#هتعدى

[mustaphi]

القاهرة، فى ٣ فبراير ٢٠٢٥ م

بيقولوا “فترة و هتعدى”، و كأن الزمن عنده جدول مواعيد و احنا مجرد محطات على خط سيره.. بس الحقيقة إن الزمن ماشى من غير ما يبص وراه، لا بيستأذن عشان يبدأ، و لا بيستنى حد يجهز نفسه، و إحنا طول الوقت بنحاول نقنع نفسنا إننا بنتحكم ف الرحلة، مع إننا مجرد ركّاب، مش سواقين..

الموضوع عامل زى لعبة ڤيديو، إحنا فيها الشخصيات اللى بتتحرك لقدام تلقائي، أوقات بنجرى، أوقات بنمشى بالراحة، وأوقات بنفتكر إننا واقفين. بس ده بس عشان الخلفية ورانا بتتحرك بنفس سرعتنا..

بنقول “فترة وهتعدى” وكأننا بنصبَّر نفسنا، بس فى الحقيقة مفيش حاجة بتقف أصلاً عشان تحتاج تعدى، كل حاجة بتمشى، حتى وإحنا مش واخدين بالنا..

الحقيقة لا هى مبهجة و لا محبطة، هى مجرد حقيقة.. إحنا بنتغير مع الوقت، بنتبدل، بنفتكر إننا ثابتين بس لما نبص ورا بنلاقي إن شكلنا، تفكيرنا، حتى إحساسنا بالحياة، كله اختلف.. مش عشان الزمن سابنا وجرى، و لا عشان إحنا كنا أبطاله، لكن لأن دى طبيعة اللعبة، مفيش Pause، مفيش Restart، كل اللى معانا هو اللحظة اللي إحنا فيها، واللى بعدها كده كده هتيجى، وهتعدى، وهتكمل… زي ما كل حاجة من أول ما بدأ الزمن كانت بتيجى، وتعدى،

وتكمل..

سلام

[mohamedyoussef1]

متحتكوش كتير بناس سلبيه ممكن تحبطك .. هتتأثر غصب عنك وهتحبط وهتحس انها سوده في عينيك، اعمل العكس واقعد مع ناس ايجابيه وناس بتشجعك هتلاقي نفسك لو الدنيا بايظه على الآخر بس بتدوس وبتعافر وبتصبر وطاقتك حلوه ومقتنع انك فعلا هتوصل وانها هتعدى وفعلا بتعدى فى الاخر .

حاوط نفسك بناس ايجابيه تشجعك وتزقك لقدام ��شان الدنيا مش ناقصه

[fozdoaa]

الطريق انهارده زحمه جدا وانا بعدى كنت حرفيا بقدم رجل وارجعها تانى فجأه سمعت صوت حد بيضحك ورايا وبيقولى هتعدى يعنى ولا لاءه؟ بصبت طلعت ساره وعلى جوزها صدفه جميله اثيره للقلب سلمنا وضحكنا شويه و عدونى الطريق ،انا لما بشوف ساسو بفرح قوى حرفياً قادره انها تلفنى زى البلانكيت فى حضنها ،صوتها هادى وحضنها دايما بيسيعنى حد متزن وعاقل جدا .عمرى مانسى ابدا فى مره كانت معايا عند دكتور السنان وانا ��نت مرعوبه بس انا مكنتش حاسه انى خايفه علشان انا عارفه ا��دكتور اصلا انا مره واحده لقيتها واقفه حطت ايدى الإتنين على بطنى ومسكتهم والدكتور مقالهاش اى حاجه سابها ،قالتلى بعد مخرجنا ان صوت نفسك كان بيتردد فى الأوضه وان معدتك كانت بتترعش جوا بطنك قالت البت دى هتموت من الخوف فقامت طمنتنى انا بحبها جدا وببقى متطمنه قوى فى وجودها بتعرف تهاندلنى فى كل حالاتى وبتعرف تتصرف معايا كويس .

[samuraiiii]

فترة و هتعدى مش هينكسر على طول ..

[zeinabeladawayblog]

الفترة دى ماشية بردان بليغان الا وهما

لما حد يقولك هتعدى بقوله ما هى عدت بس على وشى ..

ولما حد يقولى معلش بقوله هو اول ٧٥ سنه فى حياة الانسان صعبه وبعد كدا بيرتاح

وبفكر انى اكتب كتاب عن فن الردود لانى ببهرنى طول الوقت بإبداعى فى الرد

[deepkingdomdaze]

بنصبر نفسنا طول الوقت بكلمه " هتعدى "

[boda-ironsied]

الإنسان حزين بجد ومالوش حد يقوله إنه حزين، ماحدش فاضي لحزنه يهتم بيه ويطبطب عليه ويحضنه ويقوله كل حاجه هتعدى

[alpostagy]

صباااح الخير اما بعد....

فى ابواب بنعدى عليها و مبتفتحش علشان هى مش لينا ...

و فى ناس اختفوا من حياتنا علشان هما مجرد صفحة ف كتاب ...

فى فرص كتير ممكن تكون ضاعت مش علشان حظك وحش بس علشان ممكن خبرتك كانت اقل من المطلوب ف التعامل معاها ...

و احسن حاجة انك تعيش على امل ان كل حاجة هتعدى و هتبقا كويسة ...

و كدا كدا كل حاجة مقدرة ليك هى خير بس انت لسه مكتشفتش الخير اللى فيها فين !!

[ms-silent-pain]

كل محنة بنمر بيها او تجربة صعبة بنبقى عارفين انها هتعدى

لكن بتعدى وبتاخد من جوانا حاجة . مبترجعش تانى

زى ما تكون بتقولنا حتى لو عاوزين تنسونى انا هفكركم بيا

[marmarika-world]

براحتك انتى بتدورى على ابرة فى كوم قش كمان هتعدى على نفسك 🤣

[mahmoudzzz]

مضيعش فرصه حلوه علشان حاجه بعد ما هتعدى مش هتفتكرها

[nadamahmoud]

احزان كتير فعلا بس مش هتعدى من غير استاذه انغام ( اكتبلك تعهد )

رهيبة بعشقها🤎🤎

[mohamedyoussef1]

من اسوا الحاجات انك تكون شخص مودك بيقع مع تغيير الجو ، وللاسف انا هذا الشخص ، بنحاول دايما نحافظ على هدوئنا واستقرارنا النفسى بس اللحظه اللى تيجى جوا الانسان انه يفقد الرغبه فى اي شئ وبلا اي مقدمات ساعتها بعرف انى فى فتره كل اللى عليا اعمله فيها انى اصبر لانها اكيد هتعدى واحاوط نفسى بشوية ايجابيه قدر الامكان ��انا نفسى مكونش سلبى للى حوليا

ومن الحاجات اللى بتعدى عليا كتير الايام دي ان الصحابه رضى الله عنهم كانو بيسألو الله فى ابسط الامور ، فنسال الله ان ييسر لنا امورنا وان يبعد عنا اي هم وحزن وان يرزقنا الاستقرار والهدوء وراحة البال وان يرزقنا عيشة هنيه ويحسن خاتمتنا

متنسونيش من دعواتكم

[shinyfirepursepie-blog]

الإنسان محتاج حد يقرب منه ويقوله بكل هدوء متخافش ، هتعدى علي خير ، كل اللي جواك هنحله سوا ، حد يقدر يغير أي mood هو فيه ، حد يقوله مش هسيبك تنام إلا ماتحكيلى كل اللي جواك ، مش هسيبك تنام وإنت مخنوق ، حد يسمعه بكل هدوء ، يسمع لخبطه وتوهانه وكل حالاته ، حد يحسسه إنه في امان وبس.

[mo2a3li]

الفتره اللى فاتت من أخر مشكلة وانا حاسة بنغة فى قلبي وطول الوقت ضغطى واطي،مؤمنة جدا جدا ان كل فترة صعبه هتعدى باءذن الله وصابرة وهصبر باءذن الله بس انا حاسة ان تعبانة بجد

[dyingjellyfish]

i see that you are going through a lot and may not ba fully aware of the situation you are in but i feel your pain little girl and trust me it'll pass

كل حاجه كنت شايفه انها مش هتعدى هتلاقيها عدت ونسيتيها وهتعيشى وهتكملى حياتك يعدها عادى انت بس متغرقيش في كل المشاعر دي وبردو اى حاجة لو من نصيبك هتبقى ليكى غصب عن اى حاجه كل بنى ادم يستاهل حد يعافر عشانه ويضحى عشانه ويفضل موجود جنبه برغم كل حاجه ولو لسه ملقيتيش الشخص ده متستعجليش هتلاقيه قدام المهم انك متستعجليش الحب

be safe and take care of your heart

oh.. thank you i don't know what to say