#٢٠٠ جنيه

[flybirdsworld]

النهاردة و أنا راجعة من الشغل كان نفسي في كشري بالكبدة ف روحت مكان بحبه باكل منه دايماً ف قاعدة برة علي تربيزة باكل لقيت ولد صغير شكله مرهق أوي و معاه ازايز فاضية في إيده طالع من المطعم في إيده التانية كيس كشري بياكل منه ( علي طريقة زمان مع العلم إني عمري ما كلته بالطريقة دي بس عارفاها يعني ) ف ناديته قولتله أقعد علي التربيزة جنبي و اطلب اللي عايزه علي حسابي ، الولد ماشاءالله عنده عزة نفس و رفض بس أنا كنت مصممة لحد ما وافق و قعد قولتله أطلب اللي نفسك فيه و ملكش دعوة و ناديت الراجل ياخد طلبه و طلب فعلا طبق كشري ف طلبتله من نفسي بيج كولا و أكل و خلص قولتله اطلبلك حاجة كمان ابتسملي و قالي شكراً و مشي ، اللي استغربته اني لما روحت احاسب بعد ما خلصت اكل لقيته طالب أصغر طبق كشري رغم إني قولتله أختار أي حاجة تحبها ( طاجن كشري ساندوتشات ) وفعلا والله لو كان طلب ب ٢٠٠ جنيه كنت هدفع لكن نفسه عزيزة و أخد اللي يرضيه و بس ، في ناس علي قد متملكش من رفاهيات الحياة لكنها بتملك الرضا و القناعة و دول أهم من وجهه نظري لأن حتي لو أمتلكوا حاجات بسيطة بتبقي كافية بالنسبالهى و راضين .

[naagyy]

منقوووول

واحد بيقول كنت في البنك الأهلي مستني دوري ، المهم قعدت من ٩ الصبح لحد قرب الساعه ٢ الظهر مستني في صمت وعزلة بعد غلق الأبواب خرج فرد من داخل البنك يسأل على الأعداد في الخارج لتنظيم حركه الدخول

وكانت قاعده جمبي ست طيبة كبيرة في السن ،

سألني حضرتك قاعد ليه فقولتله ‏حوالة ، وسأل الست وقلها وحضرتك قاعدة ليه ؟ قالت له أنا بقيلي من المعاش بتاع جوزي المتوفي ٣٠ جنيه ومش عارف�� أسحبهم من الماكينة وعايزة أدخل أسحبهم من البنك ،

فقالها حاولي تسحبي ٢٠ جنيه من الماكينه والـ ١٠ جنيه المرة الجاية قامت قالت للراجل طيب ممكن تدوني الـ ١٠ جنيه دلوقتي وأبقي ‏أديهالكم المرة الجاية

بعد الموقف ده الست دي اتعرض عليها كمية فلوس ماحدش يتخيلها أقل واحد واقف ‏إدالها ٥٠ جنيه وفي إللي طلع ٢٠٠ وفيه إللي طلع ٥٠٠ ، بس الغريب إنها رفضت كل ده وسحبت الـ ٢٠ جنيه من الماكينة ومشيت !!

أدركت وقتها إن الـ ٣٠ جنيه ممكن تفرق كتير مع إنسان وممكن يكونوا في جيبك ومش فاكرهم أصلا ولا حامد ربنا عليهم

اللهم أدم علينا نعمة الستر

" يَحْسَبُهُمُ الْجَاهِلُ أَغْنِيَاءَ مِنَ التَّعَفُّفِ تَعْرِفُهُم بِسِيمَاهُمْ لَا يَسْأَلُونَ النَّاسَ إِلْحَافًا ۗ وَمَا تُنفِقُوا مِنْ خَيْرٍ فَإِنَّ اللَّهَ بِهِ عَلِيمٌ "

[ebrahimx]

طريقة لاستكمال الشهر ب ٢٠٠ جنيه بدون اللجوء لأحد غير الله سبحانه وتعالى

[tal3at3amer]

خلي علبة السجاير ب ٥٠٠ جنيه وخلي الشيشة و جميع أجهزة التدخين زيادة ٢٠٠٪ وخلي سعر الخمور ب ٥٠٠٠ جنيه

خلي الفيسبوك باشتراك شهري علشان ربنا يرحمنا من الأشكال الضالة اللي بتطلع لايف

خلي في رقابة على التيك توك وأي محتوى غير هادف صاحبه يدفع غرامة ٥٠٠٠ ج

خلي في رسوم علي آل Gamers and Youtubers

خلي مخالفة إن عيل قاصر يسوق العربية ٥٠،٠٠٠ جنيه

خلي أسعار تذاكر السينما ٥٠٠ جنيه ١٠٠٠ جنيه كمان

خلي الضريبة الأعلي ع العربيات فوق المليون جنيه

خلي الضريبة الأعلي علي امتلاك أكثر من سيارة

خلي الرسوم علي اللي بيشتري الفيلا اللي ب ٣ جناين

خلي في تبرع إجباري ب ٥٠٪ من أجور الممثلين

خلي في ضريبة ع كل مهرجان او اغنيه شعبيه جديدة

خلي في رسوم علي المغني اللي بيغني في الفرح

خلي رسوم الفرح علي الفرح اللي فوق ال ١٠٠ الف جنيه

خل�� دماغك مع اللي بيرموا فلوس في الأرض و كل الناس عارفه هما مين و سيبك من اللي شقيان

بس ابعد عن سعر العيش والسكر والملح والخضار واللحمة والبنزين والكهرباء والمواصلات والعلاج وإيجار السكن والبامبرز ولبن الاطفال والفراخ والسمك والبيض

ابعد عن قوت المواطن الي طافح الدم طول الشهر علشان مرتب مابيكفيش بيته وعياله ليوم ٥ ف الشهر

ابعد عن اب نفسه يجيب لعياله الحجات الي بيحبوها بس انت مغليها عليه وكاسر قلبه ع عياله ابعد عن ام نفسها تعمل اكله حلوه لعيالها وزوجها بس منين وهي مش لاقية

ابعدوا عن قوت المواطن الغلبان

[urfavzarzor]

بغير شنطتي لشنطه تانيه لقيت ٢٠٠ جنيه🥹😂♥️

[marmarika-world]

جالي على الواتساب عرض مميز لفيلات في الساحل بتبدأ من ٥٠ وحتي ٢٠٠ مليون جنيه فلو حد من الاصدقاء مهتم يقولي عشان اعمله بلوك.

[limited-edition98]

صاحى الصبح ودى تانى اهم حاجه صاحى عشانها يعنى مستنيه بقالى كام شهر 😅

وللحظ السعيد أن تقريباً اغلب الناس اللى نايمه صحيت ف نفس الوقت عشان سيرفرات نتفليكس تقطع وكأنهم بيبثوا اللايڤ باشتراك الباقه ام ٢٠٠ جنيه بتاعة وى 😂

[life1994hg]

اتصورت الصوره ال هلف بيها العالم انهارده

والغريب ان ف جيبي ميكلمش ٢٠٠ جنيه

طموح كبير مريب

[ahmedhisen]

- إيه قصة الخواجة «يني».. دي يا ملك اللي غلط في الحساب في كازينو «بديعة مصابني».. إحكيلي عنها ؟

= اااه الراجل ده يا فاروق كان جارسون يوناني في كازينو بديعة، وكان الكازينو ده كبير جدًا. فتلاقي واحد مِن اليمين يقوله «قهوة يا يني» ☕ وواحد مِن الشمال يقوله «كوكاكولا يا يني» 🥤 في نفس الوقت. فكان يني ده بيمشي كتير جدًا جوة الكازينو.

كان فيه مِن ضمن الزباين أستاذ بتاع حساب، ففي يوم يني سأله «أنا بمشي في الكازينو كام كيلو يا أستاذ؟» الأستاذ ده حسبهاله وقاله: "انت بتمشي حوالي ٥٠ كيلو في اليوم جوة الكازينو." 🚶‍♂️ وكان يني ده معدي الستين سنة وخلاص مبقاش قادر يتحمل تعب الشغل ده كله.

المهم، كان زمان فيه ورق اليانصيب تشتري الورقة بقرش صاغ ولو كسبت تاخد ٢٠٠ جنيه، وكانوا الخواجات غاويين أوي يشتروها على أمل إن أي حد فيهم يبقى معاه الـ ٢٠٠ جنيه. طبعًا الـ ٢٠٠ جنيه كانت ثروة ورقم ضخم وقتها. 💰 المُهم يني اشترى ورقة يانصيب من دول وكسب الـ ٢٠٠ جنيه فعلًا، وأول ما كسبهم جري على الأستاذ بتاع الحساب وقاله:

"أنا بُكرة هقبض ٢٠٠ جنيه وأنا معدي الستين سنة، وآخري هعيش ٥ سنين كمان ده إذا عشتهم. فعايزك تحسبلي أصرف كام في اليوم الواحد عشان الـ ٢٠٠ جنيه تكفيني ٥ سنين لحد ما أموت."

وفعلًا الأستاذ حسبها له، وقبض يني الـ ٢٠٠ جنيه وساب الشغل على طول وعاش على الحسبة بتاعة الأستاذ دي. مرت الأيام وخلصت الخمس سنين وخلصت الـ ٢٠٠ جنيه، بس يني ما ماتش، شوف حكمة ربنا. 🙏

المهم، خلاص داخل على السبعين سنة ومحدش هيرض�� يشغله. وفي يوم فوجئنا به بعد ٥ سنين داخل الكازينو ماسك طبق في إيده بيلف به على كل طرابيزة يشحت فيه فلوس من الزباين، ومفيش على لسانه غير كلمة واحدة بس: "يني غلط في الحساب!"

[littlekittycat]

بيبقى شكلك وحش اوي لما تكون نفس الشخص الي بيصرف ورقة ب ٢٠٠ جنيه بقلب جامد وتقول عادي معايا غيرها قد كده وبعدها ب يومين تمسك اخر ورقة ب ٢٠٠ وتقسمها عشرات عشان تعرف تمشيك ل اخر الشهر 🫠

[bobmarely91]

‏= سحب ولا إيداع يافندم؟

- سلف، اديني ٢٠٠ جنيه سلف لوسمحت 😁

[werewolff]

شعور الفرحه بتاعتي ميتوصفش وانا بفتح العلبه اللي حاطط فيها الفلوس وفاكر انها فيها ٢٠٠ جنيه بس وطلع فيها ٤٠٠ 😍😍😍😍😍😍

[nawarah7]

باخد عيديه ٢٠٠ جنيه بصرف قصادهم ٢٠٠٠ ممكن تلغوا العيديه والنقطه والكلام الفاضي ده بجد كل اب وام يعايدوا ولادهم وخلصنا ايه شغل دائن ومدين كليه التجاره جامعة القاهره ده

[err-o-r]

بيشو صرف ال ٢٠٠ جنيه

[urfavzarzor]

وقع مني ٢٠٠ جنيه اد الدنيا

[ibrahimshoukri]

طب والله الواحد طيب يل جدعان أختي الصغيرة بكلمها وبتقولي أنا بقيت عصبي وبتاع وأنا جاي تعبان من الشغل أصلا مش قادر أتكلم من 7 الصبح روحت صالحتها وادتلها ٢٠٠ جنيه الواطيه كنسلت كل حاجه قالتها 😂