#جوائز الفوت | Explore Tumblr posts and blogs

2109jabri-blog · 7 years ago

Text

#علاج_جميع_أنواع_الإدمان ( الفيسبوك،الأفلام الإباحية، المُخذرات ...)

من بعد ما قررت أني نبدا نكتب ليكوم آرتيكل كُل أُسبوع، نظرا لضيق الوقت. اليوما عاود زارني الإحساس ديال أني مُمكن نودع هاد الحياة فأي لحضة، و بالتالي خفت ماشي من الموت، و لكن خفت لا نفارق الحياة و أنا ما بارتاجيتش معاكوم حاجة من بين أهم الحوايج لي نعاكسات على حياتي بالخير.

#مشهد :

أحد أصدقاء فاينبرت انتاحر من بعد ما ماماه فارقات الحياة.

كولشي كان كا يتوهم أن كريم انتاحر بسبب صدمة فراق الأم، و لكن فاينبرت بوحدو لي كان عارف السبب الحقيقي الجذري العميق لي خلا كريم ينتاحر.

- كان جالس مكونيكطي فالبيت ديالو، و ماماه كا تعيط ليه، و هو كا يقوليها صبري شويا هانا جاي .. عيطات ليه المرة الثانية : كريم، و عاود جاوبها : أووف قلت ليك صبري شويا راني مشغول نسالي شي #خدمة و نجي. عيطات ليه المرة الأخيرة بالغوات و هو يتخلع و مشا لعندها كا يجري لقاها كا تلفظ أنفاسها الأخيرة، عنقها بقوة و دموعو فعينيه، ��اض يعيط للإسعاف، لكن للأسف فات الفوت.

من بعد هاد الواقعة جاني ميساج من عند كريم، قال لي :

فاينرت ماما ماتت، و أنا لي قتلتها،كانت كا تعيط ليا فاللحظة لي كانت كا تموت فيها و أنا كذبت عليها أني مشغول فاللحظة لي كنت كا نشاطي فيها مع واحد البنت (#خدمة).

فديك اللحظة هبطو ليا الدموع و تلفات ليا الهضرة باش نجاوبو و نحاول نرد ليه الأمل فالحياة، و أنا كا نكتب ليه الجواب، انقاطع الإتصال، و ديكونيكطا.

جاني إحساس أنهُ مُحتمل يدير شي حاجة فراسو من هول الصدمة و الشعور بالذنب.

خرجت مُباشرة من الدار باش ننقد الموقف و نواسيه، ما جيت فين نوصل للدار حتى لقيت كريم لاح راسو من السطح و الناس مجموعين عليه كا يقولو :

كريم انتاحر بسباب الصدمة ديال موت ماماه.

و لكن فاينبرت لي كان عارف بوحدو السر :

كريم انتاحر بسباب أنهُ انشاغل بمواقع التواصل الإجتماعي على إنقاد ماماه.

كريم انتاحر بسبب أنهُ حس براسو قتل ماماه، قتلها بالإهمال و الإنشغال بالشات.

لو أن كريم لبا النداء ديال ماماه ملي عيطات ليه أول مرة، رُبما كان غا يتاصل بالإسعاف و ينقد الموقف، ولكن الوقت ما كا يرحمش.

هادي قصة كريم، و نتمنى تستافدو منها و تاخدو العبرة، و تتداركو الوقائع قبل ما يوقعو.

ندوزو للتحليل.

#تحليل :

شنو السبب لي خلا كريم ما يتسوقش لماماه ملي كانت كا تعيط ليه ؟

#الجواب : لأنهُ كان مُدمن ديال فيسبوك. و صعاب عليه يديكونيكطا فاللحضة لي كان كا يحس فيها بالتخدير،بالمُتعة، بالنشوة ديال ميساجات الحب و الغرام لي كا تصيفطهوم ليه الحبيبة ديالو.

هاد التحليل ما درتوش باش نحاسب كريم و نلومو، و لكن درتو باش تفهمو أن كريم كا يبقا ضحية لمواقع التواصل الإجتماعي بحال جميع الضحايا، لي مُحتمل تكون منهوم نتا، و نتي، و حتى أنا.

دابا ندوزو نفهمو كيفاش مواقع التواصل الإجتماعي و المواقع الإباحية و أي حاجة أخرى كا تسبب الإدمان كا تلاعب بدماغنا ؟

أولا : علاش حنا #مُدمنين ؟

هنا كا نصح القُراء يقراو كتاب :

The Power of #Habit by Charles Duhigg

بالفرنسية :

Le Pouvoir des #habitudes

بالعربية : قُوة #العادات

هاد الكتاب غا يخليك تفهم العادات كيفاش كا يخدمو، و علاش كا يخدمو، و كيفاش دير باش تغير أي عادة كا تعاني من الإدمان ديالها، بطُرق واقعية عملية ( ماشي مثالية )

_____

نرجعو للموضوع، أي #عادة كيما بغات و تكون، كا تكون من ثلاثة ديال المراحل :

1- الدليل ( أو المُثير ) : هو لي كا يحفزك باش تمارس ديك العادة.

2- الأمر الروتيني : هو داكشي لي كا ديرو من بعد ما كا يحفزك الدليل.

3- المُكافأة : هو ديك النشوة لي كا تحس بيها من بعد ما كا تمارس العادة.

#مثال1 : عادة التدخين .

1- الدليل : ملي كا يعصبك شي واحد أو كا تشم ريحة الكارو، أو كا تشوف شي واحد كا يكمي.

2- الأمر الروتيني : شعل الكارو و كمي مع راسك.

3- المُكافأة : النشوة أو التبويقة أو التكيف مع المشاكل و الهُروب منها و نسيانها.

خليونا نديرو وقفة مع #المُكافأة ونحاولو نفهموها مزيان فهم علمي دقيق.

#مثال2 :

ملي كا تكون مكونيكطي ففيسبوك و تلوح تصويرة جديدة ديال بروفيل.

أكيد كا تبدا مرة مرة طل أو من خلال لي نوتيفيكاسيون باش تشوف شحال وصلات من جيم أو جادور.

لنفرض التصويرة ديالك وصلات لخمسميات لايك، و ميات جادور، كا تبدا تحس براسك وليتي مشهور، و لكن كيفاش ؟ و شنو العلاقة ؟

#تحليل : مُباشرة من بعد ما كا تشوف #النتيجة دماغك كا يفرز مادة كيميائية مُخذرة لي هي : #الدوبامين هاد الهُرمون كا يتسمى بهُرمون المُكافأة، أو المُتعة، هو لي كا يبوقك و يرفعك و يخليك تحس بالبليزير.

هاد الهُرمون هو لي كا يفرزو دماغك ملي كا تكون فعلاقة جنسية، أو كا تكمي كارو، أو كا تشرب الخمر، أو ملي كا تقرا ميساج صافطاتو ليك الحبيبة ديالك ...

و هادي هي #المُكافأة العميقة الجذرية لي كا تخليك ملي تاكل شي أكلة لديدة و ضرب فيها العضة الأولى، كا تحس بالنشوة و البنة و الداق ( الدوبامين كا يفرزو دماغك ) و كا تعاود تضرب العضة الثانية حتى كا تسالي ديك البيتزة أو ميلفوي أو الفريت ....

هنا كا تولي تمارس العادة، ماشي من أجل العادة، ولا من أجل الإفادة، و لكن من أجل السعادة، البليزير، المُتعة لي كا تحس بيها كنتيجة لمُمارسة داك الفعل الروتيني.

باش تزيد تفهم كتر، تخيل معايا أنك لحتي صورة ديال بروفيل، و دازت سيمانة حتى واحد ما دار ليك جيم ولا جادور. شنو النتيجة ؟

#النتيجة : غا تمسحها و تقدر تمسح فيسبوك كامل أو ديزاكتيفيه و هادشي لي طاري للأغلبية بدريعة صحابي ما كا يتفاعلوش معايا.

نرجعو لكريم :

- فاللحضة لي كانت ماماه كا تعيط عليه، كان تحت مفعول المُخذر الطبيعي ( الدوبامين) لي كا يفرزو دماغو لي ملي كا تصيفط ليه عشيرتو رسائل الحُب و تصاورها ....

#مثال3 : الأفلام الإباحية :

الطاقم التقني لتصوير الأفلام الإباحية كا يكون مجهز و مقوم لا من ناحية الماطرييل و لا من ناحية الماكياج و لا من ناحية الفيتينس، كا تلقا أجساد جذابة، و عضلات مفتولة و زيد عليها عمليات التجميل و الفوتوشوب و المونطاج، بحيث كا يخليو المُشاهد يستمتع بالمُشاهدة، و بالتالي دماغو كا يولي يفرز الدوبامين بكميات كبيرة، الشيء لي كا يخليه مُباشرة من بعد الوُصول للذروة ديال الشهوة، يقطع المُشاهدة، و من بعد دماغو كا يحس بفراغ كبير ( القطعة ) كا يعاود يلقا راسو راجع يتفرج.

الدوبامين لي كا يفرزو دماغك أثناء مُشاهدة الأفلام الإباحية أكبر بكثير من الكمية لي كا يفرزها أثناء العلاقة الجنسية، لأن الأفلام الإباحية مُصممة بتقنيات عالية، كا تخليك تقارن بين الشريك الجنسي ديالك، و الشُركاء الجنسيين الإفتراضيين فالمواقو الإباحية.

#النتيجة : إدمان العلاقات الجنسية الإفتراضية أكثر من العلاقة الواقعية بسبب أن الإفتراضية كا تخلي المُشاهد يحس بمُتعة أكبر ( كمية دوبامين كبيرة )

#النتائج : هادشي علاش كا تلقا ناس مزوجين و مازالين مُدمنين.

كا نظن دابا بلي فهمنا كيفاش العادات كا يخدمو، و لقينا الجواب الجذري المنطقي لسؤال : علاش حنا مُدمنين ؟

دابا ندوزو مُباشرة للعلاج الواقعي ( و ماشي السحري)

و مرة أُخرى إذا كنتي كا توهم أنك بهاد لارتيكل غا تقطع الإدمان ديالك فسير بعد مني راني ماشي #سحار.

باش تتعالج من الإدمان خاصك أولا تفهمو كيفاش كا يخدم، و من بعد تصبر و تطبق هادشي لي غا نقوليك و تتألم و دوق المرارة فالبداية، و لكن من بعد كُن متأكد أنك غا تولي واحد آخر.

#كيفاش_نقطع_إدمان_عادة ؟

أول #قانون : ما يمكنش ليك تمسح #عادة، و لكن يمكن ليك فقط #تبدلها ب عادة جديدة.

سو : راه ما يمكنش واحد مبلي بالتدخين، غا يحيد التدخين و ما يدير بلاصتو حتى بلية جديدة، واخا يعيا ما يطير، غا يلقا راسو قطع شهراين جوج كاين لي وصل حتى لعام و عاود رجع، لأن العادة عندها قوة كبيرة، كبر منا. بحال إذا كا تقول ليك :

- بغيتي تمسحني، إيوا عطيني #البديل .

شوف أ ولد الناس، و حتى نتي أ بنت الناس، راه إذا شدينا قرعة ديال الما، و خويناها من الما ( العادة القديمة ) راها غا تعمر بالهواء ( عادة جديدة) لأن الكون يكره #الفراغ.

و فحالة ما بغينا نخويوها من الماء بلا ما يعمرها الهواء، راه غادي تكمش باش تعمر داك الفراغ.

أو بطريقة أخرى كاينة مقولة مشهورة : " إن لم تشغل نفسك بالحق، شغلتك بالباطل "

سو أول حاجة تفكر بيها باش تقطع #البلية هي : البلية البديلة ( العادة البديلة )

و إذا بغيتي غير تقطع و صافي بلا ما تبدل، فكون على يقين أن :

#حليمة ستعُود إلى عادتها #القديمة.

القانون الثاني : إذا بغيتي تبدل عادة قديمة خاصك تحتافض بالدليل، و تحتافض بنفس نوع المُكافآة ، و لكن خاصك تغير فقط غير الأمر الروتيني.

#مثال4 : كيفاش نبدل عادة #التدخين ؟

إذا كان الدليل أو المُثير لي كا يخليك تمارس التدخين هو : #القلق أو #الضغط

فراه ما يمكنش ليك تغيرو، و لكن لي تقدر تغير هو التدخين ( الأمر الروتيني)

و إذا كانت المُكافأة ديال التدخين هي : المُتعة أو النشوة أو البليزير. فراه ما يمكنش ليك تغير هاد النتيجة، بالعكس خاصك تحتافض بيها، و لي تغير فقط هو: الأمر الروتيني ديال التدخين.

السؤال المطروح هو : شنو هي هاد العادة البديلة ديال التدخين لي غا تخليني نحس بنفس أو أكثر من المُتعة لي كا يسببها ليا التدخين ؟

#إقتراح : العادة البديلة : رياضة كمال الأجسام.

ملي تحس بالقلق ( الدليل أو المُثير ) غا تجمع حوايجك مُباشرة و دير صاكك فكتافك و تمشي لقاعة كمال الأجسام ( لاصان ) و تبرد غدايدك فالبارة و لي زالطير و لابار فيكس و الديبس ... و هنا غا تفرغ ديك الطاقة الزائ��ة و داك القلق و دوك الأعصاب و غا تخوي داك الضغط كامل. من بعد ما غا تكون ساليتي الحصة و خدمتي الصدر مزيان، غا تشوف راسك فالمراية و غا تبدا تبوزا، و غا يبان ليك أن صدرك ما بقاش كيما كان، شي حاجة تزادت ( و لو قليلة ) مع الوقت غا يبان فرق كبير.

ديك الشوفة لي كا تشوف فالمراية كا تخليك تحس بالبليزير ديال ان صحتك بدات كا تبدل، أو قريب غا تبدل، و غا تخليك تحس بمُتعة الإنجاز و الإنتصار على الكسل و الخُمول و أنك قريب غا تنتاصر على البلية ديال التدخين، هاد المشاعر كاملين غا يخليو دماغك يفرز هُرمونات المُتعة و النشاط ، بحال الدوبامين و الإندروفين و التوستوستيرون.

بهاد الطريقة غا تكون حتافضتي بنفس المُكافأة لي كا يعطيك الكارو ( الدوبامين )، و زدتي عليها جوائز جديدة ( الإندروفين،التوستوستيرون..)

من بعد أ سيدي غا تضربها ب #تدويشة و تعيش أحلى #عيشة و من بعد تلاقا مع عيشة و تقوليك صحاحيتي أ حبيبة و تشدك #التبوريشة و تحس براسك خفيف لايك #الريشة.

#مثال5 : كيفاش نبدل عادة الأفلام الإباحية ؟

نظرا لكترة الرسائل لي كا نتلقاها من الأصدقاء، استنتجت أن أكبر بلية كا يعانيها الشعب المغربي هي : الأفلام الإباحية، شوف أ #ولدي و حتى نتي أ #بنتي ، واخا تعيا ما تكدب على راسك أنك ما كا تفرجش، و تبغي تبان قدام صحابك بأن داكشي دوزتيه غير فأيام المُراهقة، غا تكدب عليهوم و يتيقوك إلا إنسان واحد ما عمرو غا يتيقك، شكون هو ؟

- هاداك لي ملي كا تنوض الصباح و كا تشوفو ف #المراية.

سو أول خُطوة للعلاج هي تعتارف بأنك كا تفرج، لراسك، ماشي للناس

ثاني خُطو تصالح مع ذاتك، و تعزم أنك ضحي بالغالي و النفيس باش تقطع هاد البلية الخبيثة.

ثالث خُطوة : تكون مستاعد أنك تلتازم بالبلية الجديدة مدى الحياة.

تا سربينا أ فاينبرت و عطينا البديل ؟

1- العلاقات الواقعية.

غا تنخارط فعلاقات واقعية مع البنات، ماشي جنسية، أنا كا نقول أنهُ خاصك يكونو عندك صديقات ( أو أصدقاء بالنسبة للبنت ) كا تعمر معاهوم و تعاود معاهوم ... بحيث أنهُم يخليوك تحس براسك كاين، و تحس بالمُتعة ديال أنك مُهم عندهوم، كا يستافدو منك، هاكدا دماغك غا يفرز الدوبامين، و غا تكون حصلتي على نفس مُكافأة الأفلام الإباحية.

#مُلاحظة : كاين لي غا يقول ليا فيكوم أنا #مُسلم #مُلتزم و بالنسبة ليا أن :

العلاقات مع البنات حرام ( أو مع الدراري ) و أصلا ما كا نسلمش على البنات.

غا نجاوبو : سواء كُنت مُتدينا أم لا فالبيولوجيا تعملُ عليك.

داكشي راه خلقو فينا الله الداخل، نزوات طبيعية، إيوا ملي ياكلك راسك قوليا ما نحكوش ؟

ملي تزير، قول ليا ما نمشيه للطواليط ؟

كون كيما بغيتي تكون، إذا كنتي مُخير بين أنك تفرج فالأفلام الخبيثة، و بين أنك تصاحب شكون لي حسن ليك فنظارك ؟ لاهوما العمش ولا العما.

ثاني جواب : تزوج و هنينا من الصداع.

غا يعاود يرد عيا : و ملين ��جيب فلوس الصداق ؟

0 notes