#قعدة عيادة

[meem8]

[aminaworld]

جماعة انا نَفسي القديمة وحشتني اوي، وحشني قعدتي ع اللاب توب وانا بشوف مسلسل تركي وحلقة ورا حلقة واكتشف ان الساعة 6 الصبح ولسة المسلسل ماخلصش، فاقرر اطبّق عشان مش هعرف انام من غير اكمله،،

وحشتني المواصلات وانا جاية من النبطشية وقعدة في الكرسي الاخير جنب الشباك وحاطة الهاند فري في وداني، الحركة دي كفيلة تفصلني عن العالم كله،، وكنت دايما بتمني ان العربية ماتوصلش،،

وحشني قطر بنها 7 الصبح وهو فاضي كدة وقطر 7 بالليل بردة عشان فاضي وانا قعدة باكل لب وسوداني من احسن مقلة في بنها،،

وحشتني أمينة اللي ماكانتش شايلة اي مسئولية و لا عيادة بقي ولا حالات ولا ولادات،، ياااااااه

انا بكل صدق فيه لحظة اتمنيت فيها اني اكون في اللي انا فيه دلوقتي دا بالمللي،، وطبعا اللي انا فيه بحمد ربنا عليه ليل ونهار،،

لكن اكتشفت بردة ان مهما كنت ومهما بقيت، بحِنّ أحيانا لامينة زمان وعمري ما قلت تغور الايام دي،، بالعكس الايام دي هي اللي عملت أمينة اللي هي دلوقتي دي،،

ممتنة ياارب لكل قديم وكل جديد بيحصل لي في حياتي،، الحمد لله علي كل تفصيلة في حياتي 💜

[optimisticheroloveroperator]

٣

مروة فضلت تروح ندوات الكتب و كان الموضوع عاجبها اوي برغم اني شفته مش أحسن حاجة بس هي كانت شايفاه مناسب لمستواها دلوقتي في القراية و النضج الثقافي لحد لما تشتغل علي نفسها و تحاول تشترك في جروب تاني اتقل او تحدد لو حتبتدي تكتب قصص صغيرة،

بس المشكلة انها بعد كذا مرة شافت موضوع اني مش حابب اروح تاني بشكل مختلف و غلط طبعاً انتهي بمشادة بينا

مروة: انت مش عايز تروح عشان مش عايز تحتك مع سراج في اي حوار، صح ؟

أنا: مش ده السبب الوحيد، يعني بصراحة حاسس انه غير مناسب ليا و الجو الجدلي اللي حصل بسبب مشادة سراج ده مش حابب ابقي طرف فيه

مروة: سيبك من الاسباب التانية، انت مش حابب المواجهة

أنا (باستغراب): هو ليه لازم يكون فيه مواجهة من أساسه ! أعتقد إن الجو ده مش جو ثقافي ممكن يتعمل في مجالات تانية و فين الفايدة منه أصلاً، غير ان طبيعة شخصيتي تركيبتها كدة مش المفروض اكون مش في جو أنا مش مرتاح فيه

مروة: بس علي الأقل عشان تكون معايا نتشارك في الحاجات اللي انا بحبها

أنا: إنتي عايزة توصلي لإيه بالظبط اني مش بعرف أواجه ولا إني مقصر معاكي ؟

مروة: أنا حاسة إنك مش مرتاح من الحوار كله نظرتك و طريقتك فيها تنشنة شوية بس كاتمها جواك، لو سمحت قولي طيب لو عايزني أنا اللي مروحش الندوات تاني ؟؟

أنا: ممكن تركزي معايا ٥ دقايق، عادي اننا نختلف في حاجة أو كذا حاجة ده مش حيضايقني بس اللي حيضايقني اسلوبنا في الاختلاف، أنا معنديش مشكلة انك تفضلي تروحي و تعملي الحاجة اللي بتحبيها و انا مروحش و اتجنب الحاجة اللي مش حتريحني، ده لا يخليكي تتنازلي و لا أنا أتنازل و يبقي فيه احترام لمساحات بعض

مروة: بس احنا المفروض بنحب بعض يعني نشارك بعض كل حاجة !

أنا: مع احترامي ليكي أنا بشوف ده عدم نضج، أكتر الناس بتعمل كدة و بتشوف إن ده بيزيد الروابط بس مش شرط و مش لازم يكون فيه سيستم واحد كل العلاقات بتمشي عليه، عادي ممكن نعمل شوية حاجات لوحدنا

مروة بعصبية: أنا طفلة يعني ؟ إنت كدة أناني برغم إني شاركتك حاجات كتير خاصة بيك و سافرت معاك في شغلك بس لما الوضع إتقلب بقيت غير ناضجة، انت كنت بتعمل كدة مع مراتك و أكيد دي كانت حاجة بتضايقها و قللت رصيدك عندها،

اتصدمت من الكلام اللي برده كان غلط و استرجعت شوية ذكريات كدة مكنتش حاببها و شوفت التون غير مناسب بس محبتش ابرر، هي كانت اتوترت و سكتت و في عينيها خيبة أمل من نفسها بس بعد فوات الأوان كان العيار صابني،

بصيت في ساعتي و رديت في هدوء شديد: مضطر أستأذن، و إعتبري ده كمان هروب من المواجهة لو حابة،

مشيت كتير في وسط البلد و كانت الدنيا زحمة و ده كان خانقني كان نفسي ابقي ماشي لوحدي في الشارع كإني زهقان من الناس كلها، و عندي يأس شديد إني نسيت نفسي مع مروة و هي كانت محتاجة حد أصغر مني و دماغه قريبة من دماغها و حسيت إني حسبت الموضوع كله غلط من الأول و انجرفت بسرعة،

اخدت قرار اني أغرق في شغلي و أحضر مخزون مقالات كتير و ده يخليني أرتاح وقت ما أحب أسافر لأهلي أقضي وقت أطول شوية،

فعلاً سافرت المغرب و عملت كذا جولة و كتبت كتير و رجعت مصر بعدها بحوالي ١٢ يوم، حاسس إن فيه حاجة نقصاني بس بهرب من ده بإني برهق نفسي أكتر و أدور عن الفكرة الجديدة اللي حعملها،

قدمت في جريدة مصرية أشتغل معاهم في مقالات تغطية الأحداث الثقافية و روحت فعلاً قابلت مسؤولة في قسم النشر و إتعرفت عليا و علي شغلي بس اللي قالتهولي إن ٩٥٪؜ من التغطية المطلوبة فنية سينما و دراما مش ثقافية بحتة و اختلفنا كمان في وجهات نظر كتيرة عدم الحرية في الكتابة و موافقات كتير و مراجعات كتير فاعتذرت و مشيت بس كنت مخنوق اوي لإني كنت عايز أشغل وقتي أكتر و بقاوم التفكير في مروة بصعوبة، روحت قعدت علي القهوة،

فجأة تليفوني رن رقم غريب رديت بنبرة مخنوقة ولاقيتها سارة اللي كان عندها مشكلة مع كلبها و دار الحوار ده

سارة: أنا سارة اللي اتقابلنا مع محمود و الجروب و أخدت رقمك عشان تساعدني في مشكلة كلبي

أنا: إزيك يا سارة آه طبعاً فاكرك طمنيني عليكي وعلي سلطان ( الكلب بتاعها )

سارة: هو بصراحة احواله مش عاجباني و مش عارفة ايه الحل لاني وديته عيادة و الدكتور اكدلي ان صحته سليمة مش عارفة اذا كان عايز يتجوز

أنا: طيب اقدر اساعدك ازاي لاني مش عارف حيكون دوري ايه بعد ما الدكتور حتي مقدرش يشخص المشكلة

سارة: يعني لو مش حتقل عليك ممكن تشوفه يمكن تقدر تفهم المشكلة، بس ده حيكون في weekend عشان برجع من شغلي متأخر كل يوم، مش حقدر أحركه من البيت عشان بيغلبني في الحركة

أنا: طيب لو حابة يوم الجمعة الساعة ١ الظهر ابعتيلي العنوان و أجيلك،

سارة: شكراً اوي بجد حبعتلك اللوكيشن في الكوربة مكان ميتوهش،

و أنا مروح من القهوة قولت أشتري لعب للكلب يمكن احتاجها و شيلتهم في العربية،

عدت الأيام و روحت في الميعاد فتحتلي سارة و اخوها الصغير باب الفيلا سلمت عليهم و روحنا نشوف الكلب و في الطريق فهمت ان هي علطول في شغلها ما عدا الاجازات و اخوها علطول جامعة و كورسات،

أنا: يعني بتلعبوا معاه امتي ؟ و مين تاني في الڤيلا بيرعاه ؟

سارة: بحطله أكل و مياه الصبح و الامن و الخدامة بتحطله الغدا و تزودله مياه

لاقيت الكلب محبوس في بيت حديد في الجنينة و نايم اول ما شافني اتعفرت و خاف بس انا نزلته الارض عرفت اهديه و طلعتله اللعب عشان تلفت انتباهه و في خلال نص ساعة من المحاولات ابتدي سلطان يستجيب شوية و يلعب و مع التعود و الانسجام الوقت جري و لاقيتها بقت ٤ و انا بصراحة كنت فرهدت بس كنت مبسوط اني عرفت اعمل حاجة،

ساره: انت جميل اوي يا حازم اخدت الموضوع بجدية و جبت نتيجة

أنا: بس المشكلة لسة متحلتش لانه محتاج اهتمام و وقت و غالباً هو كان حاسس بالوحدة محتاج يجري و يلعب، علي فكرة الكلاب كائنات عاطفية جداً و الروتفيلر بيحب الجري و الانطلاق الحبسة محسساه بالكبت

سارة: طيب و حل الموضوع ده ايه اكيد مش حسيب شغلي و مش حقعد ساري من الجامعة

أنا: خلاص يا سارة يبقي الاحسن تديه لحد فاضيله ايه الهدف انه يفضل قاعد لوحده الكلاب بتحس بالوحدة زينا

سارة بصالي في عيني و ابتسامة خفيفة: زينا احنا و لا زي الناس كلها ؟

أنا: إحنا من ضمن الناس كلها

سارة: انا قصدي انك برده مش مبسوط و حاسس بالوحدة من شكلك باين و كمان ضيعت يوم الاجازة في انك تساعد سلطان فأكيد مفيش ارتباط مهم

أنا: عادي انا اتعودت و كمان معنديش ايام اجازة معينة و فضلت اشرحلها طبيعة شغلي

سارة: طيب انت لازم تتغدي معانا احنا عاملين اكلة حلوة و نشرب حاجة

أنا: أنا مش حكسفك في موضوع الغدا بس انا لازم امشي بعدها لاني للاسف مش بحب قعدة البيوت ممكن اخودها فرصة اني في الكوربة اتمشي شوية و اشرب اي حاجة في اي مكان

سارة: يضايقك لو اتمشيت معاك ؟

أنا: لا طبعاً بالعكس و ممكن نمشي سلطان كمان

نسيت اوصف سارة جميلة جداً جمال هوليودي مواصفات الجمال اللي ميختلفش عليها اتنين، جسم مظبوط بالسنتي بيضاء وشها بشوش و شعرها ناعم و حر طاير، رقيقة و متصالحة مع نفسها و سنها أكبر من مروة كام سنة بس بصراحة مروة جذابة اكتر منها بكتير،

و احنا ماشيين فضلنا نتكلم كتير و كنت مرتاح معاها و حكيتلي ان اهلها عايشين في دولة عربية و ان ده بيت جدتها الله يرحمها و انها و اخوها كانوا عايشين معاها،

سارة: أنا حاسة اني مش عايزة افرط في سلطان ايه رأيك ؟

أنا: طلعيه من الحبسة دي سيبيه حر في الجنينة و خلي الأمن و الخدامة يقضوا وقت معاه و انتي كمان اديله ساعة كل يوم من وقتك كانه ابنك

سارة: طيب ححاول أظبطها، هو فين مروة ؟

السؤال كان مفاجئ فتعبيرات وشي فضحتني قفلت و سكت معرفتش ارد

سارة: أنا آسفة اني فتحت موضوع يضايقك بس انا لاحظت انها متصلتش من اول اليوم

أنا: لا عادي حصل خير أنا بس كنت بحاول أشغل نفسي و إنتي فكرتيني (سارة اعتبرت دي فرصة للتواجد و شغل مساحة في حياتي)

سارة: خلاص نغير الموضوع و أسيبك براحتك لما تحب تفتح انت اي موضوع حسمعك

وصلتها البيت و سلمت عليها و اتفقنا اننا نتكلم تاني و نتقابل، انجذاب سارة ليا كنت حاسس بيه بس مكانش عندي استعداد ادخل اي علاقة حسيت اني حخسرها لان النهاية معروفة، تقريباً كلام مروة سببلي قلة ثقة في النفس و حبيت اني احتفظ بسارة كصديقة لاني كنت مرتاحالها كشخصية ودودة و هادية و بصراحة مكنتش منحذب ليها اكتر من صديقة،

اتقابلنا أنا و سارة مرتين خروجات تقليدية غداء في مكان شيك اوي و كنا بنتكلم في التليفون كتير اول كام مكالمة بدايتهم آخر تطورات الوضع الجديد مع سلطان و باقي المكالمة دردشة،

بعدها بقينا بنتكلم كذا مرة كل يوم بندردش في كل حاجة ودي كانت محاولة منها لفرض مساحتها بطريقة تقليدية لكن انا كنت برتاح في الكلام معاها و خصوصاً انها كانت شخصية عقلانية جداً

فتحت معاها موضوع مروة و قد ايه انها جرحتني بس سايبة فراغ كبير في حياتي و علي قد ما حبيتها بنفس القدر زعلت منها واني راجعت نفسي في موضوع فرق السن فأكيد حيكون فيه اختلافات وجهات نظر برغم اننا متشابهين في حاجات تانية كتير،

سارة كانت شايفة ان فرق السن بيني و بين مروة مش عائق و ان شكلنا كان لايق علي بعض مش ملفت خالص و ان اسلوب حياتي يدي انطباع ان سني اصغر، بس وجهة نظرها ان علاقتنا بدءت بسرعة و مكانش فيها خلافات فمحصلش تقييم مظبوط و مع اول خلاف كل حاجة اتهدت،

ده كان توقعي لوجهة نظر سارة بما انها شخصية تقليدية و عقلانية و قولت ما يمكن انا كمان اللي محتاج اتغير شوية بما اني بقيت عايش في مصر و ان طباع الناس مختلفة عن اوروبا و تحديداً انجلترا،

سارة قالتلي انها اخدت اجازة رايحة تقضي ٥ أيام في ڤيلا السخنة مع واحدة صاحبتها و عرضت عليا اذا كنت حابب اروح اغير جو الفترة كلها اوي الفترة اللي اقدر اروحها فقولتلها سبيني اشوف ظروفي و افكر في الموضوع و ارد عليكي،

سألتني تاني علي موضوع السخنة و أقنعتني اني محتاج تغيير حيفرق معايا و اقتنعت لاني كنت فعلاً عايز اشغل وقتي و خصوصاً ان صحابي دايماً مش فاضيين و حياتهم العائلية واخدة كل وقتهم،

اخدت عربيتي و وصلت السخنة بدري يوم اجرت شاليه قريب من فيلا سارة اللي وصفتلي مكانها و نمت اليوم ده و تقريباً بدأت أتشغل و الاحداث خرجتني من المود شوية.

#قصص_حقيقية

#قصص_لم_تنتهي

#الوعد_و_المكتوب

[drbahaaclinic]

قعدة #المنزل أفضل من رمية #المستشفى خنقة بيتك أفضل من خنقة جهاز #التنفس_الصناعي زهقان من الحبسة بس أظن #أفضل من الحجز في #العزل اكيد سريرك أفضل من #سرير الرعاية لا تخرج من بيتك إلا للضرورة #فقط لو مش فارق معاك كل ده اعرف أنه #لاضرر_ولا_ضرار #العيد في #البيت و #الله_المستعان #خليكم_في_البيت #كوفيد_19 #COVID19 #CORONAVIRUSE #drbahaaclinic #عياده_الدكتور_بهاءالدين_كمال (at Dr. Bahaa's Clinic عيادة الدكتور بهاءالدين كمال. الجيزة , مصر) https://www.instagram.com/p/CAamOODHB3N/?igshid=1ob4zp6qo3ky2

[alarbytube]

تردد قناة الصحة والجمال 2020

قناة الصحة الجمال هي قناة تتخصص في نقل المحتوى الطبي، وهي الأولى في مصر والوطن العربي، فهي قناة تقدم رسالة إعلامية هادفة وتثقيفية لكل فئات المجتمع، سواء كانوا مرضى أو أصحاء، وذلك عن طريق بثها للبرامج المختلفة لنشر التوعية الصحية والطبية الوقائية، وتساعد أيضاً على نشر الثقافة ومحاربة الجهل والخرافات والعادات والتقاليد الخاطئة، وتركز أيضاً على دعم السلوكيات الصحية والحضارية والاجتماعية الصحية، وتعمل على إرشاد الناس المرضى والأصحاء على الوقاية من الامراض وتوفير طرق العلاج بكل الطرق المتاحة وللتعامل مع المرض بشكل جيد حتى يزول.

قناة الصحة والجمال 2020

هي قناة تم إطلاقها في الآونة الأخيرة وهي قناة مصرية، وأصبحت من أشهر القنوات الفضائية ذلك لأن محتواها جديد ومختلف عن باقي القنوات الأخرى ، فهي تقدم الفقرات المتعددة على مدار اليوم، وتقدم النصائح الطبية على يد متخصصين في كل المجالات الطبية البشرية، كما تقوم على تقديم المعلومات المفيدة والصحيحة للمشاهدين وللمتابعين الخاصين بها، وأيضاً تقوم بالاستماع للمشاهدين وتقوم بالمشاركة او الإجابة على جميع الاستفسارات الخاصة بهم عبر الاتصال بهم من خلال عرض القناة للعديد من البرامج.

مزايا قناة الصحة والجمال 2020

تقدم القناة النصائح والمعلومات العلمية الصحيحة للمحافظة على الجمال لكل فتاة عربية.

تقدم الوصفات الطبيعية والمعلومات الصحيحة من قبل متخصصين الجمال.

تقدم قناة الصحة والجمال النصائح للمرأة للحفاظ على بشرتها على صحتها بالطريقة الصحيحة.

تقدم قناة الصحة والجمال العديد من الباقات التي تنص على النصائح الصحية والجمالية التي يحتاجها عدد كبير من الأشخاص.

تضم القناة أفضل وأمهر الأطباء المتخصصين الذين تستضيفهم في البرامج التي تقدمها للمشاهدين عبر شاشتها.

تقدم العديد من الوصفات الصحية الشهية على يد أفضل الشيفات المميزين.

البرامج التي تقدمها قناة الصحة والجمال

تقدم قناة الصحة والجمال العديد من البرامج المتنوعة عبر شاشتها ومن هذه البرامج : –

برنامج الدكتورة.

عرف كافيه.

برنامج مطبخ النجوم.

برنامج دقة قلب.

برنامج صباح الصحة والجمال.

برنامج كلمة في وصفة.

برنامج الجمال مع نيبال.

برنامج لا يفلح الساحر.

برنامج للكبار فقط.

برنامج بالقرآن نحيا.

برنامج كل يوم حكاية.

برنامج قعدة مع نشوى.

برنامج ماما ندى.

برنامج الطريق الثالث.

برنامج عيادة الصحة.

برنامج باختصار.

تردد قناة الصحة والجمال 2020

القمر:

نايل سات (النيل سات)

التردد:

10776 (H)

معدل الترميز:

27500

الاستقطاب:

أفقي

الجودة:

SD

التشفير:

مجاناً

  The post تردد قناة الصحة والجمال 2020 appeared first on المُحيط.

source https://www.almuheet.net/58521/