#وأحلام

[se-a09]

"لا أحد يصل دون بكاء ودون وحدة ودون انكسار وأحلام متكدسة لا يعرفها أحد غيره"

[sunladyy]

صغرت أمور كثيرة بعيني، وناس كثيرة، وأحلام كثيرة. وأنحصرت حياتي بكم شغلة، قلّت معرفتي الإجتماعية، وكنت أعرف أحب والآن. أنا أفتقد لياقتي إتجاه الأشياء

[white-tulip323]

أُقيـمَت الصلاة وإنتظم المصلوُن ساووا الصفوف ثم تمزقت الأجساد صَلّوا صلاةَ مودع وودعونا 🥺💔 إنا لله وإنّا إليه راجعون

مُصلّون يسجدون للّٰه السجدة الأخيرة، وكان الفجر مُرتقَاهُم إلى الجنّة!

١٠٠ شـ*هـيـد ارتقوا زُمَرًا إلى ربّهم، من مدرسة التابعين إلى رحمة اللّٰه، بعيدًا عن هذا العالم منزوع القلب! ولا زال الجُبناء يستهدفون المدنيين، ولا زلنا نشاهد.

حقيقة لا أعلم كم مرّة حدث مثل هذا الفعل، لكنّي أعلم علم اليقين أنّهم ليسوا أرقامًا، إذ كانوا بشرًا مثلنا، وربّهم ربّنا، وفَجْرهم فَجْرنا، وكانت لهم حياة، وقصص، وأحلام مثلنا وأكثر،

فيا رب اجزهم بما صبروا جنةً وحريرًا، وحسبنا اللّٰه ونعم الوكيل

[i-am-aprl]

In the blink of an eye, a US missile turned a happy home into ruins. Laughter and dreams that filled its walls are gone. Those who survived carry deep scars and traumas forever.

It's true that this missile was fired by an Israeli, but this was never going to happen without the ongoing unconditional support from the USA.

في لمح البصر، حوّل صاروخ أمريكي منزلاً سعيداً إلى أنقاض. ضحكات وأحلام كانت تملاً جدرانه اختفت. أولئك الذين نجوا سيحملون ألم نفسي معهم طوال الحياة.

صحيح أن هذا الصاروخ أطلق من قِبَل إسرائيلي، لكن هذا لم يكن ليحدث أبداً بدون الدعم الأمريكي غير المشروط والمستمر

[f-farah]

تمبلر، بتحب أقول عزيزي تمبلر؟

نفسي احكيلك كلام كثير، عشوائي وعبثي، ومهم وبلا طعمة، بس يعني لتعرف إني لسا موجودة

أرغب بقول الكثير من الأشياء لكن لا أعرف ماهي بالضبط قطرات من الماء البارد تتساقط في قلبي وأنا لا أفعل شيئًا حيال ذلك لا أرغب بالكلام أو الحركة أو الإيماء لتحايا الآخرين أو الهرولة لاحتضان أحد ما أود أن أصير نبتة لا تتحرك سوى باتجاه الشمس الأوراق تتساقط في كل مكان وفي بعض الأحيان حين تسقط على كتفي ورقة ما أقول: مرحبا لك أيضًا. لكن اليوم لم أقل شيئًا للأوراق المتساقطة قلبي صار ضيقًا جيدًا لا يكفي حتى لعبور ��معة بالأمس قابلت الكثير من الناس لم أشعر أن أحدًا منهم يمكن أن يصير صديقي لم أستمتع بدحرجة الكلام أو الضحك ومر الدم في عروقي ببرودة شديدة وفي المساء كان قلبي قد تجمد أكثر فأكثر -آلاء حسانين

من شوي قررت احضر شي حلقة من شي مسلسل، وهوووب على أهل الغرام، الحلقة الأولى، كل القصايد.. في سبب مهم هالمرة رح افصح عنه، أنا مشتاقة للحياة العادية.. المسلسلات السورية القديمة بتاخدني لأيام كانت الحياة عادية، الناس عم يحاولوا يحسنوا منها وقادرين ينبسطوا ويستمتعوا ويطلعوا ويفوتوا ويحكوا بأمور بسيطة ويحلموا بأمور بسيطة ويضحكوا.. الدنيا كانت بلا هموم كبيرة بلا صراعات بلا سباقات.. دنيا حلوة وسهلة وحتى مشاكلها الكبيرة بتنحل. لأني اليوم تعبت.. أنا تعبت من كل هالركض والتعب والمحاولات والاستنزاف كرمال حياة عادية، مو كرمال شي تاني.. مو كرمال شي كبير.. كرمال مشوار منيح وناس منيحة وأحلام بسيطة وأكلة طيبة وضحك من القلب.. كرمال مخاوف عادية وأيام عادية

هذا العالم مجنون

مبارح غفيت بكير.. كنت تعبانة بعد يومين ركض بالجامعة والمواصلات، وصحيت متأخرة.. مكسرة، مهدودة، مطفية.. صحيت أكلت.. عملت متة.. اجيت لأدرس وعدت نفس الص��حة مليون مرة وكل مرة كانت تبين كأنها أول مرة، تركت، حكتلي ماما قوم بلش اطبخ لنلحق نطبخ عالكهربا لما بتيجي بما انو لسا مخلصين غاز، وبعدين اجت الكهربا، قامت ماما تكمل طبخ، وأنا روّقت البيت ورتبته وكنسته ومسحته، ولما رجعت قعدت لأدرس.. ما كان في غير سارة ببالي وأحاديث غير متناهية، كنت عم احكيها فيهن، واحكي حالي عنها، وبكيت.. بكيت كأنها أول مرة. صورتها ببالي ضحكتها ببالي صوتها كلامها وكل ما احكي بشي قصة اسألني شو رح تقول سارة هون، ما أنا بعرف منيح شو ممكن تقول على كل قصصي، بس حبيبتي استدركت فجأة انو في قصص ما حكينا فيهن من قبل.. ولا جبنا سيرتهن، وبكيت أكثر لأني اشتقتلك، وخايفة عليك.. من اللحظة الأولى خايفة تكوني خايفة.. أو بردانة.. أو مستوحشة.. لهيك ضويتلك شمعة.

تخانقت مع خيي وحكاني كلام مش حلو، فزعلت، ورحت على غرفتي وبكيت.. بكيت كثير.. ونمت ساعااات، كل نهار فعلياً، وفكرت يا ترى أنا عم ابكي اللي صار أو عم ابكي كل حياتي اللي مو راضية عنها، أنا عصبت وسألتني لو عصبت كرمال خناقتنا مع انها ما بتستاهل لا هالزعل ولا هالعصبية، أو هو نفس الغضب اللي ماكلني تجاه قصص كبيرة بهالدنيا بس لأن مش طالع بإيدي شي تجاهها قاعدة فرّغ الغضب على أمور صغيرة؟

على سيرة خيي، مبارح قاعد بيمدح فيني ونحنا عند ربا (رح احكيلك شي يوم عن ربا، مرت خالي) وبإني شاطرة بكل شي وبيذكر تفاصيل أنا نفسي نسيانتها عن حالي، وبعدين بيتطلع علي وبيقول ليك كيف خجلت ليش هيك وجهك صار أحمر، وأنا مو بس وجهي صار أحمر أنا حسيت رح ابكي ومش قادرة احكي شي.. فضحكت

.

اللي قاعد يصير بشمال غزة وبالسودان عقلي مش عم يحمله، اللي قاعد يصير بالعالم كله عقلي مش عم يحمله. لما عرفت انو اعتقلوا عبود بطاح بكيت حتى اختنق قلبي.. وتنفست لما أفرجوا عنه تنفست متل جثة رجعتلها الحياة. الفيسبوك عندي مليان "لو نسينا العالم، تنسوناش" ، وأنا قلبي عم يتفتت.. ليش مين رح بيعرف عن النسيان متلنا! قلبي مع الناس والأطفال.. والشوارع والبيوت والقطط والشجر والأحجار..

لم تقتلكَ الحرب لكنها كسرت فيكَ شيئًا لا يمكنُ إصلاحه. لم تقتلك الحرب ولكنها حطمت ابتسامة في المرآة بعدما سرقت من عينيك دمعة كانت ستنقذك من كتيبةِ حزن. لم تقتلك الحرب ولكنها استبدلت رغبة اللحاقِ بهدف برغبة في الموت بضربة واحدة. لم تقتلك الحرب ولكنها لم تجعلك -كما يدعون- قويًا.. لقد تركتكَ هشًا.. وهذا شيء ل�� يمكن إصلاحه -محمد عياد

اليوم شفت حساب حدا اسمه كفاح، بشي بوست كاتب: "نحلم دوماً أن نبقى نعمل ما نحب على هذه الأرض التي نحب.

فلسطين، لبنان، سوريا، هي أحلى البلاد."

فبكيت، عادي، بكيت يعني شو الي غير دموعي، بكيت لأني بلادنا حلوة.. ومنها ما النا غير المرارة. بكيت لأني بمشي بالشام وبفكر بمعزل عن كل شي شو هالبلد حلوة، شو تفاصيلها حلوة، شو كل شي فيها بينحب، وكيف ممكن تكون الحياة فيها رايقة، بعدين بلحظة بيسرقني القهر، وبقعد على شي رصيف تحت ظل شي شجرة عم اشرب قهوة لحالي وابكي.. لأن ما النا من هالجمال غير مرارته.

أعيدوا دمشق إليّ اكتظاظ الطرقات بالناس نُحاسها الذي يرن نُحاسها الذي يرحب باعةٌ يعرضون طرائف لطفهم تتحرش العابرين، عطر ابتسامات تخفف عناء يوم طويل كيف كنا نغافل رمضان في العتمة والظل نسرق حبات عنب نرتشف ماء مُتسرعاً نسترق قُبَلْ ونستغفر بحرقة آخر المساء كان الله يرى ... كان الله يتفهم دمشق تلك التي كانت قبل أن تموت قبل أن يستولي عليها أحد -وفائي ليلى

ايييي وبقوم لنواصل السباق على إشيا عادية أنا والمئات غيري، متل المواصلات متلاً و بشي مرة منرجع على بيوتنا بعد عناء ومشقة ومنلاقينا صرنا محتوى للعالم اللي بتقدر تشوف بيومياتنا ومشاكلنا شي بتقدر تستخدمه للسخرية والفكاهة (تامر حسني خرا عليه مثلاً)

بس عااااادي.. لسا منصحا كل يوم، وصوت فيروز جاي من شي مطرح يحكيلنا صباح الخير بأجمل بلد بهالأرض وبأكثر بلد الناس فيه عم يحاولوا يبقوا رايقين ويتمسكوا بآمال عادية... ولهيك منحاول من جديد، ومنصلي لأيام هنية أيام عادية وبتمر..

طيب شو بعد؟ سيرة البلد بتحطني بفراغ هائل وبتاخد مني كلامي كله.

بس عنا كثير نحكيه..

أنا مقصرة بدراستي، بشكل مو معقول، وكل ما اجي بلش بتمر ساعات من دون إنجاز يحسسني إني عملت شي.. والوقت عم يمر، ست أسابيع على بداية الدوام، بعد أسبوعين رح نبلش ��ختبارات عملي، والنظري مصيبة، مصيبة مصيبة أنا عندي هالفصل ١٢ مادة، رح قدمهن كلهن؟ سؤال وجيه ومهم ما بعرف جوابه! ولا عندي طاقة فكر، وكل ما بيخطرلي انو حبيبتي فرح شهر الميد تيرم رح يكون مليان مناوبات بالصيدلية بهلع وبحس حالي مقيدة ومش عارفة اتحرك يعني شو؟ يعني ننعزل بالبيت وما نطلع وما نعمل شي غير ندرس ما في! حدا يشرحلي قلبي ليش مقبوض؟ بس أنا مو قادرة والله ما عم اقدر لا قادرة ركز ولا حاسة بجدوى من شي.. بس لابد نعمل شي بهالخصوص، بأقرب وقت حبيبتي يا فرح بأقرب وقت ضروري ضروري، عم ننام ونصحا والوقت عم يمر، رح نصحا شي يوم ما نلاقي غير الامتحانات بوجهنا انتبهي.

..

تنفسي.. تنفسي.. تنفسي.. بعدك هون لسا في بكرا حتى لو مو كفاية

...

بتسمحلي بقصيدة كمان؟ بسمحلك يا فروحة طبعاً.

أريد أن أختفي في جذوع الاشجار في حواف الصخر الحاد على الطرقات في العتمة في بياض الغيم في الحقول الواسعة الصفراء في البحيرات التي يمكن أن تلمس قاعها العميق بيدك في جيوب الناس الدافئة في حقائب السيدات أو عطرهن أريد أن أختفي في نظرة الرجل الحادة وابتسامة المراهق في الأغنيات والصوت أريد أن أزول دون موت أمضِ حيث أحل بالجميع دون ضوضاء ولا صوت كل القدرة على البقاء والمكوث كل القدرة على الخلود دون ألم العيش دون المعاناة -وفائي ليلى

...

بدي احكي شي للبنات، أنا بحمل معي فوط نسائية وين ما روح، وبحس مهم وضروري وشكل من أشكال المساندة والدعم اللي منقدر نقدمه لبعضنا ولحالنا نعمل هيك.

..

صورت فيديو بشوارع حبيبتي جرمانا، وأنا بالسرفيس، وناطرة شوف عمر لفرجيه هالفيديو العظيم، ولإحكيه طبعاً إني قعدت قدام كأني ملكة، وما في غير عمر بيقدر يضحك عالقصة ويشوفها إنجاز أحسد عليه. أنا مشتاقة لعمر كثير، يعني ممكن يا أيتها البلاد تحني شوي على سمانا وتسمحيلنا بشي ساعة زمان نكون فيها فاضيين وقادرين نشوف بعض، لوسمحتي يعني!

قال ورد باعتلي تسجيل عم يعتذر، لأن ما عم يقدر يشوفني بالفترة الأخيرة ويحكي معي، وأنا طبعاً أكدتله انو صداقتنا بتتحمل غياب وبعد وتطنيش وإنو قد ما غاب رح يرجع وعلى طول رح يلاقيني موجودة ومو متغيرة أنا أنا وعادي المهم يكون منيح، بس ما قدرت قله إني مش ملاحظة غيابه أو انو عم نتفق على مشاوير وما بقا عم نروح أنا عنجد مش حاسة الموضوع كثير كبير وبيستدعي اعتذار. بس يعني هو هيك شايف فتمام أنا واجبي طمنه وبس، وهدده ما بقا يعتذر كرمال سلامة هالصداقة، ناسية اذا هددته بس هيك خطر ببالي اول ما سمعت آسف ما عم اقدر شوفك. المهم انو عزمته ��جي بكرا نشرب متة بعد الدوام ونتحدث

حاسة بالفترة الأخيرة إني فقدت اهتمامي بالتواصل مع كثير ناس بالأخص اللي بتواصل معهن افتراضياً، كانوا قبل بكم شهر مهمين، ووجودهم مهم، يعني فقدت قدرتي على التواصل مجدداً فقدت رغبتي بالتمسك بحدا مجدداً وقدرتي على المواساة والتعاطف والحضور كرمال حدا. وغالباً هالقصة بترجع لأني يومياً مضطرة اتعامل مع عدد لا بأس فيه من الناس واسمعهن واتعاطف معهن وساعدهن وبالتالي برجع عالبيت مهدودة مش قادرة احكي غير اذا الحكي مهم ورح بيعمل فرق جواتي ورح يطبطب على قلبي، وهالأمور نادراً لتزبط مع الكل.

اليوم صحيت لاقيت بنت خالتي باعتتلي إنها محتاجة تقعد معي وتحكي "شغلات بايخة" منشان "مخها يتشتت"، فأنا قلبي مش مرتاح كثير لهالكلام وحاسة انو وراه في قصص تقيلة وإشيا رح تاخد وقت منيح لنحلها. ايييي يارب تقتنع وتجي تقعد عندي كم يوم.. وكلو بينحل وبيصير تمام.

..

شو لسا؟

أنا لما بفكر أحيان، بخاف من ما بعد التخرج، بخاف من كل شي رح يجي بهديك الفترة، بخاف كون ضايعة ومو عارفة شو اعمل بحياتي ولا لوين روح ولا اقدر حسّن حياتي وكون بأمان مادي، عنجد والله هديك البنت هكلانة موضوع الزواج والخطبة وأنا هكلانة موضوع الحياة بعد التخرج بس. سبحان الله هالاختلاف بين البشر قديش يبدو سخيف، وقديش مرعب

بخاف من أني لن أجد أرضاً جديدة.. المدينة تتبعك وستجول حتماً في الشوارع ذاتها.

"إنك تقول: «سأذهب إلى بلدٍ آخر سأمضي إلى ساحلٍ جديد سأجد مدينة أخرى أفضل من هذه فكلُّ ما أفعله هنا خطأ قلبي مدفون كأي شيء ميت أينما أدرتُ وجهي، أينما نظرت أرى خرائب حياتي السوداء هنا، حيث أنفقتُ سنوات عمري، أضعتُها، دمرتُها». لن تجد بلداً آخر، لن تجد ساحلاً آخر فهذه المدينة ستتبعك. سوف تمشي في الطرق ذاتها ستشيخ في الحواري نفسها سيشيب شعرك في المنازل عينها ليست لديك سفينة، ليس أمامك من طريق فكما خرّبتَ حياتك هنا، في هذا الركن الصغير فهي خرابٌ أينما ذهبت." -قسطنطين كفافي

ايييييه يا قسطنطين شكراً عزيزي على هذا الرعب وتأكيد الخوف اللي أنا مش بحاجته، لأني حقيقةً بحاجة المضي نحو بلد جديد كلياً والبدء من جديد أيضاً

..

لما قصيت شعري كنت عم قول:

"أيتها الوحدة، أيتها الأحزان، أيها الخوف.. اتركوها كما يتركها الشعر المقصوص حين يقع. أيها الألم، يا ذكرياتها الموحشة، يا خراب البيوت القديمة.. فارقوها كما يفارقها الشعر المقصوص حين يقع. أيها الحب، أيها الأمل، أيتها الأيام الخفيفة الهانئة.. انبتوا في روحها ودربها كما يعود الشعر للنمو أكثر فأكثر. أيتها الحرية، تتخلى عن شعرها لتنعم بك."

وبعد ما قصيته، طلعت من الصالون مشيت بهالشوارع حاسة الثقة بكل خلية بجسمي، ثقة من سنين ما حسيتها، حاسة حالي أحلى بنت بالوجود وأقوى بنت بالوجود، ماشية عم ابتسم للسما والشجر والقطط والأطفال والعالم وأصحاب البسطات والمحلات وسائقين السيارات والسرافيس بعجقة جرمانا. وطايرة من الفرح والخفة.

وهلق عم فكر انو لازم اصبغ شعري كمان، انو ليش لأ! رح يكون شي عظيم روح اصبغ شعري شي لون خارج عن المألوف ومجنون واتطلع بحالي وحس إني صرت إنسانة جديدة ومختلفة كلياً، اصبغه مثلاً cherry brown واااو!

بعدين يا فروحة بتروحي تغيري اسمك، وهيك عنجد رح تصيري إنسانة جديدة

آااااه يا سلام يا سلام لو تصير

..

عم احكي كثير مو؟ اي تحملني شو بعملك يعني مش فاهمة حالي وجاي افهم شو عم يصير جواتي، عم احكي بشي مهم؟ مش عارفة.. قاعدة بس بحكي شو عم يصير.. هيك حكي للعبث وبس.

أنا لو قعدت درست بلا هالحكي عديم النفع مو أحسنلي؟ مبلا بس يلا هالمرة سماح

بكرا عندي دوام، بس عادي مش حاسة بشي غير انو عندي دوام..

اجت الكهربا

كنت عم فكر انو ضروري يزبط نومي، أنا من شهرين عم عاني من اضطرابات بنومي فظيعة وبالآخر بجي ببكي وبشكي ليش هيك صايرة بشرتي سيئة وليش ما عم اقدر ركز ههع

لهيك رح نقوم ننام. ونحاول ننظم نومنا سبع تمان ساعات لأن منستاهل نوم منيح ومريح وكافي يا فروحة منستاهل يا حبيبتي.

تيجي نحلم بسما هادي وناس رايقين؟

تيجي نحلم بوضع عادي ورقصة لتنين؟

آاااه صورة مهمة من شباك الكلية وأنا مبتسمة والشمس دافية والجو حنون وما فكرت غير كم مرة نط من الشباك ونخلص.

أحاول أن أقوي ضحكتك اضحكي فالبكاء مثل الأيام لا ينتهي. -زاهر الجيزاني

حبيبتي يا فرح ريته الله بيبدل دموعك بضحك وراحة ما بيخلصوا، ريته على قدر المرارة بقلبك بيغمرك بالحنية والدفا والحب

ليلة هنية يا تمبلر

ليلة آمنة يا تمبلر

[drsh]

عن الضحكات التي أهدرناها في محاولاتٍ فاشلة للإندماج وسط مجموعات غريبة، والضجيج الذي نصنعه لإلهائنا عن ما لا يمكن الهرب منه، كمن يضع أصابعه في أذنيه إتقاءًا لقذيفةٍ تُلقى عليه.

عن الكلام الجميل الذي أفلت منَّا في لحظاتٍ خاطئة ونحن نعلم عدم جدواه، كمَنْ يُفشي خطتهُ لعدوِّه.

عن حماساتنا المُبالغ فيها لقضايا خاسرة لا نستطيع التراجع عنها لإعتيادٍ بأنفسنا يُجبرنا على المُضي كمهزومين أوفياء.

عن هشاشاتنا التي استعرضناها أمام الناس كلوحاتٍ فنية، برعُونة مَنْ لا يملك شيئًا ليخسره، ودون أنْ يفطن أحدٌ لما أردنا قوله.

عن كل أخطائنا الأصيلة التي استعضنا بها عن هوياتٍ لم نستطع التأقلم معها، وأحلام لم نقدر على بلوغها، فدافعنا عنها كما يدافع المرء عن أبنائه المشاغبين.

[rajihposts]

اللھُم .. إنّا نسأَلُك حياة مديدة عامرة بالصحة والعافية ، حياة هانئة بالرزق الوفير ، حياة هادئة لا قلق فيها ولاخوف ، حياة مسرّة مليئة بلطفك ، وأيام تمُر بسلام تسعدنا وترضيك ، حياة مستقرة ونفس مطمئنة ، حياة عامرة بالأبناء الصالحين ، حياة مبهجة مليئة بالأفراح والمسرات ، حياة مزهرة بالخيرات في ظل رضاك ، حياة هادئة ومتواضعة تجلب قدراً من السعادة ، اللھُم حياة عامرة بالطمأنينة والسلام والرّضا وأحلام محققة ، حياة نقية من المصائب والمعاصي خالية من الهُموم والغمّوم والأحزان والأكدار ، مليئة بذكرك والتقوى والاستقامة ، رائعة بالإحسان مليئة بالصلاح ..

[gmggmgracielasblog]

سنحاول النوم لأن كاحلي المسكين يؤلمني الليلة 😴😴🌛✨🥱🌹 تصبح على خير وأحلام سعيدة 😴😴😴

We'll try to sleep because my poor ankle is hurting tonight 😴😴🌛✨🥱🌹 Good night and sweet dreams 😴😴😴

Intentaremos dormir porque esta noche me duele el pobre tobillo 😴😴🌛✨🥱🌹 Buenas noches y dulces sueños 😴😴😴

[t-ablog]

‏لَيْسُوا أرقاماً أبداً ؟

كلُّهم كان لديهم حياة، وأحلام، وأحبّة !!

39000 روح بريئة زهقت بدون ذنب الا انهم متمسكون ب أرضهم وجذورهم الفلسطينية

‏‎سلام الله على أرواحهم الطاهرة التي ستزف إلى الفردوس الأعلى من الجنة بإذن الله وهنيئا لهم الشهادة واستضافة الرحمن لهم ومجاورة الأنبياء والمرسلين‎

غزه تقاوم وستنتصر بإذن الله

✌️🇵🇸✌️

T

[drdina0]

لَيْسُوا أرقاماً أبداً

كلُّهم كان لديهم حياة، وأحلام، وأحبّة

- أدهم شرقاوي

[koun-jamilan]

النفس هي الجوهر الروحي والعاطفي للإنسان، تمثل عالمه الداخلي من أفكار، مشاعر، وأحلام. إنها الكنز الذي إذا أحسنا تغذيته بالتقدير والإيجابية، يزهر ويتألق. فهم النفس يتطلب الغوص في أعماقها، لاكتشاف قوتها وضعفها، والعمل الدؤوب على تنميتها وتحريرها من القيود. فكل لحظة نقضيها في التواصل مع ذواتنا تمنحنا فهماً أعمق وسلاماً داخلياً أسمى. لذا، اعتن بنفسك كما تعتني بأغلى ما تملك،

و اسع دائما لتكون النسخة الأكثر نقاء وإشراقا من ذاتك.

[jabir29]

سنغادر هذه السنة بأعباء ثقيلة جداً، خيبات، وآمال وأحلام لم تتحقق، وأيضاً تغيرنا ربما، البعض خرج من حياتنا وأحتل مكانهم آخرون .. تجاوزنا وأخفقنا أحياناً ، ولكننا دائماً كنا نحاول ولم نستسلم بعد ..

كل الأصدقاء هنا في تمبلر أتمنى لك عاماً أفضل وتغييراً حقيقياً وسعادة قد تضيء أيامكم القادمة .. لكم المحبة جميعاً أصدقائي ، وجودكم جعل عامي أخف وألطف وتجاوزت الكثير من الأيام بفضلكم .. شكراً لكم من كل قلبي ❤❤

[white-tulip323]

من أراد معرفة صفة القِلة المُوفَّقَة الثابتة التي يختارها الله فيربط على قلوبها، فليتأمل وصف الفتية أصحاب الكهف،

(إِنَّهُمۡ فِتۡيَةٌ ءَامَنُواْ بِرَبِّهِمۡ وَزِدۡنَٰهُمۡ هُدٗى )

تأمل كلمة (فِتْيَةٌ) .. ○ شباب تضج فيهم حيوية الحياة وأحلام الصبا آثروا سكون الكهف و صمت جدرانه وظلمة أركانه على الانحناء لغير الله عز وجل والخنوع للطغيان….فاحرص ع الخير ييسّر الله لك سبل الهداية  فكلما ازددت إيمانا زادك الله هدىً..

جمعتكم زيـــــــــــادة في الايمان وهدى من رب العبــــــــاد🤍❤

[shorook]

قرأت قبل كده جملة لخصت كل حاجة تقريباً وهي

Highest form of love is consideration

يعني أعلى أشكال الحب هو الاعتبار

اللي هو إني أعتبر رغبات وأحلام وأفكار الشخص اللي إختارته ده في كل خطوة بعملها

يا ترى كل كلمة هتطلع مني تأثيرها إيه عليه طب لو عملت كذا ممكن يضايقه، كل سلوك أو فعل هينعكس عليه إزاي ، كل قرار في حياتنا سوا هيكون مردوده إيه عليه قبل مني شخصياً

فإني أعتبر شخص ما يعني إني بعبر له قد إيه هو فارق معايا قد إيه أنا واخد بالي كويس أوي من قيمته و دوره كشريك أساسي في حياتي و مستقبلي وقد إيه وجوده مش حاجة عادية أو بسيطة إنما وجوده حتمي و ضروي لشكل علاقتنا وحياتنا مع بعض