#ياللى

[fozdoaa]

لامؤاخذه ياولاد لو مكنش فيها قله ادب مني الطاقه الإجابيه اللى كنت بوزعها عليكوا بقالى فتره هالمها تانى وبالأرباح محتاجاها معلش اليومين دول وهابقى اديهالكوا تانى

[itsbtates]

صباح الخير يا متأقلم ياللى عامل نفسك مبسوط يا منعدم الدوافع و فاقد الشغف 🙂

[marmarika-world]

ايه الجو ده ...مين فتح الفرن ونسيه مفتوح...

منكو لله ياللى بتحبوا الصيف 🥺

[mustaphi]

القاهرة، فى ٤ أغسطس ٢٠٢٤م

٢٣ سنة أنغام قالت خلالهم إيه؟

و قلبى نبضه صوت نبضك، أنا بيتك أنا أرضك.. أنا ويَّاك فى ترحالك، و كل حياتى رايحالك !! (أنا عندك - ٢٠٠١)

عيِّشنى تانى و لو ساعات، من غير دموع من غير آهات.. صحِّى السنين صحِّى السُكات، صحِّى فى زمانى عمرى اللى فات !! (اسرقنى -٢٠٠٣)

قلبك بقى حتَّة منى، إرضى و طاوعنى ، جواك سامعنى.. و ليه مانعنا نعيش حياتنا و حبنا؟ وحدك و أنا لوحدى، عمال يعدى وقتك و وقتى.. عايزاك عايزنى طب ليه نضيَّع عمرنا؟؟ (قلبك - ٢٠٠٥)

و لا أقولك.. مش مهم الجاى إيه.. إحنا نتعب روحنا من دلوقتى ليه؟؟ لو حتى فرَّقنا الوداع ، لو حتى ضعنا فى الهوى.. مش برضه يا حبيبى الضياع احساس هيجمعنا سوا؟؟ (كل ما نقرب - ٢٠٠٧)

حياتى حبيبى و انا جنبك ما بحسبهاش.. و عمرى يعدى يا ف قربك يا إما بلاش.. ده أنا ويَّاك بحس حاجات ما حسيتهاش (ضى عينيك - ٢٠٠٩)

خليك معايا م الدنيا حبيبى خدنى، إنت حبيبى و مكانك هو حضنى.. و العمر إيه ده يدوب بنعيشه مرة ، و معاك أنا ببقى حرة ما بخافش م السنين (أنا عايشة حالة - ٢٠١٠)

أنا مش حبيبتك، إحساسى أكبر ، الحب حاجة و اللى حاسَّاه حاجة تانية.. أنا حتة منك، تتعب بتتعب، تفرح بتفرح، يا حبيبى قوام فى ثانية!! (حتة ناقصة - ٢٠١٥)

يا حلمى اللى متأجل و أنا هموت و أحلمك.. يا عمرى اللى ناقص عمر نفسى أكملك (يا ريتك فاهمنى - ٢٠١٩)

حبيبى مهما ف يوم هشوف مستحملاك.. هشيل معاك أصعب ظروف و مقوياك.. حبيبى ياللى كتير جرحتك، و بعيوبى قبلتنى.. و كنت ياما بَقِل راحتك و ف عيونك شيلتنى!! (متطمنة - ٢٠١٩)

انا كل حاجة نفسى فيها فيك، ما بقيتش بخاف حبيبى غير عليك، فعلاً عمرى الحقيقى بدأته بيك، و بين إيديك كل حياتى.. صدقنى انا عشت حبك من سنين، من قبل اليوم ده انا كنت عارفة انت مين، و دى حاجة صعب تحصل مرتين، انت اللى جاى وذكرياتى!! (خلينى شوية معاك - ٢٠٢٣)

يا اخى الشوق واخدنى لفين، و مين عنك يرجعنى.. قليل منك ما يرويش و لا كتيرك مشبعنى.. يا قلبك لو عينيك نايمين، و عن نوم عينى تمنعنى.. بحبك كل يوم حُبين، و اجيب قلبين منين يعنى؟؟ (هو انت مين - ٢٠٢٤)

سلام❤️❤️

[karmenaboo]

احيانا بستغرب الناس اللى بتحط نهاية أى شىء بمنتهى الحسم مع ان المستقبل فيه كل الاحتمالات الممكنة و قانون الاحتمالات نفسه مبهر جدا يعنى يا حزين يا بائس فى احتمال ربنا يفرحك اوى و يا مشكوح يا طاير من السعادة عندك احتمال بؤس قائم و ياللى عندك خطة محكمة جايز تنجح و جايز تفشل و جايز انت تموت بخطتك و جايز تعيش وتغير الخطة و جايز تقطع الخطة مية حتة وتقول اعيش عشوائى لذيذ .

[iam-yousef]

الجنة قصادك بتفتح.. عنيكى بتسكت و تلمح و تقول اسرار... 🌹

هزينى بسحرك من جوة.. دانا قلبى لا حول ولا قوة ضد التيار❤️

انا عارف انى ماليش دية فى عنيكى دية اخر المشوار🌹❤️🌹

[nedaa000]

الصوت يا أخوانا ياللى جوه دماغي ..

[a7med-7gag-3]

والعة معاكو ياللى لسه متجننتوش

[gomls-world]

ياللى دايما فى البعد واحشنى

وفى القرب دايما معيشنى

جمله تقال من رجل لانثى ومن انثى لرجل ولكن السؤال هنا يطرح نفسه

اهي كلمات وليده اللحظه ام هي راس��ه في القلب محفوره في العقل

ام اقتل انا جميع النساء لتستريح قلوب الرجال ولكن سوف ابقي على واحده منهم شديده الجمال لنفسي

[kelebek-gibi]

هل رأيت شي عچيب !! ف السما شكله غريب!

ولا فكرك ف الحبيب اللي غايب عن عيونك ياللي ..

[youssri-1]

كثيرا ما يسأل الواحد نفسه كيف كانت الأمور ستسير لو أن الدعوة هبطت على سيدنا النبى فى مصر؟ نسيت السؤال لفترة ثم تذكرته من جديد إثر رواية إحدى قريباتى العائدة من عمرة لقصة السيدة المصرية التى كانت تزور قبر النبى، وأطالت الوقوف إلى جوار مقامه فى تبتّل وخشوع أزعج حارسات المقام، فأبعدنها بقدر من الخشونة التى لا تشبه المكان أبدا، فما كان من السيدة المصرية إلا أن نظرت باتجاه قبر سيدنا النبى قائلة «إنت إيه اللى جابك عند الناس دى.. إنت لو كنت عندنا كنا شلناك إنت وضيوفك فى عنينا من جوه».

هذه السيدة التى قد ترى أنها تجاوزت حدود الأدب هى محبة بالفطرة لسيدنا النبى مثل عامة المصريين، هى التى تهدهد حفيدتها على أنغام «ميتى أشوفك يا نبى.. ياللى بلادك بعيدة» فتضع فى لا وعى حفيدتها أول حجر فى بناء المحبة لسيدنا النبى، وتحصنها بـ«اسم النبى حارسها»، هى التى تستقبل ضيفها الغالى بابتسامة بشوش «إحنا زارنا النبى»، وفى نفس الوقت تعاتب على قلة الكرم وسوء الاستقبال بـ«ده النبى فرش عبايته لنسيبه»، وهى التى تفض مشاجرات تكبر أو تصغر بجملة سحرية «صلوا على النبى يا جماعة».

هناك نكتة لم أكن أحب أن أستخدمها -لأن الحديث ليس موضعا للنكات- لكنها تلخص أمورا كثيرة، تقول إنه فى خطبة الجمعة وقف الخطيب على المنبر يقول «خد بالك من جيل هذه الأيام، فإذا قالت لك ابنتك إنها رايحة الدرس فلا تصدقها، فهى ذاهبة للقاء الحبييييييييب» فقال المصلون خلفه «عليه الصلاة والسلام»، هذه النكتة تكشف لنا من جانب حال كثيرين يجلسون فى خطبة الجمعة أذهانهم مشغولة بأمور أخرى غير الخطبة، لكن من جانب آخر تشرح كيف أن الانتباه كله يحدث إذا ما مرَّ اسم سيدنا النبى بكل تجلياته «طه وأحمد والحبيب».. حالة يقع فيها الانتباه لا إراديا، لأنه فعلا الحبيب بالفطرة فى قلوب المصريين، ويعملون ألف خاطر لاسمه ويتجاوزون فى ذلك حدود المقبول أحيانا بحكم «الأفورة»، فيسمون «عبد النبى»، ويتغزلون بـ«يا جمال النبى»، ويقسمون بـ«وحياة من نبّا النبى»، أى من جعله نبيًّا «من الممكن أن يقسموا بالله مباشرة لكنهم يعرّجون على الحبيب فى الطريق».

«النبى وصى على سابع جار».. تمام، ويفكون تكشيرة عالم الدين بـ«النبى تبسم يا مولانا».. تمام جدا، ويطلب��ن من كل شخص أن يعامل نبيه بالطريقة نفسها «وكل من له نبى يصلى عليه».. عين العقل، لكن كاد صديقى يجن عندما قالت له والدته البسيطة فى طفولته «سيدنا النبى قال ماحدش يشرب من الإزازة» عندما ضبطته يفعل ذلك أمام الثلاجة، فانصرف يبرطم، بعد سنوات كان صديقى يضرب كفا بكف وهو يقرأ فى كتب الأحاديث، قال أبو هريرة رضى الله عنه «نهى الرسول صلى الله عليه وسلم أن يُشرب من فى السقاء أو القربة» -متفق عليه- أى نهى عن الشرب من حافة الإناء حفاظا على نظافة وعاء شرب جماعى «يعنى ماحدش يشرب من الإزازة». هذه السيدة البسيطة ربما استمعت إلى المعلومة فى إذاعة القرآن الكريم، وعندما حان وقت تنفيذها لم تخاطب ابنها بلغة التربية والعيب والصحة والمنظر العام و«اللى يصح وال��ى مايصحش» لكنها خاطبته بلغة قانون المحبين «سيدنا النبى قال».

ينتظر المصريون كل مناسبة تخص سيدنا النبى ليحتفلوا بها، حتى يوم مولده الذى حرم بعض المتشددين الاحتفال به، لم تلقَ دعوتهم أى قبول لدى أى شخص تجرى فى دمائه جينات مصرية، ربما لو كان النبى أقام بدعوته فى مصر لأصبحت السنة كلها احتفالات، كنا سنحتفل بذكرى كل التفَاتَةٍ من حضرته، وكل مكان زاره، وكل يوم نزلت فيه آية، وكل زيجة له، كنا سنقدس كل شارع مرّ به، وكل إناء أكل فيه، وكل بقعة من النيل مدّ سيدنا النبى يده فيها ليشرب منها.

عقب حادث قطار البدرشين وقف أحد الجنود الناجين أمام الكاميرا يشكو سوء الوضع داخل القطار أصلا، وفى نهاية كلامه قال «مش معاملة دى إحنا صعايدة ونعرفوا الرسول». وقبل أن يتوقف الدورى ذهبت إلى الاستاد فى عز الفوضى، حيث لم تكن هناك تذاكر دخول، مجرد موظف أمن على البوابة قلت له «صحافة» فدخلت، ثم سأل آخر كان قريبا منى «وانت تبع إيه»، فقال له «أنا تبع سيدنا النبى» فقال الموظف «عليه الصلاة والسلام اتفضل». وكنت أجلس مع فنان معروف فى سيارته بينما أم كلثوم تغنى «ولما أشوف حد يحبك يحلالى أجيب سيرتك وياه»، فتنهد قائلا «عليه الصلاة والسلام»، ثم نظر لى قائلا «أحلى سيرة فى الدنيا».

كنت أتمنى أن أولد على التراب الذى حطّ عليه سيدنا النبى بقدمه الشريف، لكن لله حكمة فى ذلك، فنشأة الدعوة فى محيط الكفار قساة القلب شدّ أزر الدعوة وجعلها تشب صلبة وعفية، وهذا ما كان ليتحقق لو كانت الدعوة قد شبت فى محيط المحبين.. المجاذيب.

نفعنا الله بحبنا لسيدنا النبى وآل بيته، وليغفر ل��ا عفويتنا التى تجعلنا بحسن نية قد نتجاوز حدود اللياقة أحيانا من فرط المحبة، لدرجة أننا أحيانا نتجرأ فنوسط النبى بطفولة شديدة فى أصغر الأشياء.. اللى يحب النبى يصقف.

- من كتاب "أثر النبي" Omer Taher

[itsbtates]

الصوت يا أخوانا ياللى جوه دماغي !

[marmarika-world]

اه يا و يسخ ياللى مش مقدر التضحيه

[mustaphi]

شغلونى .. و شغلوا النوم عن عينى ليالي

ساعة أبكى .. و ساعة يبكى على حالي

ليالى ليالى .. عهد و غالى مهما جرى لي

كان الجمال عندى .. زهرة و بتعدى ما بين خيال العين

أعشق جمالها يوم .. و يفوت عليها النوم أنساها بعد يومين

ايه اللى خلى الفكر يروح .. و يقابله من غير ما يقولي

مين اللى قال لعيون الروح .. تعشق هواه و تشوفه قبلي

ياللى هواك جانى .. و ما كان على بالى مكتوب لى ايه وياك

خايف يهون حبى .. و يهون عليك قلبى و القى الدموع تهواك

عاهدنى تشغل قلبى عليك .. و تنشغل اكثر مني

أوعدنى لما اشتاق لعينيك .. ما تجيش فى يوم و تغيب عني ❤️

[majazeb92]

لفيت بحور وبحور ،يا جناحي يا مكسور

[sam-amr]

يابدر ايه العمل حيرت افكاري ...

ياللى نويت الغرام خليك بعيد عنه