#روايات_ينصح_بها

[nissrinbaradii]

بيقولوا لما تخلص رواية وتزعل لأنك افترقت عن أبطالها بتكون هي الرواية هي من أفضل الروايات الي قرأتهن. وانا امبارح خلصت رواية ١٩٨٤ وما بحياتي حسيت بحزن بالافتراق عن بطل أد ونستون ولا التمني لو باستطاعتي وهب بطل خيالي القليل من السعادة والأمل والهدف متل ما تمنيت امبارح اني أملك القوة ولوهبه الفرح بآخر الكتاب. رواية ١٩٨٤ هي أفضل رواية قريتها لليوم؛ رواية متماسكة الأحداث للغاية وبتنقلك بكل حواسك لعالم غريب ومؤلم ومخيف بخليك مندهش ومنجذب لتقرأ أكتر وتفهم أكتر خفايا هالعالم. هالرواية بتخليك تكون انت ونستون بكل حذافيره لشدة تداخلك فيه وبأفكاره ومشا��ره.. نظرته للناس ومخاوفه وبطولاته وعناده.. كلهم بكونوا أنت وحتى وهو عم يتألم، بكون أنت. ليلتين متتاليتين حلمت بهالشخصية لشدة تأثري بآخر مية صفحة وهالشي بعمره ما حصلي، وإن دل عالشي فهو على براعة أورويل وتماسك العمل واستطاعته من مكانه أنه يخلق عالم رهيب هو ما شافه ولكن بخياله تخيله وكتبه بأسلوب ما ممكن الإنسان يخرج منه سليم اثناء القراءة. هلوسات ونستون في آخر فصول الكتاب وكما يُقال "تُدرس" لجميع الكُتّاب إضافةً أنه اللون الفضي من الكآبة والرتابة واللامعنى الي طاف في ما بعد كان ما بيحتاج أي كلمة زائدة أو ناقصة، كان عظيم وكافي ووافي ليوصل للقارئ الوضع بالحرف. رواية ١٩٨٤ تقرأ وتقرأ وتقرأ. رواية تُفهم وتمدت للمشاعر والأفكار والقلب. #نسرين_برادعي #مراجعة_كتاب ____________________________ #جورج_أورويل #1984 #١٩٤٨ #روايات #رواية #ينصح_بها #روايات_عالمية #روايات_ينصح_بها #مراجعة_كتاب📚 #مراجعة_كتب https://www.instagram.com/p/B4PJCeNI12V/?igshid=1knyxdk0x6qfn