#فقرة

[yassmeenamoustafa]

إيه اكتر حاجة بتعملوها بتهديكوا وانتوا في أشد درجات الغضب 🫠

[ibrahimshoukri]

كمل غيابك أزمة الشوق

[sarrah]

الفقرة الإذاعية دي من أكثر الفقرات المحببة لقلبي ✨

[denoriosbelt]

learning arabic is awesome cause you'll learn a word and be like Cool nice i get it. and then later you're introduced to (what you believe is) the same word but meaning something different, but you can see how the meanings are related so you're like oh awesome that's cool. and then months later you find out that one of them has a ك and the other actually has a ق so you've been using the wrong word this whole time and everyone else has just been rolling with it, apparently

[tullaab]

اذاعة مدرسية صباحية كاملة قصيرة جديدة مع مقدمة وخاتمة

اذاعة مدرسية صباحية كاملة، حيث يعتبر برنامج صباحي يُقدم في المدارس بشكل دوري، قبل بدء الحصص الدراسية، بهدف تنمية مهارات الطلاب وتثقيفهم، وغرس القيم الإيجابية فيهم، وخلق بيئة تعليمية ممتعة وشبابية. في صدد ذلك سنتعرف من خلال منصة المنتج على نموذج اذاعة مدرسية صباحية كاملة، إضافة إلى التعرف على أهمية هذه الفقرة في المدارس. فقرات اذاعة مدرسية صباحية كاملة تتكون الإذاعة المدرسية عادةً من مجموعة من…

[menasityoufirst]

هل تعلم عن العلم السعودي اذاعة مدرسية

هل تعلم عن العلم السعودي اذاعة مدرسية. الإذاعة المدرسية هي وسيلة اتصال وتواصل بين إدارة المدرسة والطلاب والمعلمين وأولياء الأمور والمجتمع المحلي. تعتمد الإذاعة المدرسية على إذاعة بث صوتي داخل المدرسة يتم من خلاله إذاعة الأخبار والمستجدات التعليمية والأحداث والإعلانات والنصائح والإرشادات، و كذلك فقرة هل تعلم، في هذه المقالة عبر منصة يوفيرست نقدم لكُم معلومات عن العلم السعودي لفقرة إذاعة…

[persephoneeisback]

فقرة مسائية للرد على جميع استفساراتكو

[sunsetlove44]

١٩ نوڤمبر-

قررت أشوف الغروب 🌇 وأخذ ايسكريمي المفضل🍦واحلى فقرة إني طلعت بعد الشاور ولابسة ترينق دافي😁

[smallbutkindcouch]

من صغري مبعرفش أكون علاقات بأي حد، قضيت طفولتي في المدرسة مبكلمش حد، بقى عندي صحاب لما حد قرر ييجي يكلمني، الجيران اللي كنت أعرفهم كان اهلهم صحاب اهلي، واهلي هما اللي عرفوني عليهم.

في ثانوي روحت مدرسة جديدة، مخدتش مبادرة اني اتعرف على اي حد، كل صحابي هناك هما اللي جم كلموني، وفي الجامعة، وفي الشغل وهكذا.. لو حد كلمني برد، لو محدش كلمني خلاص بقى .. حتى علاقاتي العاطفية كلها كانت عبارة عن حد بيحاول يتعرف عليا.. أو يبقى قريب، وانا يا بتجاوب.. يا بركب تاكس واروّح

أنا رد فعل .. وأعتقد إن استمرارية علاقاتي سببها الإخرين مش أنا، لإني فعلا لو كلمت حد ومردش عليا مرتين تلاتة، ممكن جدًا محاولش افهم فيه ايه.. وآخد عدم الرد كإجابة.. ومش بقفش خالص، بالعكس بمنتهى الهدوء .. (إلا في حالات محددة) لذلك الصمت العقابي دا تكنيك فاشل جدًا معايا، انا بمارس الصمت بس مش العقابي، الصمت اللي هو بجد مفيش حاجة تتقال، ومش لازم اصلا تكون فيه حاجة تتقال.. والمفروض إن قمة رحلة التواصل بين اتنين إن احنا نعرف نسكت مع بعض.. مش نتكلم مع بعض.. ونسكت بمعنى إن كل الخناقات اللي في دماغنا تهدى بوجود شخص ما.. واحنا بنبحلق في الولا حاجة..

التكنيك اللي اثبت فاعليته في ��نه يخرجني عن شعوري، هو تكنيك الإكراه ع المواجهة، وبكره اوي لما اتحط في موقف دفاع عن نفسي إني مش متحمسة.. انا مش متحمسة لا ليكم ولا العالم ولا لنفسي.. مش متحمسة في المطلق، فمفيش حاجة شخصية خالص .. مبعرفش أبقى هادية وحد بيفترض عني حاجات مش حقيقية.. مبعرفش أبقى هادية وحد أجبرني إني أتكلم وأحاول أحصل على موافقته على كلامي..

عامة هو دا مربط الفرس، إني بخاف آخد خطوات أولى عشان عارفة إني مش شخص تشارمينج خالص، وعارفة تماما إني underdog.. الشخص اللي كل الناس مش ملتفتة ليه لكنه بيتضح إنه جامد فشخ.. مباخدش خطوات أولى عشان مش عايزة أفتكر حقيقة إن أنا شخص لازم تعرفه كويس عشان تقبله، وأنا الحقيقة مش ناوية خالص أبذل أي مجهود لإقناع حد بيا كفكرة عشان يشتري بكرة.. ولا ناوية أقدم فقرة الساحر.. مبعرفش أعمل فقرة الساحر، بعرف أعمل صالون ثقافي لو تحب تشاركنا.. اتفضل.. بس هتضطر تقعد معانا ٤ شهور ع الويتينج ليست لحد ما أقرر إنك ممكن تدخل عندنا الصالون ولّا لاء

[innocent-alaaa]

فقرة الاكتئاب و الصياح بتاعت كل يوم بدأت

[yassmeenamoustafa]

سؤال اليوم : ازاي نقنع نفسنا من جوانا أن اللي قدامنا ممكن مينفعش فنقول لا بكل رضا

ليه بنحب نتعمق في الحاجات الغلط بشغف !؟؟؟

[sarahbasly]

الناس بتستغرب ليه جيل التمانينات و أول التسعينات أغلبهم traumatized, حضرتك الموضوع أعمق بكتير من فكرة إن الناس دى ماتحضنتش و هى صغيرة

- إنت بتتكلم على أطفال كانوا بيصحوا يوم الجمعة الصبح يتفرجوا على برنامج اسمه "سر الأرض" كله معلومات زراعية

و لو سألت أى حد هتلاقيه فاكر صوت مدام أنغام فى أغنية المقدمة و الراجل ال كان بيهب فيك فى نص الأغنية يقولك بعنف الأرض .. الأرض

- بعد كده بتتفرج على "عالم الحيوان" عشان تتهيأ لما تكبر إن فى حيوانات كتير هتكون عايشة حواليك عادى

- ال كان مثقف شوية كان بيقرا بريد الجمعة ال كان فيها مشكلة اجتماعية كل اسبوع بيحلها عبد الوهاب مطاوع و بتكبر شوية تلاقى انت كمان بقى عندك مشاكل فا بتبطل تقراه ال هو مش ناقصين مشاكل بقى

- تيجى الجمعة بالليل تلاقى برنامج " بين الناس" و الأستاذ جمال الشاعر بيعرض مشاكل اجتماعية برضو

- تدخل على يوم السبت و ذكرى محفورة فى أذهان الجميع مع برنامج " خلف الأسوار"

ال بتشوف فيه قبل ما تنام ناس مسجونة و بيعملوا معاهم حوار، عشان تبدأ أول الاسبوع بتاعك كا طفل نشيط يوم الحد بعد الرعب ال شفته السبت بالليل

- دا غير كان فى برنامج اسمه "المواجهة" و كان فى واحد فى المقدمة بينطقها بطريقة مرعبة برضو و كان الهدف إنهم بيهجموا على مجرمين و هما بينفذوا الجريمة

- يوم الأربع بقى كان فى برنامج "اخترنا لك" و كان بيجى فيه مسلسل أجنبى اسمه “ the X files” ، طبعاً الجيل الجديد ممكن يفتكر إنها اختصار ex ، لكن طبعاً احنا مش جيل مايع كده ، دا كان مسلسل تشويقى بيجيب جرايم من ابشع ما يكون و يحاولوا يحلوا لغزها و فيه مناظر جرايم بشعة

- و لما اتفرجنا على مسلسل أجنبى حاجة فانتازى بقى و سوپر هيروز كان " هرقليز و زينا" ال كان من ضمن أبطاله ناس عبارة عن نص جسم إنسان و نص جسم حصان و كنا متعايشين عادى مع الوضع ده و منبهرين بيهم جداً

- و الكارتون ال كنا بنتابعه كان مجموعة سلاحف و المُعلم بتاعهم فار و اشترينا الفكرة عادى جداً

- المسلسلات العربى بقى ال كنا بنتابعها كانت أرابيسك و "لن أعيش فى جلباب أبى "و "إمرأة من زمن الحب "و "الشهد و الدموع " و " المال و البنون" و " الرقص على سلالم متحركة" ال هى كلها حاجات عميقة جداً محتاجة حد معاه ماسترز عشان يفهم عمق الفكرة مش طفل لسة مخلص ابتدائية أو فى اعدادى

- و يوم ما حبوا يروقوا علينا عملوا السهرة الدرامية الأشهر على الإطلاق " جواز على ورق سوليفان" ال خوفت جيل كامل من الارتباط و من أهل العريس

- غير إن كان فى جرنال كامل اسمه أخبار الحوادث كان بيعمل wrapping up لكل الحوادث ال بتحصل حواليك

- و ظهر برضو موضوع عبدة الشيطان ال كان بيخلى الواحد مش بيعرف ينام

- و من الأغانى ال كانت مكسرة الدنيا أغنية ل enrique iglesias ال كان بيقول فيها “would u die for the one u love “ و بعدها back street boys قالولك “ show me the meaning of being lonely” , فا بقيت تحب و تضحى بأقصى حاجة و بعدها تفضل lonely برضو عادى

أكيد كان فى شوية حاجات لطيفة على جنب برضو زى فقرة السيرك و بؤلظ و الكلبة لاسى و فولا بالومبيلا ال طلعنا كنا بنسمعها غلط أصلاً

و مواقف و طرائف و سينما الاطفال و عروستى

و مدام صفاء أبو السعود بتاعة بصوا و شوفوا حاجاتى فى السر

و مدام سهير شلبى فى تاكسى السهرة كان عليها واحدة تاكسى ڤيرى سِكسى الصراحة😂😂

بس تعمل إيه الحاجات دى وسط التشوهات التانية دى كلها😂

الموضوع مش بس على قد حاجات الأمهات و الأبهات مقدروش يعملوها عادى كا بشر معندهمش الكمال أو ماكنش عندهم الوعى الكافى، لا حضرتك دا فى طفل هنا استحمل حاجات فوق مستوى استيعاب أى طفل 😅 بس الغريب إننا كنا متعايشين عادى مع ال بنتفرج عليه و مش بنشتكى ال هو قمة السلام النفسى و الأريحية مع اللا منطق ما شاء الله

#جيل_العظماء

#ليالى_النوستالچيا_الحزينة

😂😂😂

منقول

[sarrah]

كانت بتسألني عن الخطوبة وعاملة فيها إيه وكدا، فأنا رديت كالعادة إنها بالنسبالي فترة رخمة، وإني مكنتش عاوزاها أصلًا، لإنها بالنسبالي ملهاش معنى ولا لازمة، فلقيتها بتقولي: يعني إيه ��لهاش لازمة؟ أمال فقرة الاستهبال والتلميحات وحلاوة البدايات هيجوا إمتى؟ فأنا والمنطق استغربنا شوية، هي الحاجات دي لازم تتعمل بين اثنين ميحلوش لبعض؟ لو عملناها واحنا متزوجين هنولع مثلًا؟ بالعكس دا بنظر العقل واحنا متزوجين فيه مساحة أكبر بكثير جدًا نستهبل فيها وفيه خيارات أوسع للتلميح، وكدا كدا أنا البداية عندي من الزواج، لو بقى حلالي، كل اللي بيحصل دلوقتي بالنسبالي عبث معلق في الفوضى والفراغ، أصل أنا عمري ما هعرف أكشف نفسي واقعيًا لحد بعتبره غريب، إذا كان مبعرفش أعمل دا بشكل مناسب لسة مع القريب، أمال الغريب! وعمري ما هعرف حد كما أريد من غير ما أعاشره وأسمع كلامه وأنا باصه لعينه وهيئته وتحكماته قبل فلتاته! مش هنكر فيه قدر من المعرفة لكنه بالنسبالي لا يفيد، يعني لو حد جه يسألني عنه دلوقتي مش هعرف أوصفه! لا كشخص في الحياة، ولا كزوج محتمل، ولا حتى بعد شهور، وفوق دا أنا مشغولة بحذري، وبيستنفذ قدر كبير جدًا من طاقتي، فمش مستقرة علشان أعطي المعرفة دي حقها، وطالما أنا مسلمتش إن الشخص دا يخصني، وطالما لسة حاطاه كاحتمال، ولإني بميل لوقاية نفسي في كل حاجة، عمر ما هيكون عندي رغبة في محاولة المعرفة وعمري ما هحاول أتوسع وأتعمق، علشان لو قدرًا موضوعنا مكملش أقدر أتجاوزه بسهولة، لكن لو كمل، حتى بالقدر الضئيل دا من المعرفة هقدر أتقبل بعد كدا، هقدر أغير، هقدر أرضى، وهقدر أعفو، لطبيعتي القوية -حفظها الله- المعظمة للمميزات المحقرة لشأن المعيبات الزاهدة في الدنيا بكل من فيها المستغنية بالله، شرعًا هي فترة جائزة بشروطها، لكن تطبيقيًا لسارة، هي فترة حيوانة متنفعنيش، أنا كنت عاوزة أتزوج مش تضحكوا عليا بخطوبة.

[sarrf]

فقرة مِلكة الاخو تدريجياً الواحد يستوعبها وشلون أجل إذا كان الزواج فيه لحظة وداع بعد الاعتياد مُره جداً؟💔

[quotesart]

صاحبتي فسخت خطوبتها من يومين سيبتها تهدي على اعتبار إنه خبر حزين وبعدين أكلمها بسألها السبب؟ قالتلي كنت بخلص ورق في مصلحة حكومية والجو مش ألطف حاجه حسيت بتعب ودوخه وطلعت رقمه ورقم بابا عشان حد يلحقني لو تعبت ووقعت زي كل مره أتعب فيها

بابا قالي : أستنى مكانك ربع ساعة وأكون عندك

هو قالي : روحي وارتاحي كده وكلميني ف ماحسيتش إني ممكن أسيب الحنية والجمال دول كلهم وأروح أعيش مع حد تاني عارف تعبي وبيهمشه عادي، وقتها بس أفتكرت فقرة عمرو حسن وهو بيقول : "أنا برضو علشان بعرف أنقي، أخترت اللي أبوها حبيبها، دلعها كأن مافيش في الدنيا بنات، وراها أمان صعب تعيش يوم في غيابه، أنا برضو عشان بعرف أنقي أخترت اللي أتربت تتصان" وحقيقي مش خسارة في اي بنت شويه أمان وطبطبة في مقابل أنها تسيب بيت أهلها وتديك عمرها وصحتها وشبابها عن طيب خاطر❤️

[elsaqqa-4ever]

صباح الورد🌹

من أجمل الكتب التي قرأتها ، كتاب (الحياة) وتأثرت جدا بالكتاب وبالفصل ٩٦ (وحياة أمي لأدبكم)،

عجبتني فقرة حلوة أوي ( إِنَّ النَّفْس أَسِيرَة لِمَا نَشأَت عليْه فَإِن أَردَت تَغيُّر طِباعِهَا ، فعليْك بِتطْبِيق اِسْتراتيجيَّة الصَّدْمة حَتَّى يُعَاد بِنائِهَا مَرَّة أُخرَى أو اُتْركْهَا على مَا هِي عليْه وعاملهَا ��ِالْمَثل).

لان الفصل ٩٥ اللي هو ( عامل الناس كما يحبو ويشتهو) منفعش