#تمن

[smallbutkindcouch]

امبارح وأنا قاعدة مستنية الزيارة بتاعة ماما في المستشفى، كنت فاتحة اللاب توب وبشتغل، وبعدين في لحظة جالي فلاش باك ليا وأنا صغيرة وقاعدة بحل الواجب في استراحة المستشفى قبل ميعاد الزيارة بتاع بابا.. وكإن حياتي بتتعاد تاني.. وأنا صغيرة لازم أحل الواجب وابقى شاطرة عشان محدش يقول إن تعب بابا أثر عليا.. ووأنا كبيرة لازم أشتغل عشان أجيب فلوس المستشفى.. وبردو محدش يقول إني مقصرة في شغلي بسبب ظروف شخصية.. وافتكرت مرة لما من كام سنة روحت دفنة بنت خالي ورجعت أشتغل عادي.. من صغري اتعلمت إن الحياة مبتستناش حد، ولو عايزاها تفوتني أوك، أقعد أعيط وأندب.. بس بعد كدا مزعلش من العواقب.. من صغري بحارب، امبارح وللحظة صعبت عليا نفسي عشان مش من حقي أعبر عن مشاعري بشكل كامل، عشان مفيش وقت.. ولو يوم اكتئبت أو عيطت.. هيفوتني كتير.. طبعًا دا أبعد ما يكون عن استايل الحياة الصحية، الحياة على الحافة طول الوقت دا عذاب سرمدي، لكنه العذاب اللي عارفاه ومتعودة عليه، في اوقات كنت برتاح لفكرة اني بني آدم عادي يغلط وينهار.. لكن راحتي بالفكرة دي مستمرش.. وانتهى لإن دا عكس طبيعتي.. طبيعة مش طبيعية بس تظل طبيعتي.. انا كدا ومقدرش ادفع تمن التغيير.. افتكرت اما الدكتور قالي مرة زمان إن لازم أقبل إني إنسان ليه حدود وطاقة، مش آلة.. قولتله طبعًا، أنا مش آلة، بس ممكن نصلح التروس اللي في دماغي عشان مش شغالة كويس.. الراجل اتصدم ساعتها، نفسي أشوف وشه حاليا وانا بعيد أخطاء حياتي بشكل أعنف.. طب والله هينبهر إن الآلة بقت مصنع كامل لإعادة تدوير التروما

[binhamam]

مصر بوّخت أوي ..مافيش حاجة مخلياني متمسك بالبلد دي غير أهلي..غير كده كل حاجة فيها بقت صعبة ودمها تقيل مهما كنت شاطر أو بتعمل مجهود.جيلنا دفع أحلى أيام عمره تمن لغلطات ماعملهاش ولا كان سبب فيها .. دفعها شقى وجري ورا حاجات مش هاتحصل لمجرد أنك مصري ...

[bessan-alnaser]

- تخيل نفسك جعان ومش معاك تمن الاكل

- طب تخيل نفسك مبتتكلمش

#بيسان 🇵🇸

[jaunerevee]

عاوزة اطرح عليكم معضلة اخلاقية .. دلوقتي انا ركبت تاكسي مع سواق واتضح للسواق ان فيه واحد ناسي موبايبه في التاكسي، فا السواق قال لي انه هيروح يودي له الموبايل وهو بيوصلني -السواق معاه عدة بزراير- زي ما هو وراني والموبايل اللي وقع في التاكسي ايفون ١٤ برو ماكس وسبب اني عرفت نوع وموديل الموبايل انه شبه موبايلي .. دلوقتي السواق لما وصل للمكان اللي فيه الولد طلب من الولد انه يراضيه او يديله حق المشوار( مافيش مشوار ولا حاجة طبعا الو��د كان في طريقي الريدي والزقازيق كلها اوضة وصالة) فا الولد طلع خمسين ج ادهاله والسواق اخدها متأفف ومتضايق وبيبرطم وحكالي حدوتة تانية برضه انه كان راكب معاه ست ونسيت شنطتها كان فيها ٤ ورقات كل ورقة بكية دولار و مبلغ مالي مصري وخاتم دهب .. وانه لما راح وصل الحاجة للست الست دعتله ومارضيتش تراضيه بأي حاجة في الوقت اللي هو كان ممكن يضرب على الحاجة وماحدش هيحاسبه .. دلوقتي انا بفكر في الموقف انه هل السواق له الحق انه يطلب فلوس مقابل امانته ؟ وهل ده العادي ؟ ولا هو كده بيستلوح على الناس اللي نسيوا الحاجة معاه ومش مفروض حد يطلب تمن امانته؟ وهل الناس دي معاها حق وده واجب عليه ولا هم جرابيع ولاد وسخة والمفروض كانوا يراضوه كويس عشان هو مش مجبر يرجعلهم حاجة ؟

[yooo-gehn]

المشهد والأغنية دي جوهرة مدفونة في مسلسل يحتوي على أفضل حلقة أولى في جميع مسلسلات رمضان، ولكن إيقاعه الدرامي وقع بعدها.

إيه اللي يحصل لبنت متعودة على الإساءة من كل المقربين منها، مستسلمة ليها، كل طموحها في الحياة أنها ماتتعاملش زي كيس الزبالة، طالعة من بيت بيقهرها لزوج بيعاملها معاملة الجواري، لدرجة أنك لو شوفتها في الحلقة الأولى تستغرب هي ليه ساكتة على زوج بيخليها تشتري تورتة عيد ميلادها بنفسها، بفلوس كانت هي أصلاً هديته ليها!!

لكن الكبت يولد الانفجار. كل لحظة إساءة هي تعرضت ليها كان ليها تمن غالي. المسألة مش اتق شر الحليم إذا غضب، لأنها لم تكن صبورة، كانت متوائمة تمامًا مع أنها ضحية مسكينة مهيضة الجناح. المسألة إن الغضب نوعين، الأول هو واحد تخبط فيه فيزعقلك فورا، تفريغ أول بأول لشحنة الغضب، والنوع التاني، المسكوت عنه، هو كاشير في مول زباينه بيهزقوه كل يوم، كل شهر، كل سنة، لحد ما في يوم يطلع مسدس ويضرب اللي قدامه بالنار.

المسلسل اسمه لحظة غضب، لكن المشهد ده، مع الأغنية، لحظة تطهر، فش غل، التوقف عن طأطأة الرأس ورفعها بشموخ، التوقف عن تحمل خراء البشر، والتوقف عن أن تكون مجرد رد فعل خانع. وكل دقة شاكوش، وكل حاجة تمسكها وتكسرها حتت، كانت تحرر رمزي من سجن انسحاقها أمام قاهريها. ملحوظة: البطل الأساسي في المسلسل ده مش صبا مبارك، ولا محمد شاهين، البطل الحقيقي هي دنيا وائل، اللي كتبت ولحنت وغنت الأغنية، وأغلب أغاني الموسيقى التصويرية، كنز لوحدها

[fozdoaa]

ايوه دا تمن البيچاما!!!

[imazikaty]

واحدة من أكتر الأفكار في الحياة اللي اتعلمتها بطريقة صعبة بس بعدها فهمت الحكمة، كان درس غريب، وهو إني أفهم، وأتصالح تمامًا، مع فكرة إن في ناس قدرها تتعلم الدرس بالطريقة الصعبة. ناس قدرها إن نفسها مسوحاها، ف لازم تجرب حاجات -ويمكن الحاجات دي مختلفة جدًا عن بعضها- عشان ترسى في الآخر هي عايزة ايه. في وسط السحلة دي كتير أوي بيكون اللي عايزينه أدامهم من زمان، بس من كتر جموحهم أو شراهتهم في التجربة -وساعات من عدم ثقتهم في الحياة إنها حاطالهم اللي عايزينه بالفعل أدامهم- بيخوضوا التجارب الصعبة.

في ناس عمرها ما هتعرف قيمتك غير لما لازم لازم تخسرك أو تجرب غيرك وبعدين يرجعولك. وفي ناس عمرها ما هتعرف تشوف صح من أول مرة. والخدعة هنا بقى.. إن الموضوع مش شخصي إطلاقًا ولا انت مق��ود، الموضوع في الشخصية دي نفسها. صراعها مع نفسها أضخم بكتير من مشكلته معاك، لدرجة إنه يبلعه حرفيًا.

يجربوا الأحسن أو الأوحش منك مش هي دي القصة. الموضوع كله في الرغبة في التجربة نفسها. ولما بيلف ويجيلك، فعلًا مش شرط عشان ملقاش أحسن منك، عادي جدًا يكون لقى بس محبش يكمل.

الناس دي لما بترجعلك بيبقى من الأساس مش إنهم عرفوك ومعجبتهمش، لكن إنه من سرعتهم أصلًا يمكن ميكونوش شافوك أساسًا.

بيفضل يحس إن فايته شيء، ويمكن مش بيبقى هو نفسه عارف هو عايز ايه، ف حتى لو أدامه اللي عايزه هيفضل شاكك إن في حاجة ناقصة، ف يجرب.

وسط التجربة بيخسر كتير فوق فوق ما انت -من برا- ممكن تتخيل، مهما كسبوا فيها. ولا ممكن يقدروا قيمة اللي خسره إلا بعد ما يتعلمها بالدرس الصعب أوي. وكتير النوع دا من الناس بيبقى علامة سيئة في حياة المحيطين بيه، وحقهم جدًا.

عشان كدا ربنا -أعتقد يعني- لما بيحب يحط هدية في طريق الناس دي، بيحط في طريقه نوع آخر من الناس اللي دايمًا بيكونوا عندهم استعداد يستقبلوهم بعد الرحلة الطويلة دي، بس من غير ما يحس إنه يبذل مجهود عشان يتقبل حاجات صعبة على العامة إنهم يفهموها. هو بلا مجهود بيكون متقبل ومستقبل ومرحب.

ف بيبقى واحد جاي بعد لف كتير بيختار حاجة وهو واثق إن دا خلاص اللي هو عايزه بالظبط ف بيفضل ممتن ومبسوط طول عمره، وواحد فاهم الشخصية دي واللفة دي ومطلع نفسه وقيمته برا المعركة دي لإنه عارف إنه أساسًا مكنش طرف فيها، ف قاعد جايب فشار ولا يبالي. في نفس الوقت اللي بيبقى مكتفي -بل ومشفق- على التمن اللي دفعه بالغالي هذا الشخص اللي خاض التجربة لآخرها؛ لإن والله -صدق أو لا تصدق- بيدفع تمن اللي عمله بالصعب، وبيشيل شيلته أيًا كان.

ساعات والله بيبقى بعض الناس عقابها هو نفسها، وكفاية جدًا عليه دا. في نفس الوقت اللي بيبقى متصالح فيها مع إن تمام.. الحياة ليها طرقها الخاصة الغريبة المعقدة جدًا عشان نوصل لحاجة ننتمي ليها.

[1dondon]

حاسه إن حياتي خلاص كده وصلت لآخرها ، والتعاسة استقرت جوا قلبي ، وكل حاجة خلصت .. دفعت عمري تمن حاجات ماليش أي ذنب فيها! بس دفعته. ..

٢٤ يوليو ٢٠٢٤

[imbashayer]

شمس القايلة، ولا شجرةٍ تمن بظلّها

[marwa-el-zeiny]

مفيش حد ف الدنيا كلهاااا من أب لام لاخوات لأصحاب لأجواز لعيالنا ننفع نبقي ادامهم كتاب مفتوح ١٠٠% او تقولي كل ما يخطر ف بالك من غير ما يعدي ع فلتر وتحسبي توابعه تصدقي دي بقي 😃،واللي يقول غير كدا اعرفي انه اكتر من تلات اربع علاقاته مع اللي حواليه بايظه

ممكن تستفيضى اكتر فى النقطة دى

صباحك فل

يعني الإنسان سر نفسه وبس مفيش استثناءات اطلاقا

ربنا أنعم عليا بعيلتي الكبيرة بابايا ومامتي واخواتي وعيلتي الصغيرة جوزي وولادي وصحاب من اعدادي وصحاب مرحله ومواقف بجد الحمد لله انا محظوظه بالناس اللي حواليا ... عارفه اني ف الاخر مملكش منهم حاجه وهما شرحه ميملكوش فيا حاجه انا لواحدي

مفيش حب مش مشروط الحب والاهتمام وكل الحاجات المعنويه اللي بنقدر نعيش بيها احنا راضيين لازم لهم تمن ولازم تمن كبير ع قدر قيمتهم ف حياتنا ، رقم واحد ف الفاتورة اللي هدفع تمنها دي اني مش هبقي كتاب مفتوح لحد مش هقول كل حاجه تخطر ف بالي مش هعمل كل حاجه عايزاها واعتمد ان اللي قصادي فاهمني وهيقدر لانه جس واات دا مبيحصلش😂 اول مرة بتزعل م الشخص تاني مرة بتزعل من نفسك التالته بتحس انك مش لازمك حد وانك مكتفي بنفسك فتبعد فتلاقيك بتخسر ناسك بس بتلاقي انه مينفعش دي رحله ولازم ننبسط يامحي فأدامك ساعتها ياتعيش دايما مش راضي ودايما بتدور ع الإنسان اللي هيقبل منك اي حاجه وكل حاجه ودا طبعا مش هنلاقي ه فتبقي ناقم ومش هيتبقي حد حواليك الا بوزك وغضبك يا هتعيش خفيف انا موجودة وانتو كمان موجودين خفاف بندعم بعض بننبسط سوا بنعيط لبعض بس كله بحدود كله من غير ما تكشف نفسك ١٠٠% او ترمي حملك ع اللي قصادك بشكل كامل

من رحمة ربنا بالبشر وحكمته انه مخلاش اللي ف القلوب يتكشف ولا نعرف النوايا يقوم الإنسان بذكاءه يعري نفسه للي قصاده 😃والحدوته دي انا جربتها كتير زمان وكانت دايما بتبقي نهايتها لحن يقهر مش حزين بس😃

[marmarika-world]

مساء الخير على اللي واخدين على وشهم من الدنيا وعلى اللي بيدفعوا تمن غباء ناس تانية..... مساء الفل على كل ضحايا الأنانيين والأوساخ واللى معندهمش دم

[ebrahimx]

من الطبيعي أنك تنسى المعلومات اللي قرأتها في كتاب، من الطبيعي جدا، أساسًا مش ده الهدف من القراءة، الهدف هوا إدراك المعنى اللي عاوز الكاتب يقوله، والمعنى ده بيتشرب زي كوباية المية الساقعة في يوم حر كده، بيتفهم أقصد وبعد كده بتدمج المعنى ده في أفكارك، فلو بتتكلم عن الكون مثلا، الفكرة مش أنك تحفظ أسماء النجوم والمسافات بينك وبين المجرات، ولكن أنك تدرك عن مدى اتساع هذه الحديقة الكونية البديعة مقارنة بكوكبك الصغير .. وهكذا.

أما عن حفظ المعلومات والأسماء والتواريخ فده بيحصل، بس كمحصلة لقراءات متتالية في نفس الموضوع، بحيث يبقى اسم أو اصطلاح زي "نصف قطر شوارتزشيلد" أو "حد شاندراسيخار" أو "الوضعية المنطقية" أو "التجريبية الجديدة" طبيعي وبيجري على لسانك بعد ما تشوفه أكتر من مرة وفي اكتر من موضوع ومكان أو وأنت بتتناقش مع حد، دخولك لقراءات أكتر في نفس الموضوع بتخلي التذكر أمر بديهي.

فمتقلقش من الناحية دي، الهدف الرئيسي هو إدراك المعنى اللي الكاتب عاوز يقوله، أو فهم الية عمل الشيء اللي بتقرا عنه، كان نجم ملقى به في باطن الكون، أو دماغ فيلسوف ممتع، أو فقط السبب الغريب اللي خللى التيوليب يعمل فقاعة اقتصادية من كم قرن بحيث كان تمن الزهرة الواحدة يساوي تمن منزل كامل! محاولة الحفظ هنا أو التذكر هتعطل العملية دي .. اهدأ واقرأ.

#اعادة_نشر

[binhamam]

‏بدفع تمن كل حاجه بهدوء مع نفسي

علشان محدش ضربني ع إيدي

[quotesart]

حاسب ترخَّص ف المحبة

دي ليها تمن وحساب

خلّي نفسك عزيزة

ولا تفتحش قلبك كتاب

وقفِّل بيبان مشاعرك

ومتستناش من غايب جواب

وقسّي قلبك سكوت

وادفن في جوفك صوت ال��تاب

- محمد سعد دانيال

[doriaan-gray]

مفيش حاجة بناخدها في الحياة دي مالهاش تمن، ومهما طال الأجل من غير ما تدفع، هاتدفع. والمغفل الوحيد هو اللي فاكر أنه استغفل الحياة! فقبل ما تتلهي في غنايمك من الدنيا، بل قبل ما تغتنم أصلا.. فكر معاك إيه تقدمه؟

[yooo-gehn]

ليه فيه ناس بتشقى وتتعب وتشتغل كتير أوي وتكسب فتات الفلوس، وناس بتشتغل قليل وتكسب دهب؟ الإجابة المتعارف عليها إن ربنا هو اللي بيقسّم الأرزاق وأنه له حكمة لا ندركها في تقسيمه. تخيل نفسك أب وابنك بيسألك ��نت ليه بتقبض قليل أوي ر��م أنك بتشتغل طول الوقت، أسهل حاجة في الدنيا أنك تُحيل الإجابة لحكمة ربانية أكبر من إدراك ابنك، وتبقى أنت كده تمام ومش مضطر تواجه نفسك بحقايق مزعجة ومربكة.

أصلك هاتقول لابنك إيه؟ العالم مكان ظالم وقاسي والبشر جشعين ومتخبطين؟ هاتقول لابنك إن 1% من 8 مليار عايشين على الكوكب بيستحوذوا على نصف موارد الأرض؟ أصلاً هاتعرف معلومة زي دي وتدوّر عليها بتفكيرك الاتكالي اللي بيريح دماغه ويسد الفراغات المربكة بالحِكِم الدينية العظمى؟

هاتقول لابنك إن حظه أنه اتولد في أسرة فقيرة؟ هاتقول لابنك إن النظام الاقتصادي السائد يحتم إن الفقير يفضل فقير والغني يزداد غنى؟ هاتقوله إن الفلوس بتجيب فلوس لكن الفقر مش بيجيب غير الذل والاحتياج؟

هاتقول لابنك أنك كنت أناني لما خلّفته عشان عايزه معاك يسندك ويملى عليك الدنيا، وأنت عارف أنك جايبه يتلطش معاك فيها؟

هاتقول لابنك إن السوق بيفرض شروطه، ولو صادف أنك قدرت تكوّن شبكة علاقات، وكان عندك موهبة ودراسة في المجالات اللي بتجيب فلوس وتفتح فرص في الزمن ده بالذات، وكان عندك واسطة كويسة تزقك، وكنت اتولدت في أسرة عندها الحد الأدنى من الثروة، فأنت هاتقدر عاجلاً أم آجلا تشتغل قليل وتقبض كتير، أو حتى تشتغل كتير لكن تقبض 50 ضعف قبض واحد تاني بيشتغل 20 ساعة في الفاعل؟

هاتقوله أصل لو أنت بتعمل حاجة أي حد يقدر يعملها بدالك يبقى هاتقبض قليل، لكن لو عندك مهارة مش سهل تلاقيها عند كل الناس فأنت بتقبض تمن تعبك فيها؟ طيب لو نص الجملة اللي فاتت حقيقي فعلا، ليه اللي بيشيل رمل وطوب وزلط ينام جنب الصراصير ولو جاله مرض أو خبطته عربية أو الدنيا جت عليه مايلاقيش تمن الدوا؟ ليه اللي بياخد قرارات إقتصادية تأثر على كل فرد في البلد بياخدها بمزاجه وعلى هواه وبدون ما حد يجرؤ يحاسبه؟ ليه أنت وابنك تعانوا عشان أفكار مريضة في ذهن شخص واحد عنده سلطة مطلقة عليكوا كلكوا؟ إزاي شخص زيه أصلا قدر يتربع على عرش النظام السياسي إلا لو كان هو فعلاً نتاج مجتمعه وشبهه؟

هاتقول لابنك أننا عايشين في زمن الناس كلها، كلها، متفقة اتفاق ضمني على إن فيه أنواع معينة من النصب تعتبر شطارة وذكاء في أنك تطلع فلوس من جيب الزبون؟ لما يقولك يا بابا أنا نفسي أصيف في الساحل، وأجيب أيفون، ونشتري عربية، ونعيش في مكان نضيف، وأنت موظف كحيان مستواك المعيشي نزل 10 طبقات في آخر 10 سنين، هاتقول عليه مش حاسس بيك، طماع، مش راضي باللي ربنا قسمهوله. صح؟

لأ، أولاً الفرق بين مرتبات الناس مبنية على أنظمة إقتصادية وسياسية فاسدة ابتدعها البشر، وممكن تتغير حتى لو بطلوع الروح وبمرور أجيال. وثانيًا، أنت اللي جيبت ابنك للدنيا، ولو فتّح عينيه فيها لقى نفسه في قعر الحفرة وبيتفرج على ناس عايشة حياتها بطريقة مايقدرش يحلم بيها، فعيب أوي تستخدم الدين كبش فدا لنفسك. وعيب تعوده يعمل زيك وزي كل الناس، وتستغل قداسة الدين في أنك تقفل عليه سكة التفكير من أولها، وفي الآخر يطلع واحد منكوا رئيس جمهورية بيقول للناس هما قالولي المصريين هايعانوا، قولتلهم ماشي يعانوا، بس نبقى بلد.

المرة الجاية اللي ماتلاقيش في جيبك تمن عشا عيالك، ابقى قولهم معلش يا عيال هاننام خُفاف الليلة عشان نبقى بلد. ولو سألوك يعني إيه؟ مش هاينفع تقولهم دي فكرة النظام ورئيس الجمهورية عن البلد اللي تغرق في الديون وتدبح ناسها عادي عشان أفكار مجردة في ذهنه عن شكل البلاد المحترمة.

أفكار مجردة كلكوا كسلتوا تفكروا فيها من الأول خالص وقولتوا أنها حكمة ربنا.