#قافل

[a-3asfoor]

باب القلب ده بتاع ربنا بيفتحه لناس معينة يقعدوا فيه ويربعوا اوقات تستغرب ازاي فلان دخل قلبك بسهولة كده سواء في شغل او علاقات و ازاي حبيته بالسرعة دي. ووقت تاني تستغرب ازاي قلبك قافل كده ناحية حد ومش قابله وحاسس إن فيه حاجز كبير بينكم. الحقيقة إن فعلا باب القلب بتاع ربنا فيه ناس بيبقي ربنا واضع فيهم قبول غريب يدخلوا قلبك من غير استئذان وناس تانية مبيعرفوش يوصلوا للمكانة دي مهما حصل ومهما عملوا فهي مش بشطارتك دي من عند ربنا والله

[saraudai]

بس عارف فين المشكلة إن مفيش حد قافل عليا القفص أنا اللي قافله على نفسي

تيتا زوزو | ٢٠٢٤

[nahed30]

بستحلفكم بالله تدعولي أخف

ولو قلة زوء اعملوا ريبلوج للي ما يعرفنيش واللي قافل الأنون يمكن حد فيكم يكون أقرب إلى الله ويستجيب

أذهب البأس رب الناس، واشف أنت الشافي، لا شفاء إلا شفاؤك شفاءً لا يغادر سقماً. اللهم اني اسالك من عظيم لطفك وكرمك ان تشفيه وتمده بالصحة والعافية اللهم لا ملجأ ولا منجا منك إلا إليك إنك على كل شيء قدير 🤲🏻

عن رسُول اللَّه ﷺ كان يقول : دعوة المرء المسلم

لأخيه بظهر. الغيب مستجابة و يقال دعوة الغريب مستجابة أسألكم الدعاء ... صديق ة مريض ة اتعبه المرض ادعولو ربنا يكرمكم

[lily-in-sun]

عارفين الأصدقاء ال آوت اوف نو وير كدا لو أنت قافل الباب يدخلوا راسهم م الشباك ويبقوا جزء طيب من يومك

[zmo25]

من يقنع الشوق؟ انك ماتبي ترجع

ومن يقنع الوصل؟انك قافل ابوابك

[lsd-l]

هو بجد إيه الملل ده؟ يوم يبقى فاضي أحسه مليان ومش ممل ويوم تاني بحزافيره أحسه طويل وهطق من الزهق ومودي قافل ومش قادرة أسمع صوت حد في التليفون ولا حتى أتكلم، دماغي مجنونة وش .

[imazikaty]

في حاجة لفتت انتباهي أوي الفترة دي إن لو في شخص بيمر بفترة صعبة في حياته، بس هو قافل على نفسه ومش بييجي يفتح معاك كلام ولا بيشركك في مشاكله ولا أي أي حاجة فعلًا، وانت اللي روحت تسأل عليه وخليته يحكيلك اللي بيمر بيه، فـ هو طبيعي هيحكي المأسويات اللي عنده لإن دي حياته في الوقت الراهن. انت بتشغل بالك ف بتسأله كل شوية وبتحاول تشاركه ف هو بيحكيلك لما انت بتطلب، لكنه لم يبادر بإنه يرمي عليك مشاكله. في الحالة دي هو مش شخص وحش ولا بيشيّل حد همه ولا هو شكاي ، هو قاعد في حاله انت اللي عمال تدخل نفسك فيها -ودا مش شيء وحش خالص بالعكس كتر خير كل الناس الطيبة في العالم- بس هو مطلبش. لما تعدي الفترة دي هو هيكون ممتن ليك جدًا ودايمًا شاكر فضلك، لكن هو مش شغوف بيك كـ شخص، ومش شرط يفضل يكلمك بعد ما الدنيا تروق معاه؛ لإنه من البداية هو مكانش بيحكيلك ولا بيجيلك، انت اللي كنت -مشكورًا- بتروح. ف يا جماعة لو بتساعد حد أو بتسمعه أو حتى بتسأل عليه، اخلِصوا النية الأول. يعني اسأل عشان انت مهتم لأمره أو بتحبه ف بتساعده ولو بمجرد الكلام والسمع من غير مخططات هو أصلًا معندوش علم بيها، من غير ما تبقى مستني إنك كدا تبقى شخصه المفضل، أو بعد كدا تقول (دا كان بيرميلي قرفه)! أقسم بالله دي منتهى قلة الأدب أصلًا الجملة دي. انت اللي داخل تساعده عشان وراك هدف من دا ولما متحققش فكرته شخص وحش واستغلالي وتطلع فيه القطط الفطسانة، بس الحقيقة إن الاستغلالي الوحيد في الموضوع دا والله هو انت.

[ammo--scar]

رحت المحكمة أخلص شوية شغل اداري وأجيب حكم، لقيت السكرتير المعرص قافل المكتب ومش لاقيه، قولت ألحق أجيب المنطوق من الحاسب الآلي، لقيت موظفة، قولتلها لو سمحتي عاوز أعرف منطوق حكم في دعوى رقمها كذا - عمالي، قالت لي عدي بكرة يا أستاذ عشان قفلت الجهاز، من هنا لهنا مقتنعتش خالص، فقولت ألجئ لآخر الحلول "العلوقية" وقولتلها "عشان خاطري"

لقيت وشها عمل كدا (🥹) وخلتني أصور الشاشة بالموبايل بدل ما انقله بخط ايدي.

الدروس المستفادة: الستات هن الستات في كل زمان ومكان.

[princess-lolita]

عجبني الشخص فتت ع بروفايلو ...

لقيتو قافل حسابو

و لاغي الMessages

وال follow

والنكز

مالقيت غير التبليغ...عملت ابلاغ بكل احترام وطلعت

أنو لو فايتة ع بنك سويسرا ماكان هييك😅

[maybeher]

ياريت نمشي بعد كده كلنا بفردة شبشب فجيبنا ننزل بيها على بؤ اي إنسان بياكل لبانة وهو مش قافل بؤه

[maryam2]

بستحلفكم بالله تدعولي أخف

ولو قلة زوء اعملوا ريبلوج للي ما يعرفنيش واللي قافل الأنون يمكن حد فيكم يكون أقرب إلى الله ويستجيب

خلي في بالك دائما قول الرسول صلى الله عليه وسلم : (ما يصيب المسلم من نصب ولا وصب ولا هم ولا حزن ولا أذى ولا غم، حتى الشوكة يشاكها إلا كفر الله بها من خطاياه).

- شفاكَ الله وعافاك وخفف عنك وجعل مرضك في ميزان حسناتك..

ادعوا له رجاءً .

[colored-entropy]

من ساعة ما فتحت فيسبوك من أسبوعين وأنا حاسس انه مكان عرة اوي، وأنا مش عارف هو بقى كده بسبب الحرب مؤخرا ولا هو كده بقاله مدة وانا اللي كنت قافل لسنة ونص؟ المهم إن فيسبوك بقى مكان عرة اوي ومعفن ومنفر ومهدد لأي حاجة كان بيحققهالي فعلا خلال السنين اللي فاتت. ونبرة الغضب والاستياء من موقع اليكتروني دي انا شايفها في ضوء ذكرياتي الشخصية عن فيسبوك في الفترة ما بين 2013 و2018 تقريبا، سنة فوق سنة تحت مش مهم بس تقريبا دي الفترة اللي شكلتني بنسبة كبيرة. أنا في الآخر م الفلاحين والثورة قامت وانا عندي 16 سنة ومعرفش من العالم أبعد من بيتنا والمدرسة والدروس، واتفرجت عليها ع التلفزيون وانا مش فاهم ولا مجمع ايه ده أصلا، في ظل هذه الظروف كان فيسبوك بالنسبالي هو العالم اللي اتفتح لي على ناس وأفكار ومناقشات وتفاصيل غريبة كانت لاول مرة تشغل حيز من يومي وتأثر عليا وتشغل تفكيري. لكن من ساعة ما المسألة على فيسبوك بقت كم فيديو وشوية اعلانات وانا حاسس بعبط، بس حتى قبل ما أقفله المدة الطويلة دي كلها وأنا كنت لسه قادر أشوف فيه شوية أشياء تخلي وجود الواحد عليه مبرر ومفيد، لكن بعد العودة بعد سنة وكم شهر من القفلة المستمرة وتقريبا تلات سنين من القفل المتقطع وانا حاسس انه فعلا بقى صفيحة زبالة كبيرة أوي، مش بس عشان خوارزمياته اللي ضد الكلام ع الحرب لكن كمان عشان قيمه العامة اللي مش عايزة منك وانت فاتحه أكتر من إنك تكون مستهلك لإعلان أو مروج لإعلان. نمط الحياة اللي تم التطبيع معاه خلال السنين الأخيرة ده وتجليه الأفدح والأفضح على فيسبوك هو الشيء اللي انا مشتبك معاه هنا وقرفان منه وبحاول اخد مسافات طويلة بعيدا عنه لأنه مقرف ومنفر وقبل كل ده فهو كداب ومزيف للحقايق.

الفترة الأخيرة وأنا مشغول بالتفكير في الكتابة، وبقول لنفسي اني مش عايز اعمل حاجة في الحياة غير القراية والكتابة والترجمة والفويس أوفر وشوية نشاطات جمبهم ليهم علاقة بنفس الحجات دي بشكل أساسي. وكنت بحاول أدور جوا دماغي على مشروعية ما للنشاطات دي تخليهم منطقيين بالنسبالي مش بس عشان اعرف أرد ع الناس اللي بتسألني انت بتعمل ايه في حياتك وليه؟ لكن كمان عشان أحس بالاتساق مع ذاتي وتبقى عندي اجاباتي الشخصية فعلا على ا��سؤال ده. بس فيه شوية حجات حصلت مع الحرب الراهنة دي زقت السؤال ده لمناطق مختلفة وطرحته بشكل أكثر جذرية، كأن الحياة انهاردة متوقفة على السؤال ده وعلى اجاباتي عليه، مش بس كده، لا كمان احترامي لأي شخص او شيء هيبقى من هنا ورايح مبني على قدرته على طرح السؤال ده على نفسه بجدية والاشتباك مع العالم انطلاقا من أرضية طرح السؤال ده. وده له علاقة بالعالم اللي كان فيسبوك بيطبع مع وجوده وبيروج له باستمرار وهو العالم اللي بيبيع لك طول الوقت وهم ان الصراعات الكبرى خلصت واحنا دلوقتي وصلنا لنهاية التاريخ وعايزين بس نحل مشاكل البيئة ومجتمع الكويرز، اللي هي أسئلة مهمة وملحة وكل حاجة بس بردو مع الحرب الأخيرة الواحد بقى بيشوفها متوظفة دايما ضد أطراف بردو بتطرح ازماتها ومشاكلها الأعمق والأكثر جذرية لكن بيتم التعامل معاهم طول الوقت على انهم بيبالغوا أو بيهولوا أو بيتكلموا في حجات مش وقتها.

التحول الأكبر اللي حصل بسبب الحرب دي مكانش اكتشاف بس ان الصراعات الكبرى لسه منتهتش ولا حاجة، لكن كمان انه لا مفر من الاشتباك مع الصراعات دي. قبل الحرب ولسنين طويلة وتقريبا من اول هزيمة الثورات العربية والناس بتدور على مسارات فردية للنجاة. كل واحد بيحاول يطور من نفسه في سكته الشخصية بإنه يضيف لنفسه شهادة ولا لغة عشان الطموح في النهاية هو انك تاخد منحة وتهاجر، كان فيه اجماع عام على ان البلد دي بقت زريبة كبيرة ومفيش حياة محترمة غير بإن الواحد يخرج برا حدود الزريبة لمجتمعات أكثر تحضرا بتحترم الانسان وقدراته. اللي حصل مع الحرب الحالية ان التصور ده بالنسبالي اتهدم. مش بس عشان اكتشفت ان المجتمعات المحتضرة دي مهياش متحضرة ولا حاجة. لكن كمان عشان السؤال الأكثر جذرية في الحياة “أنت مين وبتعمل ايه في حياتك وليه” هو سؤال مفيش بقعة على الأرض هتعرف تعيش فيها من غير ما تطرحه على نفسك. باختصار أنت لو هربت م الصراع هتلاقيه جاي وراك، انت ممكن تحدد موقفك جوا الصراع بس متقدرتش تنفلت منه. نموذج الحياة الانستاغرامية اللي بيشجعك تروح تحلب بقرة في الريف السويسري وتنعم بالطبيعة الخلابة وتفضل تراكم رأسمال للأبد هو نموذج، مش بس لا أخلاقي، لكن كمان ملوش معنى لأنه مبني على افتراض ان العالم مكان خالي من الصراعات، يمكن للإنسان فيه ان يعيش مش شاغل باله بأي حاجة غير مفردات يومه اللي بتهدف لتحصيل المزيد والمزيد من المتع والسعادات وخلاص. وده كله مش حقيقي. وبفرض انك عرفت تعمل ده وروحت هناك بس لسه شايل جواك شوية احترام لنفسك، فاحترامك ده هيحمّلك تعبات وتكفلة هناك متختلفش كتير اوي عن التعبات والتكلفة اللي هتدفعهم هنا لما ترفع صوتك تقول رأي حر.

جايز كنت بفكر في القراية والكتابة قبل كده على انهم حجات بحب أعملهم، التحول اللي حصل هو انهم بقوا حجات لازم اعملهم، لان دي المساحة الوحيدة اللي قادر اتخيل نفسي واقف فيها عارف أبص في عين اللي رافع سلاحه في وشي وأقوله كسمك على كسم سلاحك، حتى لو هموت بعدها بتلات ثواني. ولأني لو هتقتل كده كده فهختار أتقتل وأنا بحترم نفسي وبقول للي بيقتلني انه قاتل وحرامي وكداب. لكن أتقتل وانا بعترف للي بيقتلني بتفوقه القيمي والحضاري والأخلاقي عليا؟ أظن مش هعرف أعمل ده.

[akhalifa]

بحاول أطلع من المود بس حد قافل من برا باين .

[ker0o]

إعتراف ..

حاسس أن قلبي بقى كهل، وباقيت شايف نفسي مقصر لدرجة مخلياني شايل هم أي علاقة بغض النظر عن مُسماها ! ، قافل بابه عشان مظلمش حد مش عشان تقلان على حد ولا قلبي قاسي ولا معقد .. انا بس قلبي مُرهق ومش عايز اقصر في حق حد ..

وطبعا مستحيل هتفهم حد الكلام دا ، فتسكت وترضى بظلم ظنهم ليك لأنك سبتهم لدماغهم .

[werewolff]

من شويه مريت بموقف من اوسخ مواقف حياتي بجد

قفلت باب الصيدليه علشان ادخل الحمام ورحت قفلت باب الحمام بالقفل (القفل قديم فشخ ومصدي ) وكنت لوحدي ف المكان ودخلت الحمام من غير التليفون كمان شوف سخريه القدر

دقيقتين وخلصت وجي افتح الباب مش راضي يفتح اجرب خمسين ألف مره برضو لا لحد ما صوابعي ورمت والجلد اتقشر فضلت ع الحال ده ٣ ساعات محبوس ف الحمام و عمال اخبط محدش سامعيني ومش عارف احسبن و لا ادعي ولا اقول اي حاجه ماهو مش ناقصه اتلبس كمان لحد ما ربنا نفخ ف صورتها الدكتوره وافتكرت وجم كسرو الباب

الدكتوره كلمت اصحابي فكراني عندي مرض مزمن ولا دخلت ف غيبوبه سكر ودلوقتي انا حرفيا راكب المسرح جامد وخايف تنزل ع النت

المشكله انهم وهما بيفتحولي بيقولي انت ليه قفلت بالقفل مانت قافل باب الصيدليه نفسها، كنت عاوز اقولهم عندي ترايست ايشوز بس احا يعني هو ده سؤال ده انتو بضان

المهم انا عاوز الأرض تنشق وتبلعني دلوقتي بجد

حسبي الله ونعم الوكيل ف اللي اخترع القفل ده ربنا ما يوريه حاجه عدله

[z-ahr-aa]

تخصصي كان فلسفه الحمدلله اني أخدتها من قصيرها ومفتحتش باب الحجز زي الناس اللي هناك دي كان زمانه قافل ع صباعي دلوقتي