#هنصحى نبدأ يوم جديد ونكمل سعي وجري ونضحك على نفسنا آخر اليوم

[nour-s]

عندي زهد في الحياة عجيب لا يتناسب مع سني ولا المرحلة اللي انا عيشاها، أتمنى النهاية تكون قريبة فعلا ووقتها هموت راضية مرتاحة ومكتفية من الدنيا. أتمنى زيارتي تبقى قصيرة خفيفة وأتمنى أمشي وأنا قلبي لسه سليم.

نفسي اتقطع من الجري والتعامل مع الحياة العبثية اللي انا عيشاها بجدية، سلمت أموري كلها لله، آه لا تؤخذ الدنيا إلا غلابًا، وآه ممكن يكون نفسي قصير، وممكن تكون استراحة محارب -لم يحارب إلا نفسه-، وآه الحال دايما متقلب ومعنديش استقرار من اي نوع في حياتي، متصالحة مع كل التناقض والعبثية الي بعيشهم. عادي. I just want to enjoy life طالما لسه مكتوب ليا عمر.

Why? Because i do love life

قلتله انهارده كل ده عمر ضايع في المكان الغلط واحنا بنعمل حاجات غلط ومموتين نفسنا ضغط نفسي عشان نوصل، وبنوصل ومبنرتاحش، قالي ايه الحاجات الصح؟ قلتله نعيش نسافر نلف العالم نغني نرقص نسمع مزيكا ننبسط نحب، حسرة على قلبي والله.

"كأنَّ شيئا ً لم يَكُنْ

وكأنَّ شيئاً لم يكن

جرحٌ طفيف في ذراع الحاضر العَبَثيِّ

والتاريخُ يسخر من ضحاياهُ ومن أَبطالِهِ

يُلْقي عليهمْ نظرةً ويمرُّ"

بنلف نلف نلف نلف والسنين بتلف تلف تلف والآم بتزيد وجراح بتخف حبيبى بنودع ربيع ونستقبل ربيع يخضر الشجر تتنسي الدموع ويحلو السهر حبيبى ونصبح ذكريات مجرد ذكريات مجرد غنوة حلوة من ضمن الأغنيات حبيبى والقلب الحزين بين ليلة ويوم يدوب من الأنين حبيبى ضحكتنا بكى قسمتنا كده تهدينا السنين أيام الهموم ونموت عطشانين

..........