#डोंगर! | Explore Tumblr posts and blogs

happilyevr · 1 year ago

Text

देवळाकडे सायकल ठेवली आणि दुर्बिण गळ्यात अडकवून चालायला सुरुवात केली. डोंगराच्या पायथ्याशी जाई पर्यंत अर्धा तास लागला. अंतर जेमतेम 100 ते 150 मीटर असेल पण तितक्यात खूप पक्षी दिसले. एका पिंपळाच्या झाडावर भरपूर वेगवेगळ्या प्रकारचे पक्षी होते. त्या खाली अजून एक झाड होत त्याला फळ आली होती. त्यावरही starling, bulbul, barbet असे सगळे होते. आजुबाजुला भातशेती होती. थोडी कापलेली, थोडी अजून कापायची बाकी होती.

थोडं पुढे गेल्यावर एका माडावर बाया सुगरणी च्या घरट्यांचे झोके होते. पंधरा दिवसांपूर्वी गेले होते तेव्हा त्यांचं घरटी बनवण्याच काम चालू होतं. आज त्यामानानं जरा कमी बाया पक्षी दिसले.

डोंगर चढायला सुरवात केली तेव्हा कुणगे (भातशेती) संपून जंगल सुरू झालं. पक्षी दिसायचे कमी झाले पण call येत होतेच. ते call पण थोडे बदलले. Beat you, Malabar whistling thrush chi शीळ असे आवाज यायला लागले.

जंगलातले साग वाऱ्यावर आपली पानं झटकत होते. वाऱ्याबरोबर ती तरंगत खाली येत होती. संपूर्ण वाटेवर जाळीच्या सागपानांची चादर घातल्यासारखी दिसत होती.

या डोंगरात वर एक वाडी (वस्ती) आहे. आज तिथे जायचं ठरवून निघालेले. वाटेत त्याच वाडीतून सकाळी कामाला जाणारी किंवा dairy वर दूध नेणारी माणसं cross होत होती. डोंगरावर पूर्ण चढतीचा रस्ता आहे. वर थोड्या अंतरावर two wheeler जाते आणि तिथून पुढे पुन्हा पायवाट. मोठ्या गाडीचा रस्ता नाही.

वर वाडीत पोचले तेव्हा एक माणूस भेटला, त्याने सांगितलं की या वाडीला डोंगरवाडी म्हणतात आणि इथे 20 22 घरं आहेत. प्रत्येक घराच्या सभोवती आपापली भात शेती आहे त्यामुळे घरं एकमेकांच्या फार जवळ नाहीत.

थोडं पुढे एक पत्र्याची शेड दिसली. आधी वाटल स्मशान भूमी असेल. अजून जवळ गेल्यावर शेडच्या आत घंटा दिसल्या. मग वाटल की मंदिरच असेल, स्मशानात कुठे घंटा असतात. तरी मी तिकडे न वळता सरळ गेले पुढे. पुढे आणखी थोडी घरं दिसली. मग वाटलं की असं घरांच्या मधोमध स्मशान नसावं. परत येताना तिथे जाऊन पाहिलं. ते मंदिर नाही पण छोट देवस्थान होत. मग तिथेच थोडा वेळ बसले. आत दोन पाषाण आहेत. एकावर भरपूर जास्वंद��ची फुलं आणि दुसऱ्यावर फक्त 2 3 गुलाब वाहिलेले. पाषाणामागून छोटंसं हिरवं गवत डोकावत होत. तो अजूनही निसर्गातला देव आहे याची साक्ष जणू! निसर्गातला देव आणि देवातला निसर्ग! आजूबाजूला लावलेल्या टाइल्स पेक्षा डोळ्यांना हे जास्त सुखावणारं होत.

देवस्थानासमोर तुळस होती आणि त्यापुढे एक चाफ्याच झाड. तुळस सुकलेली पण जिवंत होती. तिच्या सुकलेल्या फांदीवर पण एक जास्वंदीच फुल वाहिलं होतं. हे कोकणातल्या तुळशी पूजेचं typical दृश्य आहे. काही फुलं तुळशी वृंदावनावर आणि एक तुळशीला.

हे सगळं बघता बघता मी सोबत आणलेली उकडलेली रताळी खाल्ली.

तितक्यात वरून एक घार उडत येऊन शेजारच्या झाडावर बसली. तसे 2 3 कावळे मोठ्याने ओरडू लागले आणि 2 pond heron पण ओरडत उडाले.

त्याच झाडाखाली देवाच्या बाजूने एक पाण्याचा छोटा झरा वाहतो. तो cross करून एक आजी वर आल्या. कमरेवर एक घमेले - त्यात डोक्याला आणि कमरेला काम करताना बांधायचे टॉवेल आणि एक कोयती (छोटा गोलाकार कोयता). माझी चौकशी करून ती पुढच्या कुणग्यात (शेतजमीन) गेली. डोक्याला, कमरेला बांधून तिनं भात कापायला सुरुवात केली. तिच्या मागोमाग 5 मिनिटांनी एक आजोबा आले. हातात एक पंचा आणि कोयती. त्यांनीही तिच्या सोबत जाऊन भात कापायला सुरुवात केली. थोड्या वेळाने ते दोघं एकाच लयीत काम करतायत अस वाटायला लागलं. थोडं कापून झालं तस आजोबांनी त्याच्या पेंढ्या बांधल्या. एक पेंढी डोक्यावर घेऊन ते तो झरा पुन्हा क्रॉस करून पलीकडे गेले. ��ाताना झऱ्याकडच्या झाडाच्या फांदीला त्यांचा डोक्यावरचा भात थोडा अडकला. परत येताना ते ती तेवढी अडकलेली फांदी कोयत्याने तोडून आले.

आणि मग एक एक पेंढी घेऊन जात राहिले. नंतर परत डोक्यावरचा भात झाडात अडकला नाही. आजी कापत होतीच. अशा माझ्या समोर जवळ जवळ 10 फेऱ्या त्यांनी मारल्या आणि एक कोपरा भात कापून झालं. आजींच्या सोबतीला एक दोन बगळे आणि drongo होते. तितक्यात मागच्या मोठ्या आंब्याच्या झाडावरून दोन मलबार pied hornbill उडत आले त्यांना थोडा वेळ बघून मी परत निघाले. येताना उतार असल्याने फार वेळ लागला नाही. वाटेत रस्त्यावरच एक खार दिसली. पटकन हातात घेता आली असती इतकी जवळ होती.

वाटेत जंगलात पडलेली 2 3 सागाची पानं मी मला घेतली, त्यावर चित्र काढायच्या ambitious project सोबत.

अशा प्रकारे आजची सुट्टीची सकाळ सफळ संपूर्ण!

#कोकण #Konkan #Sindhudurg #western ghats #Farming #Rural lifestyle #Agriculture

2 notes · View notes

airnews-arngbad · 5 months ago

Text

आकाशवाणी छत्रपती संभाजीनगर, दिनांक: 20.08.2024 रोजीचे सकाळी: 11.00 वाजताचे मराठी बातमीपत्र

Regional Marathi Text Bulletin, Chhatrapati Sambhajinagar

Date: 20 August 2024

Time: 11.00 to 11.05 AM

Language Marathi

आकाशवाणी छत्रपती संभाजीनगर

प्रादेशिक बातम्या

दिनांक: २० ऑगस्ट २०२४ सकाळी ११.०० वा.

****s

कोलकात्यातल्या महिला डॉक्टरवरच्या बलात्कार आणि हत्या प्रकरणाची दखल सर्वोच्च न्यायालयानं घेतली असून, आज त्यावर सुनावणी होणार आहे. सरन्यायाधीश न्यायमूर्ती धनंजय चंद्रचूड यांच्या अध्यक्षतेखाली तीन सदस्यीय पीठासमोर ही सुनावणी होणार असून, न्यायमूर्ती जे बी पारडीवाला आणि न्यायमूर्ती मनोज मिश्रा हे या पीठाचे सदस्य आहेत.

दरम्यान, सर्व केंद्र सरकारी रुग्णालयांमध्ये सुरक्षितता व्यवस्थेत २५ टक्क्यांनी वाढ करण्यास केंद्र सरकारनं मान्यता दिली आहे.

या घटनेनंतर राज्यातल्या निवासी डॉक्टरांच्या बेमुदत संपाचा आज आठवा दि��स आहे. सर्व सरकारी वैद्यकीय महाविद्यालयं आणि रुग्णालयं ‘सुरक्षित झोन’ घोषित करावीत आणि केंद्रीय आरोग्य सेवा संरक्षण कायदा लागू करावा, या मागणीवर निवासी डॉक्टर ठाम आहेत.

****

पॅरिस पॅरालिंपिक स्पर्धेत सहभागी होत असलेल्या खेळाडुंशी पंतप्रधान नरेंद्र मोदी यांनी काल संवाद साधला. पूर्ण आत्मविश्वासानं मैदानात उतरा, विजयापासून आपल्याला कोणीही रोखू शकत नाही, अशा शब्दात, त्यांनी खेळाडुंना शुभेच्छा दिल्या. खेळांकडे बघण्याचा देशाचा दृष्टिकोन आता बदलला असून, पॅरालिम्पिक क्रीडा स्पर्धांनाही स��रखंच महत्व दिलं जात आहे. यापूर्वी दिव्यांग खेळाडूंना दुर्बल मानलं जात होतं, मात्र आपल्या सरकारनं ही धारणा बदलली आणि खेळाडूंसाठी विविध साहाय्यक योजना आणल्या, असं पंतप्रधान म्हणाले. २८ ऑगस्टपासून या स्पर्धांना सुरुवात होणार असून, भारतानं ८४ खेळाडूंचं आतापर्यंतचं सर्वात मोठं पथक या स्पर्धेसाठी पाठवलं आहे. हे खेळाडू १२ क्रीडा प्रकारामध्ये सहभागी होतील.

****

प्रधानमंत्री मोदी उद्या बुधवारी पोलंड आणि युक्रेनच्या तीन दिवसांच्या दौऱ्यावर जात आहेत. भारताचे पंतप्रधान ४५ वर्षांनंतर पोलंडला भेट देणार आहेत, त्यामुळे ही भेट ऐतिहासिक असल्याची माहिती परराष्ट्र मंत्रालयाच्या पश्चिम विभागाचे सचिव तन्मय लाल यांनी दिली.

****

मंकी पॉक्सचा जगातला वाढता प्रादुर्भाव लक्षात घेता देशातही प्रशासन सतर्क झालं आहे. देशात सर्व आंतरराष्ट्रीय विमानतळांवर तसंच दोन आंतरराष्ट्रीय सीमांवर आरोग्याच्या दृष्टिकोनातून सज्जता ठेवण्यात आली आहे. तसंच दिल्लीतल्या तीन रुग्णालयांना मॉडेल रुग्णालयं बनवण्यात आलं असून, या रुग्णालयांमध्ये विलगीकरण विभाग बनवण्यात आला आहे.

****

नागपूरच्या नॅशनल कॅन्सर इन्स्टिट्युट आणि मॉरिशस सरकार यांच्यात काल मुंबईत सामंजस्य करारावर स्वाक्षरी करण्यात आली. मॉरिशसचे केंद्रीय मंत्री अ‍ॅलन गानू आणि उपमुख्यमंत्री देवेंद्र फडणवीस यांच्या उपस्थितीत हा करार झाला. या करारानुसार मॉरिशसमधल्या कर्करोग रुग्णांना नागपूर इथल्या नॅशनल कॅन्सर इन्स्टिट्युट आंतरराष्ट्रीय दर्जाची वैद्यकीय सेवा देणार आहे. तसंच तिथल्या रुग्णालयांमधल्या आरोग्य कर्मचारी, परिचारिकांना प्रशिक्षणाची जबा��दारी या इन्स्टिट्युटला दिली आहे.

****

फेलोशिप मिळवण्यासाठी संशोधक विद्यार्थ्याकडून ५० हजार रुपयांची लाच स्वीकारताना संशोधक मार्गदर्शकासह तिघांना काल छत्रपती संभाजीनगर इथं अटक करण्यात आली. डॉ. बाबासाहेब आंबेडकर मराठवाडा विद्यापीठात मार्गदर्शक डॉ. एराज सिद्दीकी यांनी संशोधक विद्यार्थ्यांकडून सह्या करण्यासाठी दरमहा दहा हजार रुपये लाचेची मागणी केल्याची तक्रात संबंधित विद्यार्थ्याने केली होती.

****

हिंगोली जिल्ह्यातल्या ज्योतिर्लिंग औंढा नागनाथ इथं काल तिसऱ्या श्रावणी सोमवारनिमित्त देशभरातून आलेल्या भाविकांची मोठी गर्दी होती. सायंकाळी उशिरापर्यंत एक लाखापेक्षा अधिक भाविकांनी श्री नागनाथाचं दर्शन घेतलं. पहाटे दोन वाजता विश्वस्तांच्या हस्ते महापूजा करून मंदिर दर्शनासाठी खुलं करण्यात आलं होतं.

****

जळगाव जिल्ह्याच्या चाळीसगाव तालुक्यातल्या पिंपरखेड गावात अल्पवयीन चार सख्ख्या भावंडांचा पाण्यात बुडून मृत्यू झाला. मोठी बहीण भांडी घासण्यासाठी धरणाच्या काठावर गेली होती तिचा पाय घसरून ती पाण्यात पडली. तिला वाचवण्याच्या प्रयत्नात उर्वरित तिन्ही भावंडेही पाण्यात पडली असं याबाबतच्या वृत्तात म्हटलं आहे.

****

राज्यात अनेक दिवसांच्या विश्रांतीनंतर काल पाऊस झाला. यवतमाळ जिल्ह्यात मुसळधार पाऊस झाला तर काही ठिकाणी गारपीटही झाली. पुणे जिल्ह्यातही मुसळधार पाऊस झाला. नाशिक शहरासह जिल्ह्यात बहुतांश भागात विजांच्या कडकडाटासह मुसळधार पाऊस झाला. शहरातले अनेक रस्ते जलमय झाले होते. बीड जिल्ह्यात शिरूर तालुक्यात डोंगर पट्ट्यात जोरदार पाऊस झाल्याने नगर रस्त्यावर तयार होत असलेला पूल वाहून गेला. यामुळे वाहतूक कोंडी झाली तर जेसीबीच्या सहाय्याने नवीन पुलाचे तात्काळ काम सुरु करण्यात आलं.

राज्यात आज कोकणात मेघगर्जना, वीजा आणि वादळी वाऱ्यासह मुसळधार पावसाचा इशारा हवामान विभागानं वर्तवला आहे. तर मराठवाड्यात तुरळक ठिकाणी मुसळधार पाऊस पडण्याचा अंदाज आहे.

****

0 notes