#شعر بالعامية

[karamharby]

في بلدنا  ارض المعجزات

الحفره فيها كل خير

ووقوعنا في قلب الحُفر

بقى اسمه فيها خط سير

حُفر طريقك فى الصباح لو تجتهد

وحُفر من قبل النجاح لأجل إن ذنبك يُغتفر

وحُفر لأجل إجتاز الاختبار،  فتعتبر

من أهلها

تسمع عن الخوف والأمان

خلطبيطه في إسمها

تسأل  عن الخوف يوصفوا  صوت السكوت من اهلها

تسأل وفين أرض الأمان قالوا مكتوب بعدها

ثلاثين سنه وحُفَر طريقنا بألف خير

يمكن أمان ارض البلد مكتوب لغير

يمكن أذى الأيام خيال وواقعنا فيها حساب ضمير

يمكن يكون  قلبك أسير

أو فيك تشاؤم م الحياة

يمكن تكون محتاج ضمير

معدوم ودا هدف الجُناة

يمكن نكون المُكرَهين على حُبها

أو من بواقي الصابرين على أرضها

يمكن تفاصيل الحياة تستدعي فيها إننا

نسلك طريق الكادحين

من كُتر شيل الهم منها 

أصبحنا فيها متعبين

يمكن نكون متأسفين؟!

يمكن كدا، ويمكن كدا

ويمكن كمان و كـ إننا

مستعجلين على حلمنا

وكأننا،

خايفين  على شمس الصباح

لــ  شعاع ضيائها ينطفي؛

فـ هنختفي من بعدها

وتضيع حياتنا في فهمها!

وهيرسموك فوق العلم

للعلم دا كان شعبها !

لسه حافظ شكلها

ولسه فيك من حلمها

أهي كُلها على بعضها

مشهد في قصه كتبتها

#حُفر_حُفر

#كرم_محمد_حربي

[kaadid]

‏هي ذات الخوف

يسبح في دواخلي

يشعرُني...بالضعف

لا...لاأستطيع مجاراتكِ

أنتِ صعبة..وملهمة...

وانا مجرد عابث انسق كلماتي

احاول اغراء نفسي بها

اتحسس حضوركِ...فأهرب

من قلبي...الى...قلبي..!!

‎#kh

[doriaan-gray]

مشكلات جي بي تي شات

أول وأكبر أزمة أنه مبيقولش معرفش، وبيقاوح، وعلى استعداد يجادلك بسلسلة من الأكاذيب، والإجابات.. كل واحدة فيهم بتناقض اللي قبلها.. بشكل يصورلك انك بتلعب لعبة احتمالاتها لا نهائية وخالية من أي منطق! هو بلا شك أكثر مرونة من كل الآلات اللي اتقدمتلنا قبل كدة من حيث التواصل.. مابيعطلش في العمليات الحوارية، ولو انه جاف شوية وخالي من المرح.. يؤسفني أقول برضو أنه مش دقيق في أمور البحث والدراسة.. مش بس النشاطات العقلية، لكن في عمليات بسيطة زي جمع المعلومات، أو حتى جمع معلومة واحدة. طلبت منه أكتر من ميت مرة يبحثلي عن موضوعات متعددة عندي فكرة عنها كلها، خليته يكتبلي بحث عن موضوع كتبته قبل كدة، كنت بكتبله أبيات شعر واسأله تعرف إيه عنها؟ كنت بكتبله اسماء علماء وشعراء واطلب معلومات عنهم، كنت بديله كتب واطلب يعملها ريفيوز.. فشل معايا بشكل ومستفز، وياريته كان بيعطل أو بيرفض الإجابة.. لكن إصرار مرعب على الهبد.. تاني أزمة وعلى نقيض سلوكه السابق.. فهو حازم جدا في ردود فعله تجاه بعض الموضوعات والاسألة وبيقطم تماما، راضع صوابية سياسية شايل في هارده كل دوسيهات الحكومة.. وحاد جدا في التعامل تجاه الأمور دي، كأنك بتتعامل مع أمين شرطة! لأ وبيبادر بتعليمك تعمل ايه وماتعملش، وبيبادر بعلاجك نفسيا لو لاحظ انك مضطرب في كلامك.. دي كلها أمور حسستني بآليته قوي.. غير إني بكتشف كتير انه المشاكل المطلوب منه يعالجها، لو معندوش قواعد ليها ممكن يلجأ لقواعد أنظمة مشابه.. يعني دا لاحظته في اللغة مثلا.. ومش فكرة انه معندوش داتا للعربي، بالتأكيد عنده.. لكن هو لسة مش قادر يستوعب التكوين العربي للجملة، فبيلجأ انه يترجم الجملة انجليزي ويشوفها اتركبت ازاي وبعدين يبدأ يعربها عربي! يعني مثلا دي كانت أقل مشاكلي معاه.. سألته عن ديواني الأول.. وقولتله: تعرف إيه عن ديوان: كبرنا بنكره التفاح قاللي انه ديوان عظيم خالص للشاعر محمود درويش صدر سنة كذا وتناول كذا وتأثيره كان كذا.. قولتله انت بتجيب معلوماتك دي منين من الداتا المدخلة ولا عندك أوبشن تدور بنفسك على النت؟ قاللي طبعا عندي إمكانية البحث على الانترنت.. قولتله طيب لو سمحت دور ع النت قبل ما تجاوب.. قاللي آسف معلوماتي مش دقيقة فعلا، بس خد دي: ديوان "كبرنا بنكره التفاح" هو ديوان شعري للشاعر السوداني محمد الفيتوري، صدر في العام 2000. ويعتبر هذا الديوان من أشهر أعمال الشاعر الفيتوري، حيث يتناول فيه مجموعة من الموضوعات المختلفة قولتله طيب لو قولتلك انه الديوان دا صدر عام 2018 في معرض القاهرة للكتاب عن دار عابر للنشر، وهو ديوان بالعامية المصرية.. قاللي مانا قولتلك معلوماتي مش دقيقة، بس خلاص عرفت بتتكلم عن مين، في الواقع، ديوان "كبرنا بنكره التفاح" هو ديوان شعري صدر عام 2012 للشاعر المصري الشاب أحمد الشقيري

[reham-re]

أهلاً:

داخلي فوضي وكلام وأفكار مبعثرة ، داخلي صخب صوته مرتفع ،داخلي غضب وهدوء ،رضا وسخط .

سأحاول هنا الكتابة عما بداخلي لعلي أجد بعض الهدوء والسلام

أعلم يقينا أن لا أحد يتاب��ني هنا او بمعني آخر لا أحد يهتم ولذلك تحديدا أخترت الكتابه هنا وأتمني أن أجد سكينة في قلبي بالكتابه

📌تحذير لمن قرر أن يقرأ ..لن تجد هنا كلام بليغ وحرف رشيق أو شعر مقفي ولكنها خواطر مبعثرة غير مترابطة ومشوشة احيانا ،فلنعتبرها فضفضة وستكون بالعامية وإن كان المزاج رائق ستكون بالفصحي قدر استطاعتي .

#أحبك_تمبلر

[wikipen1]

قصائد التخرج: أجمل أبيات الشعر عن التخرج

أبيات شعر قصيرة عن التخرج

شعر عن التخرج تويتر

شعر عن التخرج بالعامية

قصيدة شعر تهنئة بالنجاح والتخرج

قصائد شعر عن التخرج

[scribe4publishing]

"خربوش شاي"، ديوان شعر بالعامية المصرية، للشاعر: محمد شعير

#اقتباس “خربوش شاي”، ديوان شعر بالعامية المصرية للشاعر: محمد شعير بحب الفرح لكن عارف… السر اللي ما بيني وبيني… وقت الضحك بكون شايف… الحزن اللي في لمعة عيني… ولاقتناء نسختك من إصدارات اسكرايب راسلنا عبر رسائل الصفحة الرسمية: m.me/Scribe2019 أو عبر واتساب: wa.me/201005079256 أو هاتفيا: 201099727510+ وتجد إصدارات اسكرايب في فروع مكتبات أخبار اليوم اعرف عنها من:…

[ledestin-7]

على الله يفضل في القلب حته 💔

[musicpoetrynature]

سكات، الطّيب بوعلاّڨ

شَيءْ .. اِشْتْهِيتْ نْجَسّدُه بْكِلْمَاتْ لَكِنْ .. حينْ ڨُلْتُه مَاتْ ، دْفِنْتُه كْما لَسْرارْ وْرَاء لَسْوارْ وْرَاء لَمْرارْ وِاللَّذَّاتْ وِبْكيتْ ، بَعْدْ ضْحكتْ ، بَعْدْ نْ��يتْ ... حتى فات مِالوقتْ كلِّ الوقتْ ، حتى المْسافَة وْفاتْ ...

تْساءِلْتْ : هَالْحَياةْ .. ثمّاشْ فيها شيْ ، تَفْنَى ، وْيبقَى حيْ ؟! ڨالتْ : هُوَ اللَّاشَيْ وِاذا تْسَمَّى .. مَاتْ . ما أكْبْرِكْ .. ما أوْسْعِكْ .. ما أعْظْمِكْ .. يا سْكاتْ !

[aelrefa3y]

والله وشبت يا عبد الرُّحمان .. عجّزت يا واد .؟ مُسْرَعْ؟ ميتى وكيف؟ عاد اللي يعجّز في بلاده غير اللي يعجز ضيف.!! هلكوك النسوان؟ شفتك مرة في التلفزيون ومرة .. وروني صورتك في الجورنان قلت : كبر عبد الرحمان.!! أمال انا على كده مت بقى لي ميت حول.!! والله خايفة يا وليدي القعدة لتطول. مات الشيخ محمود وماتت فاطنة ابْ قنديل واتباع كرم ابْ غبّان وانا لسة حية.. وباين حاحيا كمان وكمان. عشت كتير. عشت لحد ماشفتك عجّزت يا عبد الرحمان. وقالولي قال خَلَّفت وانت عجوز خلَّفت يا اخوي؟؟ وبنات..!!؟ أمال كنت بتعمل إيه طيلة العمر اللي فات؟ دلوقت مافقت؟ وجايبهم دِلْوكْ تعمل بيهم إيه؟ على كلٍّ.. أهي ريحة من ريحتك ع الأرض يونسُّوا بعض. ماشي يا عبد الرحمان. أهو عشنا وطلنا منك بصة وشمة. دلوك بس ما فكرت ف يامنة وقلت: يا عمة؟؟ حبيبي انت يا عبد الرحمان والله حبيبي .. وتتحب. على قد ماسارقاك الغربة لكن ليك قلب. مش زي ولاد الكلب اللي نسيونا زمان حلوة مرتك وعويْلاتك والاّ شبهنا..؟ سميتهم إيه؟ قالولي : آية ونور. ماعارفشي تجيب لك حتة واد؟ والاّ أقولك : يعني اللي جبناهم.. نفعونا في الدنيا بإيه؟ غيرشي الانسان مغرور.!! ولسه يامنة حاتعيش وحاتلبس لمّا جايب لي قطيفة وكستور؟ كنت اديتهمني فلوس اشتري للركبه دهان. آ..با..ي ما مجلّع قوي يا عبد الرحمان. طب ده انا ليّا ستّ سنين مزروعة في ظهر الباب لم طلّوا علينا أحبة ولا أغراب. خليهم.. ينفعوا أعملهم أكفان.!! كرمش وشي فاكر يامنة وفاكر الوش؟ إوعى تصدقها الدنيا.. غش ف غش.!! إذا جاك الموت يا وليدي موت على طول. اللي اتخطفوا فضلوا أحباب صاحيين في القلب كإن ماحدش غاب. واللي ماتوا حتة حتة ونشفوا وهم حيين.. حتى سلامو عليكم مش بتعدي من بره الأعتاب أول مايجيك الموت .. افتح. أو ماينادي عليك .. إجلح. إنت الكسبان. إوعى تحسبها حساب.!! بلا واد .. بلا بت.. ده زمن يوم مايصدق .. كداب.!! سيبها لهم بالحال والمال وانفد إوعى تبص وراك. الورث تراب وحيطان الأيام طين وعيالك بيك مش بيك عايشين..!! يو…..ه يا رمان.. مشوار طولان واللي يطوِّله يوم عن يومه يا حبيبي .. حمار الدوا عاوزاه لوجيعة الركبة مش لطوالة العمر. إوعى تصدق ألوانها صفر وحمر. مش كنت جميلة يا واد؟ مش كنت وكنت وجَدَعَة تخاف مني الرجال ..؟ لكن فين شفتوني ..؟ كنتوا عيال.!! بناتي رضية ونجية ماتوا وراحوا وأنا اللي قعدت. طيِّب يا زمان..!! إ إوعى تعيش يوم واحد بعد عيالك إوعى يا عبد الرحمان. في الدنيا أوجاع وهموم أشكال والوان. الناس مابتعرفهاش. أوعرهم لو حتعيش بعد عيالك ماتموت. ساعتها بس .. حاتعرف إيه هوّه الموت.!! أول مايجي لك .. نط لسه بتحكي لهم بحرى حكاية فاطنة وحراجي القط..؟ آ.. باي ماكنت شقي وعفريت من دون كل الولدات. كنت مخالف.. برّاوي.. وكنت مخبي في عينيك السحراوي تمللي حاجات. زي الحداية .. تخوي ع الحاجة .. وتطير . من صغرك بضوافر واعرة .. ومناقير. بس ماكنتش كداب. وآديني استنيت في الدنيا لما شعرك شاب..!! قِدِم البيت. اتهدت قبله بيوت وبيوت. وأصيل هوه.. مستنيني لما أموت..!! حاتيجي العيد الجاي؟ واذا جيت حاتجيني لجاي؟ وحتشرب مع يامنة الشاي .؟ حاجي ياعمة وجيت.. لالقيت يامنة ولا البيت ..!

[karamharby]

ولو طال الهجر فينا سبيل

بحبك ليه! واذا كان القلب مختارك

انا اعمل إيه!

بحبك لو قتلني الشوق

ولو كان الحنين أوَّاب

ولو كانت كل ليله خريف

بقلبي ليك حنين غلّاب

[kaadid]

‏‎#بالعامية

شفت حزن الليالي

يشيب الروح

لو گتلچ چذب

لا ما أحبچ..!!

‎#kh

[mahmoudezzat]

قطط الكهوف

(شعر بالعامية المصرية، دار ديوان للنشر ٢٠٢١)

في المكتبات وعبر موقع مكتبات ديوان:

https://bit.ly/3DKllED

[mazzyren]

تحبين الأشعار باللغة العربية الفصحى

جدًا، ونادر مايعجبني شعر بالعامية

[bonboony]

‏ديوان الموت على الأسفلت بتاع الأبنودي كان أول كتاب شعر بالعامية اشتريته في حياتي وأنا عندي 11 سنة وكان مليان رسومات ناجي العلي بقالي اسبوع بدور عليه و اختفي و هزعل جدا لو كان حد خده و ما رجعهوش كالعادة ،، ممكن اشتري نسخة جديدة بس انا عاوزة نسختي القديمة بالهوامش العبيطة بتاعتي الي كنت كتباها جواه ..

[mamdouhzika]

"أين يقع ممدوح زيكا من الشعر العامي؟" دي جملة قريتها عند الطحان وهسألك سؤالين ليه دايما الطحان بيتكلم عنك وأين يقع ممدوح زيكا من الشعر العامي؟ 😁

ماعرفش الحقيقة أين يقع ممدوح زيكا من الشعر العامي. أتمنى بس ان اللي بيقرالي يحبني ويفتكرني سواء قرالي شعر بالعامية المصرية أو بالفصحى أو أي نوع تاني من الكتابة ويحس إني صادق معاه في اللي بكتبه. وأتمنى كتابتي تأثر في حد، أي حد، سواء دلوقت أو بعد ما أموت. ماراهنتش على حاجة قد ما راهنت على إني مش هقلد حد وهكتب من صوتي الخاص بيا بس ولو فشلت إن يبقى ليا صوت يتسمع مش هكون خسرت قد ما كنت هخسر قدام نفسي -على الأقل- لو كنت بقيت نسخة مشوهة من حاجة /حد لمجرد اني أبقى مشهور أو ناجح بمقاييس العشر سنين اللي فاتو

أما بالنسبة لسؤال ليه الطحان بيتكلم عني؟

غالبا عشان بيحبني (أتمنى يكون بيحبني) كشاعر وكصديق وأنا طبعا بحبه جدا كشاعر وكصديق رغم المسافات يعني. دي إجابتي ولو إني أظن السؤال ده المفروض يتسأل لأحمد الطحان نفسه مش ليا

[ledestin-7]

وهاتلي شكل.. غير شكلي

وهاتلي حل.. لمشاكلي

وهاتلي صديق.. مبيملش

وهاتلي حب.. برغم البعد ميقلش

وهاتلي حضن.. ف عز الخوف يطمني💟

وهاتلي حد.. يسكني.. وميسبنيش 💔✋😔