#٤:٤٩ فجرا

[alltimevexed]

مدرسة وروضة الشهامه الخاصه ..

كان نفسي أبقى بحكي عن إني كنت بضرب الأولا�� ف المدرسه وانا صغيره على سبيل الأڤوره واكشن وكده بس للأسف لأ حقيقي .. انا فاكره مشهد بيمر قدام عيني دلوقتي وانا في ياقة بني ادم متشعلقه ف ايديا وبلف بيه في الساحه وقت الفسحه عادي جداا .. عايزه افتكر عملي ايه المسكين وصله يتشعلق في براثني بس مش فاكره .. كنت مشكلجيه ف المدرسه واكيد اتخانقت كتير مش فاكره للأسف منهم حاجه بس أنا كنت شيطانه .. اخواتي كنت الفرد الرابع ف فريق الكوره بتاعهم والمنافس واحيانا الحكم في حلبات المصارعه اللي كان حدودها مرتبة السرير .. طبيعة النشأه وسطهم خلت امي وابي يعيني عندهم ٤ أولاد .. فاكره ف المدرسه مكانوش بييجوا ويسمعوا كلمة حلوه غير اني شاطره الباقي كان كله شكاوى عن كمية الشيطنه .. كنت بجري من اول الممر واطير انط على السلم الحديد اللي ما بين صف خامس وثاني .. مسسسم أيااام .. غير ايام م كنا بننزل مصر والتشرد اللي كان بيحصل ف مصر يلاااهوي .. كان بيوصل لدرجات اسطوريه .. الموضوع استمر فتره طويله أي نعم الحمدلله خلاص بس برده لسه بتفاجئ بنفسي لما اتحطيت ف موقف انه ايه ده يااااه انا بتكسف وأستحي وصوتي بيرق وبعرف أسوي اشياء بنات لدرجة انا معرفتنيش .. 😂😅 منكرش حاجه حلوه اوي اني معرفش الحته دي فيا ولسه هكتشفها أيا كانت التجربه اللي هخوضها ف انا هعرف لما هكون مشاعر تجاه حد هكون عامله ازاي في تعاملي معاه .. حته ف إسراء لسه مروحتهاش وهكون سعيده باكتشافها .. كل م افتكر وانا بحكي للعيال قد ايه كنت مكسوفه وصوتي واطي وناعم لوحده كده بدون مجهود وانا معملتش حاجه بضحك اوي .. يلبقلي يا ربي الكياته والله .. السؤال دلوقتي اني لو تكرر الزمن وبنتي "ان شاء الله" كانت على اولاد بس هل هعيشها حياة التشرد *والتي كانت جداا فله* انا عشت طفولتي لأقصاها فعليا وكانت ممتعه جدااا لدرجة لو عدت مش هغير حاجه منها .. ولا هعلمها من الصغر انتي مش غضنفر ي حبيبة ماما والبنات بيقولوا والبنات بيسووا وممنوع لعب الكوره؟؟