#تخليه

[shrrou]

هند صبري ف فيلم الجزيره اتقالتلها جمله عظيمة مش بتغيب عن بالي :

" مبيحبكيش ولا عمره حبك، كام مره كان ممكن يختار بينك وبين حاجات تانيه ومختاركيش " .

الواحد لو هيتمنى حاجة يتمنى ناس عمرها ما تخليه في خانات الاختيار اصلاً عمرها ما تحطك ضمن " اختيارات يا جت يا مجتش " ناس عمرها ما هتخليك مستني وانت خايف ومرعوب ياعالم هيختاروك أنت ولا الحاجات التانية يكونوا عارفين قيمتك بجد ويفضلوا دايما محسسينك إنك أهم حاجة عندهم وأول اختيارهم في كل حاجة وليك دايما الاولوية.

[fozdoaa]

مفيش حاجه تتحط علي المرتب تخليه ينفش 🤔

[joe-4-u]

مؤخراً بقيت اسايس نفسي علشان منهارش ، بتعامل مع عقلي على أنه عيل صغير وواخده على قد عقله وبفضل اقنعه بكل حاجة ممكن تخليه يتماسك ويكمل عشان مفيش حل تاني .

[yooo-gehn]

كان دايمًا ملازمني سؤال إن ليه كافكا بجلالة قدره، كانت آخر رغباته على فراش الموت، وآخر طلب يطلبه من صديقه الصدوق، أنه يحرق جميع كتاباته وكأنها لم تكن؟ ليه كاتب بحجم كافكا، بثراءه الفكري والأدبي والإنساني، يتمنى اندثار أثره الأهم الباقي من بعده؟ إزاي آخر رغبة لكاتب أفنى حياته في الكتابة، تكون أنه يولع في كل اللي كتبه؟

على فراش الموت الدنيا بما فيها تهون وتتضاءل في عين المحتضر، الموت هو نهاية العالم بالنسبة للميت، وعشان كده أفكاره دايمًا مثيرة للتأمل، فما بالك لو كان الشخص ده هو فرانز كافكا؟

في فترة من الفترات كنت برجّح أنه عند نقطة ما فقد التمييز بين الحقيقة والأكاذيب في كتاباته، الكتابة الأدبية يلزمها أحيانا تقمص حالات شعورية تبالغ وتهوِّل العادي، وتجمِّل القبيح، وتحوِّل المشكلة اليومية إلى مأساة إغريقية، وربما شعر في النهاية أنه مش لازم يكون ده هو ما تبقى منه.

لكن الفكرة دي كانت عبيطة، وبتحكم على الأدب بمقياس الحقيقة في الوصف مش في المعنى، وبقيت بفكر إن رغبة كافكا دي كانت الانتصار الأخير لنزعته ��لسوداوية، اللي وصلت ذروتها وقت احتضاره. ممكن يكون شعر بإن كل هذه الآلام الكامنة في كتاباته، كانت طريقته في التعامل مع ألمه الشخصي في حياته، كانت نوع من التطهر منها والتأقلم معاها، ومواساة نفسه بممارسة ما يجيده، ولكنها لا تصلح للعرض للآخرين.

ممكن يكون وصل في الآخر لنتيجة إن كل كتاباته مالهاش لازمة، وإن ضررها أكثر من نفعها. يمكن يكون حس إن الطرق السائدة اللي الناس بتفكر بيها وتعيش عليها، بكل عيوبها ومأساويتها، وكل ما تكبّده في حياته منها، كانت انعكاس لحدود قدرات أغلب البشر، وإن الأقلية من الأدباء أو الحالمين أو غير المنتمين، هم دائما على هامش المجتمع، أشبه بالخيال العلمي اللي بيستخدم نظريات علمية في الوقت الحاضر، ويتخيل إزاي ممكن تتطبق في المستقبل. أحيانا الخيال العلمي يصبح واقعا، وأحيانا حتى بيلهم الواقع، ولكن هل بيرشده؟ هل بيأثر عليه؟

مش يمكن دي كانت الخواطر الأخيرة في ذهن كافكا؟ إيه الفايدة؟ ليه أنشر كتابات إنسان معذب وسوداوي، عشان يقراها شخص ما وتنكد عليه عيشته؟ أو تخليه يحس أنه لا بأس بالخروج عن الإجماع، ولا بأس بالشطط عن المجتمع، ولا بأس بالشعور بعدم الانتماء، مادام شخص ما لم يقابله أبدا ذاق نفس المُر

هل ده اللي دار في ذهن كل المنتحرين؟ لو نحينا جانبا المصابين بالاكتئاب الحاد، هل المنتحرين تيقنوا من أنهم مش قادرين يندمجوا في سلام مع مجتمعهم؟ أنهم مش قادرين يعيشوا حياة فيها الحد الأدنى من الرضا، بدون ما يحسوا أنهم طول الوقت مُستنزَفين، زي ما قالت فيرجينيا وولف مرة، الحياة تتطلب مني مجهودا لا أملكه، وفي النهاية انتحرت بالفعل. هل كل المنتحرين حاسين باستحالة تغيير الأوضاع الخانقة؟ وباليأس التام من تغيير كل شيء منغص عليهم حياتهم، ويبدو أن الآخرين لا يمانعوا وجوده، ومتعايشين معاه عادي؟

إن الإنسان في النهاية محكوم بطبيعته، بغرايزه، ببيولوجيته، مهما حاول يتحرر منهم، زي الجنّي في القمقم، والمنطق والأدب والفن، ممكن في الآخر يبقوا عاملين زي الشنطة، أقدر أحط فيها اللي أنا عايزه بس، المنطق يقدر يثبت الفكرة وعكسها، ومادمت عايز أصدق حاجة هاصدقها، مهما كانت غلط، وحتى لو مذاكر كل أنواع المغالطات المنطقية، الاحتياج النفسي أكثر قدرة ألف مرة من المنطق على الإقناع. والأدب والفن بيتشكلوا بذهنية ووجدان الفنان، سواء أثنا�� إبداعهم أو تلقيهم، وفي الآخر، لِم كل هذا العناء إذا كانت الحياة بأسرها بهذه الوضاعة والمحدودية؟ وهذا الشقاء والبؤس الذي لا مهرب منه؟

طيب على إيه كل ده؟ ليه ممكن الواحد يفكر ويكتب ويتأمل، ويبقى مفتَّح وسط عميان؟ ومهما وصفت لهم اللي أنت شايفه بعينك، مش هايصدقوك، هايقولوا عليك مجنون بتوصف حاجات عمرهم ما شافوها، عمرهم ما استوعبوها، لأن العالم في ذهن العميان، واللي اتشكل في وجدانهم من صغرهم لحد دلوقتي، مختلف تماما عن عالم واحد مبصر، العالم بالنسبة لهم ظلام دامس، وكل ما يخالف ذلك يهدد سلامهم النفسي واستقرارهم الفكري.

وطبعًا كل ده ممكن يؤدي في الآخر لفخ تقمص دور المنقذ أو النبي، في حين إن المبصر مش بالضرورة يكون حاسس أنه أفضل من الأعمى، ممكن يكون الأعمى عنده خصال أو تصرفات أو طباع أحسن منه، ولكنه فقط لايزال رافض قبول رؤية شاملة أفضل للحياة، بتأثر على كل شيء فيها، وبتأثر على صاحبها.

وفي النهاية لا أملك إلا التفكير في حاجتين. الأولى هي رأي عالِم بيولوجيا بيدرِّس في جامعة ستانفورد بقاله عشرات السنين، وهو بيقول إن الناس بيولوجيًا منهم اللي تِعرض عليه فكرة مختلفة عن كل ما يعرفه، فيشعر بالفضول والإثارة ويندفع إلى المزيد من الاستكشاف، ومنهم من يشعر بالنفور والتشنج والرفض التام لها. ولو كانت هذه طبائع البشر فلا مفر من التعايش مع المختلفين عن بعضهم، صح؟ نفس عالم الأحياء يقول إن هرمون الأوكسيتوسن اللي بيقربنا عاطفيًا من الناس اللي بنحبهم، وبيفرزه جسمنا أثناء احتضانهم أو ممارسة الحب معهم، هو نفسه المسؤول عن أننا نكره الناس اللي مش بنعتبرهم من جماعتنا! يعني بيولوجيتنا بتدفعنا نبقى ملايكة مع اللي تبعنا وشياطين مع اللي مش تبعنا!

والحاجة التانية كانت إن الحياة لا تعبأ بكل ذلك. الحياة تمضي والعرض يستمر. ماثيو بيري، أحد أحب الناس لقلبي، قال إن أهم جملة علقت معاه في رحلة تعافيه من الإدمان، كانت إن "الواقع مذاق مكتسب"، أو بالبلدي الواقع أكلة بتتحطلنا كل يوم على السفرة، وإحنا اللي بنعوِّد نفسنا على طعمها. وما يحدث في أذهاننا، وما يحدث في الواقع، مش دايمًا نفس الشيء. العالم هو ما يحدث بداخلنا طالما يضيق بنا، والعالم هو ما يحدث خارجنا طالما لن نُلم به أبدًا، لأن في آخر الحكاية، صديق كافكا قرر إن كتاباته أثمن من أن تُحرَق، وساهم في جمعها ونشرها بنفسه.

[ehab-abd-ziz]

لين الطبع في الإنسان، قوة ..

فالإنسان اللي يختار بكامل إرادته إنه يكون لين الطباع، ده إنسان عظيم

مفيش إنسان مش قادر على الإيذاء على الأقل بلسانه، فالإنسان اللي اختار إن يكون كلامه لا يسبب أي ألم أو جرح لغيره، ده إنسان عظيم

الإنسان بيرتقي حقيقي كل ما يختار الطريق الصعب اللي بيتنازل فيه عن بعض الصفات اللي ممكن تخليه أفضل حظاً، مقابل إنه

يحافظ على إنسانيته

د.ياسر الحزيمي

[sara-ahmed-94]

أنا شخص كتوم جدا لايملك الثقة والأريحية اللي تخليه يفتح قلبه لحد ويبقي تلقائي معاه

وكل مرة بحاول اعمل فيها دا ويُقابل بسوء فهم او سوء معاملة بزعل اوي من نفسي مش من الشخص اللي حاولت اكون ع طبيعتي معاه

بحس انه ليه عملت كدا ؟ ليه اتكلمت ؟

وحديثي لنفسي بيكون

✨خلصي مشاكلك وناقشي أفكارك لوحدك زي ما متعودة ✨

[tafasillyasminaa]

انا بشوف النجاح هو ان كل واحد يعمل الحاجة اللي

تخليه مبسوط ،

مش تخلي الناس مبسوطة بيه ..

# صباحكم ياسمين 🌸💮🏵

[imazikaty]

عايز أقول بس أن اللي اتعود على العلاقات المريضة مبيعرفش يستقبل العلاقة السوية بمرونة، ودايمًا بيكون عنده حالة إرتياب وشعور بالمؤامرة، فـ لو انت الطرف اللي داخل حياة الشخص ده ياريت تكون عارف كويس جدًا أنك مش دكتور، وأنك مش مطالب تعالج حد عشان يقدر يكون صالح للدخول في علاقة سوية من جديد.. لأن مش من السهل خالص أنك ترجّع لحد الشعور بـ الاستقرار النفسي والأمان والراحة وكل حاجة تخليه عارف يتحكم في مشاعره وقادر يديك حاجات زي ما هو طول الوقت بياخد منك، فـ ياريت متسمحلوش يكون هو الطماطماية البايظة اللي اتحطط في قفص أنت موجود فيه وفجأة تلاقي نفسك خارج من علاقة مريضة ومش عارف تستقبل اي علاقة سوية بعد كده بمرونة، ويسيطر عليك حالة إرتياب وشعور دائم بالمؤامرة، ودايرة وبتدور، ويا عالم مين جاي بعدك مكانك، ومين عليه الدور..

[es-r-aa7]

طاقة الشر اللي ممكن تكون عند بني ادم تخليه يعمل سحر او عمل لشخص غيره ( او مجموعة اشخاص ) عمري م فهمتها حقيقي

بس ف كل مرة بتعرض لحاجة زي دي - وانا عندي صولات وجولات - بحمد ربنا مليون مرة انه بيذكرني بالاذكار حتى لو كنت بتكاسل

مفيش مرة أكون متكاسلة عن اذكاري و اغصب نفسي اقولها غير وبعدها على طول يتبين ليا ان كان معمولي انا او اسرتي او عيلتي الكبيرة حاجة وحشة ومحطوطة ف مكان تجمعنا او مكان كلنا هنعدي عليه واحنا بنتجمع وربنا يسلم من شرور الانسان ونفسه الخبيثة

بجد بجد انا وباقي افراد العيلة تعبنا ف اننا نحاول نتغلب على كل دا عشان نفضل دايما مع بعض ومنتفرقش .. وبرغم كل اللي بيحصل بس بجد الانسان تعب مش شرور انفس الناس.

متنسوش اذكاركم مهما حصل .. مهما كنتم متكاسلين .. ربنا الحافظ وما هي الا وسيلة واحنا بناخذ بالاسباب.

[fozdoaa]

معتقدش فيه شيء ممكن تقدمه لإنسان قريب منك أجمل من إنك تجعله في مأمن وهو بيتكلم معاك، تخليه مطمن إنه يقدر يتكلم ويحكي بطبيعته، من غير ما يضطر يصطنع شيء مش فيه، من غير ما يخاف إنه يتعاقب أو يتجرح، لأنه- يومًا ما- آمنلك وهو بيتكلم.. إنك تبقى على راحتك، بشخصيتك الحقيقية، بكل مميزاتك وعيوبك، بنواقصك قبل أي شيء تاني، مفيش شيء بيطمن ويريح القلب أكتر من كده.

[mitsu-9]

ليه تحكم على حد خايف بالكسل؟!!

ف تخليه يقعد يبررلك ويحس بعدم الثقة والعجز مع الخوف .

[dary-98-d99]

قاعده في مكان عام وجنبي واحده معاها طفلها وهوا مصمم يمشي، وعشان تخليه يسكت قالتله لو طلعت هتيجي ست تخطفك!! .. لحد امتى يا جماعه هنقول قبل م تتنيلوا تخلفوا اتثقفوا شوية بارك الله فيكم .. هيا الثقافة صعبه أوي كده؟!!

[white-tulip323]

الواحد بسبب كِلمة حُلوة يمكن يصدق أنو الحياة حلوة فعلا .. و بسبب لحظة حلوة مع شخص بيحبو ممكن ينسى أديه في مشاكل علقان فيها.. وبفضل كلمة تشجيع وحدة يمكن تخليه أقوى حدا و من نصيحة ممكن أنو يغير مسارحياتو كلو .. و من نظرة تقدير تخليه يوثق بحالو من جديد،،،،، لا تبخلو بالكلمة الحلوة أو من تشجيع أو نظرةتقدير حتى لو سؤال عن الحال...... 🤍♡

[marmarika-world]

أكبر هدية ممكن تقدمها لحد بتحبه: إنك عمرك ما تخليه يشك في أمانه النفسي معاك!!!

[yournotfavv]

كوباية قهوه قادره تخليه صباح الخير

[twilightsworldsblog]

لين الطبع في الإنسان، قوة؛ فالإنسان اللي يختار بكامل إرادته إنه يكون ليّن الطباع، إنسان عظيم

مفيش إنسان غير قادر على الإيذاء على الأقل بلسانه، فالإنسان اللي اختار إن يكون كلامه لا يسبب أي ألم أو جرح لغيره، إنسان عظيم

الإنسان يرتقي كل ما يختار الطريق الصعب اللي بيتنازل فيه عن بعض الصفات اللي ممكن تخليه أفضل حظًا أو تخليه يهزم الطرف الآخر، مقابل إنه يحافظ على إنسانيته.