#مسعود_هارای

[mesutharay]

آییق-ساییق اولماق، گؤزو آچیق، یوخوسوز قالماق ده‌ییل. آییق-ساییق اولماق، گئجه-گوندوز ، یوخودا، ایش باشیندا اگرینی دوزدن، دوستو دوشماندان تمیز توتماق، آریندیرماق‌دیر. آییق-ساییق اولورسان‌سا، هر یئله اسمز تئلینین اوجو. آییق-ساییق اولورسان‌سا، هر ایشیغا گونش دئییب ساییقلامازسان. آییق-ساییق اول دوستوم! مادام میللی حاقلاریمیز اوغروندا یولا چیخیبسان‌سا، مجادله ائتمه‌یی هر زامان آغلینین اوجوندا توتاجاقسان. دام-دووارا، عومرونون گئدیشاتینا، ساققالینین آغاردیغینا بئله باخمایاجاقسان. بویوک بیر ظفره اوداخلاناجاقسان و بویوک بیر آرزینین گئرچکلیگینه گؤره آتدیم آتاجاقسان. یورولماق یوخ، اوزولمک یوخ، سیخیلماق یوخ، اومودسوزلوغا یوخ دییه، اؤزگورلویوموزه، اینسانلیغیمیزا یاراشان بیر اومودو گئرچکلشدیرمک اؤچون آند ایچه‌جکسن. #مسعود_هارای https://www.instagram.com/p/B65mpcQFgK0/?igshid=1bf5s30rybvly

[mesutharay]

ایچیمده اؤزگۆرلۆک هوَسیندن، دۆشمان‌لارېم هۆرکۆر͵ یۏلداش‌لارېم قۏرخور. بیلمَم͵ یۏلداش‌لارېم‌مې دۆشمان! یۏخ'سا، دۆشمان‌لارېم‌مې، دۏست‌لارېم! یالنېز͵ دۆشمان‌لارېم'لا عئینی یئرده دَڲیلم. بیر تک، قۏرخاق دۏست‌لارېمې بیلمَم. #مسعود_هارای (Ankara, Turkey) https://www.instagram.com/p/B62q8uQl6dG/?igshid=5sevghm3dgiw

[mesutharay]

:: خوی گزینتی سی :: 2017/oct/26 یوردوما، یوواما گئتمیشدیم. اؤزونو ایتیرن بیریسی کیمی اؤزومو آختاریردیم دولانباج کوچه لرینده، دربند باشلاریندا. ایلک آتدیم ایک اوخولوم قاپیسیندا دوروخدوم. #دبستان_سعدی کی ایندی اولموشدو دبیرستان دخترانه فرهنگ. تام #قالا_قاپیسی نین ساغ قولو و اوست اورتولو بازارین گیریشی. قالا قاپیسی دئمک #ارمنی_داشناکلاری نین قارشیسیندا ییخیلماز قایا. توپا - قورشونا کو��س گئرمیش بیر گورونتو. ایلک اوخولومون حیاطینده نم-نئچه همشهریم قانینا بلشمیشدیر کیم بیلیر. همن یئرده ظفر قوتلانمیشدیر یوزده یوز. ایکی یوز متری اویانا، یانی قالا قاپیسی نین سول قولوندا بیر دالان قاباغیندا دوردوم. اوراسیندا یاخین و دیرلی دوستوم #طغرل_آتابای ین آتا- آناسی ائوی وار اولوردو. او ائو حالا یئرینده و دالانیندان حالا کیتاب قوخوسو گلیر و شمعمدانی قوخوسو. سانکی دونن ایدی کی طغرل لا برابر ناهار اوسته او ائوده مباحثه ده ایدیک. اوردان اوست اورتولو بازارار دوندوک. پئنجر بازارینین سونوندا کیف بازاریندا 15-16 ایلدن سونرا بیر فیکیرداشیمی گوردوم. سانکی یاواش یاواش اؤزومو تاپماغا یاخینلاشیردیم. #تبریز_خیاوانی نین باشیندا بیر قوجامان مسچیده گیردیم. بویوک و گئنیش بیر حیاطینده دولاندیم و او مسچیده #دکتر_باوقار آدای یازیلمیش ایللرینده او مسچیدین تربونوندا دانیشدیغیمی، شعیر اوخودوغومو خاطیرلادیم. اوردان #شاپور_خیاوانی نین باشیندا یئرله شن مسچیده گئدیم. تاوانی ، نیفی سی اولمایان محتشم بیر تیکینتیده گوردوم اوزمو. محرابینا گیردیم. کرپیچلریله دانیشدیم. اوردان چیخیب #ماغوره (مقبره) یانینداکی بیر روزنامه دکه سینین اونوده دوردوم. اورادا گوزل و دیرلی یازار #حمید_آرغیش لا تانیشمیشدیم. و داها سونرا دیرلی دوستوم #داود_توران ، #قربان_قاسمی ،#وحید_شافاق ، #بایرام_پاشا ، #یحیی_آلپای ، #مهدی_پاشازاده ، #صیاد_پاشازاده ، #روح_الله_پاشازاده ، و ... ... سانکی خیاوانلار، کوچه لر، قالدیریملار درین و حزین سسله سسله ییردی منی: سن اؤزون دئییلسن اوغول. اؤزونو، تکینی آختارما. بویوک بیر وارلیغین اونوتولماز نفسی کوکسونده و یاشادیغین قدر یاشاتمالیسان تورک وارلیغینی، اینسانلیغی. ... #مسعود_هارای https://www.instagram.com/p/B4IE5p9FYr2/?igshid=16b79kzatk5ly

[mesutharay]

‏اوره‌ییمده چیبانلایان بیر یارا وار، ‏گؤزلریمده قانادیندان وورولموش بیر قوش، ‏بوغازیمدا سون سو داملاسی گؤزله‌ین بیر قوربانلیق. ‏بیر_ایکی-اوچ سایی‌سینی بکله‌ین اعداملیق ‏منی آساجاقلار کندیرلره، ‏بیر قوجامان توت آغاجیندان ‏بو آغاج، ‏توپراقلاریمیزدا بیتن آغاجدیر بیله‌سن! ‏⁧‫#مسعود_هارای‬⁩ https://www.instagram.com/p/B1wktqElsvh/?igshid=meqkbwn4u1e6

[mesutharay]

«ایلان قابیغی» ایلانلار هر ایل قابیق سالارلار. یانی هر ایل بیر کره قابیقدان چیخارلار. بو او دئمک‌کی بیر ایل بویویوب و قابیقلارینا سیغمادیقلاری اؤچون کهنه قابیقدان چیخیب، یئنی بیر قابیغا اولوشورورلار. گونئی آزربایجان میللی حرکتی بو گونلر کوهنه قابیغیندا چیخمایدادیر. بو اینیلتی‌لر، دارقاشاییردلیک‌لار، دوشمنه یوخ بیربیرینه قارشی دورمالار ایلانین بویویوب قابیقدان چیخماغینین گؤسترگه‌سیدیر. #مسعود_هارای https://www.instagram.com/p/B0v63kRA2bu/?igshid=1lmwg15ancae0

[mesutharay]

«زوققولدایان یارا» بو داریخمالار ایل به ایل تزه‌له‌شیر. بیتمک بیلمیر کی بیلمیر. سانکی میکروب قاپمیش اوز باغلایان بیر یارادیر. قانامایینجا، میکروبلاری دیشلانماییب، ساغالمایاجاق بو یارا. ‌پ‌ن بیر: ایشیم ایش گووه‌نلیی اولدوغو اؤچون یارالی‌لارلادا باش باشا اولوردوم. یارالاری اوزباغلایانلارین اینگیلتی‌لرینه دفعه‌لرله تانیق اولموشام. بیر چوخونون اوزباغلامیش یاراسینی دئشیب، قانادیب، تمیزله‌دیب باغلامیشام. پ‌ن ایکی: سانیرام میللی حرکتده‌ده بو کیمی بیر زوققولدایان یارا وار. دئشیلیر گون به گون. قانامایا دوشه‌جک. آنجاق بو دورومدان اینجییه‌ن، اینگیلتی‌ین اولاجاق. یارانی تمیزله‌ییب دوغرو باغلایا بیلیرسک، اینانیرام کی میللی حرکت داها ساغلیغینا قووشاجاق‌دیر. پ‌ن اوچ: بدنیمیزی میکروبلاردان قوروماق اؤچون، آغلیمیزی، گؤزوموزو، الیمیزی و ... میکروب‌لاردان اوزاق توتمالییق. ساغلیق قوراللارینی (میللی حرکتین اساس و تمل دوشونجه‌سینی) هر گون گؤزوموزون اؤنونده توتمالییق. افترا-قارایاخما، یالان-دولان، قیجیق، فیریلداقچیلیق، دیکتاتورلوق، حربه‌قاداغا، بوش‌لوغازلیق و ... بولاشانلاردان اوزاق دورماغی باشاریرساق دئمک اینسانی تمل‌لره باغلی و آغیللی باشلی بیر یولاداییق. #مسعود_هارای https://www.instagram.com/p/B0v6aSDA51n/?igshid=w1yxwz8jco42

[mesutharay]

‏بو گوندن، ‏بیاض کؤینه‌ییمین دویمه‌لرینی، ‏قیرمیزی بویویاجاغام. ‏آرتیق، ‏هر گئجه سنسیزلیگینده قان آغلادیغیمی، ‏هر گئجه قورشونلاری قوجاقلادیغیمی، ‏کیمسه بیلمه‌سین. ‏⁧‫#مسعود_هارای‬⁩ ‏⁧‫#گونئی_آزربایجان‬⁩ ⁧‫#تورکجه_شعیر‬⁩ ⁧‫#شعر‬⁩ https://www.instagram.com/p/BxU1H13lB6M/?utm_source=ig_tumblr_share&igshid=101c8iyivowew

[mesutharay]

‫گؤزومدن یوخونو قووان،‬ ‫دیزیمه قووت وئرن‬ ‫یازماغا الیمی توتان،‬ ‫توپراغی،‬ ‫هاوانی، دنیزی سئودیرن،‬ ‫منی سئویندیرن،‬ ‫بوتون زوراقلیکلارین قارشیسیندا دیرندیرن، آیاقدا توتان، وطنی سئویرم.‬ ‫وطن منیم اؤچون،‬ ‫ان گؤزل قادیندیر.‬ ‫قیزیم‌دیر،‬ ‫بورلام‌دیر،‬ ‫دورنام‌دیر.‬ ‫آنام‌دیر، ‬ ‫آنام.‬ ‫⁧‫#مسعود_هارای‬⁩‬ ‫⁧‫#بداهه‬⁩‬ https://www.instagram.com/p/BvuOfpHnGDU/?utm_source=ig_tumblr_share&igshid=painmmejsjn2

[mesutharay]

«دیکتاتور قازانیر» توتالیتر بیر حکومتی دیزه چوکدورمک و باشقا بیر دیکتاتورلوغو قورماق، شیطانا فهله‌لیک دئمکدیر. او اؤزدن دئموکراتیک بیر آلاندا، دئموکراسی آنلاییشینی یاشایا بیلمه‌ین، آنلاییش گؤسترمه‌ین بیر حرکت، زاتن اؤزونو دیدیشدیرمک‌دن، ییپراتماق‌دان باشقا بیر اوغور قازانا بیلمه‌یه‌جکدیر. عینی حالدا، دیزه چوکدورمک ایسته‌دیغیمیز دیکتاتورلوق، ال-قولتوق دورب باخاجاغینی آرزو ائتمک‌، بویوک بیر یالنیشلیق‌دیر. همن دیکتاتور مالی قایناقلارینا دایاناراق بیر چوخ گوز میدانا آتمیش و آتماقدادیر. ایکی لیدرلیک آرزوسوایله چابا گؤسترن، و بیر بیرینه قارشی دوران بیلن بیریلرینه، اونا بوندان گوز، بونا اوندان گوز وئریب اویونا توتموشدور. اورنک: بیرینه ۱۰۰ مئتیرلیک و اوجا بیر یئردن چکیلمیش شکیل یوللاییر و ایسته‌دیغی اویونجونو اویونا ترغیب ائله‌ییر. باشقا اویونجویادا بیر قارانلیق اودادان چکیلمیش باشقا بیر شکیل یوللانیلیر. ... و اویونجولار آلیشیرلار اویونا، هر هانسی قازانیر یا اوتوزورسا، یورولورسا بئله ، دیکتاتور قازانیر. #مسعود_هارای (Ankara, Turkey) https://www.instagram.com/p/BtRieqcn_rz/?utm_source=ig_tumblr_share&igshid=snat6jbyb9ft

[mesutharay]

Nəhayət bir gün Günəş doğar Xəyal etdiyim arzıların cocuğunu. Və 35 yüz ildən sonra, 124 min peyğəmbarın adına, Tozumuzdan, Darmadağım tufağımızın kərpicləri, Pişir günəş kürəsində; Və nəmhansı şairin şeri Uçur gəlir Qonur İçimizdə baş qaldıran ağacın budaqlarına. Mesud Haray نهایت بیر گون گونش دوغار خییال ائتدييم آرزیلارین جوجوغونو. و 35 یوز ایلدن سونرا 124 مین پیغمبرین آدینا، توزوموزدان دارماداغیم توفاغیمیزین کرپیچ لری پیشیر گونش کوره سینده و نم هانسی شاعیرین شعری اوچور گلیر قونور ایچیمیزده باش قالدیران آغاجین بوداقلارینا. #مسعود_هارای (Ankara, Turkey) https://www.instagram.com/p/BtHH6_fnfxm/?utm_source=ig_tumblr_share&igshid=1py4pv0zjnb8l

[mesutharay]

‫قادین قان‌دیر؛ دامارلارلاردا دولانان،‬ ‫اوره‌یه دولاشان،‬ ‫گوللو-چیچک‌لی دولاشیق‌دیر.‬ ‫قادین آنامدیر.‬ ‫قوجاغی امین-آمانلیقدیر.‬ ‫قادین باجی‌میدیر‬ ‫ساچلاری،‬ ‫مئح یئلی‌دیر‬ ‫قیزمار روزگاردا سرین‌لیگیمدیر.‬ ‫قادین توپراقدیر.‬ ‫کوکسونده جوجه‌ردیر حیاتی.‬ ‫قادین، شئح مونجوغودور.‬ ‫قادین سن‌سن‬ ‫ان گؤزل شاعیرانه‌لی‌ییم. #مسعود_هارای https://www.instagram.com/p/BsxaGf0nNq2/?utm_source=ig_tumblr_share&igshid=s99itshlzxf7

[mesutharay]

ایچیمده کی اینسانلیق آرزیلارینی دولانیرام، راضیلاشمایینجا بیر کنارا اوتورمورام. داها دوغروسو هر نه یی اوزومده آختاریرام. یانیرام و ایچیمده قارانلیق دوشن بوجاقلارا ایشیق توتورام. ایشیقلانینجا قورخوم توکولور، ذووق دویورام. بیر داها جسارتله تحججوره، ظولومکارا باغیریرام. ایچیمده کی گووه نی قارشیلاشدیغیم اینسانلارا، بیتگیلره وده حیوانلارا دانیشیرام. من وارام و هئچ بیر زورلوق، هئچ بیر باسقی، قاداغا، و یوخلوق قورخودامایاجاقدیرمنی. سو آخماغین یولونو بیلیرسه، داش ایسه داغ اته یینده اویویورسا، یاغمور توپراغا جومورسا، یئل اوولدایا بیلیرسه، منده یاشاماغی، بوتون ایچیمده کی قارانلیقدا یاشایان یوخلوغو یئنمه یین یولونو بیلیرم. #مسعود_هارای https://www.instagram.com/p/BsmmHZQHVUr/?utm_source=ig_tumblr_share&igshid=121v7yf0tr7jy

[mesutharay]

View this post on Instagram

A post shared by Mesut HARAY (@mesut.haray)

«زوققولدایان یارا» بو داریخمالار ایل به ایل تزه‌له‌شیر. بیتمک بیلمیر کی بیلمیر. سانکی میکروب قاپمیش اوز باغلایان بیر یارادیر. قانامایینجا، میکروبلاری دیشلانماییب، ساغالمایاجاق. ‌پ‌ن بیر: ایشیم ایش گووه‌نلیی اولدوغو اؤچون یارالی‌لارلادا باش باشا اولوردوم. یارالاری اوزباغلایانلارین اینگیلتی‌لرینه دفعه‌لرله تانیق اولموشام. بیر چوخونون اوزباغلامیش یاراسینی دئشیب، قانادیب، تمیزله‌دیب باغلامیشام. پ‌ن ایکی: سانیرام میللی حرکتده‌ده بو کیمی بیر زوققولدایان یارا وار. دئشیلیر گون به گون. قانامایا دوشه‌جک. آنجاق بو دورومدان اینجییه‌ن، اینگیلتی‌ین اولاجاق. یارانی تمیزله‌ییب دوغرو باغلایا بیلیرسک، اینانیرام کی میللی حرکت داها ساغلیغینا قووشاجاق‌دیر. پ‌ن اوچ: بدنیمیزی میکروبلاردان قوروماق اؤچون، آغلیمیزی، گؤزوموزو، الیمیزی و ... میکروب‌لاردان اوزاق توتمالییق. ساغلیق قوراللارینی (میللی حرکتین اساس و تمل دوشونجه‌سینی) هرگون گؤزوموزون اؤنونده توتمالییق. افترا-قارایاخما، یالان-دولان، قیجیق، فیریلداقچیلیق، دیکتاتورلوق، حربه‌قاداغا، بوش‌لوغازلیق و ... بولاشانلاردان اوزاق دورماغی باشاریرساق دئمک اینسانی تمل‌لره باغلی و آغیللی باشلی بیر یولاداییق. #مسعود_هارای #mesutharay (Ankara, Turkey) https://www.instagram.com/p/B4PXXoSFrw_/?igshid=uxse2zsfh3so

[mesutharay]

‏من هامانام کی، ‏سگگیز ایل فارسجا یازدیقلاریمی بیر گون، تورکجه‌لریمه قارشی دوران ایرشاد اداره‌سینین آجیغینا، آنامین گؤز یاشینا باخمایاراق، بوتون آدیم گئدن درگی‌لری، آیلیقلاری ایکی آلما قوتوسونا دولدوروب، اودلاییب یاندیردیم. #مسعود_هارای https://www.instagram.com/p/Bp4BOvoHtPJ/?utm_source=ig_tumblr_share&igshid=untwnosqcuwn

[mesutharay]

‏قالسین، ‏دردلشمک‌له بیتمه‌ییر بو آجی. ‏نئدیر بو اوچ نوقطه دونیانین آماجی!؟ ‏نه بیل، ‏نه بیلمک ایسته. ‏بویور بیر آجی تورک قهوه‌سی گئتیرسینلر. ‏ماسا اوستونه بوراخسینلار. ‏نه سن ایچیرسن، ‏نه‌ده من. ‏قالسین ‏دردلریمیز کیمی کوهنه‌لسین. ‏قالسین، ‏دردلشمک یوخ، ‏دردلشمه‌مه‌کله اونوتولور بو آجی. #مسعود_هارای (Ankara, Turkey) https://www.instagram.com/p/BpVCmz0nguy/?utm_source=ig_tumblr_share&igshid=ali133ww1g55

[mesutharay]

سئرچه‌لر، توخوملاری چیتلاسادا، سن اونلاری داشلاماقلا، دیسکیندیرمه گونه‌باخانلاری. #mesud_haray #مسعود_هارای https://www.instagram.com/p/Bn3I-QRFiuq/?utm_source=ig_tumblr_share&igshid=yl5l2362ay6d