#كيك عادي

[es-r-aa7]

يوم الأحد أستلم راية اليوم الأكثر ازدحامًا على الإطلاق، وقت ما استلمت ف المستشفى كانت الكوارث بتحصل دايماً يوم تلات أو أربع ، جديدة عليا الحد بصراحة 🥹

رغم اننا ف الصيف إلا ان اليوم بيطير بجد ، اكتر يوم بلف فيه حوالين نفسي .. لولا التدريب مكنتش نزلت نظراً اني صاحية الساعة ٧ الصبح ف قولت دقيقة وهقوم هوب دبل كيك لقيتها ٨:٣٠ 😂😂😂 .. اللي هو اخر وقت ليا عشان الحضور، بمنتهى البرود اللي ف الدنيا نازلة الساعة ٩:٣٠ ورايحة على إذن - وانا اصلاً مخلصة أذونات الشهر 🤭🤭-

مش عارفة اقول ايه بس ف نص الtraining النور قطع 😂 .. مسبش حتة إلا وخفف فيها احمال ربنا يخفف من ميزان حسناته ( دا لو في يعني )

BTW بحاول اشارك يومي والنور قاطع و حر لا يُطاق.

محتاجة اعمل Delegation لحاجات كتير عشان فجأة بحس اني الصيدلانية الوحيدة ف المستشفى لمجرد اني بعرف احل الحاجات واهندل الدنيا .. انفيكشين كنترول يكلموني ، دكاترة يكلموني ، ناس بتسأل عن حاجان تخص النفقة - اللي هي مش عهدتي اصلاً 😀- يكلموني

هو شئ جميل اني مبعطلش وبنحل بس لأ تو ماتش الأيام دي.

لقيت حد بعتلي ا handbook بتاعة ischemic stroke وحسيت ان دي علامة ان التوبيك دا لازم يخلص النهاردة.

انا مش معترضة على الفرك - دي طبيعتي اصلاً - بس الحر وحش بجد ، انا ف الشتا مليش مالكة .. لكن كمان ف الصيف!!

باقي من الزمن ٥ أيام.

بفكر افكس لجرد الشهر دا واخليهم يشيله كله عشان يتحمل��ا جزء من هندلة الأمور ويعرفوا الدنيا بتتظبط ازاي.

موضوع ان التدريب المبنى اللي جمبي حرفياً جميل بيخليني اتحرك بمشروباتي بمنتهى الاريحية 😂

بسبب تخفيف الاحمال انا طالعة ٤ مرات ٦ ادوار ونزلاهم والرطوبة كانت بتموتني.

أعتقد اني محتاجة أروح البحر أقرب وقت ممكن عشان أقدر أكمل ، لكن مش هعرف أروح البحر غير لما اكمل اللي مفروض يكمل 🤦🏻‍♀️ عروستي!

يلا مش مهم المهم اني بانجو من غير بانجو زي ماحنا عادي

[ohmennaitsyou]

نزلت جريت النهاردة بعد اكتر من اسبوع توقف عشان كنت عند أحمد و لما رجعت اتمرنت رجلين و اتفشخت شد عضلي في رجليا كلها لمدة يومين. يادوب عرفت انزل النهاردة، جريت ٤ كيلو و ٧٠٠ متر في نص ساعة بس ريحت في النص ٣ مرات و المفروض مريحش. المهم تحدي الجري ده مش مسألة فلوس، أنا دخلت تحدي مع نفسي، عايزة اثبت إني اقدر اعملها آه و اعمل اكتر كمان.

الموضوع بدأ ازاي؟ كنا في الهايد پارك أنا و عمر و مريم و اتنين صحابنا و الجو جميل و الشمس طالعة و الپارك كله ناس بتجري. أنا دايما من زمان بحب شكل الناس اللي بتجري و بحسدهم على هذه القدرة يعني ماشاء الله من أيام ما كان الناس بتجري في مارثونات على البحر في اسكندرية كل يوم جمعة الصبح، بيبهرني أوي قدرتهم على الجري لمسافات. و الحقيقة الرِجل المعضلة ديه بتبقى منظر بديع و نفسي يبقى عندي يوما ما. طول الوقت بحاول اجري و افشل و اتعب فشخ و مكملش و اجيب جزمة جري فشيخة و اجبر نفسي انزل ان شا الله ١٠ دقايق في اليوم و برضه بفشل و بتعب و بتبقى حالتي مزرية، عامة أنا ممكن اتمرن أوزان بسهولة عادي كله إلا الكارديو عقدتي. المهم بقى و احنا في الهايد بارك أنا عمالة اتغزل في جمال الناس اللي بتجري "ياااه براڤو عليهم"، "شكلهم حلو اوي"، "نفسي اجري زيهم". قام تحداني يهوديا التحدي إياه، ٥ كيلو في نص ساعة و هيديني ٢٠٠٠ جنيه استرليني، محطش تايم ليميت و حط مبلغ مبالغ فيه فشخ عشان عارف إني مش هعرف و من ساعتها المسألة مسألة كرامة خلاص. انا قتيلة ال٥ كيلو دول و مش مهم الفلوس والله ما أنا ماشية ابعزق فلوس نون ستوب. الحل اللي ساعدني اجري هو جري على التريد ميل، لأن جري الشارع بيحسسني إن البؤس أبدي و العذاب سرمدي و رجلي بتبطأ منغير ما احس و هيفضل فيه حاجز نفسي بيني و بين الجري على الاسفلت و لكننن وان داي هعرف اجري بسهولة و بنَفَس مرتاح على الأسفلت عادي و هبقى انزل الصبح الساعة ٦ قبل ما يومي يبدأ و البس شورت و امشي اتفشخر بسمانتي و بفخدتي المعضلين و اجري ٦ ولا ٧ كيلو عادي و يكأنهم قطعة كيك، بس مش دلوقتي. نركز بس على اللي في ايدينا.

[egypt-official-blog]

واحده أعرفها مرة عملت إطعام شيكولاته كيت كات ، كانت بتوزعها على الولاد المحتاجين، لقيت راجل على قده بيبصلها، فاديتله واحده، فلقيته شالها، رجعتله وقالتله ممكن ترجعها المحل الفلاني وبدلها باللي يعجبك، قالها لا دي شكلها حلو قوي، أنا شيلتها اكلها مع الجماعة والولاد !

- واحد أعرفه من بعيد توفى ، وأنا في عزاه عرفت أنه كان بيطلع في شنط رمضان كل أنواع المكسرات اللي بيحبها، وكان بيقول عمرهم ما هيشتروها لازم إحنا نجيبهالهم.

- راجل كبير ، كان كل ما يشرب عصير قصب لازم يعزم أي اتنين غلابه من الشارع معاه على قصب.

- ست كبيرة قاعدة لوحدها، كانت تقولي أنا لما يبقى نفسي في حاجه حلوة أكلها، كنت أشتريها واروح عند فلانة وولادها، ناكلها سوى، أصل فلانة دي ظروفها على قدها، أجيب صينية البسبوسه ولا الكنافه واطلع عليهم اكل حتتي وهما بالهنا والشفا ياكلوا الباقي.

- مرة واحده عملت إطعام وعملت معاه حلو.. والحلو كان تشيز كيك.

- واحده كان عندها هوّس شرا عبايات، بعد محاولات عدة لعلاج الهوّس ده ، معرفتش، فبقت كل ما تشتري عباية تشتري منها اتنين، واحده ليها وواحده تطلعها لله.

كل دي نماذج انفاق مما تحبون.. لأنه:

لَن تَنَالُوا الْبِرَّ حَتَّىٰ تُنفِقُوا مِمَّا تُحِبُّونَ ۚ وَمَا تُنفِقُوا مِن شَيْءٍ فَإِنَّ اللَّهَ بِهِ عَلِيمٌ (92).

جـّرب مرة ، ولو مرة واحده في حياتك، ولو لشخص واحد بس.. إنك تنفق من أكتر حاجه بتحبها..

عشان تنال البر..

وَإِنَّ الْبِرَّ يَهْدِي إِلَى الْجَنَّةِ . (الحديث)

جرّب.. مهما يكون حاجتك اللي بتحبها دي ( أكل، لبس، شرب، فسحة) جرب تنفقها لله، عشان تنال البر ..وتعالى بعد كده اعملها لنفسك عادي.. عشان في كل مره هتعمل الحاجه دي.. هتلاقي علاقتك بالحاجه اللي بتحبها اختلفت تماما، ..هتفتكر كل مرة .. انك في يوم قسمتها مع حد محتاج .. وان الحاجة اللي بتحبها دي.. قربتك خطوة للجنة ..

احساس مختلف،

فعلا وصدقا الصدقة تطهير..

(خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِم بِهَا)

متبخلش على روحك بالاجر ده..

وروي عن عمر بن عبد العزيز أنه كان يشتري أعدالا من سكر ويتصدق بها . فقيل له : هلا تصدقت بقيمتها ؟ فقال : لأن السكر أحب إليّ فأردت أن أنفق مما أحب .

( لَن تَنَالُوا الْبِرَّ حَتَّىٰ تُنفِقُوا مِمَّا تُحِبُّونَ )

'' وَإِنَّ الْبِرَّ يَهْدِي إِلَى الْجَنَّةِ ''

وَالْبِرُّ لا يُبْلَى .. وَالدَّيَّانُ لا يَمُوتُ

منقول

[m-anarrr]

الدكتور قالتلي اني محتاجة ابعد عن السكريات الفترة دي عشان احنا رايحين علي حتة هندم عليها فعلا رجعت اشتريت وافل 😂

وصاحية النهاردة بشرب قهوتي عادي وجوايا رغبة اني اكل مولتن كيك بس قررت انه لا مزيد من السكريات لحد ما صحتي تتحسن

[amirsanthelonelyman]

يس أنا كويسة لا تقلق بس الصيام المتقطع بيساعد أن مش كل شوية يطلع انسولين في جسمك بسبب الاكل فاهمني ؟

بيمنعك من مقاومة الأنسولين وأجل العيش و الكربوهيدرات بشكل عام مش احسن حاجه لمرضى القولون و كدا

تمام فهمتك.. انا ما جربتش الدايت خالص تقريبا و ده المخليني بعاني شويه اليومين دول بس ان شاء الله اقطع عادي...... مع اني لسه واكل كيك شوكولاتة 😢😢

عايز ارجع عيل بصراحة ☹️

[tiger-99]

لما حبك يبقي فيك يبقي فراقك عادي كيك

[ishalathekra]

يوم العيد 💖

لازم ما انسى التجهيز من فتر�� طويله ، افخم لبس وافخم شوز وافخم طقم، اشتغل على شعري وبشرتي ، اجهز عيديات للاهل ممكن مبالغ او تستر عطور من محلات فخمه او كوفي فخم عالمي اخذ من عنده كيك صغير، اجهز البيت صواني حلويات وتوزيعات وورد وكيك و اشياء فخمه شموع ومناديل

كمان العوده والعطور اجهزها

واهمممم شي فطور العيد اذا ابغى شي مرتب مثلا اجهز له من بدري ( بلاتر او نواشف )

ممكن اطلع اسوي اظافري وشعري في صالون

ابدا ميكب وشعر وكشخه من الساعه ٥ الفجر ضرووووري ويكون كل شي جاهز من قبل من صلاة العشا

لا اسوي وضعية المتفاجأه وانخبص الصباح

بعد صلاة الفجر انا وبيتي وعيالي وزوجي جاهزين

الزبده لازم اجهز كل شي من بدررري قبل رمضان

وكمان ما استخسر اي شي بنفسي

لأنه عيد والناس يبالغون ف العيد ✨ حتى في الصباح لازم بهرجه عادي 💖

ممكن لو العيد في مدينه مكه جده المدينه الرياض دبي قطر

نروح نصلي بعدين مطعم فخم نفطر فيه

واكون كاشخه بس 💖

[mediocreshadows]

عندي مشكلة مع كل حاجة ب جيت اوبسسد بيها، اكشلي عدة مشاكل:

١-مببئاش عارفة هل دة الطبيعي؟ هل كل الناس بتحس بكدة عادي؟ طيب بيعيشوا حياتهم ازاي وهما حاسين بكدة؟ ازاي بيفانكشنو عادي وهما حاسين إن فيه حاجة ليترلي آكلة نص دماغهم مثلًا

٢- ببئا خايفة أوي الاوبسشن ميروحش، ببئا قاعدة في هدوء مستنياه يروح بس بجد ببئا مرعوبة عشان مش حستحمل أعيش كدة بقية حياتي

٣-ببئا عايزة أعرف اوبچكتڤلي هل الحاجة دي مستاهلة ا اوبسسد بيها فعلًا ولا أنا اوڤر كالعادة؟ بجد هل التشيز كيك حلوة أوي كدة ولا أنا اللي عندي مشاكل

٤- ببئا خايفة محبش حاجة تانية تاني زي ما حبيت دي، ويوماي ثينك إنه طيب ما عادي ايه المشكلة حبي التشيز كيك دي لبقية حياتك وبس، لا بردو لإننن ١-عايزة أجرّب حاجات تانية غير دي٢-زهقت موت٣-ساعات بحس إن والله التشيز كيك متستحقش ال fuss دي كلها ٤- وات اف أنا مبحبش التشيز كيك دي ولا حاجة أنا بس اوبسسد

٥-بحس إني عبيطة موت بمسك في حاجة هبلة هبلة والله بكل الطرق وبخلي شخصيتي كلها عليها والموضوع مبيبئاش منطقي للجزء المنطقي اللي في دماغي فببئا باصة لنفسي باستحقار أغلب الوقت عشان ايه العبط دة ما إنتِ عارفة إنك لو هديتي وفكّرتي في الموضوع بشكل عادي حتحسي إنه ملهوش أي أهمية

٦- ساعات ممبئاش عارفة هل أنا بحب الحاجة دي ولا بس بمجرّد ما ح indulge في الاوبسشن دة حكتشف إني مبحبهاش ولا حاجة بل وحزهق منها كمان

٧- ساعات الموضوع بيوسع مني بصراحة بيهيئلي إني معمولة بس عشان الحاجة دي، إني روحت المكان الفلاني في الساعة الفلانية بس عشان آكل/أشوف/اكتشف الحاجة دي كإنها معمولة عشاني بس

٨- آي تيند إني أتجاهل بإرادتي التامة عيوب الحاجة دي، دونت جيت مي رونج أنا عارفة عيوبها شايفاها بعيني بس بختار إني ماخدهاش في اعتباري

[new-3orod]

اقوى عروض خير زمان اليوم من 22 يناير 2023 حتي 31 يناير مهرجان الفريشات

اقوى عروض خير زمان اليوم من 22 يناير 2023 حتي 31 يناير مهرجان الفريشات 

عروض خير زمان اليوم من 22 يناير 2023 حتي 31 يناير تقبل العديد من الأسر، على شراء جميع مستلزمات المنزل من السلع و المنتجات الاستهلاكية طوال الشهر وتترقب الاسر عروض خير زمان اليوم – عروض خير زمان يناير 2023  لنظرا لما يقدمه من عروض وتخفيضات على جميع السلع الغذائية و المنتجات الاستهلاكية المختلفة.

ويقدم موقع يلاعروض لزواره الكرام احدث اقوى مفاجات واحدث عروض التوفير من عروض خير زمان يناير 2023  في صفحة واحدة ومفاجات كتير واسعار خيالية على جميع المنتجات والسلع الغذائية الاستهلاكية وجميع ما يحتاجة السوق المصري بجميع فروع خير زمان بجمهورية مصر العربية

أقوى عروض خير زمان اليوم من 22 يناير 2023 حتي 31 يناير مهرجات الفريشات

.وتشمل مجلة عروض خير زمان اليوم – عروض خير زمان يناير 2023 من 22 يناير 2023 حتي 31 يناير عروض خير زمان يناير 2023 على المنتجات المنتجات والسلع الغذائية

عروض خير زمان يناير اليوم على المجمدات

عروض خير زمان اليوم على الجبن

عروض خير زمان يناير على منتجات الالبان

عروض خير زمان اليوم على على المنظفات

عروض خير زمان يناير على المنتجات الاستهلاكية

عرض على منتجات الاجبان الممتازة

عروض على الاجهزة الكهربائية المتنوعة

كما يتواجد بعروض عروض على جميع محتويات المطبخ العصري

عروض خير زمان اليوم

يشمل عروض خير زمان اكتوبر 2022على عروض على جبنة مثلثات و جبنة شيدر و جبنة رومي ولاند جبنة ودومتي و باندا جبنة و جبنة اسطنبولي و ثلاجة طبيعي و جرين لاند جبنة و جبن ثلاجه طبيعية وجبنة تتراباك وجبنة كريمي جبنة و دومتي جبنة و الرشيدي الميزان و حلاوة سادة ودومتي جبنة و حلاوة طحينية .

الملكة مكرونة و لاكتيل حليب أنواع وأيضا جهينة حليب و زيت دوار الشمس و زيت زيتون بكر و زيتون اسباني و كريستال زيت و فارم تشيز و راز كب كيك و فلمنك من فارم و جامبو مع جبن و تروبيكانا عصير.

وبسطرمة بلدي و لانشون سادة وشرائح مدخنة و بسطرمة بلدي و فيتراك مربي و فود صلصة طماطم والرشيدي الميزان ومسحوق اتوماتيك ومنظف سائل و شاور جل و وادي فود صلصة و زيت ذرة و ملح خفيف و طرشي مشكل و مناديل وجه و رول تواليت و مناديل فاين فلافي وجميع ومنتجات العناية بالبشرة و مطهر سائل.

و عروض الفريش على الخضراوات الطازجة والفاكهة المنتقاة بعناية و دجاج وراك طازجة و دجاج مجمد وصدور فراخ و كندوز للخضار لحم وجميع هذا العروض تجدونها في بعروض يوم الاثنين

مده عروض خير زمان اليوم :

عروض خير زمان الجديدة سارية من 22 يناير 2023 حتي 31 يناير في جميع الفروع ا

واليكم مجلة عروض خير زمان يناير 2023

عروض خير زمان يناير 2023 على منتجات البقالة

أرز مصري الصقر 5 كيلو 72.50 جنية

مكرونة فينيسيا 400 جرام 8.75 جنية

مكرونة لمتنا 1 كيلو 12.95 جنية

زيت قلي صني 750 مللي 27..99 جنية

سمن بلدي 700 جرام 129.99 جنية

طيحينة البوادي 36.50 جنية

فول مدمس امركيانا 8.50 جنية

شاي ناعم ليبتون 100 جرام 10.99 جنية

عروض خير زمان يناير 2023 على المنظفات

3 كلور عادي كلوركس 33.95 جنية

منظف ارضيات جنرال ياسمين 17.95 جنية

مسحوق غسل 800 جرام 28.95 جنية

مسحوق غسالات الاطباق 1 كيلو 94.95 جنية

مسحوق غسالات اتوماتيك تايد 123.95 جنية

جل غسالات اتوماتيك تايد 3.3 لتر 86.95 جنية

جل غسالات اتوماتيك تايد اصلي 64.95 جنية

شاهد ايضا | عروض الهايبر ماركت في شهر يناير 2023

اقوى عروض كارفور مصر يناير 2023

عروض اولاد رجب اليوم

 تابعونا على صفحتنا على الفيس بوك من هنا

تابعونا على جوجل نيوز من هنا

قدمنا لكم عبر هذا المقال اخر عروض خير زمان اليوم 2023 في جميع الفروع

عن خير زمان :

أطلقت مجموعة منصور سلسلة خير زمان في 2006، لتقدم خدمة بيع عالية الجودة، بأسعار اقتصادية، وتضم فروع خير زمان تشكيلات متنوعة في كافة الأقسام الاستهلاكية.

وتضم فروع خير زمان تشكيلات متنوعة في أكثر من قسم منها قسم اللحوم وقسم الألبان ومنتجاتها وقسم البقاله وقسم الخضروات والفاكهة وكافة الأقسام الأخرى التي تضم داخلها تشكيلات وأصناف متعددة من كافة السلع والمنتجات.

وتعتبر سلسلة خير زمان هي الرائدة في افتتاح فروع لها في المحافظات وذلك نظراً لكونها السلسلة الأولى التي تقدم تخفيضات متنوعة في الأسعار بما يتناسب وشرائح ودخول العملاء الموجودة في محافظات الصعيد والدلتا .

ولأن نظم العمل والسلع والمنتجات وطرق عرضها وأسعارها موحدة في كافة الفروع أياً كان موقعها الجغرافي فأن ذلك يمثل ميزة نسبية لفروع الأقاليم لأنها تتمتع بنفس مزايا الأسعار ومستوى جودة السلع والمنتجات المعروضة في الفروع الأخرى.

فروع وعناوين وخير زمان :

مدينة نصر : قطعة الارض الفضاء رقم 14 بلوك 6 بالمنطقة 11 مدينة نصر – القاهرة

مدينة نصر : القطعة رقم 17 بلوك رقم 28 القطعة التاسعة – سوق السيارات – قسم مدينة نصر

الزيتون : 132 ش سليم الاول – الزيتون – عين شمس – القاهرة

شيراتون : 59 عمارات صقر قريش – مساكن شيراتون – القاهرة

النزهة : قطعة الارض الفضاء رقم 9-10 من المربع رقم 1335 بشياخة النزهة – القاهرة

مصر و السودان : 4 ش مصر والسودان – الوايلى – القاهرة

زهراء المعادى : القطغة رقم 28 بلوك 86 الشطر التالت عشر – زهراء المعادى – القاهرة

شبرا 1 : 204 ش شبرا , منية السيوج – شبرا , القاهرة

شبرا 2 : 182 ش الترعة البولاقية – شبرا ناحية جزيرة البدران – قسم شبرا – القاهرة

المهندسين : 27 ش البطل احمد عبد العزيز – المهندسين – العجوزة

فيصل : 343 ش الملك فيصل محطة حسن محمد امام هيئة الابنية التعليمية

حدايق الاهرام : القطعة رقم 2 /10 ل منطقة الخدمات بارض الجمعية التعاونية لبناء المساكن وتعمير صحراء الاهرام – بحدايق الاهرام – الجيزة

اكتوبر : الواحدات من ( 1 الى 13 ب ) بعمارة ستراند والوحدات ارقام من (1 الى 15 ) بالممر الجانبى والخلفى بعمارة اللواء بالدور الارضى بمشروع لاسيتى

حلوان : 39 شارع راغب حلوان

المعادى : 67 وياخد 58 طرق مصر حلوان الزراعى – اما فندق المعادى

المنيل : 53 ش المنيل – الروضة – مصر الجديدة

المقطم : المنطقة ه القطعة رقم 6035 الهضبة العليا – المقطم

ريحانة : ريحانة ريذيدنس مول المقام على القطعة رقم 3856 بحوض خارج زمام المستجد رقم 23 مدخل زهراء المعادى

نوبار : 7 شارع نوبار – السيدة زينب

السيدة زينب : 87 شارع مجلس الشعب – السيدة زينب

الظاهر : 29 شارع الجميل ناصية شارع الظاهر الرئيسى

الدقى : 11 شارع نوال – قسم الدقى – محافظة الجيزة – بجوار اكاديمية ناصر العسكرية

التحرير : 16 ش محمد خلف – الدقى – الجيزة

https://yalla3orood.com/?p=42946

[ala-mhmd]

يارب بجد الموضوع بيخنق جدا مرة واحدة وهوب دبل كيك نكون عادي بس يارب يكون فترة وننجز😅

هو امتى هنقدر ننسى !!

[heartsuin]

لا أخفي عليكم سرا نفسي اجمع كل صحابي الي عيد ميلادهم قريب من عيد ميلادي و نعمل بيكنيك و كيك بيتي عادي و نحتفل وسط الخضرة

[luly21]

نفسي في خروجة حلوة وحد يعزمني على مولتن كيك او اعزم نفسي عادي ونجيب آيس كريم 🌝

[colored-entropy]

(Muhammad Amiin)

واو!

الغنوة دي مرتبطة معايا بانكسار الحب الأول! كنت حبّيب كبير ومتخيل العالم بقى طوع يدي خلاص. هوب دبل كيك لقيتني واقع على جدور رقبتي. أنا تقريبا بعتبر العلاقة دي هي اول حب حقيقي بس عشان ألمها وقتها كان لا يحتمل، مع انه كان فيه علاقات قبلها عادي. بس دي وجعتني، فاعتبرت شدة الألم علامة على صدق المشاعر، فسميتها اسمها الحب الأول!

عدت الغنوة قدامي بالصدفة دلوقتي ولقيتني بقول لنفسي ما تيجي نسمع؟ وافتكرت اني وقتها كمان كان معظم اصحابي مشغولين، وكنت وحداني اتألم ولا أتكلم لكني اتألم :D وكنت بسمع عمو عزيز وهو بيقول أشتاق لمين ولا مين وأتشحتف. دلوقتي بسمعها وبفتكر الايام الخوالي (خمس سنين وشوية) وبقول يا سلام ع الزمن وبهزّر!

الانسان نسّاي ومتجاوز بطبعه، ومش عارف دي نعمة ولا نقمة والله! بس قشدة.

[money-moon]

ماهو مفهوم الصداقه بالنسبه لك؟

ماهي مواصفات الصديق الجيد؟

عندي تجارب في موضوع الصداقه ده يمكن تستفادوا منه من غير ما تزهقوا وتملوا من مواضيعي..

في وقت من الأوقات كنت فاكره إن عندي أصدقاء كتير وبحسد نفسي علي "الكثره "دي

نبدأ بأول تجربه ورقه وقلم وأكتبي ورايا يا ست الكل😉

أول صديقه ده كان المسمي إللي كنت بقوله عليها وبعدين اكتشفت إني مجرد "مغفله "وقولوا عني اكتر استحق ده وبجداره للاسف استغلت طيبتي وكرمي الزياده وطبعا استغلت إني فتحتلها بيتي فاعتبرتني "الداده "لأولادها هي تخرج وتتمرقع مع جوزها وتسيب لي ولادها طول اليوم ااكل واشرب وهكذااا ..وطبعا استغلت إني بعرف اعمل حلويات كويس جداا فرقتني لمنصب" شيف" اعملها كيك وابعت جاتووه وهكذا وده ممنعهاش إنها تقتحم بيتي في كل وقت دون استئذان طبعا ماانا المغفله في نظرها .. وفوق كل ده اكتشف أسرار بيتي كلها ��ع الناس براا ومع الجيران !! ده نوع من الناس للأسف موجود

التجربه التانيه بقي واسفه للاطاله كنت البنك المركزي بالنسبه لها كل مانخرج تقول"oh my God "نسيت "credit "بتاعي😗معلش ادفعيلي وابقي احاسبك بعدين..وانا اقول في تفسي credit "الله يرحم البابا كان بيفرق علي الناس ورق النتيجه علي انها شيكات🤣 .. وطبعا بعدين ورا بعدين ومفيش حاجه بتترد!! وكان مجرد استغلال!!

التجربه التالته ودي بقي كانت من النوع ا"المسهوك "واللي ميعرفش معناها يدخل علي جوجل ترانسليت🤣 والنوع ده بقي مكنتش بتدخل علشاني كانت بتدخل علشان عيون "جوزي" الخضرا وشعره الأصفر 🤦‍♀️بكدب طبعا

كانت حاطه عينها عليه من باب "خطافه رجاله"

اما النوع الأخير فكنت بسأل عليها دايما وهي طبعا مش فاضيالي لإنها مشغوله دايما وبتحضر ابحاث لوكاله ناسا الفضائيه ومقرها المطبخ 🤣فطبعا ليها حق

بس في وسط القرف ده كله عندي صديقه عمري مواصفاتها بقي:لما بحتاجها بلاقيها في اي وقت💜

مفيش بينا مصالح..ممكن تكون مصالح مشتركه وتبادل منفعه ده عادي ..لما ببقي مضايقه اول واحده اجري عليها واشكيلها دايما بتدعمني لو في حاجه كويسه هعملها

لو عملت غلط بتلومني وتقولي إني غلط

مش بتكسف لما احكيلها عن مواطن الضعف عندي

لما بنغيب عن بعض بنتعزر لبعض

لما بتفكر إن ممكن تحصل حاجه لصديقك بتدعي ربنا عمرك قبل عمره وبيبقي بالنسبه لك هو الدنيا وما فيها💜💜

انا أسفه إني طولت المقال بس يارب تكونوا استفدتوا اقعدوا مع نفسكم واعملوا "غربله" لكل إللي حواليكم" شوفوا مين ينفع يكمل معاكم الطريق ومين ياخد بلوووووك 🖤

[abeerhosny]

من تحت البطانية ودفا البيت بتابع السوشيال وأخبارها العاجلة ما بين حروب ودمار وترقب وبرد المخيمات وكب كيك المحروسة افتكرت حكاية الشمس والقمر قرأتها في كتاب الشاهنامه ، كتاب بيحكي اساطير بلاد فارس المثيرة

منذ قديم الازل كان القمر يعشق الشمس برغم استحالة اللقاء بينهما

‏كان القمر وبعد انتهاء عمله كل ليلة يحاول محاولات مضنية انه بس يشوف الشمس لكن في كل مرة كان النعاس يغلبه من كتر التعب والسهر ويطلع النهار وهو نايم

خطرت للقمر فكرة ، اتعرف القمر علي نجما جميلا وطلب منه انه يوقظه قبل النهار ما يطلع وفعلا وفي النجم بوعده واستيقظ القمر قبل الفجر وذهب ليستقبل الشمس قبل طلوعها

وما ان رأته الشمس حتي وقعت في غرام القمر ونسيت الكون بكل اللي فيه وراحا معا في سكرة غرام طويلة وتركا الكون في ظلام ليلة يلدا الحالكة

‏لكن الشمس ادركت الحال وطلعت بس طلعت متأخرة عالدنيا

هذه الليلة كانت مولد العشق بينها وبين القمر الذي يتجدد كل عام في نفس الليلة

‏ليلة الانقلاب الشتوي

ليلة يلدا ، ‏ليلة مولد العشق

فمهما كان الظلام حالك لازم يظهر النور والدفء من تاني

‏الحب شعور قاهر ديكتاتوري بيفر�� نفسه عليك مهما حاولت تقاومه

والحقيقة وسط كل هذاالكم من الاحباط والفشل الانساني الذي نعيشه الحب هو الملاذ

وامام كل هذا الجفاف وخيبات الامل يبقي الحب سرمدي كالعشب

للأمانة حكاية عشق الشمس والقمر لها وجه اخر او سرد مختلف ايضا من التراث الفارسي

‏يحكي ان الشمس والقمر كانوا عايشين مع بعض عادي وبيحبو بعض لكن في يوم اكتشفت الشمس ان القمر بيخونها مع نجمة حلوه فاتجننت الشمس وجرت ورا القمر وضربته وده سر الندوب اللي نراها علي وجه القمر

‏بااااس ومن يومها والقمر بيهرب من الشمس 😸

وفي النهاية كل واحد يختار الحكاية التي تناسب شخصيته من الاساطير

‏عايزه اقول ان بلاد فارس بلاد غنية بكل الاشياء الجميلة من حكايات وألوان ومباني واساطير وعلماء وابطال لولا السياسة والغيرة القومية كانت ازهرت علي الدنيا كلها من خيراتها المتنوعة ❤️

حكمة اليوم

‏لَا الشَّمْسُ يَنبَغِي لَهَا أَن تُدْرِكَ الْقَمَرَ وَلَا اللَّيْلُ سَابِقُ النَّهَارِ ۚ وَكُلٌّ فِي فَلَكٍ يَسْبَحُونَ\

‏هي دي الحقيقة 😃

‏كل شئ بقدر وكل منا له مقام ومقال ووظيفة وحياة :)

صورة اليوم :ضي القمر يشق الغيوم

ولو بيبص لك كده ايه 😀😄 يبقا بيحبك ❤️😂

حب من نوع اخر غريب علي دخل حياتي وما كنت يوما اتوقع مثل هذا الحب ابدا ❤️❤️❤️