७ साली वसंत पंचमीच्या दिवशी पैठणच्या नागघाटावर ही घटना घडल्याचं सांगितलं जा��ं. यानिमित्तानं काल पैठण इथं नागघाटावर विविध धार्मिक कार्यक्रम पार पडले. ज्ञानेश्वरीतल्या ओव्यांचं पठण, कीर्तन, भजन आदी कार्यक्रमात नागरिक भक्तिभावानं सहभागी झाले. **** कुष्ठरोग निवारण दिन आणि महात्मा गांधी यांची पुण्यतिथी यानिमित्तानं काल परभणी इथं संदेश फेरी काढण्यात आली. आरोग्य सेवा सहाय्यक संचालक कार्यालयामार्फत काढण्यात आलेल्या या संदेश फेरीत शालेय विद्यार्थी मोठ्या संख्येनं सहभागी झाले होते. **** हिंगोली शहरात पीक विम्याचा प्रश्नावरुन स्वाभिमानी शेतकरी संघटनेच्या कार्यकर्त्यांनी पीक विमा कंपनीच्या कार्यालयात तोडफोड केली. या कार्यालयात पीक विम्याबाबत चौकशी करायला गेले असतांना, कोणीही अधिकारी न भेटल्यामुळे संतप्त कार्यकर्त्यांनी कार्यालयाची तोडफोड केली. या कार्यकर्त्यांना पोलिसांनी ताब्यात घेतलं आहे. ****