#وهيك

[anastaziaa]

قلبي عليك يا لبناني '

🧡

[f-farah]

ماذا لو

كانت السماء تمطر بغزارة، والدفء يغمر الغرفة، نار الموقد تستعر، والعجينة جاهزة، أستطيع أن أخبز ما شئت الآن، (ولأني ما بعرف شو ممكن اعمل.. رح اعمل skip للجزء المتعلق بالخبز، جدتي كانت ستخبز خبزاً على نار التنور) أنتظر أن ينضج ما خبزته، أحيك.. كنزة صوفية مثلاً، قبعة صوفية.. صوت المطر في الخارج وميادة الحناوي تغني "كان ياما كان" يرافقها بليغ حمدي على العود

أوف أهذا كثير أيها العالم؟

[certainbirdperson]

وهيك صرفنا الراتب 😅

[blackblackblackblackblack]

هيك كانت دارنا

وهيك صارت

[afnan95]

أبناء الشهيدين نزار ريان وعبد العزيز الرنتيسي نزلوا نعي للسنوار وهيك غالباً تأكد الخبر

كان عندي أمل بيني وبين نفسي

حسبنا الله ونعم الوكيل

[jap-ps]

صبــــاح الخير فعلاً ❤️

من زمان كثير ما صحيت ورحت للدوام بهاد الطاقة الحلوة وهيك شعور راحة وانبساط غريب عني صراحة، وطاقة الدوام لطيفة إلى حدا ما.

[ahmad-ojaimi]

ك شخص متابعك من البدايااااااات وشَهَد على قصصك وخصوصًا قصص الشغل وهيك ف بحب احكي انو جد بفرح بس اشوف تطورك..

عقبال ما تكون صاحب أحد أكبر الشركات فيكي يا أردن :)

كل التوفيق إلك

رسائل تفرح القلب وتشرح الصدر ... بتقول بعدها صباح الخير بكل اقتناع وحب ❤️

ربي يسعد قلبك ❤️

ويوفقنا جميعا لما يُحب ويرضىٰ، ويعيننا ويجعلنا سبب في اعانة غيرنا

ويعطينا ما نتمنىٰ وزيادة 🤲

[1sokun]

بالطريق من المطار للفندق رجعت بسيارة

السواق وصبية وأنا

وصلناها هي بالأول بعدين السواق بيقلي انه الفندق تبعك هلق شي تلت دقايق مشي فأنا حبيت الصبية قلتلا بتحبي نتمشى شوي؟ سألتني بتعزميني على هوت شوكلت؟ الجو بارد كتير... قلتلا إيه طبعا تكرم عيونك

نزلنا أنا والصبية من السيارة حكت لي مع ابتسامة شوية أسئلة عن شغلي وعن شغلها وبعدين سألتها شو بتعملي في عمان؟ حكت لي إنها جايي من الغور ومن لهجتا كان واضح هيك شي وإنها كانت بتايوان لشغل وهلق رجعت ورايحة تبات عند صديقتا لحد ما الشمس تطلع وتروح على البيت

سألتني وانتي شو بتعملي في عمان؟ جايي زيارة تعرفت على شب من فترة وجايي شوفه

هي المرة ابتسمت ابتسامة مع وجه خجلان ابتسمت أنا بالمقابل ابتسامة وقلتلا كتير حلو الشب...بالذات عيونه... فكرك بيستاهل السفرة لأنه عيونه حلوة؟

حكت لي زمان ما التقيت بحدا واقف عند أول الحب قلت إسا رح نبلش نفتح موضوع البدايات وهيك فورا خليتا تغير الموضوع

شربنا هوت شوكلت مع بعض ولما تركنا تذكرت إنه ما سألتا عن اسما ولا هي سألتني عن اسمي قام كتبتلا رسالة وقلتلا شو اسمك؟ نسيت اسألك

جاوبت وخبرتني انه هي كمان ما سألت بس مو مهم

"المهم إنك من جماعة اللي بسافروا مسافات عشان الغرام وعندهم قدرة على الحب بزمن الخوف هاد"

واسما طلع وصال

[white-tulip323]

كنصيحة اخوية او طلب او تفضلا ،،سموه زي مابدكم ايا كان نوع العلاقة الي انت فيها لو سمحت ماتحطلها نهاية على كيف كيفك وتخلي نقطة وتختمها بالشمع الاحمر، مو تجي بمزاجك تنهي كل شي بدون سابق انذار… الي قدامك انسان اله احاسيس و مشاعر مو لوح خشب .. زي ما قررت تقرب من هالشخص وتفصح عن احاسيسك وهو رحب فيك وعاش معك الايام الحلوة والمرة وشاركك تقلبات مزاجك ياريت لما بدك تنهي شي توضح او على الاقل يكون فيه سبب مقنع من حقه يعرف لانه هو شريكك واله راي زيك ،، خبره بشو قصر معك ، وضحله شو هو ذنبه ، احكيله انت عملت هيك وهيك ،،لا تتركه بدوامة من التساؤلات والافكار الي مالها نهاية ،، مو الشخص نايم ويحلم باحلام وردية ويتمنى ويتخيل الايام الجاية ويخطط كيف بدو يسعدك ويحكي معك عادي ،،وتجي حضرتك بكل قسوة و بدون رحمة وبكل برود وبدون ماتخبره تحط نهاية وتكتب خلص كل شي انتهى ،،، فكرو بمشاعر العالم قبل ماترتبطو بيهم ، فكرو همه بشر مثلكم بيتوجعو ويحزنو ويبكو وهمه عايشين دور المتفرج ومابيعرفو شو بيصير ؟ ليش هيك؟ شو صار؟ مستنين توضيح وين موقعهم في الاعراب؟؟؟ همه لا محل الهم ولا ضمير غائب ولا شو بالضبط ؟؟

ـــــــــــــــــــــــــــــــــــــــــــــــــــــــــــــــــــ 💔ــــــــــــــــــــــــــــــــــــــــــــــــــــــــــــــــــــ

[jana-leb]

الجزيرة قسمت الشاشة ل٧ وكلهن من لبنان وهيك منعرف انه انتهينا.

[anastaziaa]

‏في الجمعة المباركة اللهم حُسن الخاتمة '

🧡

[f-farah]

من بين كثير مشاعر، أكثر شعور بكرهه، لما فجأة صير حزينة.. لما يكون كل شي عادي يعني منيح وهيك فجأة حس إني مو طايقة حالي ولا حياتي ولا حدا.. مو طايقة اتعامل مع أي حدا.. وبدي ابكي.. بس بدي ابكي، وكون عنجد حاسة بإنو ما الي حدا، ومتأخرة كثير عن الناس والحياة، وما بعرف اعمل شي، وهيك بدي بس نام.. نام واصحى لما بيخلص كل شي

[yathrib]

تحية طيبة وبعد:-

مش قادر أشوف!

أي صدق أي وعد

أي عهد أيا سعد

أي بخت

بالموضوع!

مش قادر أشوف!

فعيني كبت

على تخت

اتمنى اعيش الزهد

بس شبعني من الجوع

وهيك بعتني بالأصل

ليدوملي خضار الفروع ..

[al-ymm]

صحيت بكير لحتى أدرس على امتحان التمهيدية الجزء الكتابي

وطبعاً للأسف معنديش اي تركيز لذلك

وقاعدة بحاول أركز بس حاسس بتعب وخمول كبير

وكان عندي خطط لأخرج من البيت

But cancelled it

وقررت البقاء في البيت ومحاولة الدراسة لانه اذا ما درست منيح فغالباً ما رح أقدمه وهيك لازم استنى للصيف القادم لآخذ الشهادة

أو أقدم وأحاول أنجح وآخذها

واليوم يوم ميلادي

دون أي اضافات ولا ميزات

كل ما أريده اليوم

إني أدرس فعلا وآخذ التمهيدية بكرا بكل تفوق يا رب

[1sokun]

حبيبتي

عم بضحك هلق لأني من اول الصبح ما عم اعرف احدد اذا اليوم منيح أو بشع

يعني أولا برتاح من المواصلات وبوصل على الشغل مبكرة

بصير مشاكل قد راسي

بروح على ال training ما بلاقي حدا

بحكي الحمدلله ارتحت بس بقعد شي ٥ ساعات على الكرسي مش عارفة روح

بعدين بيجوا الشباب اللي عم يتنازلولي عن السيارة أكبر مني وعضلات وبيخوفوا بحكي معن ساعة وبكون قد حالي متلك بيزبط كل شي

لما بنزل بيقلولي بكرة رح نعطيكي ياها

طيب وكل اللي مضيته؟ وبهل ساعة كيف بدي روح؟ وقديش معك بالجيبة يا لينا؟

وشنطتين على كتفي وعم اتجادل حتى تعب نفسي بالاخر قلتلن روحوا خيي الله معكن

بروق ويسمع اغاني والقمر حلو وكل شي تمام ومامتي حبيبتك عاملة كبسة

بيقوم الوالد يزتنا بالشارع

بنقرر نروح على أقرب مطعم بيطلع مطعم شاورما فاتح بنكيف

وهيك يعني

الحياة ماشية

وانا عم اضحك

[white-tulip323]

بلشت عدنا مو سم تسويق الخضرة للمزارعين واليوم كانت عندي زيارة لوحدة من المزارع مزرعة حلوة ماشاءالله وكان صاحبها زارع مجموعة ورد حوالين مكان استراحته ،،لما رحنا الجماعة سبقوني كتير ومشيو قدامي والمزارع شيخ كبير في السن كل شوي بيلتفت ويطلع فيني وانا بدور على مكان جاف مافيه زرع عشان امشي ،، ولما وصلت لعند الزرع بديت اسأله عن الخضرة وانواعها واصنافها وموعد الزراعة وهيك (عشان تعرفو طبيعة شغلي😊)

ولما خلصنا من الاسئلة راح يقطفلي ورد قلتله عمو تسلم ايديك بس ماريد ورد ،حسيته انزعج وسمعته يحكي اكو بنية ماتحب ورد ، ابتسمتله وحكيت اني احب الورد اهواية عمو .....بعد شوي .قام سالني بنتي ليش مشيتي ورانا وما مشيتي ع الزرع ولا اخذتي مني الورد ؟؟؟

لقيتني بكل عفوية احكيله ،انه امي لما كنت صغيرة دائما تعلمني وتنبهني انه النباتات تسبح وتذكر الله زي ما اجه ذكره في القران وكمان كان الشجر بيسبح مع سيدنا داود عليه السلام لهيك لازم احافظ على تسبيحها وانه ما��يصير أأذيها واخربها ـكبرت وكبرت معي حب النبات لا بمشي عليها ولا بقطفها ،،ضحك الشيخ وقلي، بنتي هذا توفيق من الله مو كل واحد بيفكر مثلج ،، حافظي على قلبج الطيب وادعيلج دوم إن شاءالله قلبج اخضر بذكره وتسبيحه ــ ،،،،الدعوة حلوة كتير 🤍

يارب قلوبكم تضل خضرة بذكر الله 💚🌿